ibrahimovic's Profile

疫情到目前為止，好多朋友都介紹要買番啲game喺屋企玩吓，盡量唔出去做運動，所以今日就同朋友約埋一齊去黃金行吓，順便聚下舊傾下計食吓飯。朋友最鍾意就係食西餐，所以就帶咗佢嚟呢一間隱世西餐廳食扒喇。我就叫咗一份美國安格斯黑牛肋眼牛扒，識食梗係食三成熟喇。嘢食未黎之前望下佢個環境，樓底好高好舒服，一啲都唔似喺平民深水埗區。嘢食好快就黎到，放喺眼前嘅係一塊非常厚切嘅牛扒，有西蘭花同埋小紅蘿蔔做配菜，配上特製黑椒汁，仲有脆卜卜嘅薯條。切開塊牛扒，完全沒有血水流出黎咁肉酸，啱我胃口，最鍾意就係呢一陣牛嘅鮮味。食落去，有少少炭燒味，濃郁嘅牛扒香令我覺得十分之值回票價，最欣賞嘅係叫三成熟真係三成熟，唔似隔離街嗰間，幾多成熟都係一樣。下一次想來試吓佢嘅法式羊架！…Read More

今日放假去波鞋街買啲嘢，搞搞吓都成夜晚六點鐘，個肚勁餓，呢個時候食放題應該最適合，於是乎我就嚟咗呢一間非常之近波鞋街嘅日本放題餐廳度食晚飯。一坐低當然要即刻叫刺身，我最欣賞嘅係呢度有得食帶子刺身，雖然唔係好大粒，但係味道都係相當新鮮，呢度啲刺身好厚切，而且要幾多嚟幾多，唔會計住計住，最欣賞嘅係三文魚刺身，同埋大大隻甜蝦刺身，另外仲有我最鍾意食嘅泰式虎蝦刺身。然後再要讚好嘅，係佢嘅芝麻雞翼，真係好想知點樣可以令到隻雞翼咁嫩滑，又可以整到金黃色好靚，好香口，真係冇得彈，最後仲要讚佢呢度有movenpick同埋Häagen-Dazs雪糕，雖然只係得一人一杯但係都冇所謂啦。…Read More

今日黎到旺角火車站呢面揾食，咁啱我同事之前一晚食過呢間話OK, 所以我都要黎試下。叫左個燒和牛黑松露温泉旦沙律、同埋一份極上頭純種和牛拼盤。野食未黎就四周欣賞一下呢度既環境先，我估都係新裝修，100%日本餐廳風格，都好有氣氛，同朋友食飯一流。先黎果個燒和牛黑松露温泉旦沙律先，和牛襯個黑松露，加少少菜食落口感到非常之新鮮，而且佢個沙律汁都係酸酸甜甜，好開胃。最精采一定係個極上頭純種和牛拼盤，佢有齊哂牛的不同部份的名牌，等我知道自己係食緊牛的哪一個部份，非常有趣，推介牛三角位同埋牛脷，加少少鹽，好好味。呢間野真心推介。…Read More

好少去開香港果面開工，其實真係唔知去邊度搵嘢食好。朋友介紹話呢間食中菜唔錯，於是乎就一早訂定位試吓啦。叫咗一個醉雞小食，一個韭黃炒鱔糊，一份小籠包，一個排骨擔擔麵。先來嘅係我嘅最愛，就係醉雞啦！食醉雞最怕係比花雕酒浸得太耐，而引致到雞件有好大陣苦味，但係呢個又唔會喎！恰到好處！酒味係陣陣嘅花雕酒清香，肉質鮮嫩，雞肉又唔會太鞋。跟住要讚好嘅係小籠包，湯汁留喺個包入面，呢個真係要趁熱食！然之後都好食嘅係排骨擔擔麵，排骨好大塊，好厚身，又唔會炸到好似柴皮咁，擔擔面亦都有濃郁嘅湯底，成餐都好滿足！…Read More

雖然尖沙咀經常俾人覺得係美食天堂，但我成日都覺得係尖沙咀真係好難搵嘢食。今日行街行到真係好攰，搵嘢食只係想搵到一間唔使排隊，就可以有嘢食嘅。行到嚟美麗華呢間餐廳，時尚既裝修吸引到我喎。叫咗一個鵝肝魚柳漢堡、一個黑松露薯條、同埋一支啤酒。先來左個黑松露薯條，黑松露份量相當多，黑松露嘅味道親埋去芝士，係有一種好奇妙嘅化學作用，令到原本無味嘅薯條層次豐富左好多，雖然佢份量都唔細，但係食完之後冇好飽嘅感覺，一邊食薯條，一邊飲啤酒，滿足食慾之餘仲有一啲放鬆嘅感覺。跟住你就一係鵝肝魚柳漢堡，先最吸引眼球就係頭果塊厚厚的鵝肝，鵝肝下面有番茄生菜同埋好大塊的炸魚柳，同埋其他嘅配菜，鵝肝味道濃郁，食得出係高品質嘅，魚柳都冇雪藏味，份量相當大，滿足嘅一餐!…Read More

今日喺長沙灣收工，因為經常睇韓國綜藝節目，搞到成日都想食韓國嘢，啱啱行過呢間話自己專係買石頭鍋飯嘅鋪頭，咁就梗係要入去試吓啦。叫咗一個信又漢堡扒配太陽蛋石鍋飯，一碟炒肥牛，同埋一個蒜香雞翼。先來一個炒肥牛，肥牛係厚厚嘅一片，用嚟送酒真係一流，份量亦都唔少，抵食夾大件! 再嚟一碟蒜香雞翼，大大隻雞翼再加上一粒一粒嘅蒜頭，作為餐前小食真係無得輸!主菜當然係漢堡扒太陽蛋石鍋飯，侍應一放低嘅時候仲係有吱吱嘅聲響，睇住隻蛋郁下郁下真係令人胃口大開，石鍋飯嘅好處在於能夠喺冬天嘅日子，都可以長時間咁食都食到熱辣辣嘅飯，而且佢塊漢堡扒好厚身好有牛肉味，再加埋醬汁，成個配搭簡直天衣無縫。…Read More

今日又係去旺角開工，喺旺角鬧市要搵一間又冇咩人，又唔洗等又平靚正嘅食店實在唔容易。同同事行行吓就入咗嚟呢一間位於旺角街市後面嘅餐廳，望落去都企企理企應該實無死。入到去係幾好招呼嘅，先放低一碗紅蘿蔔青蘿蔔湯，都算係有少少誠意之作，但係個正餐真係嚇左我一跳。我叫咗一個上海粗炒，凍檸茶。放到係我面前我心中都打咗個突，望落去根本唔係上海粗炒，而係一碟如假包換的豉油炒烏冬! 老實講第一下嘅感覺係以為佢攞錯咗俾我，食落去我確實一定係一碟烏冬! 而且係淡而無味，我肯定上海粗炒我煮得仲好食過佢，兼且真係唔可能用豉油炒烏冬代替上海粗炒卦，呢間野真係應該都唔會再去。…Read More

尖沙咀宜家好多地方都被自由行攻佔左，揾食變得相尚之艱難，好想揾D唔洗同人迫既餐廳，早早地去THE ONE揾食，應該無問題。呢間餐廳我去過旺角果間，朋友都一致好評，未知尖沙咀呢間分店如何? 不過去到已經好多人，得左一陣就有位。叫左一個生牛肉河、一份蝦餅、同埋串燒豬牛雞。第一樣野要讚好的一定係個生牛肉河，個湯底真係好鮮好濃郁(我宜家打緊字時D口水都流緊)，牛肉份量足夠，幾片洋蔥做點綴，真係一絕。然後個蝦餅亦係一流，做到彈性十足，配上泰式辣醬，一啲都唔熱氣。值得一去再去的餐廳。…Read More

今日去左尖沙咀開工，放工就要慶祝周年紀念日，真係諗到頭都爆，即刻找朋友求救，朋友介紹去諾士佛台實無問題，於是去左呢間餐廳食飯。環境一流，聽到侍應同隔離枱講話呢度係新裝修，果然係紀念日好地方。叫左一個雞肉PIZZA同其他野食，同埋叫左一杯STELLA啤酒。STELLA啤酒係HAPPY HOUR時段好抵飲，一定抵過係樓下飲先，靜靜地飲杯啤酒，良辰美景，真係唔錯既享受。個雞肉PIZZA一黎，真係眼前一亮，同連鎖果D PIZZA店真係冇得比，賣相已經一絕，食落去有濃郁的燒汁味道同埋厚芝士邊，加幾滴TABASCO，真係好味道。如果想靜靜地食餐飯，真係唔錯的選擇。…Read More

今晚凍凍地，突然之間好想打邊爐。所以一收工就CALL左幾個朋友一齊去旺角呢一間鋪頭嗰度打邊爐。好耐無食過藥膳醉雞鍋，好掛住佢果陣濃香既中藥味道，因此就叫咗半隻藥膳醉雞鍋，一個至尊手切本地牛頸脊、蟹子墨魚油炸鬼做小食，一個脆鯇魚片，一份雲吞。先來一個小食蟹子墨魚油炸鬼，上面係充滿蟹子，中間釀左一層厚厚的蝦滑，再下面就係炸到脆卜卜嘅油炸鬼。食落口感覺十分特別，賣相好靚，蟹子令到油炸鬼食落口唔肥膩，確實係一個幾特別嘅小食。跟住走來火鍋嘅配料喇，手切肥牛肉，肉質鮮紅，紋路好靚，食落口陣陣鮮牛肉味，非常過癮。另外都要讚下佢嘅雲吞，入面有好多彈牙嘅鮮蝦，亦都好大粒，總括黎講呢一間係一間會食到過返尋味既火煱店。…Read More

一直想試大阪燒，但幾次去日本都無機會食到，以為無望之際，聽到同事話旺角有間新開，就立刻打電話book位！餐廳位於ＴＯＰ內，交通方便，我們也特地在商場逛逛才醫肚！入到餐廳，已經坐左好多人，看到周圍都食緊，就更加急不及待點菜。先來鐵板魷魚鬚～送來的魷魚鬚已經經廚師炒好，侍應把魷魚鬚送到我們面前已預熱的鐵板上，香味隨之走進鼻上！魷魚鬚除了香口外，肉質亦軟硬適中，微微加上檸檬汁在魷魚鬚上，味道更覺香甜可口，絕對是得推介的前菜！然後再來蛋包麵！同樣地，侍應熟練地把手上的蛋包麵放進鐵板上，還細心地替我們加上沙律醬！吃落很有日式的味道，大大份，兩個人食剛剛好！最後當然唔少得自製大阪燒！侍應送來魷魚海鮮和蛋蔥等大阪燒醬材料我們先攬拌蛋蔥，然後再把魷魚煎至半熟！再把大阪燒醬放在鐵板煎，然後再放海鮮和餘外的燒醬，再來來回回地煎數次即成！看看製成品～也不錯呀！哈哈過程簡單得意，煮得開心！配上合適的醬汁，啖啖魷魚大阪燒，口感不錯呢～總括而言，今晚餐飯食得開心，玩得開心，加上環境坐得舒服，值得推介給大家！…Read More

今天非常幸福，竟然可以係旺角收工，又突然間好想食越南野，於是乎就上左去呢度開餐了。叫咗半打豬牛雞串燒、 椰青焗飯 、咖哩牛腩加印度薄餅、  半隻去骨海南雞 生牛肉河、  同埋檸檬梳打。 先黎一個椰汁椰青焗飯，呢一個菜色實在係非常之特別， 除咗上面係林曬椰汁之外，每食一口飯入面都充滿住椰香 ，入面仲有大蝦同埋其他海鮮 ，食落口好清新唔油利，呢一個菜我之前都從來冇喺越南舖頭食過。跟住要讚好就係生牛肉河 ，首先係佢牛肉有好多塊，半生熟實在係好爽口， 再要讚下佢個湯底非常之濃郁， 最後我係連湯都飲曬哈哈。然後要讚佢個海南雞， 唔知道佢用啲咩方法可以令到啲雞肉咁鮮嫰， 而且全部雞肉都去曬骨﹐啖啖肉實在係非常之滿足。…Read More

今日係週年紀念，梗係要食餐好，要喺九龍鬧市搵一間有情調嘅餐廳並不容易，朋友介紹去呢一間有得聽live band嘅餐廳，裝修非常華麗 ，表演舞台同電視台嗰啲有得比。叫咗一個加拿大保濕嫩豬鞍配青蘋果醬及燒粟米，同埋美國牛腹肉加墨西哥餅 配是拉差蛋黃醬及阿根廷青醬，同埋蕃茄蓉大蝦意粉。先來一個加拿大保濕嫩豬鞍，係一塊相當之厚切嘅豬扒，但係絕對唔係大家想像中係普通餐廳食嗰隻豬扒，佢嘅嫩滑程度真可以比得上牛扒，咬落去有少少炭燒味，小小嘅鹽令到豬扒嘅鮮味出曬嚟，另外配上嘅粟米亦都係燒過所以真係好香口。再黎係大蝦意粉，要特別大讚嘅係嗰幾隻蝦，係一隻隻特大蝦碌，成粒有成隻康樂棋咁大隻。邊食野邊聽十分有水準的LIVE BAND，一樂也!…Read More

朋友約食飯，一個住喺東涌嘅朋友，諗咗好耐究竟有咩地方可以方便大家，最後就俾我諗到啦去奧運奧海城食嘢，雖然我哋住一個東一個西，但係應該大家嘅交通都唔需要30分鐘!叫咗一份正宗西班牙奄列，美國頂級肉眼扒，同埋西班牙海鮮炒飯，喺未食嘢之前，侍應話今日有抽獎活動，好好彩畀我哋抽到50蚊現金劵，仲可以即刻用，估唔到一向係臭手嘅我，都有抽中獎既一日。要讚下嘅係西班牙海鮮炒飯，上面有青口、魷魚、同埋大蝦，蜆肉，仲有各式各樣嘅沙律菜，賣相十分之一流，而且好大份，應該係四人份量嘅，好香，每粒飯都好有咬口。跟住仲要讚好嘅係美國肉眼扒，又係好大份，塊扒有我成隻手掌咁大，有一陣陣嘅炭燒香味，我就叫咗一份三成嘅，生熟程度掌握得非常之好，肉質鮮嫩，咬落口有肉汁流出嚟，配埋佢嗰醬就真係一流啦。…Read More

今朝早冇食早餐做咗成個上晝，竟然奇蹟地話下晝唔使返工，即時約朋友去荃灣食個日式放題先。呢間餐廳個場好大，而且平日嘅下晝時間竟然咁多人，我估都唔差得去邊。先黎一個刺身拼盤，要咗赤蝦刺身、甜蝦刺身、油甘魚刺身、三文魚刺身、天使蝦刺身、同埋帶子刺身，要讚下佢嘅赤蝦刺身，好大隻，我印像中呢一個size嘅赤蝦刺身，喺大型超市要賣到好貴，所以真係好抵食，再要讚下佢個三文魚刺身，砌得好好，每一件都好大件，好新鮮，份量好多，係我食過既日本放題份量最多既，而且佢嘅刺身仲有提供好少見嘅帶子刺身，另外每人會送一杯movenpick或者係haagen dazs雪糕，因此絕對超值。…Read More