AmEmma's Profile

經過見到呢度嘅手搖杯好特別, 於是就停低試試。 👅麻薯芝麻烏龍鮮奶茶 ($39)朋友第一次試呢度嘅嘢飲, 所以就點咗呢個鎮店之寶 -- 水墨畫風嘅飲品. 芝麻養生, 而且顏色黑白分明, 又好飲又啱打卡. 所以第一次黎就應該點呢個試下😆朋友都好鍾意佢濃郁嘅芝麻味. 👅麻薯芋泥茉莉鮮奶綠 ($39)而我就試新嘢, 一試就覺得超驚喜. 麻薯煙煙韌韌, 飲ge時候feel到陣陣嘅茉莉香味. 個人鍾意 芋泥茉莉多個芝麻烏龍😋 👅梳乎厘芝士蛋糕 ($28)飲野梗係要加埋件cake🍰 呢個芝士蛋糕真係好似梳乎厘咁軟綿綿, 口感綿密, 一邊捉棋一邊食真係最jeng …Read More

呢間可能係我發掘到最打卡able嘅平民餐廳，話好似走入童話世界真係一啲都唔誇張， 因為呢間店嘅主題係黑色同白色, 裏面所有嘅裝飾都係黑白相間, 好似入咗一個2D平面嘅童話書世界。 店裏面環境寬敞， 播著悠閒嘅純音樂， 真係鬧市中嘅歇腳綠洲。 鍾意打卡同飲飲食食嘅人都唔可以錯過呢間餐廳, 一個得黑色同白色嘅世界，影相影到人都白淨d。 👅酥炸軟殼蟹忌廉意大利飯 $148軟殼蟹義大利飯呢個組合真係未聽過, 真係有成隻蟹喺入面 炸得好香脆，但炸蟹裡面仲保留住少少蟹膏同蟹汁,估唔到裏面仲係咁juic, 忌廉汁好creamy, 美中不足嘅就係 risotto唔夠多汁,如果再多啲汁就完美喇 👅香辣烤春雞配炸薯條 $168呢個係食肉獸大愛, 有足足半隻春雞，每一啖都係肉。炸薯條都炸得好香脆,可以改善嘅地方係烤雞可以落多啲烤汁去烤 👅南瓜湯 ( 隨餐加18蚊)呢個餐加18蚊就可以附送湯或者沙律。我同朋友都揀湯。南瓜湯味道濃郁，仲會飲到粒粒南瓜肉 ♟收加一服務費…Read More

朋友帶咗我嚟呢間位於荔枝角D2 Place 10樓嘅大公館食dinner。就咁睇正門覺得冇咩特別，淨係見到左右兩邊對稱嘅紅色門，感覺好復古。但一入到去，先見到內有乾坤。入邊真係好大好靚，有好長嘅走廊，好多張圓枱，位置都好寬闊。而且有好多包廂，感覺好高貴。而且裝飾都處處盡顯心思，典雅而精緻。只係睇環境，就覺得係有錢人食飯嘅地方，但原來人均只需要$400 ，加上個服務環境，絕對係超值😮呢間主打養生嘅精品火鍋，所以湯底正宗，配料名貴。我哋一行四人分別點左以下食物：鴛鴦湯底 $328 ❣️我哋要咗川蜀麻辣(小辣)+花膠濃湯雞鍋句號麻辣小辣真係唔想太辣，但麻香十足，幾鍾意陰陰地辣麻晒成個口嘅感覺。而花膠雞鍋就十分滋補，雞湯濃郁，雞肉嫩滑，而且真係有花膠！神奇嘅係，啲雞煮幾耐都依然咁滑，唔使急著食本地新鮮牛頸脊 $238 ❣️超級新鮮高質嘅牛肉，佢雪花分布均勻，紋路清晰，顏色鮮艷。我特別鍾意將佢擺喺麻辣鍋嗰度食，唔算太辣，但識落好似食緊牛肉乾咁，爽口彈滑美國極黑和牛封門柳 $288 👍🏻👍🏻👍🏻封門柳比牛頸脊嘅雪花相對比較少而且切片更薄身，但牛味更重。牛肉色澤偏黑，睇上去好高級🤩食到和牛真係好開心招牌四寶丸 $128 ❣️有四款丸，每款兩粒，分別為脆骨烏雞，芥末豬肉，芫荽牛肉，芝心墨魚丸。所有丸都好有特色。脆骨烏雞內有軟骨，爽口彈牙，有少少似麥樂雞味🤣芥末豬肉嘅味道好特別，內有姜蓉；芫荽牛肉係芫荽迷必食之選，芫荽味好重，食落好清新(通鼻；墨魚丸有爆汁芝士🥰鮑魚雞粒餃 $68 ❣️食過最奢華嘅餃子之一，真係有大大粒鮑魚碎塊喺入邊，皮薄餡靚意大利椰子雪葩 $45 ❣️用一個甜品為一餐嘅結尾真係最jeng。第一次食雪葩，感覺同食軟雪糕好似。用椰殼裝著椰奶同椰肉打成嘅雪葩，係椰子控必食之選😌♟醬料每人$15♟另收加一…Read More

帶冇食過烤魚嘅朋友嚟尖沙咀食烤魚，就發掘到呢間做烤魚做得好出色嘅專門店。menu有三種烤魚種類，九種烤魚口味任君選擇。配料亦都多到數唔晒🤩睇到餐牌就開心。但因為我哋係中午去食，所以冇食到好多嘢，我哋點左一盤烤魚，同一碗圓薯粉就夠了。👅海鱸魚 (鳳梨香辣豆花——小辣小麻) $298 ❣️揀咗最平嘅魚種。海鱸魚嘅特色係佢肉質細嫩，而且肉身厚實。估唔到雖然係最平嘅魚，但一樣都好高質。而且有兩條咁多，十分足料。咁口味方面我哋就揀咗爆漿鳳梨香辣豆花，真係有鳳梨(唔知點解好驚喜🤣)！鳳梨嘅甜味，再加上湯汁嘅麻麻辣辣，意外地夾。兩個女仔食一盤魚其實已經好飽。如果想食啲澱粉嘅話， 加一個粉面飯就啱啱好，人均大概$200👅圓薯粉 $28 ❣️彈牙吸汁入味，同烤魚一齊食唔錯♟另收加一…Read More

無意之中俾我發現到原來觀塘都有好高質好grand嘅平價fine dining😀距離牛頭角地鐵站5分鐘路程，就搵到一間食法國嘢嘅西餐廳。一入到去，已經超級鍾意呢間餐廳。餐廳環境寬敞，好難得喺香港見到一間枱同枱之間嘅距離咁大嘅餐廳。而且佈置都好精緻，飾物擺設優雅兒簡潔。柔和嘅暖色燈光，營造出浪漫嘅氣氛。而且餐廳嘅服務都好周到，侍應得閒會幫你添水，而且好多細節位都好細心。而食物方面都十分之高質😍所有野都值得實名推介👅法式紅酒燉澳洲牛臉頰肉 ($208) ❣️雖然呢個菜式偏貴，但真係絕對值回票價。完全冇後悔食😍本身點佢係因為見到佢係廚師推介，而且牛臉頰肉好似好特別咁。一食真係驚為天人，原來牛臉頰肉真係寶黎。肉質極鬆軟嫩滑，入口即溶，有少少似煲湯煲咗好耐煲到淋晒嘅肉。菜式設計亦都十分之有心思，紅酒同牛肉本身就係絕配，加上底下嘅薯蓉同蕃茄，每一樣嘢都完全無違和。真心大推👍🏻👅蕃茄芝士意大利雲吞 ($128) 👍🏻👍🏻點呢道菜都係私心嚟嘅，因為之前喺西班牙住嘅時候，都試過喺supermarket買成包整好咗嘅雲吞返屋企煮。但然後我發覺，要你其他人係整得咁好味😂，同自己煮完全唔係同一個層次。西式嘅雲吞同中式嘅有啲唔同，四四方方嘅形狀，扁平嘅餡料，極多嘅肉醬配料。食落其實有少少似食肉醬意粉，不過依家係肉醬雲吞咁解👅法國橙酒班戟 ($68) 👍🏻👍🏻呢款係聽個名已經覺得好有特色嘅甜品。pancake味道好似係一塊好薄嘅熱香餅，然後浸住好甜嘅芒果汁，配上切成絲狀嘅橙皮。唔係太食到有酒味，而且芒果汁都幾甜下。所以我會撈塊pancake上嚟過走啲汁然後食，會食到好香好濃郁嘅蛋味。但食得甜嘅人，可以將汁均勻地搽上pancake上面一齊食，各有所愛😋…Read More

朋友生日話想嚟呢間餐廳食，我一去到先知原來係阿仙奴主題嘅西餐廳。適逢睇波季，黎呢度應下節都唔錯(雖然我冇睇波😛)。呢間餐廳環境寬敞，牆上掛滿球衣同以足球為主嘅裝飾，相信真球迷睇到會好有共鳴。餐廳會播輕鬆悠閒嘅純音樂，氣氛都唔錯。不過話明係餐廳，都係食嘢為主，呢度啲食物又真係幾唔錯bo, 朋友同我就食咗以下個款：👅波士頓活龍蝦(半隻)配白松露忌廉或鮮番茄汁意大利飯或扁麵 ($168) 👍🏻👍🏻👍🏻黑松露risotto本身就係經典，特別嘅係佢加咗半隻波士頓龍蝦， 10分抵食。龍蝦食得出獨特嘅海水味，肉質鬆軟，上面鋪滿濃郁嘅芝士。蝦鉗會幫你剪開，方便食用👅法國野菌鮑魚雞肉香草醬意大利燴飯($168)👍🏻👍🏻見到有特別味道嘅risotto，我通常都會點嚟試吓。今次呢個野菌香草醬risotto，睇落好似好健康咁。淺綠色嘅汁，識落有淡淡的香草味。最驚喜嘅就係佢真係有完整鮑魚，鮑魚味道有別於平時食到嘅新鮮鮑魚，佢嘅肉質有少少似食緊海味，而且有浸香菇味， 幾特別👅朱古力三重奏心太軟($46.8)❣️真係睇得出佢有三種唔同層次嘅朱古力，首先有表面整塊嘅朱古力，然後有心太軟外殼朱古力，然後有裏面嘅流心朱古力。朱古力味特別濃郁，而且都做到流心嘅效果。食一啖暖暖嘅朱古力真係會甜上心頭🥰…Read More

今次係一個隆重嘅食評，因為我同朋友豪食咗一餐極新鮮豐富嘅生蠔宴😆好難得第一次唔係食buffet先食到生蠔，而且喺生蠔專門店有各色各類嘅生蠔，真係百花齊放，唔知點揀。好彩店員好nice咁介紹咗唔同種類嘅生蠔嘅特色，最後我哋就揀咗以下各款：👅Dibba Bay Oyster ($84/2) ❣️食嘢順序係由清新到濃味咁排著食。呢個做starter係最好嘅，因為係最鮮甜，最易入口，而且一啲都唔腥，為之後嘅盛宴開咗個好頭😋👅Spanish Oyster - Jumbo ($124/2) ❣️如果冇記錯嘅話，呢個應該係最啱我口味，係咁多個之中我最鍾意嘅。因為佢既清新，又保有生蠔味，但又唔會太濃郁(個人口味)👅Tia Maraa Pearl ($72/2) 👍🏻👍🏻佢嘅size細細粒但非常creamy👅Speciales Lambert - No. 1 ($104/2) 👍🏻👍🏻👍🏻口感結實，礦石味同海水味都比較重，但鮮味都夠強👅Gillardeau - No. 1 ($104/2) 👍🏻👍🏻👍🏻No 1嘅意思係比較大隻，佢肉身結實，咬落有口勁👅北海道活赤貝 ($78/1) 👍🏻👍🏻👍🏻煙煙韌韌好彈牙👍🏻而且相對抵食👅車厘蜆 ($96/2) 👍🏻👍🏻未試過生食蜆所以試下😆唔錯👅北海道帶子 ($38/1) ❣️必試！好新鮮好清甜好彈牙，食完生蠔再食佢，會感受到不一樣嘅海鮮味👅清酒蒜蓉煮活蜆湯 ($238)❣️[警世]食完生蠔必須飲一碗熱辣辣湯黎暖肚⚠️生蠔雖然鮮甜好味，但食咁多真係好寒涼。 所以呢個時候飲湯就真係最啱身體。雖然呢碗湯都幾貴，但佢係呢個時候比到嘅幸福感真係值得🤤。清酒再加蒜蓉即刻令到成個食道暖晒。而蜆肉都好新鮮清甜，海鮮味道完全配合到頭先啲生蠔👅龍蝦忌廉意粉 ($198) 👍🏻👍🏻👍🏻呢間餐廳除咗主打生蠔之外，都有好多其他新鮮嘅海鮮餐點，例如有得食海鮮拼盤，食正式嘅西餐等等。而我同朋友就揀咗龍蝦忌廉意粉。佢有好多龍蝦肉，而且重點係龍蝦唔使自己剝殼！忌廉汁好足夠，意粉好Juicy。而且各方面嘅調味都配合得好好，成碟意粉都好入味。…Read More

第一次食海鮮食到好似shake shake薯條咁🤣所以想記錄低同分享俾大家。呢間餐廳同好多尖沙咀嘅Bar and Restaurant一樣，環境好靚而且好chill，好有自己嘅特色，而且有Beer Pong枱同飛鏢，都幾好玩。 👅Platter B：5款海鮮Shake shake袋 ($558) ❣️選擇有活鮑魚三隻,大元貝四隻,游水海蝦八隻,活大蜆八隻,活青口八隻,翡翠螺四隻,八爪魚仔八隻,小龍蝦六隻。特別推介佢嘅鮑魚，食落爽口彈牙。成個拼盤都好足料同埋豐富，調味亦都好出色，好似話係佢哋獨創嘅馬來西亞辣汁，少少辣好惹味，而且都好重牛油香味，強烈推介  👅海鮮派對pizza ($108) 👍🏻👍🏻👍🏻滿滿嘅芝士🤤感覺芝士好似仲厚過個餅底。芝士裏面都有好多海鮮，例如有蜆肉同飛魚子，海鮮味好濃郁。估唔到咁樣嘅配搭都幾好味。 👅德國豬手配燒烤汁 ($198) 👍🏻👍🏻烤得好香脆，肉質鬆軟。加分位係佢切成一粒一粒咁好方便share食 👅麻辣小龍蝦（二人同行惠顧主食免費送）👍🏻👍🏻👍🏻未食過小龍蝦，所以感覺好新奇。本身以為剝殼會好麻煩，但原來同剝蝦殼差唔多。小龍蝦肉其實同蝦肉好似，不過海鮮味會更重。但重點係佢嘅麻辣汁，辣得來好惹味，同小龍蝦好夾 …Read More

朋友帶咗我嚟呢間尖沙咀嘅酒吧餐廳諗住食個tea。呢間餐廳聽個名已經知道餐廳風格係特別不羈潮格。酒吧位置寬闊，擺設同裝修都別具風格。特別見到好多shisha嘅工具，據聞呢度嘅shisha唔錯，可惜我哋太早到。但午市嚟都有好處，就係午市套餐有六折！好抵食！👅德國香腸拼盤伴薯蓉及洋蔥燒汁 ($88) 👍🏻👍🏻👍🏻有三種唔同嘅腸，雖然我講唔出係咩腸打咩腸。但每一種腸都好味(係肉啊哈利🤤)。用暖粒粒嘅香腸嚟送酒真係一流，係我每次去酒吧餐廳必嗌嘅嘢食。👅黑松露巴馬火腿薄餅玩火箭菜 ($98) 👍🏻👍🏻👍🏻呢個Pizza有我最鍾意嘅三種元素，薄餅底、黑松露同埋火箭菜。黑松露香味10分濃郁，由遠處已經聞到；火箭菜舖滿表面，一啲都唔慳水😆；餅底鬆脆而唔會過硬，厚度啱啱好。👅迷你安格斯牛肉漢堡伴車打芝士及松露薯條 ($88) 👍🏻👍🏻特別鍾意佢嘅火腿包住沙律菜，上面仲有一層黑松露醬，係我未見過而又做得幾好嘅伴碟😮黑松露薯條都好正，最啱一邊傾偈一邊share食。可以改善嘅地方就係佢嘅安格斯牛肉，可以saucy啲👅 Flower Garden ($88) ❣️我去酒吧餐廳有個小小嘅目標，就係要飲晒所有common嘅Cocktail。今次就試呢個Flower Garden。材料有：White wine, sugar, lime, elder flower, bianco. 一飲落去覺得個名真係好襯杯酒，腦海嘅畫面真係一個充滿蝴蝶同花香味嘅花園裏😶‍🌫️味道偏甜，而且感覺好清新(因為lime)。適合唔鍾意重酒味酒嘅人…Read More

朋友上網見到呢度有好特別嘅流水蝦食，於是就想帶我嚟一齊試吓。流水蝦我真係第一次食，呢個體驗都好難忘🤣餐廳嘅特色係所有枱都圍住一條大水缸，裏面有新鮮生猛嘅蝦，可以俾人撈上去食。枱上有烤爐，所有海鮮都係新鮮烤熟。但夾蝦之後，記住先將啲蝦擺落冰水度凍暈先好擺上烤爐，如果唔係你就會見到佢哋有幾"生猛"(場面會好恐怖🥸)每一隻蝦都好大隻，啖啖肉，有啲仲有膏除咗蝦之外，呢度仲有好多唔同嘅海鮮，例如鮑魚，帶子，扇貝，蜆，青口等，全部都擺喺冰上面，任食唔嬲。覺得鮑魚真係特別抵食，而且易燒。但值得留意嘅係，如果鮑魚連埋殼燒就有機會會燒爆埋個殼，會bomb一聲(都幾驚嚇😂)唔想被嚇親嘅話記得剪走個殼再燒，但我覺得剪鮑魚仲驚(會見到佢地郁...)食完海鮮，呢度都有唔同嘅蔬菜，丸子，肉類，串燒食。真係10分豐富。大家可以挑戰下自己，睇吓可唔可以食晒呢間店所有嘅嘢。我就應該連一半都未試晒，因為真係太多野了。單係唔同嘅肉串，都已經夠我玩了😅每枱仲會送上兩串鰻魚串燒，燒完之後真係十分之好味，就算好似我咁手殘唔覺意燒到燶燶哋，味道都唔failed，特別鍾意唔會整失敗嘅肉🤣總括言之，呢間餐廳最難得嘅就係每一樣海鮮都係新鮮任揀任食而且好玩，對於唔煮嘢食嘅人來講(me)，呢個餐飲體驗更加係緊張刺激。但途中製造嘅話題同回憶真係唔錯😌🌟平日成人$328, 收加一…Read More

識我嘅朋友都知我好鍾意食印度野，而今日又比我發現咗一間到高質小店。呢間餐廳係佐敦吳松街，雖然店舖面積唔算好大，但店內裝修得乾淨企理。 👅Korma Chicken白汁咖哩雞 ($90) ❣️平時食印度野，我一定會叫butter chicken，但今次想試吓新野，於是就點左Korma。佢同butter chicken有少少似，但我上網查過，佢係用yoghurt整的，所以感覺上好似比較健康。而且啲腰果汁比較甜，食落感覺比牛油雞冇咁heavy 👅Ras Malai 印度甜奶球 ($22) 👍🏻我嘅目標係將所有印度甜品都食過一次😋咁今次就揀咗呢個印度甜奶球。佢嘅外貌就好似兩塊浸喺糖水裏面嘅豆腐雪糕。食落去，我即刻聯想到一樣中式甜品，就係糖蓮子。佢好甜好重奶味，食完辣咖喱，用佢黎解辣就啱啱好。幾鍾意呢間店舖Naan嘅份量，一個人要一份Naan就啱啱好。兩個人唔算太大食嘅話，咁一份汁再加兩份Naan就已經夠飽。通常消費合共$150左右。唔收加一🌟…Read More

今日想介紹一間好新好新嘅餐廳，我食個時喺OpenRice上都好似未點見過其他人嘅comments。所以我作為一個身先士卒foodie，就特登同朋友嚟呢度食吓嘢啦。呢間餐廳主打精緻日式料理，價錢都會相應提升。但質素絕對搭救到。我同朋友就簡單試左以下幾款食物：👅佐賀名水豚白湯烏冬 ($128) ❣️呢個烏冬有另一個名，叫做日本水豚竹炭烏冬。顧名思義，烏冬係竹炭色的，口感似蕎麥面，但比蕎麥面粗身。而呢碗烏冬嘅亮點就係佢嘅豚肉。成碗嘢雖然賣相簡單，但每一樣嘢你都會試到係味道嘅提升，互相配合得好好。佢嘅豚肉本身好鮮嫩彈牙，配上海帶碎，食落去口感jeng， 10分有咬勁。大推👍🏻👅三文魚籽拖羅蓉夾餅 ($42) ❣️海鮮迷比試！😆賣相好精緻，而且份量都控制得10分好，最啱就一人一份分兩啖食。拖羅整成蓉都係咁新鮮，同三文魚子嘅鮮味互相映襯到👅赤身醬油漬刺身 ($48) ❣️鮮嫩可口，食得出魚油嘅甘香味，但唔油膩👅雲呢拿千層蛋糕 ($58) ❣️正常水準…Read More

一直聽到唔少朋友同我推介Sodam Chicken，話佢又平又好食，我今次都一於嚟試吓啦。發覺佢呢度嘅炸雞放題套餐真係好抵，佢有兩個plan：1️⃣炸雞+ pizza放題～大人就要$128就可以任食90分鐘；而小童只要$68。2️⃣每位加多$28 ，就可任食額外嘅口味包括焗雞同小食放題(合共$156）🥤飲品另計plan 2只要加少少錢就可以多好多選擇，我同朋友就決定揀呢個plan啦。任食放題真係包括咗好多嘢，我同朋友每樣小食都試過晒，而炸雞同焗雞都試左大部份(太飽)，特別想推介以下幾款item：👅芫荽炸雞[期間限定] 我本身唔算太好芫荽(不討厭不抗拒不主動🤣) ，但好似任何嘢加上期間限定都會特別吸引。覺得佢嘅做法好好貼體，炸雞上堆滿左炸過嘅芫荽同紫菜，醬料亦都混合左芫荽。雖然就咁食炸雞唔會太食到芫荽味，要混合埋芫荽絲食個味道先會出，但都10分值得一試👅墨西哥香辣焗雞[期間限定]做法都係好貼題，微微辣再加鋪係面頭嘅nachos，佢嘅辣度係一個辣椒仔，但其實我覺得就算食唔到辣嘅人都會接受到呢種難度，所以推介比所有人👍🏻👅蜜糖蒜香焗雞食焗雞點可以唔食蜜糖味喎，今次仲加上蒜香，更加滋味👅韓式辣伴海蜇 ❣️小食裏面嘅大愛，海蜇好彈牙，微微辣， 10分開胃👅蜜糖牛油粟米 ❣️估唔到咁簡單嘅粟米可以整得咁好味，牛油味超級重而且香，帶微甜，佢應該係我食過最好味嘅牛油粟米，強烈推介…Read More

放工梗係要同friend chill一chill，估唔到佢今次帶咗我嚟食潮州菜。本身以為會係好舊式好傳統嘅中國式餐廳，但點知佢係將潮州菜融入酒吧，菜式同環境都10分新潮特別有創意。講吓環境先啦，佢基本上係一間環境好寬敞嘅酒吧，有吧枱同beer pong枱，好似仲有得唱K(唔肯定)，感覺10分歡樂。而食物方面都融合咗中式同西式嘅做法，據聞餐廳係有米芝蓮名廚主理，原來真係感覺到分別。服務同送餐模式都好有心意，感覺上係用緊一個相宜嘅價錢享受五星級嘅服務，大推呢間餐廳❣️ 👅二人精選套餐（每位$228 ）❣️呢個餐嘅內容10分豐富，分別有：脆炸拼盤配黑松露醬，威士忌酒香鵝肝，金牌滷水獅頭鵝肉，潮式炒米粉，上湯時蔬，明爐老火湯，酸菜蘿蔔。應該聽菜式就知佢嘅煮法同配料係幾咁有心思。 ❣️威士忌酒香鵝肝: 我見到侍應用一個神奇嘅技術將一個氣泡擺喺威士忌上面，佢提醒我哋話我哋要等個氣泡爆咗再到杯酒落鵝肝一齊食。雖然唔知呢啲係咩技術同有咩用，但成個過程好啱打卡。而且原來鵝肝嘅味道同威士忌嘅味道真係十分之夾。同埋有一個重點就係我覺得呢度嘅鵝肝應該係健康養殖嘅鵝肝，而唔係其他地方被灌食養肥嘅鵝肝，食落冇咁有罪疚感之餘都感覺健康咗 ❣️金牌滷水獅頭鵝肉: 鵝肉好結實而且好入味，被滷水醃得好香，而且都好鍾意底下嘅豆腐，佢哋相輔相成味道好夾。 ❣️脆炸拼盤配黑松露醬: 鍾意食炸嘢嘅朋友一定要試吓呢個海鮮炸物拼盤，佢將啲海鮮炸到啱啱好，件件都金黃色，但又唔覺得特別油膩。而且原來薯條同黑松露醬係超級襯㗎。我同朋友另外點左紫薯丸($48)，鬆脆嘅外殼包住爆滿嘅紫薯，煙煙韌韌，特別得來又好食 👅清酒秋葵 ($48) 👍🏻👍🏻單點左個秋葵，呢個秋葵好爽，咬落去嘅聲音好清脆（笑。清酒為佢填上獨特嘅香氣。佢係切到細細條，適合斯文嘅女士，但我都係覺得秋葵都係成條食最好味😋…Read More

同朋友經過大角咀見到呢間餐廳，就心血來潮想入去試吓。因為我之前都食過呢間餐廳嘅大埔分店，感覺唔錯，於是就想睇吓大角咀嘅呢間餐廳會唔會都維持到嗰質素。裝修依然都咁用心，裝飾同燈光都配合得好精緻，成間餐廳嘅氣氛真係好似home land，好warm好舒適。餐牌大致上都一樣，但有少少唔同嘅就係我去嗰陣時無drink menu，冇得飲茶（哭 👅香城安格斯牛肉漢堡 ($98) 👍🏻👍🏻個包好大個，初步估計個size係M記漢堡嘅1.5倍。牛肉漢堡都好厚,一切開來就見到流心嘅芝士沿着紋路流落黎，真係感覺好滿足。好難得食漢堡都可以食得咁飽👅巴馬火腿芝士薄餅 ($98) 👍🏻👍🏻👍🏻Pizza好有特色，餅底好薄，食落好脆口。好鍾意佢嘅巨兩火箭草， 一切開個Pizza啲火箭草就散佈到周圍都係😂有火箭草嘅Pizza一定係高質嘅Pizza (心心eyes 👅蒜香辣椒炒活蜆($88) 👍🏻👍🏻點呢個小食未必算係太抵，因為佢嘅價錢同正餐嘅價錢差唔多。但味道搭救！蜆嘅數量好多好夠，另外啲汁同調味料都配合得好香好好味。鍾意食蜆嘅人可以試吓 👅酥炸吉列廣島蠔 4隻 ($38)❣️呢個係成間餐廳最抵嘅小食，只要$38就有4隻廣島蠔。炸咗嘅廣島蠔都外脆內軟，一咬落去就食到新鮮嘅蠔肉，個人覺得佢算係本餐廳必試之選…Read More