原來銅鑼灣鵝頸橋附近有間打邊爐 超多足料既鍋底揀🍲 好啱宜家夏天食有秘制消暑椰漿雞濃湯鍋($308)！
初頭以為係我哋平時食開嘅椰子水加雞塊 點知原來係超濃嘅雞湯 再加大量椰子絲同椰漿🥥 一上檯成煲有乾冰飄住煙咁好有仙氣 煲滾咗之後可以飲咗一碗湯先 超舒服暖胃又唔膩🙂↕️
火鍋配料有手切本地牛頸脊($328) 厚切唔韌超重牛味🐮 誠意之作有黑松露蟹肉餃🥟、手打墨汁芝心墨魚丸🦑($78/4粒)
推介好有驚喜既順德魚腐($58)索晒雞湯超級正、即炸響鈴($82)有鹹蛋黃或者冇兩個版本～ 同埋比較少有的台灣水蓮菜($78) 飲品除左啤酒之外仲有自己製的竹蔗茅根 配打邊爐一流👍🏻
2
