WongSiuSiu's Profile

有訂位, 加上遲到, 朋友已經攞了位, 所以不用等. 但我見出面一直都有人等.若不是朋友生日, 主角提出要食這間, 我相信我一世都唔會知道和光顧它.一來元朗對一個住將軍澳的人來說是極遠, 來回的車程比坐在廳館裡進食的時間還要長. 與其浪費時間在車上, 我寧願揀一個近大家的地方, 讓大家有更多時間相聚的地方好了, 總好過遠遠的來到, 剛食飽便嚷著太夜要回家了 (食飽9:30其實不晚, 但想到要個半小時才回到家, 回到已經11:00, 便太晚了)說回食物, 其實我覺得一般, 真的不值得要花個半小時車程, 山長水遠光顧這裡. 我深信油𣴒旺必有同樣質數的廳館.我們食了以下的菜色:蒜容粉絲蒸聖子皇 - 一般, 聖子都算新鮮, 但不是很大隻炸子雞 - 一般, 略咸黃金蝦 - 中上級, 可以煮得更香, 蛋黃不夠炸蠔 - 沒什麼特別, 老公話有點兒鯹椒鹽九肚魚 - 沒什麼特別杏汁白肺菜干湯 - 中上級, 肺好味蒸魚(不知是什麼班) - 一般, 蒸過了少許支竹雜菌雜菜煲 - 清清地, 沒什麼特別…Read More

因為工作關係, 有酒店請到FIAT CAFE晚餐, 真係一試難忘, 好想帶老公再去.一開始有一個特備WORKSHOP學整拉花, 其間CAFE提供了兩款小食.第一個是我最喜愛的水牛芝士蕃茄, 跟住就有沙甸魚, 兩款都很香很好味. 即使明知多食, 一會便沒胃口吃正式晚餐, 但依然要吃.晚餐正式開始, 先來starters, 都已經有三樣了.1. seared black pepper tuna, cauliflower, almonds hazel nut oil lemon dressing - 好好味, 每一味材料都煮得很入味.2. param ham, cold cuts, pickles and bread - 這個當然好味啦! 很香亦不會太咸.3. ricotta, figs, white truffle honey and olive oil - 無花果, 很特別, 清香.跟著便上湯, 是磨菇湯 (cream of mushroom), 超推介! 這是我喝過最好味的磨菇湯, 非常的香濃, 很重的磨菇味, 感覺是用上極多的磨菇去弄這湯.主菜亦有三款:1. polpette meat balls, extra rich tomato sauce riso and chopped parsley - 話明extra rich, 個汁當然是超濃超多, 肉丸亦很入味, 是這cafe的出名主菜.2. "cacio e pepe" Spaghetti, black pepper, pecorino cheese and olive oil - 意大利粉放在一個像雀巢的地方, 意粉很爽口, 很香的olive oil味, 再將肉丸的汁撈埋一齊食, 超正!3. blue mussels, white wine, onion and parsley - 這味有少許失望, 藍青口不夠滑.最後到甜品, 有自家制的雪糕. 杏仁同士多啤梨揀. 我揀了杏仁, 因為未試過.不得了, 超好味, 好豐富的杏仁味, 亦有粒粒碎碎的杏仁, 很特別, 很香.…Read More

趕得切响佢3:00落場前到, 等了一會便可以入座.亦好快便有麵上枱.其實他們只有2款湯麵, 湯底都是一樣, 一款是鹽味, 一款是醬油.另外還有沾麵, 好像還有一款撈麵和老公一個叫鹽味一個叫醬油兩款都很好味, 濃濃的但不會太咸, 感覺亦不太油, 肉也不太肥.麵質很好, 爽口的. 鋪子只有九個位子, 下次經過如果見沒太多人排隊, 一定會再食.…Read More

開業個多月, 一直很想試一試, 今日終於有機會了.十二點去到還未有客人, 所以都不用等位MENU就只有五款麵, 第一次食所以不大清楚,服務員都很耐心介紹每一款麵, 最後我叫了周月拉麵, 朋友叫了他們的主打沾麵(Tsukemen)周月拉麵其實應該便是出面的叉燒拉麵, 只是湯底跟味道不同麵質不錯, 是我喜歡的爽口的, 但湯底就真的太油了. 雖然我叫了濃湯, 濃是濃, 但是咸了一點點.朋友叫的沾麵, 是一碗黑黑油油的湯跟上一碟麵, 麵可選凍或熱上.食法是將麵沾一沾湯後把麵吃掉. 完成麵後, 他們預備了一壺雞湯撈進黑湯, 再把湯喝盡.朋友吃下第一口已喊著說太咸了! 我亦夾了一口來試, 的確很咸.最後朋友索性把數匙湯撈進麵碟裡, 可是依然覺得很喊然後決定請服務員把湯倒掉, 用雞湯來沾麵好了.雖然MENU寫上不加味精. 可最後我喝了三杯他們的麥茶來解咸. 是太咸或是味精, 我真的不知道了.…Read More

都唔咪第一次去食, 之前去都無咩, 今次去係因為貪呢邊鋪大啲光猛啲. 以前响花園街果邊鋪, 成日被人安排咗去後巷的房仔, 裡面成日有人食煙.點知, 今次就出事.叫咗蠔仔粥, 勁鯹勁難食. 自問半個潮州人, 由細食潮州嘢食到大, 真係最難食係今次. 一放上枱, 已經覺得"點解啲色咁怪既, 未見過蠔仔粥會啡色架喎?!" 一食, 真係想嘔番出嚟, 好大陣豉油味加鯹味. 新鮮既蠔仔煮出嚟, 只有鮮甜, 唔會鯹架囉, 而且很多時候, 潮州菜是會用魚露吊出個鮮味出來, 可是我一點魚露也嘗不出來, 只有豉油味和醒味. 我印象中之前食過佢哋既蠔仔粥, 唔會係啡色, 亦無咁難食. 我以為只係我一碗係咁, 但我走時週圍望下人哋果啲係咪咁, 都係啡色架! 唔知佢哋有咩comment呢.另外叫咗豉油王炒麵, 好油好咸, 又係好唔得.另外仲有椒鹽鱔片和炸蠔餅, 都只是一般, 蠔餅的蠔也是頗鯹.以後都係唔再嚟囉! 好味的潮州打冷真係越嚟越難搵.…Read More

唔知係我唔好彩, 定係飯堂本身的問題, 兩次飲茶既經歷都係一肚氣咁離開.第一次大約係三月尾, 星期五, 係公眾假期, 我同老公二人大約十時到達, 唔駛等位. 咁佢枱上有幾張紙, 正常地我係睇有圖畫果張, 仲點了有圖的xo醬炒腸粉, 我都再三地睇清楚張紙係咪公眾假期都有供應, 右上角的確係寫星期六, 日及假期 上午9:00-下午6:00. 另外再叫了其他點心. 坐到差不多10:30, 其他點心都嚟晒, 但xo醬炒腸粉仲未嚟, 我便追了一次, 第一個侍應並沒說什麼. 再等到10:45, 都未到, 就再搵侍應跟進, 怎知個待應一望張點菜紙就好惡咁一句, "痴線, 未有架! 廚師都未返, 11:00先有." 我呆咗.....佢仲攞咗另一張點心紙話呢個11:00先有. 問題一, 我點菜既時候, 係無人同我講過11:00先有. 我10:00入座, 佢哋應該唔會覺得我會想等呢碟嘢等一個鐘, 點可以唔同客人講聲呢樣點心要11:00先有?問題二, 好明顯兩張點心紙既資料唔一致, 引至問題, 但啲待應都唔留意到, 引起呢啲誤會問題三, 第一個幫我跟進既待應好明顯係無理過我, 所以無說出原因, 而第二個侍應既態度真係奇差, 有乜理有鬧個客"痴線", 即使唔係鬧個客, 都唔應該有咁既反應. 我果刻真係覺得好難受囉.到今日4月7日, 又再同老公去飲茶, 老實說, 佢既食物真係唔差, 我尤其欣賞佢有一籠點心係一籠有三款"牛肉一粒, 鳳爪兩隻, 同排骨", 等我哋呢啲兩公婆撐枱腳既, 可以食到三款點心, 又唔會要叫三籠. 另外有一款係三個不同的包點. 因為咁, 所以先會再幫襯. 怎知...又係受到不禮貌既待遇.第一, 傳送侍應攞住個圓托盤, 完全無理過客人既位置就塞入來, 那圓托盤就好似"血滴子"咁一下就介到客人的頸, 甚至我覺得她似乎想將托盤放在客人的膊頭上.第二, 侍應係會在客人後面大聲呼叫. 這個, 我可以接受到在舊式屋村酒樓出現, 但潮人飯堂給人的感覺是高級一點, 可是侍應卻是一班沒有受過訓練的.第三, 因為潮人飯堂標榜的是潮, 所以點心都是頗為另類的, 有時候單憑名字未必可以知道是什麼食物, 於是我都會看一看英文, 了解多些. 今日叫了一個叫"千絲鵝肝卷", 英文的確是有鵝肝呢個字, 亦有芋頭. 後來點心來到, 咬第一口...怎麼會是海鮮卷? 即是入面係有蝦, 青瓜, 桃/芒果, 同白色果啲沙律醬/海鮮醬, 當然都有鵝肝, 一細細粒. 我叫了個侍應來問這是什麼, 第一個話係千絲鵝肝卷, 後來我再叫另一個看似高級啲既, 都說係鵝肝卷, 話"係咁架, 入面有少少鵝肝醬, 有啲芋蓉咁囉". 我話點解會係海鮮醬, 佢話"係咁架啦!" 即係好似我唔識嘢咁, 鵝肝係應該配沙律醬的. 我覺得, 佢入面係咩醬都無緊要, 雖然我覺得鵝肝加海鮮醬真係好鬼異, 但佢既然叫得潮人, 我算. 但我想講係, 潮還潮, 有啲食物佢真係要列明裡面有咩物質, 蝦, 同海鮮醬(有奶的成份)都係屬於易令人敏感的食物, 萬一客人真係對蝦有敏感, 真係可大可小.呢兩次飲茶既經歷, 真係飲到我心驚胆跳, 係咁比人用好差既態度回應我, 甚至比人鬧, 兼有種比人質疑我唔識字咁. 食物味道點好, 都真係令我卻步, 唔想再去了. …Read More

兩年前去澳門已經想試下, 但幾次經過都排好長的隊, 所以都放棄了.今次再去澳門, 出奇地竟然只得三四個人, 所以便走埋去排, 但都要等上15分鐘! 都仲要跟另外兩個朋友分開坐! 咁我哋因為唔咪好餓, 只是想試下, 便打算兩個人叫一個. 個阿姐便有點寸咁話, 一定要一人叫一個. 咁我哋就叫了一個$38的豪華碗仔翅, 同$55的花膠海參煲仔翅. 咁兩碗嚟到, 我食$55那煲, 老公食$38那碗, 我想分啲比老公, 咪叫佢比隻碗仔囉! 點知個阿姐好差態度咁話, 兩碗一樣味架, 只係一個有花膠海參一個無. 點呀? 想要個碗仔都唔得? 我咪話, 我要落醋落麻油, 我老公唔食, 所以咪要隻碗仔. 個阿姐之後就黑晒口面好唔願意咁攞了隻碗仔比我哋! 後來我哋的朋友(佢哋坐另一枱)食完出來, 仲講我哋知, 同佢哋枱有一對男女, 兩個都叫了煲仔翅, 咁因為熱, 佢哋想要個碗仔, 分出來歎涼食. 個阿姐又係同一番話, 兩煲一樣, 唔駛用碗仔分. 其實大家都已經各叫了一煲, 比隻碗仔有幾辛苦佢? 辛苦佢要洗多隻碗? 真的百思不得其解.至於味道....真係有點失望囉! 以前見啲人係咁排隊都要食, 以為好好味, 怎知都係不外如是. 我甚至懷疑佢有落味精. 翅, 海參同花膠本身都係無味既東西, 我就唔咪好見碗翅裡有金華火腿之類的東西, 碗嘢咁濃味, 唔咪味精, 啲咪係响邊度出嚟呢?最後我終於明白點解現在只得三幾個人排隊, 原因就係味道普通但服務極差的關係囉! 可能過多兩年我再去, 都唔知仲係唔係度添!…Read More

在openrice發現這間comment很好的德國餐廳, 便來試試. 大約2-3點打去book位, 已經得番high table chair了, 好彩book了位, 否則只能坐bar table.間餐廳都幾細, 一入門係一個bar table, 大約可坐十多人, 旁邊有兩張high table, 再入啲就有3張四人枱, 最後有一張6-8人枱. 係咁多bar table圍滿晒人, 7點鐘, 大家都已經傾得好開心了, 更見到佢哋同啲waiter都傾得好開心, 便知道係一班熟客, 有warm的感覺.因為老公仲未放得工, 我又無理由白坐, 便叫了一杯德國啤. 好有趣, 要等5mins先有, 原來係要慢慢斟, 斟到黃色的部份meet到條線, 就可以上台.我唔咪好識品酒, 但呢杯叫做入到口, 都有麥味.因為我唔可以空肚飲酒, 所以便叫了個小食. 係一個醃魚卷住條酸瓜. 勁好食, 勁鍾意. 我係美國時成日都食呢啲, 返香港後就無機會食, 一食就好懷念. 超鍾意. 下次來要叫兩件. 個名係咩就唔記得, 因為我記得我係要查字典先知佢係魚...haha老公來了, 佢就叫了另一隻味的德國啤, 都好飲.然後就叫埋主菜, 德國豬手, 同Saurage Platter.豬手夠熱夠香口, 好味. saurage platter共有五款不同的腸, 每款都各有特色, 我比較喜歡咸少少的.兩條友兩碟肉, 最後要打包走. 佢哋會幫你包得好好. service不錯!!同尖沙咀另一間好出名的德國餐廳(赤柱都有果間哩) compare, 我會perfer再嚟呢間. 因為呢間cozy啲, warm啲, 食得開心啲! 果間, somehow我覺得太嘈.…Read More

經過幾次, 都好想試下, 但30幾蚊一個waffle+雪糕, 我覺得偏貴囉!後來見團購有得$16換到waffle + 雪糕, 便買來當試食.團購只可以揀五款waffle味(白朱古力, 藍莓等等), 同兩款雪糕味(朱古力, vanilla, 香蕉...其他唔記得). 最後我揀藍苺 + 朱古力. 我買團購時係寫有綠茶揀的, 去到又無喎!最後出來個look都有點失望. 首先我以為個waffle係真係有藍苺味, 結果個餅就只係一個餅, 然後放幾粒藍苺係上面囉! 咁唔知綠茶的話, 會唔會只是放些綠茶粉响上面便算呢?(或者係我食唔出藍苺味的餅??)果幾粒藍苺都算新鮮, 幾甜.到個雪糕...正常的waffle加雪糕, 係應該直接放個雪糕球係個waffle上面, 而唔咪搵個杯載住囉.雪糕既味道, 普通雪糕囉, 無咩特別.今次係用團購, 所以試一試都算抵. 但如果要我下次以正價買來食, 真係未必會囉.…Read More

其實我都幾鍾意食拉麵, 有日去隔離的上海麵, 發現八王子, 後來係團購見到有優惠, $22可以食一碗麵, 便買了四張. 其實買的時候, 我係以為是八八八, 但原來唔係, 不過都唔緊要. 照食.佢主力介紹的是牛骨湯麵, 豬骨湯麵就試得多, 真係好期待牛骨湯麵. 但結果都幾令我失望, 碗麵係一點味都沒有. 一放上枱, 我只係覺得好油.麵質都ok, 肉的份量亦很好, 老公果碗直頭係多到食唔晒. 但真係好可惜湯無味. 我一向食任何麵, 都會夾一注麵, 再浸匙湯一齊食, 但對住呢碗無味的湯同油, 真係無心機.糖心蛋都幾好, 真係幾糖心, 幾好味最後食晒碗麵, 剩番果半cm厚的油.仲有兩張coupons, 下次試番豬骨湯.…Read More

情人節, 唔想逼, 諗來諗去都諗唔到去邊, 最後便決定到noren試試. 去到赫德道, 對面的萬豚超多人排到, 見到都無心機. 隔離的餐廳又另一條龍. 跟著便看到noren. 門一推開, 有位! 真好! 實在不想因排隊而掃了情人節的心情!menu的選擇真的不多. 主吃大約是7-8款, 另外再有3-4款小吃. 看見隔離枱的豚肉飯, 同咖哩豚肉飯, 便記起在這裡看過的介紹, 又想試咖哩, 又想試豚肉飯. 最後決定試最basic的豚肉飯.豚肉很腍, 比起之前去尖東近上火車站橋的那間, 真係好得多. 我老公可能因為試過那間的"鞋"口豚肉, 所以今次唔敢叫, 但佢就錯過了. noren的豚肉夠腍亦好入味! 個汁亦好好味. 和藹可親的待應更問我需不需要多一點汁. 可以加汁又幾好喎!老公叫了烏冬. 呢度的烏冬屬於幼身, 我試了一條, 好鍾意. 因為我一向幾怕粗粗的烏冬. 老公話個side dish 薯仔沙律超正! 小吃都可以叫呢個薯蓉, 要成30蚊, 份量同跟餐的差不多, 跟餐好抵!講埋個面豉湯. 超得! 好濃郁好好味!我哋另外再叫了個凍豆腐. 我好鍾意. 以我估計, 個醬應該係面豉醬, 另外綠色的是好辣的醬, 但好好味. 我就好鍾意呢個豆腐. 但我對老就一般. 因為佢唔咪好鍾意食雪凍咗的食物!小小一間日本小店, 好溫暖. 老板的樣子很和善, 令人覺得好溫暖! 下次再去要試那個咖哩漢堡先.…Read More

12月中朋友帶我到這裡試, 果日一坐低, 對面的嬸嬸極力推介素菜餃, 於我朋友就叫了淨素菜餃, 而我就叫了北京水餃麵. 素菜餃味道清些, 餃子好足了, 脹卜卜的, 只叫淨餃都已經很飽. 北京水餃味濃些, 因為裡面有苟菜, 所以並唔咪人人可以接受, 但如果喜歡苟菜的, 便一定喜歡, 因為真係好多苟菜, 比街的急凍苟菜餃好味百倍.今日lunch自己一個又去食, 今次叫了酸辣水餃湯麵. 極得! 酸辣湯很多料, 豬紅, 蘿蔔絲, 荀絲, 木耳絲, 豆腐絲, 蛋花, 全部都好多, 夠酸又夠辣. 再加4隻餃子, 同麵, 飽到過了成個鐘都仲頂住個胃. 咁凍既天氣, 最啱食碗暖粒粒的辣湯麵. 不過唔知下次可唔可以叫酸辣素餃麵呢? 今日我就咁叫水餃, 佢就比苟菜餃, 我覺得苟菜同酸辣湯唔咪好襯.…Read More

跟兩位朋友訂了7:30打邊爐.因為訂了, 所以不用等. 但樓下卻濟滿了人.上到枱, 便立即落紙叫湯底, 湯底大約五分鐘便上, 但等呀等, 等呀等, 等了15分鐘, 仍然什麼餸都未有, 湯底已經滾到爛.叫了個哥哥仔幫我們催, 佢剩係識笑, 然後行去第二張枱, 再叫多次, 依然係笑, 都係無理過我哋, 連說話都無講過一句. 跟住無耐响廚房拿了一碟有3粒的雲吞給我們. 唔該晒囉! 又過15分鐘, 先再來炸魚皮, 仲一次過來三碟, 可是我們的主菜羊肉和牛肉, 過了30分鐘都未出現. 40分鐘的時候, 我的朋友發晒皮氣, 同佢講, 再過10分鐘都唔嚟, 可以count少一個人, 因為佢會走. 跟住第一碟的羊肉才出來. 而其餘的餸, 平均都要用上20 分鐘先會出來囉. 啲上菜的哥哥仔同姐姐仔, 個個都响度搵枱, 又慢慢行, 很多枱一同舉手叫人過來, 都可以完全無人應, 又無人收碟, 總之就一片混亂. 其實唔止我哋一枱啲嘢上得慢, 我哋發覺得多枱, 都係無肉的, 都唔知廚房發生咩事.啲嘢幾好食都係假, 浪費時間, 浪費青春. 以後都唔會再來.…Read More

同事生日, 一行六人到公司樓下的大自然素食lunch. 午餐果然比晚餐抵好多.先講番一次晚餐的經歷. 話說有一次媽媽在放工前打給我, 話將會路過尖沙咀, 我便叫她過來陪我晚餐. 因為有同事說這裡好味, 我又好想試, 就帶媽媽去了. 在門口, 姐姐仔仲話6:45pm前埋單可以有九折. 因為我們早, 一定可以6:45pm前走. 我哋兩個人叫了一個蕃茄雜菇湯麵和一個麻油珊瑚草小食. 個麵都有點細, $48. 那小食, 反而頗大. $38. 但最後埋單竟然過百. 好奇怪. 我一心諗住七十多元便可以. 睇一睇單. 係有八折, 但原來晚巿要收茶介, 仲有個醬料(一小碟咸菜). 茶錢每位$12. 那碟咸菜好似$8. 超唔抵. 無啦啦食個咁簡單的dinner, 要過百. 激氣.不過今日的午餐就好得多. 佢哋每天都有不同的lunch set. 我哋六個人, 叫了三個sets($38), 再每人一盅椰皇燉翅(第一次lunch食翅)($20), 再叫了個胡椒咸菜大介菜雲吞湯, 同鬆餅.三個sets, 一個煲仔飯, 一個炒麵, 一個炒河, 都ok. 啲牛肉做得超似牛肉, 啲魚腩不止質感似, 連味道都似, 有陣陣鯹味.跟住到燉翅, 好重椰子味, 但好甜, 最緊要夠熱.跟住個胡椒咸菜大介菜雲吞湯, 好好味. 比得上潮州餸的咸菜胡椒豬肚湯, 夠辣, 好重胡椒味, 咸菜亦夠咸最後上的係鬆餅, 有個同事食過, 話好味. 不過在menu佢係跟個咖哩雜菜. 我哋唔要雜菜, 只要鬆餅, 就$44客. 但有16件. 好強. 好鬆, 好好味. 鍾意食牛角包的人一定鍾意.我哋五個人請一個. 每人$76. 抵食過我果次的dinner. 最重要係lunch唔收茶. 東亞咭仲有九折, 即係免埋加一.…Read More

約了兩個好耐無見的朋友, 想搵間可以坐得舒服啲, 同耐啲的cafe, 最後搵到呢間!呢間cafe同買衫的initial係有間, 佢有一半以上舖係買衫, 只有門口一角係cafe, 大約有9-10張枱啦! 矮矮的枱配梳化. 好舒服!我叫了呢個, 係openrice睇到. 不過我唔記得個名了. 但menu有圖, 一望就會認得.超好味. 最鍾意啲意粉有濃濃的汁, 食完成個意粉, 係想叫個飯撈埋啲汁. 真係好味.另一個fd叫了呢個. 菜飯. 都係唔記得個名. 去睇menu啦.試咗一啖, 都好味喎! 不過個意粉好味啲. 我叫了呢杯飲品, 菠蘿咩冰, 好好味, 好番濃菠蘿味, 亦有奶味, 但唔會搶咗菠蘿味.我啲fd叫了coffee, 佢哋都話ok.其實同樣的食品, lunch time可以加少少錢做set, 但dinner就唔得. 所以lunch time去可能會抵啲.…Read More