eatnonstooop's Profile

有時好想食沾麵就會去三田製麵所 K11 Art Mall分店最就腳 所以基本次次dinner都要排隊等入座🍜 諗唔到邊款就嗌特製濃厚豚骨魚介沾麵($108/中) 一碗有齊厚切叉燒片、溏心蛋、雜菜絲同紫菜～ 相對配合香港人口味所以麵都可以揀熱或凍！朋友就叫左平時少食既鹽味鯛魚湯拉麵($88) 湯底比較清爽唔油膩 魚味冇想像中重🐟 反而帶點柚子或檸檬皮的清新味 如果唔想食豚骨魚介咁重口味的話呢款會比較舒服🍋 所以就算係配細麵比較掛湯都唔會覺得好膩～…Read More

最鍾意就係食刀削麵！唔知係咪好多朋友仲以為夏天食碗熱湯麵好辛苦 其實刀削麵都可以涼拌好消暑🌞 口水風味冷刀($69)唔計自選既餸本身已經有花生、芝麻、青瓜絲，配料我揀左豬耳同熏蹄絲，本身跟擔擔醬同口水汁黎撈凍嘅刀削麵 怕辣記得揀少辣🍜 以前食開熱拌 凍食唔係周圍都有 相對會更加有咬口好煙靭🤩 而經典熱湯刀削麵($62)配麻辣配料就夠晒惹味 試左牛腱拼牛筋腩 份量一啲都唔少 湯底都唔會好鹹🐮 揀麻辣配料但怕辣既仲可以要求辣另上好貼心 或者直接走辣都得架🌶️…Read More

原來銅鑼灣鵝頸橋附近有間打邊爐 超多足料既鍋底揀🍲 好啱宜家夏天食有秘制消暑椰漿雞濃湯鍋($308)！初頭以為係我哋平時食開嘅椰子水加雞塊 點知原來係超濃嘅雞湯 再加大量椰子絲同椰漿🥥 一上檯成煲有乾冰飄住煙咁好有仙氣 煲滾咗之後可以飲咗一碗湯先 超舒服暖胃又唔膩🙂‍↕️ 火鍋配料有手切本地牛頸脊($328) 厚切唔韌超重牛味🐮 誠意之作有黑松露蟹肉餃🥟、手打墨汁芝心墨魚丸🦑($78/4粒) 推介好有驚喜既順德魚腐($58)索晒雞湯超級正、即炸響鈴($82)有鹹蛋黃或者冇兩個版本～ 同埋比較少有的台灣水蓮菜($78) 飲品除左啤酒之外仲有自己製的竹蔗茅根 配打邊爐一流👍🏻…Read More

不知不覺觀塘好似變左食花膠雞米線既勝地 今次第一次食大名鼎鼎駿運士多隔離的雞駅 淨係觀塘佢都有三家分店🍜 基本上檯檯必點的係藥膳黃酒花膠雞米線($68+$5轉上海麵) 一端上來就有陣陣滋補既藥膳香 建議大家+$10升級雞髀肉 真係件件都好滑嫩🍗 不過有點可惜寫明係每日鮮製的上海麵竟然唔係好q彈 冇咩咬口可能當日煮淋左少少🥲 而鍾意菇香可以試姬松茸竹笙花膠雞米線($78) 冇黃酒搶味所以呢款相對更加飲到個濃雞湯甜味🍄 見到每個位都有跟個電磁爐仔 原來下晝5點打後就有shabu shabu $88起跳都算相當抵食🙌🏻…Read More

尖沙嘴雞煲火鍋行懷舊港式風 眼見都有唔少遊客一齊食，試左火焰原隻鳳梨雞煲($288) 一上檯就見到原個菠蘿 點完火之後有職員黎拎走鳳梨皮🔥 然後原來裡面就有滿滿的菠蘿肉 再撈埋啲雞煲醬同雞肉 可能因為我地走左辣 所以整體食落去比較甜身🍍 食完雞肉就可以加湯打邊爐 建議叫牛肉拼盤($388/細) 有好多款牛肉一次過試晒🐮 鬼馬滑雙拼($128)包含蝦滑同墨魚滑🦑 另外蜂巢冰豆腐($48)同炸支竹($38)都好配雞煲醬打邊爐 超級惹味！最後值得一提佢哋竟然有藍妹、Stella同Hoegaarden生啤 買四送一超抵呀🍺…Read More

牛頭角仍試業中的雞白湯拉麵 日本人主理但性價比超高！🍜 鎮店的瑪瑙瑙鳥白湯麵($89+$10) 揀左配掛湯的細白麵，每一口都裹上濃濃的雞湯 完全冇腥臭味 亦都唔會油膩 感覺係滿滿的膠質同蛋白質～ 本身拉麵冇跟味玉所以要追加十蚊 不過非常值得 因為溏心蛋做得非常好🥚 另一款黑蒜雞白湯拉麵($89+$30) 推介大家配黃麵 相對冇咁吸湯但會更加有咬口，鍾意黑蒜同濃味既人必揀 但要有心理準備雞味一定冇咁濃 追加三十蚊有多一份雞叉燒同慢煮雞胸 兩款都好食🐔…Read More

有時crave for小籠包就會去樂天皇朝，好在啟德Airside商場就有一間分店～ 黑豚肉小籠包 ($83/6粒) 水準好穩定 典型皮薄餡多 豬肉味道夠晒鮮美，每一啖都感受到滿滿的湯汁噴出🐷 涼菜試左芝麻醬油麥菜 ($72) 清新爽口 油麥菜一卷卷咁自己沾芝麻醬食 經典應該係麻醬 不過呢到就配左偏日式的焙煎芝麻醬😹 陳皮五香牛肉 ($78) 味道濃郁 微微陳皮香氣令到牛𦟌更加有層次 估唔到份量都幾多！主食嗌左雪菜鹹肉炒年糕 ($95) 啖啖都充滿咸香味 年糕都算炒得入味，次次食完炒年糕好滿足🙂‍↕️…Read More

韓國過江龍青年大邦第一間竟然開係沙田，基本上每檯必點年糕鍋燉牛肋骨年糕鍋 ($323)配上小辣嘅招牌醬 最有賣點的年糕每條長達35cm，口感都算彈牙不過有點難入味🙂‍↔️ 牛肋骨燜得非常軟熟，不過調味上有少少甜 未必個個喜歡🐮 另外仲試左韓醬五花肉釜飯 ($132) 釜飯熱辣辣上檯，可以先用紫菜包住咁食乾既飯，然後後半段再加入高湯令鍋巴就會變軟 好似食湯飯咁～ 飯上面既五花肉燒得幾惹味 份量都算多 超滿足好正呀🐷！…Read More

將軍澳POPCORN商場有新泰菜主打鑊氣小炒進駐，炒粉麵飯基本上係必點🔥 醉貓炒河($88)比飛雞炒河($88)更加惹味，前者帶點微辣鹹香感重，後者炒雞蛋配雞肉的味道就比較出 但兩款都係用上超級煙韌的河粉 越嚼越香完全食唔停🌶️～小食類推薦炸蝦餅($78/3件)每件都一開二 好彈牙蝦味夠🍤 邪惡仲有炸得好酥脆的泰式煎蠔餅($98) 好大的一塊，每一口都有滿滿的蠔仔 配辣醬超正🦪 適合同朋友仔一齊share的有火山骨($168) 佢有個火爐仔熱住 唔洗驚食得慢會凍晒，自製的青椒醬唔會好辣 反而都幾夠酸！而燒烤種類都唔少 沙爹串燒($78/4串)有豬、雞、魷魚揀，另外仲有原隻燒魷魚($138)沾酸辣醬好開胃 份量好多啖啖肉🦑 佢哋仲有泰式燒牛柳($138)呢個價錢絕對屬於抵食🐮 甜品類除左基本泰菜必點的芒果糯米飯($68) 我反而覺得菠蘿椰子蜜糖吐司更加有驚喜 吐司外脆內軟熟 面頭有滿滿的菠蘿粒粒 好大球的椰子雪糕 夾埋一齊食冷熱交融🍍 而飲品佢哋的凍泰式咖啡($30)仲有得走甜 奶味唔會過重 反而仲好飲到啖啖的咖啡香☕️ 鍾意飲酒一定唔好錯過佢哋的cocktail 價錢非常相宜 最鍾意蝶舞可樂撻($68)蝶豆花版的pina colada除左個樣適合打卡 椰奶味道都好香但唔會過膩🥥 而偏愛refreshing的話都可以試下真金不換($68) gin底再加香草 啱晒配辣野個陣飲🌿…Read More

尖嘴重慶大廈隔離有個慶方商場落地庫有勁多餐廳仔 商場新裝修都好乾淨企理，轉落去行入啲有間食車仔麵 款式勁多 又咁啱呢頭得好多米線舖但冇車仔麵食🍜！自選車仔麵 麵底必揀油麵($12) 餸素食推介好甜的蘿蔔($13)同爆甜的冬菇($13)，丸類選擇都好多 鍾意有魷魚的炸魷魚丸($15)🦑、深海粒粒墨魚丸($15)🐙同秘制特級瀨尿牛筋丸($15) 仲有咖喱魷魚($20)都唔錯～另外小食試咗好耐冇食的瑞士汁雞中翼($30/4隻)、份量都唔算細嘅生菜魚肉($30)🥬👍🏻…Read More

太子一千蚊都唔洗就食到三盤和牛的壽喜燒 仲要冇加一 套餐包一支細清酒或者果酒 性價比超高🥩 極品二人牛盛($788) 包120克A5日本佐賀、100克和牛封門柳、100克和牛小排、兩隻生雞蛋及野菜盤🥬 佐賀牛話明A5油花一定係三盤最靚 估唔到配壽喜燒煮法冇過膩 反而食到好嫩口好滑身完全冇渣的口感封門柳打邊爐就食得多 配壽喜燒反而第一次 牛肉味三款之中最出最濃 亦都係相對只有咬口，和牛小排就係最平衡 肉味又有脂肪比例都平均 不過相對就最冇驚喜 一定好味🍲 蔬菜盤仲有超正既日本葛粉 夠晒正宗～ 個餐冇包主食 所以建議配搭多份吉列海鮮拼盤二人盛($198)每人一隻巨型炸虎蝦、炸原隻帶子、炸生蠔 配埋特製既芥末沙律醬超正🍤🦪…Read More

銅鑼灣現試營業既新米線店，主打豬骨湯底，招牌有金湯酸辣湯底或者麻酸辣湯底，前者比較溫和配米線食落舒服惹味，後者似足麻辣燙或者冒菜個款湯咁靠辣油既香氣但冇咩鹹香🌶️ 有點可惜辣度冇得自己揀，如果唔算好食得辣會比較推介叫金湯而唔係麻酸辣，見到隔離檯食得都幾辛苦。。要叫豆漿黎解辣😹米線配料勁多款例如好少配米線既吉列豬扒，推薦鹵水腩肉、櫻花蝦餅同竹笙！腩肉滷得幾入味，蝦餅好少見，竹笙都好正～～ 每碗原來仲會自帶幾舊好索湯的豆卜～…Read More

上次食完尖沙咀分店，今次帶朋友試埋銅鑼灣總店🍲 一人一個套餐，日本產黑毛A4和牛特選肩胛($238/180g大盛)肉味比較濃有咬口🐮 極上肉眼($238/120g並)脂肪同油花比較豐富，口感相對柔軟啲，不過竟然冇想像中油膩🥩 如果唔識燒想食懶人餐 可以試吓搵職員 佢哋都好客氣好幫手咁介紹😹 套餐仲包前菜、野菜盛合、蘭王蛋、甜品，同自選讚岐烏冬或者飯～ 同上次一樣post IG或者FB可以有免費生啤一杯或者赤身一客🍺…Read More

銅鑼灣登龍街又多左間晚餐輕食小店，環境企理夠乾淨，主打港式粉麵有自家炆嘅慢煮牛腩，每日新鮮包既巨型雲吞🍜 雙拼撈麵($63起)加多$12就可以升級50年本地老字號既永樂蝦籽麵🦐 牛筋反而比牛腩有驚喜，炆得好軟爛而且更加入味，牛腩叫多肥可能會比偏瘦好🐮 雙拼湯河($55起)呢到個招牌湯底係熬足8粒鐘既雞白湯 好誇張🐔 雲吞雖然得兩粒 但真係超大粒而且入面仲有櫻花蝦，鮮味十足！油菜($22)仲可以加腩汁 惹味好多～ …Read More

之前成日聽朋友讚香香宮煮打邊爐連湯底都好有誠意 前排weekend轉涼食超perfect🍲 每個美人湯鍋都係一款公主 試左蘭陵公主胡椒酸菜魚鍋($308) 惹味湯頭酸菜或胡椒份量唔會好嗆，最震撼係有大量龍躉片！細食既朋友可能是酸菜魚都飽左一半🐟 呢到必點相信係仙氣滿滿的艾莎公主牛肉寶盒($498) 有7款牛包括手切牛崩沙、手切本地牛肉、新鮮牛展、頂級雪花肥牛、牛黃喉、牛肉粒、牛舌花，咁多款最正當然係手切個兩款 濃郁牛味又夠嫩滑🐮 唔食牛都可以點伊比利亞橡果豬($188) 有10片算抵食，肉質清晰有大理石紋般嘅油花 唔會好膩 同酸菜魚湯底比牛肉仲夾🐷 手打丸都夠晒驚喜 第一次試松露芝心墨魚丸($72/4粒) 有松露香氣有墨魚既彈牙口感，中間仲有流心既芝士 好有誠意呀🧀！ …Read More