烏冬小姐's Profile

係開心星期五，梗係要揀返慶祝開心星期五嘅一個地方啦！同事就介紹左呢間餐廳，係真係我哋公司附近地點好方便。一上到去呢環境都好寬闊，感覺上有啲似cafe，座位都好闊落，一啲都唔迫相比起喺尖沙咀來講，呢間價錢相對上都合理嘅，好似一份牛扒加湯加餐飲，都係＄128姐今日嘅餐湯就係南瓜忌廉湯，佢呢味道好香濃，而且d料都好足，你仲會食到一啖淡嘅南瓜肉我今次就揀咗黑松露烤菇意大利飯❤️如果呢意大利飯煮得唔夠淋或者太過林呢，其實都係唔好食嘅，相反呢間就煮得適中，佢用料都足，仲有好香既黑松露嘅味道，呢間野絕對係性價比高，絕對可以來多次…Read More

黃埔眾所皆知呢度多野食選擇，咩類型既菜式都應有儘有同朋友今次就選擇左呢間 '早安越南'， 本身對佢都無咩期待，不過見佢裝飾好特別， 竟然行型格路線，食晏同朋友傾下計，呢度都坐得舒服，又唔洗同人迫佢既lunch set 價錢都好合理， 大概60-70左右，包一杯野飲，仲可以選擇特色野飲佢所提供既醬料都好齊野食黎到喇， 雖然lunch 時段都多人，但黎野食既速度都好快手，我嗌左個豬扒湯濛粉， 豬扒熱辣辣，份量正常， 而麵湯底有傳統越南粉麵香香草葉味👍🏻…Read More

同男朋友星期六去葵芳行街，咁岩經過見到好多人排隊，忍唔住望一望，就已經中左伏，又想排埋一份去買黎食，因為我之前係台灣都有食過，真係好好食，重點係依家唔洗飛去台灣，就已經有得食唉，說好的減肥呢？佢好似車仔面咁，有張紙俾你揀自己想食咩，醬汁都可以因應自己既合味選擇　，哈哈老套都要講 ：有辣有唔辣。我同男朋友2個人就嗌左B餐 － 即係半隻手撕雞 ＋3個自選配菜 ＋招牌洋蔥唔知係咪佢地新開同多人買既關係，我地都等左差唔多成十分鐘。望落都好大份，其實2個人黎講，呢度既份量可以話當做一份小食，食完都唔會話好多。雖然點餐紙話半隻雞，但我個人真係覺得無咁多，但D雞肉肉質都算係滑身。而配料我地就揀左皮蛋、黑木耳同蓮藕。皮蛋味道正常，而黑木耳同蓮藕都係爽口。而佢地醬汁相比係台灣係無咁濃味同辣。我個人比較重口味，都加左蒜同蔥，選擇左中辣。但就算選擇左中辣，辣度都係偏少。下次有機會要試試大辣。而環境方面比較尷尬，因為呢間店鋪位於地下層，附近店鋪係賣文具、日用品、衣服等等，企係度食好似好古怪，哈哈，因為3樓個度有一條 '美食街'，好多途人都會企定定一齊陪你食野，但係呢間鋪頭買完野食就得你自己一個企係度食。哈哈…Read More

今日係同男朋友的週年紀念，男朋友一早已經好醒目book左餐廳，話食浪漫意大利菜慶祝我地既週年 呢間餐廳好方便，一出上環地鐵站行唔洗3分鐘就到了。一入到餐廳已經因為有情調既裝潢加分，有人話過食飯唔單止係享受食物，梗加係要食埋個環境。  係呢D咁重要既節日黎講，我絕對認同。呢度既服務員態度好友善，一入到門口就有靚女姐姐帶位，之後坐底左就有另一個服務員放底餐牌，仲會介紹下有咩係推介既菜式。未黎野食之前，一般既意大利餐廳都會先附上餐包，呢度既餐包比其他意大利既餐廳唔同，佢地既餐包係會烤左之後再送上俾客人，所以係會更香口，但同時保持到應有軟熟。我之前去意大利旅行既時候，每一餐食飯都會覺得好痛苦，因為佢地等上菜之前，都會送上乾曾曾既麵包，就算點左橄欖油同黑醋都咬到好攰！我個人覺得要睇一間意大利菜餐廳有無誠意，從最基本既餐前麵包就已經可以知道。呢間意大利餐廳就誠意十足。Starter ：Duck＆Chicken Liver Mousse我平時比較少食鵝肝，因為係Youtube度見到D人好殘忍咁過份餵飼鵝，希望谷大佢地既肝。而呢度就選用左鴨同雞肝，平時出面好少食度，所以就揀左呢款  一試上口，就知道自己無揀錯 點解我咁講 ，因為Duck＆Chicken Liver Mousse口感竟然係意想不到咁香滑嫩口  我諗廚師應該係花左唔少功夫係上面。除此之之外，Duck＆Chicken Liver Mousse的味道都好香口，有一剎那錯覺以為自己係食緊鵝肝，我諗最大既原因係因為Mousse上層有食鵝肝會配備既特製紅酒洋蔥醬，令味道更齒頰留香  如果麵包唔夠既話，可以要求店員再添加，係免費的 主菜黎啦～～ 我地嗌左Linguine （新西蘭野生蜆意粉），嘩  D蜆好大隻，差唔多有我半隻手咁大。我忍唔住先試左個蜆先，來至新西蘭野生蜆不嬲都好出名，平時食刺身都會叫，因為D野生蜆係新西蘭海水養份高的海灘野生捕捉，由於礦物質豐富，令蜆好鮮甜，身邊有食唔慣既朋友可能會有種錯覺覺得「重海水味」，而呢度既蜆好新鮮，好爽口同鮮甜，值得推介 而意粉本身既汁係似忌廉白汁咁，但係又唔會太膩。加分加分！我由細到大都好鐘意同好鐘意食魚，因為魚肉好滑身。每一次食西餐既時候，我既首選都一定會揀魚。所以今次都唔例外，點左Fennel & Citrus Spiced White Cod.靚既鱈魚本身就係肉質細嫩，就咁煎黎食已經好好味。但呢度就俾到另一樣既驚喜我，就係個配菜薯蓉，個薯蓉好有誠意同心機去整，因為佢並唔係你平常食度平平無奇既薯蓉，呢個薯蓉佢其實撈左有D似牛奶忌廉汁，又香滑又好味。真係無得輸最後，作為一個女人梗係要嗌堆甜品先會心足，我揀左應係會係玉米FANS最愛既'Sweet Corn＆Vanilla Pudding '。如果你女朋友或者你朋友好鐘意食玉米既話，就一定一定要推介俾佢地，保證佢地一定鐘意。首先，呢個甜品係由玉米雪糕、爆谷、一塊由早餐玉米片整成既脆脆 再加埋底下既雲呢拿味既焦糖布丁所組成，你無睇錯，真係係真 玉米味雪糕，呢個雪糕唔係得玉米味，入面仲有一粒一粒既玉米，去過馬來西亞既人都應該食過當地既玉米味雪條，但玉米味雪糕我真係未食過，而且仲要啖啖都有一粒粒既玉米，真係好正。而呢個雪糕唔會話太甜，到後面既雲呢拿味既焦糖布丁都唔會變得無味。呢餐真係無得頂，算我男朋友今次有眼光同有誠意啦…Read More

同朋友在Hysan 食完晚餐之後，口痕痕就想食甜品，最就腳就梗係滿記甜品！ 滿記甜品最大既特色是白雪即係雲呢拿沙冰底，我暫時都未見過有其他甜品店有相似既產品。呢個雲呢拿沙冰底，唔會話甜到好漏，甜度岩岩好，而且重奶味同身邊既朋友都一致讚賞 所以我地3個人都嗌左白雪既甜品 首先介紹必食既白雪黑珍珠 就咁睇望到都已經覺得好吸引，當中用既配料好豐富，有元肉 （龍眼）、芒果、香蕉、海底椰加黑珍惜。食既時候，建議一齊撈埋食，口感會好豐富 。 食甜品都講求新鮮，我覺得滿記就算係簡單既用料方面都唔求其。 芒果係呢個時節都唔係旺季，但芒果都甜同新鮮。香蕉如果放得耐都會變黑，但佢都無 ，所以係即叫即整 而呢個係雪山榴連，賣相好吸引色彩繽紛。雪糕可以簡 綠茶或者雲呢拿，因為白雪已經係雲呢拿味，所以簡左綠茶味雪糕綠茶雪糕好重奶味，十分鐘意榴連加上白雪，都是意想不到的夾，喜歡榴連的朋友，絕不能錯過滿記既榴連無論咩時候都保持到一定既水準，榴連肉超香滑，同超有濃郁既榴連味不過士多啤梨有d酸， 算喇，佢只不過係配菜不過唯有美中不足是少左以前既人情味，得返機械式既服務…Read More

每到Happy Friday,都會同同事到東大街尋找美食，相信住在港島區的，對稱有美食街之美名 - 東大街絕不陌生，這條美食街充滿著各種形形色色的特色美食。這一次便到道北工房一嘗！ 道北工房的裝潢都令人覺得很有格調，我們一行3人， 2位同事都點了牛肉三文魚鍋，而我則點了黑鮑魚海鮮鍋份量都很多，而且有餐湯 不同的鍋 湯底好似是一樣的，但味道都很鮮甜，用料充足，可惜店員人數好像不足，服務態度一般。但勝在海鮮鍋味道不錯，還是會再來光顧的。…Read More

小時候，父母經常帶我食蛇羹，那時候年紀小，總覺得蛇羹跟碗仔翅是一樣的，不過食蛇羹更可以享用脆脆。 人大了，就經常會懷念小時候的時光，這一天的晚上真的很想食蛇羹，於是就到看看荃灣那裏有蛇羹店，就這樣找到了蛇王弟了！蛇王弟的位置位於小巷中，可能由於我們差不多晚上10時半到達，而且它旁邊的店子都關了，所以小巷比較暗。幸好蛇王弟的招牌很搶眼，往小巷一看就會看見。我和友人一共只得2個人，於是點了A餐（大）即是一碗大蛇羹跟糯米飯。店員十分細心，送上蛇羹同時，亦會附上2個小碗，以方便我和友人用餐。當店員把蛇羹放到的的面前，心裡便想：「嘩～用料十足！！」吃蛇羹的時候，豈能缺少檸檬葉和紅醋呢？ 加入了調味料後，已經急不及待嘗一口，味道果然沒有令人失望。每一口都有滿滿的蛇肉，香港地已經很難找到一間用料十足，但價錢合理的良心鋪了！…Read More

最近工作很忙碌，連食評都寫少了 T_T工作壓力很大，所以想到任飲任食的主題餐廳到盡情放肆自己任食，以舒發壓力。於是友人便邀請我到葵芳一間放題餐廳，起初一聽到「夢工房西日料理」，還以為是一間普通的料理餐廳。到達餐廳門口才發現是放題。哈哈～而且這間餐廳的位置很方便，一出葵芳地鐵站A出口，隔離便是葵芳花園好爵中心商場，一上地梯就已經是夢工房西日料理餐廳，3分鐘都不用。餐廳的裝潢是以西式為主，店鋪面積很大，所以位子都很寬敞。在選擇放題的時候，我個人覺得不單要追求食物的質素同時，還要重視環境的寬敞度。試想想，如果桌子不夠大，不能把所點的滿滿食物放在桌子上，慢慢挑選及品嚐，根本是有違放題的原意呢！日西式 X 火鍋放題你試過嗎？我從來都沒有在香港試過這麼多選擇的放題餐廳，而且這裡最大的特色可以每人只需加多＄78，就可享用生蠔同松葉蟹任食，由於這裡的平日晚上八點半後放題都是 ＄138一位，十分抵食，於是我和友人都決定每位再加上＄78 ，以享用生蠔同松葉蟹任食。這裡的服務很貼心，店務員會提供茄汁和2把剪刀，方便我們進食生蠔和松葉蟹。「夢工房西日料理」的食物種類很多，有傳統的日式放題食品、拉麵、西式扒類等等⋯⋯ 最令我意想不到的是竟然是會提供各種酒精飲品，而且絕不收取額外收費，當然還會有自助式甜品和飲料吧，＄138的價錢能享用以上各種的食品，實在是太難得。不單有汽水機、還是熱茶、很多不同的罐裝汽水，還有熱的飲品櫃呢！我以為熱的維他奶只可以在便利店找到，有誰能猜到在這間餐廳都是提供呢！女孩子們有時候不方便飲凍飲，這裡卻很窩心提供不同種類的熱飲，真的設想周到啊點的食物很快就來了，生蠔不單很大隻，最重要的是新鮮肥美，當你食了10隻過後，你就會覺得只是另加＄78 便是值回票價。松葉蟹的SIZE正常，也很鮮甜，沒有雪藏味道，十分讚賞。另外，這裡的刺身份量很足，基本上每片都是厚切，有圖有真相。其他的食品都不過不失，而火焰黑松露帶子壽司和火焰芝士三文魚壽司都是做到很出色。從圖片就可以看得出壽司飯SIZE不是很大，但上面的配料就十足。火焰黑松露帶子壽司上的黑松露份量不少，而它的味道十分香口，而且整個壽司都很好味，絕不遜色於一般的壽司店。最後，我和友人都忍不住點了中式火鍋，選的是韓風豬骨湯底，味道像極韓式炒年糕，惹味極了！當然火鍋配料選擇不會比起出面的任食火鍋店多，但都有新鮮的青口及海蝦，＄138這個價錢，不單包括了日西式放題、免費酒水供應，更有中式火鍋任食，重點是食物質素不錯⋯ 絕對是值回票價很久沒有試過擁有這樣的滿足一個晚餐了…Read More

作為一個小吃貨，經過旺角豈能放過「掃街」的重要一環，每一次都要逛一逛登打士街😏假日的旺角向來人山人海，對於此現象是見怪不怪😂😂🙈但忽然見到新進駐的一間食店都大排長龍，忍不住行了一個注目禮，怎料到整間店舖都是充滿滿滿的糖果, 天呀！小時候的糖果屋出現了😍如果大家都有留意到的話，會看得店鋪內有一棧水晶吊燈，更令店鋪加添童話氣色。而當你進入店鋪是，迎面來的是一陣陣的糖果香味，沉醉其中。我只點了糖果奶昔Candy shake (7. 占卜提子糖 加 10. Pine 叮噹梳打糖），因為我喜歡甜甜的味道！若果你喜歡帶點酸味，建議可選擇糖果乳酪奶昔喔即點即整看到了七彩繽紛的糖果，心情不自覺地變得愉快，製作都需要大約5-10分鐘的時間，不過好的東西是值得等待的，不是嗎？ 聽店員說，當中的奶昔是以牛奶雪糕做底的，而牛奶雪糕是他們自己製造，低脂低糖，十分健康！味道方面，十分香滑且牛奶味濃郁。本來以為味道是十分甜，但味道是充滿香甜的糖果加上牛奶味，口味適中。牛奶雪糕加上糖果，竟然是一種出奇不意地合拍，我想這一間店主應該是童心未泯，所以才會有這個新奇的構思…Read More

同友人在佐敦晚餐過後，邊走邊說笑，不知不覺走到油麻地，突然很想吃甜品，就想起了甜牙牙。讀大學的時候，很喜歡在re-u的時候到甜牙牙作為宵夜的甜品，可能是因為它的甜品選擇多，而且款式特別。一大班人可選擇幾款2-3人的窩夫雪糕，份量多，又可以一次過滿足各人的口味。出來社會工作，就已經很少有飯後甜品的習慣了。可能正正如此，今天就特別想重拾讀書時的美好時光，記得第一次到甜牙牙的時候，廣華街這邊是沒有幾間甜品店，今日再去的時候，就已經看到了6-7間的甜品店。舊時，要排隊等位的甜牙牙竟然只得7成滿座，令我感到驚訝！由於只有2個人，我們點了L5 的士多啤梨朱古力雪糕窩夫和抹茶心太軟，不知道是否因為顧客的人數減少了，上甜品的時間也加快了，等了7分鐘左右就已經上到士多啤梨朱古力雪糕窩夫，而窩夫還是熱騰騰的，是即叫即做。由於朱古力窩夫是新鮮即做的，所以十分脆口，而且當中還有朱古力酱在窩夫中，我最喜歡窩夫上加上雪糕，一次放入口中享受，真的不得了，一冷一熱，一脆一香滑；絕配！！甜牙牙有個貼心的服務，就是每一次在享用甜品之時，服務員都會送上一杯暖水，這杯不單可以解口渴，更可洗去口的甜味。10:30點餐，最令我期待的甜品 － 抹茶心太軟，竟然在11:05還未到，我明白製作需時，但在不滿座的情況底下，一般情況下都應該製作時間大約在20分鐘左右，可惜這個製作時間有點長，有催過店員，他們都耐心為我們解答製作需時，大概11:15左右，抹茶心太軟終於來到了。這是我第一次點抹茶心太軟，平常我都只選傳統的朱古力心太軟，利申：我不是一個抹茶控 ，但這個抹茶心太軟有一點令我失望，它的外層有點硬，而流心的中間位不夠流心，我和友人分享一起享用，但2人都覺得有點太甜，就算是2人都不能把整個抹茶心太軟吃光，最大的原因是過甜膩，有點吃不消的感覺。久違的甜牙牙帶不回我到從前的美好時光，究竟是人長大變了，還是它的食物質素不復當年呢？…Read More

星期四同同事相約吃晚飯，這位同事小時候在外國讀書，可能因為這個原因，令她對漢堡包有一種特別的情意結，噢不，應該說她是漢堡包迷才更貼切。哈哈於是在OpenRice 看看有什麼好推介，就這樣找到Burger Joys了對於在港島區工作的我們來說，Burger Joys的位置很方便，在灣仔地鐵站鄰近，10分鐘不用就到達。如果是熟悉灣仔區的人，就知道是酒吧街那裡了。雖然Burger Joys面積不是很大，一眼就可以看到整間店子，但不得不讚賞它的裝潢，BAR台加上高櫈，暗淡燈光加上輕快音樂，令人不自覺地放鬆。 而且店員的態度給人親切的感覺，就像與朋友之間的談話模式，你會看到他們會跟客人打成一片，氣氛好不熱鬧我和同事2人點了3樣食物，各自點了一杯飲料，本來也想點一杯含有酒精的飲料，但一想到明天要上班就放棄了！ 我和同事都不是健康飲食的追求者，但也不約而同都喜愛食Caesar Salad，所以前菜選了Caesar Salad 我們都覺得遇上好吃的Caesar Salad是一件可遇不可求，不同餐廳做法都各有不同，但這一間的做法則十分合心意，炸麵包粒都是脆口感，但最令我喜歡的是它們的獨家配製醬料加上新鮮的羅馬生菜，短短5分鐘就已經把它吃光光了，它們獨家配製醬料口味剛剛好，不會太膩。可惜當中的配料沒有我最愛的煙肉碎，如果有的話，我就會給滿分。重頭戲：Signature Double Cheese Burger呢個Signature Double Cheese Burger不得了，真的令人一試難忘。不得不提，我和同事都是相機食先的港女，由於同同事太好傾的關係，竟把漢堡包遺忘了10分鐘有多，當以為冷卻的漢堡包味道會有點遜色，怎料到它還是熱呼呼的，麵包還是軟綿綿的，不單止，芝士還是會入口即融，牛肉都是很鬆軟及十分JUICY，大家也可看到這個漢堡包的配料也很豐富，絕對不會讓大家失望，所以重點推介大家把它列為必點之選。另外，我們還點了Crispy Garlic Wings，雞翼方面，可選6隻或 12隻。我本人十分喜歡這樣的點餐方法，接自己的喜好／人數再作出數量的選擇，更勝過固定的數量點餐。這個Crispy Garic Wings的醬汁像是泰式辣醬，味道是甜甜辣辣的，再加上炸蒜粒，味道可口。同事點的是凍咖啡，她說味道不錯，因為有香濃的咖啡味，很少店子的凍咖啡可以做到的。而我則點了果汁 － Cranberry Juice, 原來是想點Milk shake的，但怕加上漢堡包會太'滯' ，所以沒有點它，下一次再來的時候，我一定會再點Signature Double Cheese Burger 再加Milk shake。…Read More