PuiPuiW's Profile

秋風起，又係食蛇羹嘅好日子估唔到天天海南雞都出咗蛇羹二人餐，仲有當做既蟹粉豆苗咁不如就試吓啦每人都有一碗花膠太史蛇羹，蛇羹濃稠度啱啱好唔會太稀。而且蛇肉口感都唔錯，加上蛇羹專配嘅香料同脆塊，係兒時食蛇羹既味道配蛇羹又點少得糯米飯-蛇王芬生炒糯米飯糯米飯配上臘腸，有咸香而且不太膩更可配以蟹粉豆苗清清膩，都係唔錯嘅選擇因為豆苗味道好清新，伴以蟹粉作點綴，蟹粉味道都好突出仲有餐廳既招牌海南雞，都幾大份肉質滑嫩，點上醬汁就更惹味食完就可以暖笠笠啦…Read More

最近Sogo thankful week ，再加埋black Friday ，真係度度都有優惠！今日同朋友血拼完，就食餐好做一個完美嘅總結！餐廳有兩層，座位好闊躺，夠位放晒啲戰利品！香蔥鮑魚龍躉骨見天氣最近開始轉涼，就叫咗一個鮑魚龍躉骨鍋嚟暖暖身。龍躉骨厚肉有骨，啲骨大大舊，容易挑出嚟，煮到啱啱好，唔會鞋口。鮑魚亦爽口！蒜蓉粉絲蒸蟶子、扇貝仲叫咗兩款海鮮食，海鮮性價比高，伴菜嘅粉絲吸哂豉油同海鮮嘅鮮味，好入味。扇貝同蟶子都好新鮮肥美。椒鹽九肚魚每次出街食，見到有都一定會叫！九肚魚炸到脆卜卜，上面仲有啲乾蒜粒，食落好香口，入面嘅九肚魚仲可以保持嫩滑。不過我就鍾意點埋醬，酸酸地嘅醬汁，開胃得嚟，又可以減少油膩感！…Read More

Happy Friday 同好耐無見既中學同學聚餐呢間餐廳氣氛唔錯，座位之間有距離感，可以好relax咁傾下計White Peach Cooler當然要飲返杯野chill下今次仲試左個打卡菜式-熱熔法國流心芝士沙律！一大片流心芝士覆蓋住沙律，鍾意食芝士既朋友仔唔好錯過芝士味道唔會太膩，配上焗薯及西班牙辣肉腸、火腿同沙律菜，味道並唔單調當日仲食左個好鮮味既意大利麵～加拿大龍蝦及海膽、蟹青意大利麵海膽唔腥仲好鮮味，龍蝦係底下份量都好足，蟹青仲佈滿意大利麵鍾意食海鮮既朋友仔表示好滿足…Read More

平時黎旺角有時都會係通菜街搵食，但再轉入啲都有唔少餐廳今次朋友帶我去左間隱世餐廳，行過煙廠街街市，有一間金玉滿堂，裝修比較傳統，但都令我諗起以前中式鑊氣地道小菜朋友仔推介香草芥末奇趣元貝王，奇趣就係炸米，好香口。而且其他材料都炒得好香，夠乾身。主角元貝份量好多，火侯又捉得好，必試脆皮燒雞真係脆皮，皮夠乾身，但肉仲係有水份。而且醃得夠味又有雞味仲叫左啫啫蝦干娃娃菜煲，煲好夠熱，娃娃菜好甜又帶有香氣。好耐無食到咁正既菜煲，而且蝦干又大粒同重蝦味。呢碟菜同芥末元貝王都覺得係足料又靚料，好抵食…Read More

慶祝朋友搵到新工，就搞個飯局賀一賀佢餐廳環境仲好唔錯，有唔少綠色植物營造輕鬆感覺我地點左烤三文魚餅伴紅椒汁三文魚肉仲好juicy ，外面有烤到脆脆既麵包糠，增添口感主食有紅酒燴牛面頰配薯蓉牛面頰煮到好入味同淋身，味道會比較濃味配埋薯蓉食就岩岩好，薯蓉質感仲好軟滑另一款主食有芫荽廣島蠔意大利飯配脆煙肉和芝士脆脆廣島蠔好飽滿，重點係無overcook，蠔汁一咬即爆意大利飯醬汁恰到好處，食到最後唔會覺得膩而芝士脆脆帶來口感同香味，很有驚喜的菜式最後就同朋友分享埋焦糖燉蛋燉蛋唔會太甜，亦夠滑身份量足夠2人享用…Read More

同朋友仔去咗灣仔行街，意外地係街角見到間新開既日本餐廳，仲可以食Omakase！中午仲有更多既套餐可以選擇，咁就入到去先慢慢揀啦朋友仔鍾意食牛，就揀左$180 美國頂級牛扒照燒配白飯牛扒燒到香氣十足！肉質偏軟有咬口，但一啲都唔韌。重點係牛味真係夠重白飯唔洗多講，係粒粒飽滿、有米香既珍珠米我就想試多啲野，叫左壽司定食配角切魚生飯壽司定食就有六件壽司加一件蛋蛋糕當中最吸睛既就係黎自兵庫縣室海膽，份量很足、又飽滿有光澤。食落夠哂鮮甜，新鮮角切魚生飯可以見到魚生係有一定既份量，咬落口絕對有口感午餐仲配有日式沙律、茶碗蒸、前菜海哲，更可選甜品或餐飲，CP值更高…Read More

收工約左舊同事食飯，happy friday黎左食泰國菜～餐廳環境都坐得幾舒服，食物同服務質素都好好見人多，就叫左鹽焗烏頭烏頭都幾大條，4個人都絕對夠食魚皮已經起好左，打開就見到靚靚白雪雪魚肉因為魚肚包住左香茅，所以食落會帶淡淡香茅味如果點泰式酸辣醬就會更惹味我自己好鍾意食薄餅，所以就叫咗個馬莎文牛腩配印度薄餅馬莎文咖喱味道帶多點香料，但適應返港人口味唔會覺得過分強烈，只係味道更香牛腩炆得腍，咖喱入面亦有鷹嘴豆增添口感很有特式我哋仲叫咗少少海鮮，當中泰式炒花甲令我哋很驚喜係因為花甲新鮮之餘，份量仲好足花甲無肉果邊既殼已經起咗，都仲可以堆到咁滿，真係其他餐廳份量既兩倍…Read More

前排喺IG見朋友去左燒流水蝦，覺得個體驗幾有趣，所以就趁着星期六去試試揀咗佐敦嘅蝦蝦燒，因為地點比較方便，食完仲可以去尖沙咀行街生猛既流水蝦就係座位格離！夾起後要快快手放入冰桶，再用碟蓋好，凍暈啲蝦新鮮既蝦確實味道同口感係唔同啲，只需要燒好後加鹽，就已經夠鮮， 而且仲大大隻，可以大大啖食，仲有膏架！！！而現場仲有好幾款海鮮任食，鮑魚、蜆全部都識得郁，仲可以燒大眼雞、魷魚、生蠔同帶子基本上我哋全程投入係燒海鮮上，因為真係好新鮮，同食多啲海鮮抵啲🤣🤣🤣當中重點推介帶子，帶子真係新鮮又飽滿，只需要落少少鹽調味就已經好好食同埋鋪面位置寬敝，坐得幾舒服，而且冷氣開得足，唔會覺得熱同油煙重今餐又有得食，又可以自己親手夾流水蝦，體驗幾好，希望遲下可以同多啲朋友黎食啦…Read More

同友人係荃灣行完街，想揾地方食少少野，休息一下見餐廳座位寬闊，仲有一排窗邊位有落地大玻璃，環境氣氛好休閑，就係到chill下友人係牛魔王，揀左卡爾谷煙燻車打牛肉漢堡麵包烘香，又鬆軟，牛肉完美地呈現淡粉紅色，口感是剛好的。即使配上芝士，在有醬汁的加持下，完全不會太膩，實屬難得。另外薯條炸得金黃香脆，熱辣辣上，薯味濃郁。摩卡布朗尼新地其實，我哋一開頭都冇諗過食布朗尼。因為呢度嘅pancake好出名，但因為我哋有啲飽怕食唔晒，所以叫左新地。嚟到嘅時候，侍應叫我哋準備相機。我們都好愕然！原來甜品既底層係有乾冰，侍應再加入水產生煙霧效果，是個打卡甜品！效果真係好靚架，建議各位有仙氣既女神，嚟到嘅時候一定要叫這個新地。講返食物質素，布朗尼不是太甜亦很鬆軟，雪糕牛奶味好重偏奶感，幸好有乾冰的幫助，不然的話雪糕一定很快溶化。視覺享受、口感也是滿分的。大家嚟到記住試吓啦！…Read More

今日難得放假，就約咗朋友去尖沙咀行街，順便揾食！餐廳以蟹為主打，除咗大門口嘅蟹招牌，入面都有唔少蟹蟹嘅公仔。黃金流沙龍蝦今次就冇食到蟹，事關朋友仔見到龍蝦有特價！黃金流沙，真係做到金黃色，充滿鹹蛋香，餸飯一流！龍蝦大大舊，食落啖啖肉，肉質都好結實。醬燒BB鴨呢個係一個新加嘅菜色，店員強烈推介。一開始，燒鴨紮咗一個蝴蝶結喺頭上，好可愛！店員見到打完卡，先會拎返入廚房切。BB鴨嘅肉好滑嫩，連啲皮都充滿醬油香，所以唔點醬都好夠味。黃金豆腐豆腐一粒粒整齊排列，每一個都炸到金黃色，望落已經好吸引。我就鐘意點埋甜酸醬汁一齊食，酸酸甜甜好開胃，仲可以解解膩。莞香鮑魚炒粉絲配咗芽菜、蟹籽、雞蛋同鮑魚一齊炒粉絲，材料好豐富，食落有口感。馬來西亞咸水梅桔仔冰夏天真係好需要一杯冰涼嘅飲品，清新解渴。…Read More

星期五既晚上，當然要搵個環境好，野食正既地方CHILL CHILL佢野食方面，兩個男人叫左五樣餸第一樣黎既係”沖繩黑豚”， 肉汁多，味道濃郁又香!配上新鮮檸檬汁， 真係堪稱小酌絕配，只係份量比想像中要小。第二樣”銀雪魚西京燒”， 魚香肉滑又多汁，軟滑香口， 鹹淡度十分適中。重口味朋友可以試下點少少沙律醬，野味又解膩。若要挑剔既係魚皮煎脆會比較好食!第三樣，出現”鰻魚炒飯”，份量多，又唔貴，性價比之選。鰻魚滑嫩，唔似一般餐廳成日炒到過曬火，靠加油去改善口感。呢度啲炒飯粒粒分明，唔會多油膩口。第四樣，”日式蒜蓉燒蠔[四本]” ，賣相99分，非常吸引。(原本叫六本仲可以試多幾味，就可以拎足100分。不過,係窮啊。) 燒蠔剛熟，唔老，滑口。蒜蓉味野味，天作之合。第五樣，值得一提既”網燒日本和牛”，絕對好食!性價比超高， 係今餐最好食既一道菜色。 “和牛”四邊燒至脆口，中間則香嫩多汁， 原味入口已經”無得輸”。我認為不需點額外提供既燒汁，就已經食到和牛本身既美味。整體黎講， 花木係一間東瀛風味十足的的日本料理店， 由裝修擺設以至侍應服飾都好有好有風味， 食物質素都算高。…Read More

登登~情人節另一半帶左我食鐵板燒，原本以為係只有燒物，無乜其他選擇，但都好多刺身、湯品亦難得一年一度既情人節，唔介意食好啲，就揀選左海膽二人套餐，入面幾乎每個菜式都有海膽既行蹤前菜-蟹肉黑醋沙律杯 & 北海道3點盛盒黑醋味道不太濃，作用係帶出蟹肉鮮甜三文魚刺身肥美，北寄貝彈牙，幾新鮮之後就有兩個好邪惡，有滿滿既海膽既小食樂師傅十層海膽杯 內裡有吞拿魚蓉、三文魚籽、海膽等鮮味刺身，重點是全都很新鮮，一次品嚐不同鮮味蟹粉甲羅燒海膽杯賣相超級吸引，也是我愛吃的有蟹肉、蟹膏、海膽、三文魚籽撈均後再進食，風味更佳北海道海膽流沙松茸大蝦多士大蝦煎得很香口，重點是食材新鮮，質感很結實彈牙，多士都十分香脆海膽焗原條海參海参分量比想像中多，口感彈牙，不會鬆散醬汁在這環節幫忙很大，因海參本身是沒有什麼味道的食材，如今變得味道濃郁海膽醬芝士焗龍蝦係大大隻既龍蝦吖 同樣地，食材超級新鮮，超非普通酒樓、西餐廳可比擬彈牙結實既肉質a5和牛松茸海膽卷入口即溶的感覺，和牛肉味重而不膩入面既松茸香味很濃郁，海膽份量適中，有鮮味，但不會喧賓奪主如果仲未夠飽都唔洗驚，仲有炒飯同菜蟹粉海膽黑松露炒飯 &燒野菜炒飯既黑松露味很出，亦炒得很香以為落幕既時候，原來仲有個湯s2特色松茸蜆湯 ，雖然食材簡單，但非常濃味，亦有湯料伴上講特別既，當然要數湯包以膠袋盛載，再放係鐵板上煮滾，別有一番風味最後就以一球海膽雪糕作結非常滿足其實性價比也算是高的，用上很多矜貴食材，海膽、和牛、松茸、龍蝦、海參等而最重點是!!! 是真的很好吃，完全沒有浪費新鮮食材…Read More

臨近既5週年紀念日點慶祝，真係諗到我r爆頭但有個鍾意食好西既女朋友，有啲事都易話為，有個好食到叮一聲既週年晚餐，應該就開心哂呢揀餐廳係老死推介，有真實既評價，都放心一試，就打左去訂位，因為餐廳枱數量有限餐廳有露天坐位，但女朋友怕凍，所以就無出去坐環境是情調滿滿的，很有格調，偏暗燈光打造私隱度女生最愛的沙律-凱撒沙律沙律菜好爽甜，沙律醬分量都岩岩好，唔會太膩，失去沙律清新之感呢到既凱撒沙律，有一特別之處，就係配以2種脆脆，各有不同口感同大小，為常見既凱撒沙律帶來新鮮感女朋友自係外國食過鵝肝之後，就對佢心心念念，但一直都搵唔到間同外國一樣口味/一樣咁好食香煎法國鵝肝配雜莓汁我同女朋友都一致推薦，外層香脆，滲出既油香伴上雜莓汁一啲都唔覺膩，反之雜莓汁既酸酸甜甜令鵝肝味道更豐富同吸引女朋友更覺得呢到既鵝肝能夠媲美外國出品餐湯部份，我地點選左兩款湯西餐常見既黑松露蘑菇湯，同埋法色海龍皇湯黑松露蘑菇湯味道好重好香，但濃身得黎一啲都唔膩，與忌廉份量中取得平衡，相當特出海鮮濃湯就少見啲，味道同樣好濃，而且帶鮮味主菜揀選左蒜香焗乳豬伴威士忌蘋果自己好鐘意食中式乳豬，皮脆肉嫩就算變左西式，乳豬質感同樣一級棒比中式更優勝既地方，在於有更多醬汁配搭，新意更多配角紫薯蓉同南瓜帶天然甜味，兩種不同口感，增加菜式層次感整體用餐體驗都好滿意，環境、服務，以至食物質素都有好高性價比，再有節日需要慶祝，會再考慮Le Paradis…Read More

前排有同事食過呢間，對佢讚不絕口，再拉埋我陪佢食多次餐廳環境確實好大氣，天花高，環境寛敝日式風格很顯格調，更有多間VIP房點完餐，侍應就送上免費小菜超像藝術品! 就好似一張圖畫磯燒鮑魚鮑魚很鮮， 煙韌彈牙一分為四，厚度剛好花木海膽杯賣相很讚的喔，有多款鮮味刺身海膽好甜，完全不苦不澀厚肉帶子夾住拖羅蓉，兩種鮮味同時入口三味魚籽好甜，唔會腥全部質量都很好，CP值很高豚肉露筍豚肉其實一啲都唔肥，但油脂香迫哂出黎，再配上爽脆露筍，口感同味道有2種層次芝士牛肉燒牛肉同芝士兩樣濃味既食物撞埋一齊，到底邊樣材料會贏呢？我就覺得牛肉既肉味真係好強，因為芝士既咸味唔太重，主要係食芝士既香味同稠實質感兩樣串燒也很推銀鱈魚西京燒一大片雪白的魚肉，還有燒到微焦的魚皮魚肉咁有光澤，就知佢既魚油已經被迫出，魚肉仲係好濕潤點埋沙律醬，魚肉既鮮甜更加特出炎燒六式珍味蠔當中最愛既係昆布& 芝士海膽口味昆布味道雖較清，但昆布獨有的清咸味又意外地夾蠔芝士海膽就走濃味路線，唔單止有海膽醬，最讚既係有海膽點綴係燒蠔上整體黎講，環境、食物質素同埋服務，都好值呢個價位…Read More

登登登登~5月係我生日既時節，當然要食餐好朋友仔問我想食邊間餐廳，左思右想之下，諗起之前食過既海鮮拼盤，就心癮大發，決定就你啦一就黎我日思夜想既海鮮拼盤~生蠔、鮑魚、日本鮮帶子、鮮蝦、紐西蘭蟶子樣樣齊首推生蠔，好新鮮，質感又爽，呢到既生蠔係信心既保證。第二愛既，係冰鎮鮑魚，好有彈性，口感煙韌，同埋鮮味十足松露煮日本年糕呢樣係招牌菜，不過我都係第一次試之後就後悔點解上次無食到 松露超級香的說，非常濃，亦較為稠身，方便年糕黏上更多既醬汁年糕烹煮時間剛好，軟硬適中，配埋咁香濃既松露醬，令人眼前一亮紅咖哩蟹肉配熱脆麵包由於係生日飯既緣故，我容許自己任性啲，叫左兩個小食呢個都一樣好食到要拍手架(價錢果然係質素既保證~咖哩可以好清晰咁嚐出香料既味道，味道帶甜，就無正宗印度咖哩咁濃味，相對既話味道清淡啲，但都好足味架拉不得不讚下蟹肉，雖然混埋咁濃味既咖哩一次食，但蟹肉鮮味仲可以好突出，睇黎廚師係食材配搭真係下左好重功夫主菜到~燒牛脷配日本芥辣蜜糖汁牛脷厚身，刀可以好順咁切開佢，肉質其實幾滑，肉絲仲好緊緻點點芥辣，可以減去肉膩感，味道又多個層次蒜香辣味鮮蝦意粉呢碟意粉好惹味，醬汁必須讚一讚其實意粉屬乾炒，得返好少水份留底，但意粉同鮮蝦都吸收到精華，食得出香辛料既獨特味道，又靠辣令人印象深刻…Read More