shiitasfoodpicks's Profile

有一次經過呢間cafe見到裝修充滿懷舊復古風 即刻bookmark定 決定搵次要特登黎參觀雖然呢度位置唔太方便 離土瓜灣站有十幾分鐘步行距離 但係長期爆滿我事先book定位 都喺門口等左20分鐘左右先有枱 另外如果要坐窗邊位置 記得一定一定要book定位同埋要叫定食 先有機會坐到 打卡嘅朋友注意啦一打開門行入去 已經忍唔住攞住部電話係咁影由天花板至地板每個角落都係打卡位望上去 吊住大大小小嘅星球 配合番店名餐廳仲有好多懷舊嘅擺設 有以前冰室嘅牌扁 掛鐘牆上又有以前嘅海報 報紙 相片等等 充滿特色唔好以為呢間cafe淨係for打卡 食物其實好有水準 【火炙三角半熟定食 (中盛) $389】相入面見到嘅已經係大size 小盛 $278 份量應該會偏少呢個份量盛惠$389係有少少貴嘅但係佢又整得幾出色喎呢個九州黑毛和牛燒肉定食用上極上A4和牛三角位 以火直燒係最肥美脂肪最飽滿嘅部位所以直燒完 充滿油香 油香再慢慢滲落下面嘅飯每一啖都好滿足 但係食到尾可能會覺得膩所以特別配上特調柚子醋 去除油膩感【雪糕鬆餅 $108】本身想叫其他甜品 但店員話有最後一份剛焗起嘅scone於是就放棄左其他甜品 好彩scone都冇令我失望啱啱焗起嘅scone熱辣辣 外脆內軟 唔加雪糕或者其他醬都已經好好食【綠茶拿鐵 $69】綠茶拿鐵絕對係打卡之選 賣相好靚但留意佢係綠茶唔係抹茶 所以佢唔係回甘苦澀味我個人偏好抹茶 如果遲啲有多個抹茶拿鐵嘅選擇就好啦…Read More

想喺尖沙咀搵間餐廳同朋友傾下計 又坐得舒服然後搵搵下先發現香港有間東京過江龍居酒屋原來22年尾已經開業位於九龍酒店地庫 係海外第一間分店本身呢個商場好靜 點知一入到去竟然滿座 （張相我走時影 所以冇人）佢啲枱擺得唔密 成個感覺好舒適好適合同朋友聚會傾計 而且食物質素都相當唔錯 下次同朋友聚會 我都會再去以下係幾款推介菜式 首先必推嘅係【炙燒吞拿魚腩他他 $128】餐牌上標示呢款係新菜式而之前就只有炙燒味噌刺身他他 $88係三文魚 吞拿魚同埋油甘魚混合而成嘅他他一樣係店員即場用火槍炙燒 燒至外層微焦內裡就入口即溶 加上蛋黃同埋紫菜 口感豐富我冇試過之前一直有嘅混合版他他但係我諗吞拿魚腩口感絕對比三文魚 吞拿魚同埋油甘魚混合版有所昇華十分推介直接食呢個新出嘅炙燒吞拿魚腩他他【特盛豪快海膽吞拿魚卷 $178】一盤6件卷物上佈滿海膽 吞拿魚蓉 三文魚籽 蟹肉呢個配搭唔需要多講 啖啖滿足【味噌豚肉朴葉燒 $118】用火爐放上朴葉 再放豚肉 加上味噌黎燒豚肉軟腍得黎 仲滲入葉香同味噌嘅香味【海膽雪糕】海膽雪糕餐牌上面冇嘅 係我地想叫甜品時店員推介用海膽製成嘅雪糕 超濃海膽味 最特別係店員話可以落豉油食 食甜品變左食咸點 可能有啲人會覺得奇怪但我就覺得好特別 不過應該唔係成日有至於其他叫左嘅菜式有以下幾款其他居酒屋都食到 所以唔特別介紹 而且相片數量限制 擺唔到咁多相【蟹味噌甲羅燒 $98】【燒慢煮牛肋肉 $188】  【鹽燒雞翼（兩隻） $58】【蘆筍 $48】【蒜香牛油枝豆 $48】我諗經過今次經驗 覺得佢其他菜式都唔會差下次有機會再試埋其他…Read More

中環全新阿根廷扒房Picanhas’ 午餐真係好抵食！好抵食！好抵食！只係$158（另加一）仲要高質 性價比勁高餐廳座位唔多 以Bar枱為主 但可以欣賞大廚烹調過程【Lunch Set $158】Main + Churros + Drink ♦︎ Main 招牌牛臀蓋扒配鴨油炸薯條  200 Days Grain Fed Black Angus Picanha牛臀蓋扒首先煙燻 然後高溫燒烤薄切後再淋上阿根廷青醬食落有少少煙燻味 肉嫩多汁阿根廷青醬唔會蓋過肉味 反而令味道昇華另外鴨油炸薯條好好食唔知係咪因為用鴨油炸 香得黎口感好好 唔點任何醬都已經好好食香煎三文魚Pan-Seared Salmon作為阿根廷扒房 牛扒的確比三文魚出色三文魚嘅配搭加味道冇咩特別 但係煎得好出色 魚皮香脆 肉質鮮嫩 ♦︎ Churros Dark ChocolateChurros又係值得一讚意想不到地好食 好多餐廳嘅Churros都偏硬但佢做到外脆內軟 好滿意♦︎ DrinksAgua de Limon (Argentinian Lemon Soda)Cafe Frio (Cold Brew)總括而言 呢個質素$158食到真係性價比非常高 極力推介 相信好快會變預約困難店…Read More

2025年1月1日就食到超滿意嘅一餐超靚景加食物高質 仲有超好服務 一定要推介俾大家但亦都係第一日享受左2025新價錢🙃位於Mondrian Hong Kong 39樓一出𨋢就見到華麗裝潢仲即刻有welcome drink同小食之後就帶到望到維港景嘅用餐位置剛好預約左18:00 可以望住維港日變夜嘅景致所以都建議大家預約呢啲時間 然後要讚餐廳嘅服務 服務員會喺適當嘅時候主動介紹菜式而且用好親切嘅態度講解 介紹得好詳細清楚首先黎嘅係餐廳自家製Focaccia麵包仲有Charcoal carasa脆脆 仲有開胃菜♦︎前菜【Burrata E Pomodoro Cimelio $258】首先有我最愛嘅Burrata CheeseBurrata 加番茄就好typical啦 但佢特別在有三種唔同番茄 再加上Basil Sorbet 非常清新【Tuna Ai Profumi Del Macellaio $288】另一個前菜係Tuna Tartare 用藍鯨吞拿魚 吞拿魚份量多 口感煙靭啖啖肉 ♦︎主菜【Tagliolini Di Mare E Patate $358】呢款意粉極之推介 淨係買相都已經好吸引用咗兩隻顏色嘅意粉 加上薯仔做嘅泡沫再配上唔同嘅海鮮 色香味俱全【Cappello De Prete $628】Flat Iron USA Wagyu M5-6, Snake River Farm (300g) 叫左Medium rare 果然肉質非常粉嫩肉味好濃郁 肉汁豐盈 非常推介Sides 【Sauteed Spinach, Garlic, Extra-virgin Olive Oil $88】【Grilled Asparagus with Olive Oil $88】♦︎Drinks 因為唔飲酒嘅關係 叫咗兩杯Mocktail【Amaretti Sour - Lyre’s Amaretti, Super Lemon, Chamomile Honey, Emulsifier $108】呢杯估唔到係杏仁味好濃【Dry Paloma - Lyre’s Agave Blanco, Agave Nectar, Super Lime, Grapefruit Soda, Pink Salt $108】而呢杯就較為清新♦︎Desserts【Tiramisu Di Casa (Sharing) $218】最後有點少得Tiramisu呢？口感綿滑 份量超級大 一齊分享就最開心總括而言 新一年試新餐廳體驗滿分 無論食物環境服務所有嘢都非常滿意所以我都不斷咁推薦身邊嘅朋友 一定會在訪…Read More

串燒店「鳥貴族」香港首間分店12月16日喺屯門開幕有啲驚訝竟然揀屯門做第一分店咁梗係要做先鋒 即刻試吓佢咩料先Menu聽講同日本一樣 當然價錢就唔同啦日本370円一串 香港就係$29.9一串燒鳥專家 當然有雞唔同部位嘅串燒有雞翼 雞肝 雞心 雞腎 雞皮等等串燒有秘製醬汁 鹽燒 同埋香辣三個味揀見餐牌有幾個必試嘅特色美食都特登叫左幾款黎試下第一樣係貴族燒 餐牌寫住21厘米豪華份量於是揀左雞腿同雞胸 再分別試兩款醬汁【雞腿貴族燒（秘制醬汁）$29.9】秘制醬汁味道非常香濃 雞腿啖啖肉 呢個大推【雞胸貴族燒（香辣）$29.9】雞胸肉嫩滑 香辣味道好惹味 兩款都唔錯【貴族雞釜飯 $29.9】釜飯賣點除左用北海道米係要等30分鐘 等到雞肉嫩滑入味 所以最先黎嘅美食就係釜飯 然後要等個火慢慢燒 再等火熄左焗到入味先食不過呢個就有啲失望我就覺得冇乜特別同埋味道唔係特別濃【鐵板烤山藥蓉 $29.9】反而呢個好驚喜 望落去賣相一般但係食落去又幾好味喎 用鐵板去烤有少少燶燶哋嘅味撈埋落去幾惹味除咗以上signature美食 仲叫左以下呢啲【雞皮（鹽燒） $29.9】覺得雞皮一般 唔夠香脆 同埋三款醬汁裏面鹽燒會比較失色可能簡單秘製汁會好味啲【雞中翼 （秘制醬汁） $29.9】可能有秘製醬汁嘅加持 又係好惹味【芝士雞肉丸 $29.9】雞肉丸好軟腍腍 加埋芝士淡淡滋味【雞心 （鹽燒） $29.9】雞心我又係覺得一般唔知關唔關我揀咗鹽燒時覺得唔夠爽口【可爾必思熱情果梳打 $19.9】另外所有無酒精飲品都係$19.9食住串燒飲梳打係真係幾爽嘅總括而言 我覺得串燒尤其秘制醬汁真係出色雖然香港價錢貴過日本（亦都預左同合理呀）但係都食得番日本居酒屋嗰個風味所以成個體驗都幾唔錯…Read More

香港高質西班牙菜選擇唔算好多估唔到呢間小店又幾有質素喎唔怪得店鋪細細 只有4-5張4人枱而2人通常都會安排喺bar枱但晚市兩輪都可以座無虛席【傳統番茄多士 HK$42】每次食西班牙菜都一定會叫呢款傳統小食而餐廳都做得相當唔錯 多士非常香脆 番茄味鮮甜香濃【白鯷魚西班牙番茄沙律 HK$128​】每一啖白鯷魚 番茄 柑 洋蔥 芝士一齊食為前菜十分之出色 每一啖魚 蕃茄同柑一齊加上橄欖油 味道非常清新開胃 但絕不膩 係十分出色嘅前菜 【蟶子(需預訂) HK$70/p】提前預訂嘅蟶子 肥美彈牙好少食到西班牙煮法嘅蟶子最最最出色係加入金華火腿 簡直係畫龍點睛 平時會就咁食火腿會覺得鹹香味太重但係配上呢個醬汁 蓋過左佢少少鹹味咁樣反而啱啱好 加上煙煙韌韌嘅口感令到呢道菜嘅口感更富層次【卡斯提亞烤乳豬 HK$388】份量都算多 外皮香脆肉質軟腍同埋每一道菜嘅配菜都千祈唔好錯過我掛住食肉 朋友都叫我快啲食青瓜夾番茄因為同乳豬一齊烤 連配菜都入哂味【原隻蟹西班牙飯 (需預訂) HK$488-688】大推！大推！大推！又一個需要預訂嘅菜呢個真係好好食！！！記得訂定個飯索哂蟹汁 勁juicy同埋超香濃【西班牙油炸鬼 HK$78】呢個Churros算係喺香港食過最好食嘅好多餐廳會整到好長好幼 一拎起就唔挺身會腍左而呢度特登做到短身 炸得香脆同時保持到挺身咬落唔會腍 配埋朱古力醬同雪糕 口感好好 【巴斯克芝士蛋糕 HK$88】芝士味非常濃郁 口感綿密 值得一讚整體非常滿意 喺長沙灣都可以有一間咁出色嘅小店唔怪之得可以長期爆滿 值得推介…Read More

早前見到Restaurant Week有Vista就Book左lunch試下 發覺佢個restaurant week menu真係佢平時weekend lunch menu食物選擇一樣 只係價錢平時$488 而家$328食到因為有啲餐廳會因為做promotion而將貨就價食唔到平時水準 但Vista就真係用平啲價錢offer本身嘅menu加上有呢個無敵靚景 我覺得係抵嘅 Restaurant week就黎完 要試就快啲book唔係要等下一次restaurant week 啦【Restaurant Week Lunch Menu HK$328 p.p】【Seafood Platter】呢個完全係驚喜 因為menu冇寫有seafood platter 開頭我地仲以為係咪攞錯左俾我地原來每枱都有welcome dish 仲要係咁大碟咁豐富 有螺 青口 蜆 蝦 仲要係好新鮮喎♦︎ Starter 【意式海鮮湯​】食完seafood platter 再黎非常香濃海鮮湯【意大利冷切肉拼盤】有4款冷切肉 配上酸青瓜 好開胃【意式生牛肉他他】特別鍾意將牛肉他他鋪喺撻上比起平時就咁食他他 多左層次同口感另外加上脆片都係神來之筆 口感更豐富【手撕豬肉意大利包 (2 片)】上菜後先淋上醬汁 豬肉濕潤多汁得黎又可以保留麵包少少脆身嘅口感食落豬肉多汁惹味 難怪係餐廳signature之一♦︎ Mains【三文魚配燒蘆筍和香草牛油醬】皮脆肉嫩 配上簡單嘅香草牛油醬 冇太大驚喜 但處理得唔錯【菠菜奶酪雲吞配黑松露】菠菜奶酪濃稠 黑松露超香濃 雲吞煙韌 每一啖都好滿足♦︎ Desserts【精選甜品拼盤】估唔到有咁多件 賣相相當吸引有焦糖燉蛋 Tiramisu tart 朱古力蛋糕 紅桑子蛋糕如果朱古力蛋糕可以用濃度更高dark chocolate就會更好因為而家4款都偏甜 我首先食Tiramisu tart 咖啡味唔夠濃 整體偏甜以為食朱古力蛋糕有dark chocolat有啲苦味可以同之前有少少分別點知係普通朱古力味又係甜 再黎紅桑子同焦糖燉蛋唔洗講啦4款甜品雖然多得好吸引 但如果味道上有少少分別會更吸引…Read More

西貢六福菜館 連續15年獲得米芝蓮一星殊榮有唔同嘅套餐 可以一次過試晒佢嘅招牌菜【4人海鮮餐 HK$3288】【椒鹽奇脆豆腐（8件）】炸豆腐以為好普通 但佢整得非常出色所以係餐廳招牌菜之一椒鹽味香濃 炸得非常酥脆 內裏熱騰騰而且非常嫩滑【薑蔥炒蟶子皇（4隻）】蟶子肥美彈牙 炒得非常惹味惹味到食晒蟶子之後 連薑蔥都忍唔住食埋【椒鹽焗南非鮑魚（4隻）】三頭鮑魚超大隻 彈牙得黎完全唔會韌【天婦羅桶蠔生菜包（4件）】炸蠔成隻手掌咁大 而且食法好特別將生菜搽上沙律醬 配上炸蠔 一次過食生菜嘅爽口 炸蠔外層酥脆 蠔身非常鮮嫩多汁 口感非常豐富【上湯焗開邊西澳洲龍蝦配伊麵（2隻）】龍蝦好大隻 非常彈牙 伊麵好濕潤 啖啖滋味【菠蘿生炒骨】用新鮮菠蘿去炒 更加甜同爽口至於生炒骨 外面少少香脆 內裏嘅肉又好軟腍【米湯浸時蔬】食咗咁多海鮮 嚟一個時蔬米湯味道香濃 菜心非常入味【自家製甜品】最後甜品係泰式椰汁西米糕由泰國籍侍應親自製作 望落以為平平無奇 點知味道非常出色連續15年米芝蓮一星殊榮果然名不虛傳所有海鮮又大又新鮮 而且全部烹調得恰到好處非常滿足嘅一餐…Read More

Restaurant Week Summer 2024又係可以用比平時優惠嘅價錢食到心儀餐廳嘅時候個個食完「潤」都讚不絕口 所以想試好耐趁Restaurant Week即刻book黎試下【Elite Signature Dinner Menu HK$1,188 p.p.】喺品嚐前菜之前 先黎個開胃菜 鐵觀音果凍 櫻花蝦紫蘇葉【錦繡球黑椒和牛酥】錦繡球形狀外皮比起普通炸皮更硬身 口感更酥脆黑椒味濃 但唔會蓋過和牛味 而且非常軟腍【果醋麻香海蜇頭】果醋味道好濃 海蜇頭又大又厚 非常爽口【原個椰皇海帶杞子燉鮑魚】椰殼預先焗香 散發椰油香味以海帶 杞子 鮮鮑魚熬成湯 非常清甜鮑魚大隻得黎 新鮮爽口【避風塘富貴蝦】一般會選用海蝦 大蝦 因為咬落啖啖肉 用避風塘炒蟹做法炮製已去殼嘅瀨尿蝦肉都幾有驚喜瀨尿蝦肉較扁身 以為會冇大蝦彈牙嘅感覺點知外皮香脆 好惹味 咬起上黎入面嘅瀨尿蝦好鮮嫩彈牙【櫻花蝦百花燜釀白涼瓜】醬汁非常濃郁 一口咬下櫻花蝦 白涼瓜等食材 口感豐富【龍蝦海苔海膽汁葷油燜飯】選用澳洲龍蝦 肉質嫩滑彈牙用上一板北海道馬糞海膽部分海膽做醬汁 海膽味道非常濃郁葷油撈飯 口感濃腴【椰果石榴甘露】 台灣紅心番石榴配鮮奶 加入西米同沙田柚 椰果製成 甜而不膩【美點薈萃】最後以朱古力杏仁曲奇 椰汁糕作結非常滿足嘅一餐…Read More

食CulinArt1862 Dinner Set只要揀Dessert Presentation “Jackson Pollock”就可以動手砌甜品 咁佢個Dinner Set又有咩食呢?【Dinner Set Menu】2 courses 398 | 3 courses 468 | 4 courses 588Starter 之前先黎麵包【10 Grain Sourdough Bread, Black Garlic Butter】Sourdough熱辣辣外脆內軟特別要讚牛油 香濃軟滑♦︎ Starter 【Burrata & Peach】 | Spiced Lychee Honey | Rye Crisp因為我好鍾意食Burrata Cheese先揀呢款雖然配搭幾新鮮 有桃加左朱古力脆脆 但係Burrata Cheese令我都幾失望正常切開之後 中間應該好絲滑咁流出黎但係中間完全冇流心 仍然係凝固嘅【Seared Hokkaido Scallop + 48 】 | Herb Salad | Ajo Blanco | Wild Garlic Oil 帶子都有少少失望 煎得有少少過熟所以做唔到彈牙嘅感覺 反而有少少韌♦︎ Main【Broiled Spring Chicken】| Kumquat Relish | Coriander | Zucchini Fries春雞就相對黎講算唔錯 皮脆肉嫩【Boston Lobster Linguine + 118】| Lobster Bisque | Home-Grown Cherry Tomato 龍蝦肉整得剛剛好 肉仲有少少晶瑩剔透食落非常彈牙 不過可惜意粉失色左可能我expectation太高 如果配手工意粉就會好完美而家意粉太黏 冇煙韌嘅口感♦︎ Side + 68 each【Sautéed Baby Spinach】 | Anchovies | Raisins | Toasted Pine Nuts【Mac n’ Cheese】| TruffleSide dish 嚟講 正正常常 都好難出事嘅♦︎ Dessert【Dessert Presentation “Jackson Pollock” 】(minimum for 2 pax) + 58pp呢個甜品簡直係成個dinner set嘅重點係非常適合打卡 而味道方面其實都唔錯嘅圖片只供參考 因為大家可能會砌得靚好多唔好俾我呢個「藝術品」影響左大家觀感成餐飯最滿意係甜品雖然dinner set食物普通但為咗個甜品 如果慶祝生日食一次玩下我覺得都可以嘅…Read More

平時經過加寧街 都冇留意到原來角落頭有間咁靚嘅Calle Ocho見到佢而家有Summer Menu 仲要只係$348就book左黎試 入到餐廳先知有兩層 仲要咁大咁多位 但都座無虛席 睇黎質素有保證Summer Menu $348一位Para Picar 開胃前菜 (五選一) Tapas 西班牙小食(五選一)Mains 主菜 (六選一) / Dessert 甜品 (二選一)我同朋友兩個人就揀左以下8款美食【Summer Dinner Set Menu $348】♦︎ Para Picar 開胃前菜 Pan Con Tomate 番茄多士看似簡單嘅菜式 但每間西班牙餐廳做法都各有不同有啲用番茄粒 有啲用番茄蓉 而我食過最好食嘅係熱焗番茄蓉滲入多士不過呢度就咁將凍嘅番茄蓉加橄欖油鋪喺面感覺都清新 但同我自己expectation有少少落差Croquetas (Iberico Ham) (2 pcs)外脆內軟 西班牙火腿鹹香味好濃 口感不錯︎︎♦︎ Tapas 西班牙小食Huevos Rotos 松露流心煎蛋配薯仔流心蛋 新鮮松露片 加薯片 呢個配搭唔需要再形容 淨係食到停唔到手Gambas Al Ajillo 香蒜欖油大蝦大蝦非常新鮮彈牙 香蒜欖油味道香濃♦︎ Mains 主菜 Slow Cooked Beef Cheek 慢燉牛面頰配松露薯蓉牛肉非常鮮嫩軟腍 配薯蓉又係一個唔會輸嘅配搭Suckling Pig 烤西班牙乳豬乳豬非常出色 皮脆內軟 肉嫩到有入口即溶嘅感覺♦︎ Dessert 甜品 Churros 西班牙油條配朱古力醬Candela’s Cheesecake 曼徹格芝士蛋糕兩個甜品就普通 冇乜特別但整體Dinner Set 絕對抵食 而且質素相當唔錯…Read More

近期大熱餐廳一定有NOCINO早兩個月開放訂位 但日日都full 所以要校好鬧鐘 預好時間去book餐廳好細 得5-6張2人枱 每一個鐘係一個timeslot 全間餐廳嘅人都係同一時間要還枱即係你book左1pm 記得要準時到 就算你遲左入 2pm前都係要準時還枱因為未到2pm 門口已經企滿食下一輪嘅客人又逼又趕 咁點解大家都爭住試呢?因為佢非常抵食 而且手工意粉係出色嘅Lunch Set $148 2 courses /$168 3 courses 【Wagyu Beef Tartare】平時嘅他他口感綿密得黎少少煙韌而NOCINO嘅他他比起一般嘅大粒 加埋西芹粒 口感特別 比起一般嘅爽口 加入西芹粒 令味道加左清新嘅感覺面頭嘅炸薯絲再加多左香脆嘅口感冇諗過普通嘅牛肉他他都有驚喜【Fresh House Salad】大家前菜通常都會揀他他加Arancini Ticinese因為覺得剩低嘅Fresh House Salad會冇乜特別原來佢嘅特別之處係加入梨同核桃 口感爽脆 仲有超大量芝士 芝士控表示滿意【Duck Ragu Creste Di Galla - Pecorino & Pangrattato】花邊形狀意粉好特別 非常煙韌 鴨肉味道非常濃郁【Nduja Reginette - Nduja, Mascapone, Lemon, Parmesan】又一形狀好特別嘅意粉 又係非常煙韌 但比花邊形狀嘅彈牙少少 加入Nduja香辣醬好惹味【Odette’s Tiramisu】全餐最滿意係Tiramisu 雖然話前菜同兩款意粉都唔錯但就未去到令我覺得好食到要再食而Tiramisu係有水準嘅口感軟滑 味道剛剛好不過真係有啲逼同趕 係大大扣分位但抵食程度高 可以去試一次…Read More

重新裝修的香港醫學會（中環會所）現在只要登記成為會員 便可預約食飯之前去過香港大學學生會會所 菜式以太極為主題醫學會則以「日月星辰」做主題 象徵醫者仁心品嚐「日月星辰」菜式之前 先來前菜 凍馬友【潮式凍馬友 (魚子醬|豆醬|醬油一瓢水龍吟) $68】賣相精緻 本身擔心會腥 但完全沒有一點腥的感覺反而冷凍魚肉 加上少少油香 配上魚子醬 豆醬 更突顯魚肉鮮味至於「日月星辰」菜式有三款【三色煎豚肉餅(日月星•琢) $168】【花雕蒸蛋白配蟹黃蟹肉（日月星•瑜）$288】【奶酥多土配白芝麻雪糕 (日月星•滋) $68】最想試的蛋白蟹肉當天沽清於是試了另外兩個「日月星辰」菜式本身以為【三色煎豚肉餅】會很普通以生菜片包住豚肉餅肉餅餡料分別是芫茜 南瓜及墨魚餡 味道特別【芹香清湯燉牛坑腩 $328】點不到蛋白蟹肉而選的牛坑腩 有意外驚喜 牛坑腩軟熟入味 湯底十分清甜另一個想試的菜式是【牛肝菌瓦罉炊香苗 $228】但原來要兩天前預約 唯有下次再試於是選了【川味椒麻拌麵 $118】五色拌麵 色彩繽紛 有黃椒紅椒青瓜等 是健康之選而甜品【奶酥多土配白芝麻雪糕 (日月星•滋) $68】另一個「日月星辰」菜式之一賣相精美 月亮星星造型多士配合「日月星辰」主題熱辣辣香脆多士配凍冰冰雪糕 口感味道十分不錯【桂花井澍清心丸 $42】非常煙韌清甜 十分適合炎炎夏日 消暑解膩…Read More

適逢農曆新年 經常要想不同的中菜廳與家人朋友聚會於是便想到一 直想試的HKUAA會所中菜廳加上知道中菜廳剛有新師傅加盟推出全新菜單 將創新概念加入傳統菜式 於是便立即訂座一試究竟【三色素燻鵝 $98】煙燻味極濃 每咬一口都可以嚐到煙燻味腐皮脆身 加上爽脆的紅蘿蔔絲冬菇絲萵筍絲無論味道還是口感都很不錯【太極鴛鴦羹 $288】賣相已經相當吸引 湯羹綿滑【麻香鳳尾蝦多士（6件）$158】鳳尾蝦多士是香港大學校友會的招牌菜手打蝦膠加原隻鳳尾蝦 爽口彈牙 多士非常香脆 口感豐富【焗釀響螺 $78】【焗釀鮮蟹蓋 $128】蟹蓋 響螺都非常足料 有滿滿餡料價錢亦相當合理 十分推介【麻香脆皮牛腩 $218】一層香脆外皮包裹軟腍牛腩沒想到醬汁才是畫龍點睛之處【金牌校友脆皮雞 半隻 $178】又一招牌菜之一 果然皮脆肉嫩農曆新年菜式【瑤柱扒豆苗 (例) $268】當造必食的豆苗 處理得一般 炒得不夠爽身【太極布甸 $68】【香芒脆奶卷 $68】甜品頗為出色 太極布甸層次豐富香芒脆奶卷 外脆內軟 香芒味濃…Read More

龍年除咗要身體健康 事事如意同朋友一齊著古裝 龍袍加身龍年一定財源廣進 橫財就手一班朋友一齊打邊爐已經夠開心咁如果一齊著埋古裝打邊爐又會唔會再開心啲呢？我就係被呢個著古裝嘅gimmick吸引 所以黎左香香宮煮佢連裝修都好特別 包廂係以唔同宮殿命名【黑毛豬蛋糕 $398】【昭陽公主椰子雞湯鍋 $308】新鮮椰青水配合三黃雞 用番薯蜆提升鮮味打邊爐之前 先飲一碗 都算鮮甜滋潤【即炸黃金炒響鈴 $98】即炸黃金響鈴 先用特選腐皮炸香再用鹹蛋黃醬炒香 有鹹蛋味嘅響鈴 呢個推介【花花公主牛魔王拼盤 $568】頂級安格斯牛肉 手必本地牛肉 新鮮牛展頂級雪花肥牛 日本和牛 牛黃喉 牛肉粒 牛舌花 花雕酒浸牛肉 最有印象係牛黃喉 超級爽 其他冇咩特別【魚滑三拼（任選三款）$198】手打蟹子蝦滑手打黑松露魚滑瑤柱乾貝滑【香香公主雜菜拼盤 $128】【蜂巢冰豆腐 $52】【鴨血 $58】【蟹黃餃6粒 $108】【黑松露蟹肉餃6粒 $108】有一樣要讚係 佢食物種類非常多有海鮮拼盤 新鮮海蝦 廣島蠔 蟶子皇 新鮮扇貝/象拔蚌仔/墨魚仔 白鱔片等但我地叫左黑毛豬同牛肉拼盤 份量已經好多未試到佢海鮮質素如何整體來講 雖然餐廳裝修綽頭十足賣相擺盤吸引 但係食材質素好一般我自己就覺得去一次過下一齊著古裝嘅癮就夠…Read More