ilovedining's Profile

朋友又一次跟foodie搵食，再一次中伏成日笑電視節目主持話「雞有雞味」，依餐後，唔敢取笑依句話。基本要求有雞味都無。點了炸子雞同芝麻雞炸子雞：一上枱朋友就嘩，知皮望落好脆。其實，一望隻炸子雞已經唔合格~~~無色。所謂無色當然唔係白雪雪，係勁淡色，無一層炸的光。芝麻雞：食食下苦的兩款雞都係靠芝麻醬提味，懷舊，未試過要點芝麻醬，最多畀醬油點雞爵士湯：甜就一定，落超多蜜瓜，除了甜，沒其他味。湯係唔係好多料？唔係，例湯咁的水平，用雞腳，上等豬肉，咁就收$3xx/4人份。唔算好貴，但我唔會推薦畀朋友…Read More

成餐飯都食得不愉快同辛苦環境：裝修偏向高級有格調韓食路線，可惜用餐環境立即令餐廳降格餐廳好細間同迫，食客放袋或其他隨身物品，不是攬住就是放地下，或將所有物品放背後。因為餐環境太窄，full house情況下，坐走廊位的我跟朋友，將背囊放係背後已經得返一半位可以坐，侍應仲不停要求我坐堆d坐埋d,我有一定厚度，成晚個身前面就係貼住張枱加坐直個人；朋友就成晚要攬住個背囊。對面兩位朋友將手袋同其他隨身物品差d疊到上頭咁高。未睇menu已經要考驗層層疊同縮骨功力。走廊太窄，成餐飯侍應經過我後面，9成都會踢到我張椅腳，天呀，咁的環境我真係無心機享受食物。我只記得炸雞，炸粉係出色，可惜性價比真係低。$98/4件，每件的大細係一個男子的口，一啖可以放落口；炸雞的肉大約單骨雞翼的大細。…Read More

今日第一次幫襯依間冰室，唔駛排隊就有位。好多侍應記性好，唔需要用紙筆記低又唔會落錯單，幫我落單阿叔聽左一次，confirm左一次，再睇餐牌一次我要T1下午茶餐，我亦無見佢寫低我叫咩，最後黎錯左，我都有責任無check單，如果我check下就可以更改我叫左杯凍檸茶走甜，水吧係走左甜，但都走埋茶味，我見到一杯檸檬茶係茶色，但飲落去無茶味，依間冰室的茶葉係唔係沖到無晒味？冰室來說，依間沖的檸檬茶係我飲過其中一間最難飲總結：唔會有下次…Read More

究竟愛文生出名係邊？點解咁多人排隊同讚好？百思不得其解去大排檔食飯追求的是鑊氣，除左兩個用煲上的餸，無一樣上枱時係熱，味道偏咸，食材亦唔新鮮薯仔牛柳粒，可能牛柳粒太細粒顯得薯仔大粒，薯仔超多超大件，明顯薯仔是旦炒熟就算左，牛柳粒就乾同唔滑，上枱我以為叫左炒薯仔黃金蝦味道中等，夠蛋黃味但唔夠香，可惜蝦肉係霉砂鍋魚頭煲充滿肥肉同豆腐，我地一度以為係豆腐火腩煲，KO一部份肥肉同豆腐，終於見到主角~~魚頭。係有炸過，但放底太耐而淋晒，食到係一層層淋左的炸粉同普通不過的魚頭無鑊氣加食材唔新鮮係大排檔死罪不可一，不可再…Read More

食物：車仔麵無豬皮，豬腸，牛腩畀食客選擇，可能係新派車仔麵，對住電話餐牌真係選擇唔落，另外車仔麵跟餐係豆漿。excuse me,車仔麵配豆漿都幾新穎，轉熱飲要加$9，最後求其選擇常餐常餐叫左豬扒一丁，跟太陽蛋，多士，火腿，多士同太陽蛋有d驚喜餐廳格局：電話落單就預咗自助，但有嘢問想搵個人都難，阿姐唔係快如風咁行，就聚係收銀廚房個邊，收銀廚房係轉左個彎，所以唔會有阿姐見到你。今日食過就算，無下次…Read More

前菜無限量添加，主要食蠔同蝦，蠔係新鮮而配的醬汁係好特別，尤其檸檬汁有少少冰塊。可惜蝦比較實同唔太鮮味。其他前菜可以不提，因味道真的在水準以下主菜Dirty rice調味欠款，賣相亦醜加$200要個Ribeye，但Medium變了medium well薯條比快餐店要差，又幼又唔脆如果最後每人有杯咖啡/茶就好啦…Read More

好想試好耐，但之前只有外賣，終於等到佢開鋪可以即時試Pho疫情關係，當日只有我同另一枱客，兩格客加起兩個人。希望好食的餐廳可以捱過講返食物，點左生牛肉湯粉，荔枝梳打無提供金邊粉，可以揀檬粉或河粉，我要左檬粉生牛肉湯檬上枱，湯面在少許油就一定，但個湯可以形容為清，唔油膩立即飲一啖，佢的味同眼見的平平無奇係相反，濃味，充滿肉味，但唔咸，好多越南河食完好想飲凍飲，依碗湯係唔會令我好想飲水或凍飲，令我可以繼續飲依碗湯芽菜對我黎講都係主角，依度的芽菜係新鮮同粗身粉係滑身同有dd彈，每一啖連湯一齊食係一流牛肉相對失色，上枱時已經熟左，未去到鞋，但上枱是一嚿嚿，要整散佢，肉味就差dd綜合來說我都會推薦同再幫襯…Read More

南角是一間五金舖 「怡順榮」活化而成的Cafe，保留了牌匾、鐵窗花，好有復古味。朋友睇左一篇關於佢的介紹，話一定要去。今日點左忌廉腐乳醬北海道帶子闊條麵，創意十足，味道欠缺聞係好有腐乳味，可惜腐乳鎖唔到係闊條麵上，只係食緊聞落去有腐乳味的普通闊條麵。另外上枱時已經係暖，我估1.放太耐先送餐 2.整好放一邊等燒好帶子先送餐帶子都係一個敗筆的地方，應該係拎火槍燒兩燒或用鑊慶兩慶，但咁樣上幾隻帶子，熱唔係全熱，香又唔係香，只可以話帶子係新鮮。而係碟忌廉腐乳醬北海道帶子闊條麵上，帶子同闊條麵係無連繫。…Read More

壽司飯 : 有色無味，以為有色等於壽司飯已經調好味，但味覺話我想得太多啦。另外，壽司飯一夾即散，佢一散我就好失望，你壽司咁的價位，點解可以連基本壽司飯都做得咁差壽司豉油/Wasabi : 高質壽司應該連wasabi都要照顧到，外賣畀包裝同壽司盒有d wasabi,包裝得辣味，壽司盒個堆wasabi連辣味都無豉油有兩種，一種係盒裝，一種係包裝，我唔太明白點解要咁畀，我地無一個試晒兩款豉油味，但可否豉油同wasabi都一致d可能係外賣啦，唔係即食會差d掛又或者朋友講到勁好食，我期望太過高啦…Read More

Mother’s Day was the first time I tried the cake from this shop. I bought their signature Berries Charlotte cake. I was attracted by the description on their website. "Fresh berries based on a unique crumbly base" as I love berries so much. The cake was fresh made with crunchy base and fresh fruits. The base is crunchy but not hard; the cream is special and not greasy.Customer service is nice, they answered my questions thru Whatsapp in a very short period of time and resolved the techincal issue immediately.Today is my friend's birthday, I ate Merveilleux, you should try if you love chocolate flavore…Read More

差不多清一色都係叫滑一滑，真係招牌同推薦蕃茄本身唔係太紅，好多餐廳都會加茄膏加色同味先會超紅，我叫的滑一滑米線出現，佢紅得自然，帶點點橙色，睇顏色就會信佢係用蕃茄煲。蕃茄湯底甜酸度適中，湯亦唔會濃到飲兩啖就覺飽，或希到湯還湯，米線還米線。牛肉的出色不是佢淋到不得了，而係佢肉質的厚度同煙韌唔好忘記浮係湯上面的炒蛋，炒得滑同唔會散係湯內去到唔會預左吹水，環境算係企理同乾淨，員工亦有禮貌，品質確係唔錯，預左要排隊，今日我排了20分鐘，用20分鐘換一碗大滿足的蕃茄牛肉米線係值得…Read More

因為太古坊活動所以去試左一杯免費的烏龍梳打我見人地的綠茶係好有心機沖，我對我order 的烏龍茶梳打都有期待，烏龍茶都應該有dd驚喜，但最後飲起來都幾驚無喜我見到負責那位朋友係雪櫃拎壺茶出黎，再加梳打水。烏龍茶係淺色，依杯茶色加完梳打水後係淡黃色帶點通透，可想而知d 茶有幾濃，烏龍茶要溝幾多水先會淡到淺黃色。一飲，嘩，我只飲到梳打水味，烏龍茶味只係飲到dd.本身依杯茶要$48sorry,我錯啦，應該將quote留畀其他商戶無論在何處見到，都唔會有再幫襯的空間…Read More

無想過誠品內有間好食的燉湯，原個椰子燉湯，用料足而且用心叫左竹笙烏雞加椰小飯，一打開椰子蓋，睇到d料係多，香港人飲湯一定會食"湯渣"，椰子裡面的雞，唔可以話嫩，但一定唔會"鞋",有豉油提供，一d都唔咸，同d餸好夾。好多食評都講湯同飯，但唔好忽視配菜，佢隻雞翼同蘿蔔好入味，一定唔好浪費…Read More

朋友推薦老掌櫃，首先話超多人幫襯，又講到食物質素一流，價錢又抵Book唔到位，walk in真係超多人，等左差不多一個鐘。一睇餐牌，價錢算係幾親民，半隻北京填鴨都唔駛200, 其他小菜幾十蚊咁。點左燒茄子，無想過燒茄子係汁煮咁。我滿腦的燒茄子係分開一半加d汁去燒。茄子非常油膩同咸，食唔到其他味糖醋里脊咩唔係一條條的，但我地食到的係菠蘿咕嚕肉，里脊同咕嚕肉是否同一樣嘢？里脊肉的肉質同咕嚕肉好唔同，亦唔多餐廳有糖醋里脊，如果兩者是相同食物我無話可說。但online search咕嚕肉同里脊肉的圖片係不同，最少糖醋里脊唔落菠蘿。你地唔煮糖醋里脊可以改餐牌做菠蘿咕嚕肉呀兩樣餸顛覆左的一直以來的認知我一見到炸銀絲卷立即點，又一次失望，炸得唔通透，外皮唔脆，咁已經係唔駛多講這是否一間老字路？我入到去只覺得似快餐店，填完紙仔到上菜，真係同大家樂速度一樣，由坐低到食完可以45分鐘內攪掂，如果你想揾一間有食物有質素，可以傾計，相對坐得比較耐(雖然無時限，但食完幫你收晒碟都唔會全得耐),不建議。好多人話性價比高，食完我覺得過譽。價錢可接受，但食物質素(唔係太咸就無味),環境令我唔會再幫襯…Read More

話Obama好鍾意食的burger,行完街去食啦，都預左唔平，所以睇到menu都無特別驚訝，但一打開個包就滿臉疑惑，心想好一個junk food,仲衰過麥記可取：汽水係貴，但你飲到可以瘋狂咁飲，飲到夠topping免費加Mike shake可以選多種口味不另外加錢彈：薯條唔係粗薯，聞落好香，但食落係淋個包係凍，係凍的，因為成個包都唔熱，芝士跟本融唔到，覺得好分離牛肉無牛味，好鬆散；因朋友唔食牛所以點左煙肉，d煙肉係乾到勁出力都咬唔碎，一屈就斷個d感覺，朋友係食一啖飲一啖汽水地方污糟同窄排隊買嘢人多，全部人就企係counter前面等拎餐，勁迫唔會再幫襯…Read More