Glasgow Kiss's Profile

想食臘腸蒸雞飯🐓，但唔想食膶腸，問店員可否轉晒做臘腸，得到既回應係set好晒無得改🙅🏻‍♀️ 。尖沙咀店可以改，灣仔店改唔到，灣仔店的食物是預製加工嗎？咁簡單要求都做唔到，仲要收加一，香港食肆唔好怨無生意了，就係比呢種待客之道害死自己 。如果唔係佢地快手快腳開左茶，我真係想離開唔落單。之前黎過呢間分店，客人唔多時，幾個後生店員掛住玩，嘈住晒，影響食客 。食物質素及服務水平都比尖沙咀店遜色，灣仔店無下次了 。一般叫幾個點心同一個主食，人均要$150，性價比很低 。…Read More

與同行友人路過，知道陳儀興出名，於是試下佢地既牛腩 。我地各自將飯麵升級為套餐，包一碟菜同紫菜湯/飲品 。我試左紫菜湯，屬中規中矩 。友人唔食筋，本人就唔想淨瘦，於是問樓面邊隻腩瘦啲，再補多句友人果碗唔要筋，希望一個唔使「飛邊」，一個唔使咬柴 。點知個樓面一句「廚房決定」就敷衍了我地，食到一半時，我先發現友人碗牛腩仲多筋過我，佢要不斷「飛邊」。食肆做多少少，顧客食得開心，又唔使浪費食物 。咁既價錢，得到咁既服務，試過便算 。味道：正常。環境：有啲逼，兩個套餐已經鋪滿張四人枱 。服務：未至於無禮，但無服務。衞生：以茶餐廳級數黎講，算乾淨 。價錢：貴 。…Read More

唔好去食片皮鴨，除非你好鍾意食鴨油。唔好去食片皮鴨，除非你好鍾意食鴨油。唔好去食片皮鴨，除非你好鍾意食鴨油。唔抱期望去食片皮鴨，但食完比想像中更失望。唔係店員叫到，陪下同行友人食鴨，根本唔想去呢間幫襯。以片皮鴨作招牌，但質素咁差，都唔明點解有時可以大排長龍。油淋淋，厚厚鴨油黐實塊皮，想撇都撇唔走。其他餐廳既都可以按自己喜好“減肥”，呢個唔得，咬落去成口油，鴨肉就乾柴，個摩摩皮上枱立即凍晒。呢個價好多同區餐廳都做到，唔洗呢度貼錢買難食。…Read More

Set Lunch $198起，加一服務費。只有頭盤及主菜，咖啡/茶都無，感覺餐飯唔完整。頭盤有凱薩沙律、南瓜湯或其他加錢選擇。沙律正正常常，菜都夠新鮮既。不過去到主菜，一望就心諗：嘩，乜（份量）咁少架。。。主菜1：海鱸魚（1片）- side dish只有車厘茄，薯仔都無，女士都唔夠啦。主菜2：漢堡 - side dish既黑松露薯條算幾好，但塊漢堡肉太乾。相比之前主打賣burger果間，差好多喎。見到食評正評咁多，但自己呢餐食完係“唔會有下次”感覺。…Read More

堂食試過唔錯，咁就試下外賣啦！不過除PIZZA外，意粉同意大利飯都麻麻，主因係食物唔係一次過出，焗過之後同堂食差很遠。餐飲檸茶唔好飲。給合外賣食物質素、等候時間以及埋單既體驗，我諗唔會再幫襯了。…Read More

見網上食評不錯，搵埋幾個同事一齊落去舖頭買外賣。叫左幾款便當同壽司，總體食物份量及質素都滿意，如果雞扒入味啲就更好! 外賣都等咗成20-30分鐘先有得攞，有啲耐囉，見係新店再俾多次機會你啦！…Read More

一行三人外出搵食，見到新開餐廳即管一試。原本叫左白咖喱牛根腩飯、清湯牛腩湯麵及雞扒蝦籽撈面，結果落單落左白咖喱牛根腩飯（$88）、清湯牛腩蝦籽撈麵（$88）及雞扒蝦籽撈麵（$78），由於返工時間，我地冇改單照食，食物黎到份量唔大，可以用小巧精緻黎形容，係雞扒同豬扒會大件啲。牛根腩夠晒腍，但白咖喱冇乜特別味道，撈麵就有陣好香既麻油味，因為冇食，我不作評論。隔離枱叫左豬扒，黎既係雞扒，食客話黎錯，阿姐竟然改口話係豬扒，咁都講得出口，70幾80蚊個main得到咁既服務認真失望。以上價錢只得main course，加廿幾三十蚊先有小食同飲品，午巿唔使加一。麥x記食個撈麵$5x都已經唔平，佢收$78-$88真係有啲離地，況且又唔係好食過人地50%。…Read More

叫左個燻蹄油雞飯，油雞果幾舊好似剩頭剩尾，由於骨多肉少，食唔得咩味，而燻蹄皮肉分開，啲肉切成條狀，同食瘦肉無異！唔明點解咁多人排隊，唔通剩係叉燒得？果然係期望越大，失望越大！…Read More

見係得獎熱店, 於是見灣仔區咁多燒臘店都要走黎呢間試試, 點知係有期望就有失望! 叫左個油雞燻蹄飯, 返到公司打開飯盒後, 感覺係搭頭搭尾貨色, 油雞係雞下脾最少肉果part, 而燻蹄竟然係一舊舊, 唔係一片片, 皮同肉又分開, 成個感覺就係再興招牌三寶飯: 油雞, 燻蹄皮同瘦肉咁, 見到都唔開胃, 唔會有機會再幫襯!…Read More