叫咗一份正宗西班牙奄列，美國頂級肉眼扒，同埋西班牙海鮮炒飯，喺未食嘢之前，侍應話今日有抽獎活動，好好彩畀我哋抽到50蚊現金劵，仲可以即刻用，估唔到一向係臭手嘅我，都有抽中獎既一日。
要讚下嘅係西班牙海鮮炒飯，上面有青口、魷魚、同埋大蝦，蜆肉，仲有各式各樣嘅沙律菜，賣相十分之一流，而且好大份，應該係四人份量嘅，好香，每粒飯都好有咬口。
跟住仲要讚好嘅係美國肉眼扒，又係好大份，塊扒有我成隻手掌咁大，有一陣陣嘅炭燒香味，我就叫咗一份三成嘅，生熟程度掌握得非常之好，肉質鮮嫩，咬落口有肉汁流出嚟，配埋佢嗰醬就真係一流啦。
