藝術家脾氣's Profile

原本以為翠華做呢個焗葡汁雞飯應會很有懷舊味道，即是有少少鹹、少少辣果種最傳統的老式葡汁。點知出嚟個葡汁都是與一般食肆一樣，只食到奶味及/或椰汁味。不過啲雞肉就很好味，又淋又唔韌亦都入味，而且份量都頗多。有機米食落有點似日本珍珠米，味道好清。飯裡除了紅蘿蔔外，還有芋頭粒，幾惹味！總括來說，要求不太高的話，此飯都可一食。…Read More

等咗好耐才能入座, 多人到呢... 但食完覺得都值得。Menu好多嘢，有pizza, 意粉, 小食, 鐵板, 焗飯、甜品等, 種類繁多。最重要是價錢低廉, 一個鐵板漢堡扒都係三十幾元! 雖然食物不是很大碟, 但好處正是可以多試不同款式的食物。我們點了: 鐵板洋蔥蒜蓉漢堡、番茄海鮮意粉、田園雜菌比薩、水牛芝士伴番茄。由於每人加12元即可到飲品吧無限添飲, 所以我和老婆每人都加了12元任飲。看看我們點的各款食品:鐵板洋蔥蒜蓉漢堡幾好味! 漢堡扒不算細, 頗有燒烤味, 肉質也鬆軟, 沒有甚麼碎骨或筋。配合附上少少鹹的肉汁來吃, 都算夠味, 而漢堡扒表面的蒜蓉就有少許辣。 伴碟的粟米幾香甜，薯角也可口。番茄海鮮意粉意粉唔細碟，但無咩味, 好彩啲海鮮都有啲鮮味，以這樣的低價來説已算幾OK了。田園雜菌比薩Pizza表面的番茄醬，比平時食開其他餐廳的pizza來得清淡, 而餅底的芝士也無芝士味。不過雜菇補救番少少，食落都算fresh和有菇味。以29元來説，個pizza算唔細。水牛芝士伴番茄水牛芝士本身OK啦，普通水牛芝士味，清清淡淡。當然這個價錢不能要求好靚的芝士了。水吧無限添飲的飲品有咖啡、Latte、朱古力、美祿、汽水、各款茶包等。喝過最好味的始終是美祿，香濃小甜，latte就完全不似latte，好似豆漿咁。總的來説，部分食物味道OK普通，似吃快餐多過吃意大利食品，但以這麽抵的價錢食到咁多嘢，應可接受吧！！…Read More

這是一家非常美式的漢堡包餐廳。可以單點漢堡包，平均九十幾一百元，或者叫套餐(combo)，由一百四十幾至一百八十幾元不等。套餐跟fries(薯條)和soda(汽水)。有趣的是當你點漢堡包時，waiter會問你要幾成熟，好似鋸扒咁! 但只可以選5成、7成或全熟。我選了7成。我叫了個Roaring Forties Blue漢堡包。根據餐牌所說, 這漢堡包跟其他漢堡一樣都選用7安士特級安格斯黑牛肉，但其獨特之處在於夾雜藍芝士(blue cheese)，以及用意大利黑醋(balsamic)煮和焦糖化(caramelized)的洋蔥和蘑菇。以下是這個漢堡包的外觀。所有漢堡包都跟一小杯沙律，而所有包上碟時都預先cut開兩邊，方便客人食用。以下是Roaring Forties Blue的橫切面。一咬落去，嘩! 非常濃烈的藍芝士味馬上撲埋嚟，簡直是全個鼻腔都係！咁strong嘅芝士，有啲人可能會覺得酥味或臭，但我這個芝士粉絲就覺得好過癮。感受完blue cheese的強大威力後，食到那些變成啡色的 "焦糖化" 洋蔥時，嘩！好甜好淋呀！！正呀！跟洋蔥一起的蘑菇同樣變成啡色，一樣好淋好正。作爲主角的漢堡扒反而本身沒有什麽味，純粹是本身的牛肉味，沒有肉汁也沒有鹹味。一句講曬：好乾身，好原始。不過，這反而能感受到最真實的烤牛肉味！我叫7成熟剛剛好，唔韌又唔會生到紅色。老婆點的BLT Burger都好吃，不過裏面的配料 (煙肉bacon、生菜lettuce、番茄tomato；"BLT"就是三種配料的簡稱) 就較爲普通，沒有Roaring Forties Blue的那樣令人難忘。下面是BLT Burger的橫切面。老婆說煙肉有點靭，但我就唔覺，普通自助餐煙肉feel啦。我們還點了個凱撒沙律加燒雞。淨沙律82元，加雞肉118元。下圖是這個沙律的樣子：生菜無咩特別，但啲芝士就幾特別，因爲不是一般凱撒沙律用的芝士粉，而是細細塊像結了晶般的超薄芝士脆片！入口又脆又香。至於雞肉，幾fresh，唔乾，好軟熟！但當然，鬼佬雞肉沙律都是用胸肉，不喜雞胸肉者勿試。吃完漢堡包和凱撒沙律後，我們都很夠飽！ …Read More

這間易牙分店多年來都是顧客不多，坐得鬆動。Menu上有七、八款set dinner，例如紅燒排骨、鹽酥雞排等，全部都包前菜，白飯，A菜和飲品。我叫了蜜味燒雞套餐，飲品就飲熱柑桔。老婆點了紅燒排骨套餐，但把飯轉為麵。先講下個燒雞套餐。下圖是整個套餐的樣子：前菜今次係素菜春卷(上圖右下)，少少脆，餡料軟熟，配以春卷表面的橙色酸醬，都幾好味。主菜呢，蜜味雞肉我起初以為是蜜糖味，點知唔係，原來是好特別的一種味：少少藥膳味，但又有少許甜味或醋味，總之係與一般茶餐廳的蜜糖味唔同，值得一試！雞肉本身都算淋，分量亦唔少，男仔都夠食！碟A菜其實是油墨菜，味道OK。但杯熱柑桔就非常普通，毫無特別，與茶餐廳的無分別。建議叫其他台式飲品可能會好啲。下圖是老婆點的紅燒排骨麵：啲排骨都幾淋，味道不錯，不會濃味到鹹，食完不會口渴，個湯底亦都香甜。麵條是粗而扁那種，口感不錯。總括來說，兩個主菜都好味。價錢卻說不上便宜，因為幾年前同一堆套餐才大約七十幾八十元，現在已升至九十蚊尾。…Read More

呢間茶餐廳的menu上唔知點解特別多焗飯，芝士焗又有，白汁焗又有，茄汁焗又有，鴛鴦汁(茄汁和白汁)焗都有。叫了一個窩蛋芝士焗雞皇飯，同埋一個美祿牛奶飽。呢個焗飯賣相就幾靚，不過估唔到咁淡！雖然吃清淡啲係好，但芝士焗飯總應有點濃味或鹹味吧！這是我吃過最淡味的芝士焗飯！啲雞OK，無咩味。原以爲加了隻窩蛋會好味啲，但原來窩蛋味同芝士味是格格不入的！兩者不能調和！窩蛋芝士焗雞皇飯令人失望，但美祿牛奶飽就非常不錯。美祿粉真係好香，粘埋啲煉奶度食，簡直是完美組合。麵包也鬆軟。好有小朋友食品的感覺。…Read More

之前食過CoCo壹番屋，覺得啲咖喱都幾好味幾似正宗日式咖喱，於是今次又選擇佢。今次因為貪平(記得好似六十幾蚊)，所以選擇了”炆雞肉咖喱飯”，辣度則選 “不辣”。咖喱味道OK，可是啲雞肉呢…真係炆 (或撕) 到好碎好散！好似食雞絲咁！其實無需要炆到咁細咁碎，因爲這樣好難令雞肉沾上咖喱味。果然，雞肉絲本身無咩味，細細碎碎，食完等於無食。好似吃了個淨咖喱飯咁。建議Coco壹番屋參考大家樂或大快活的雞絲粗幼。建議去CoCo壹番屋的朋友不要選擇這款咖喱飯，寧可選擇有大大塊肉的。…Read More

Izumi的漢堡扒咖哩飯有兩種size，一種是普通較細的，一種是重型330g的大扒，我驚唔夠飽，就叫了個重型的。辣度也可以選擇，有甘味丶小辣丶大辣。我沒有指明辣度，Izumi就比個小辣我。漢堡扒的確好大塊，好有漢堡牛肉味，軟熟得來不會太鬆散。牛肉裡有一些咬唔到的筋或軟骨，但數量可以接受。咖哩汁夠多，夠cover飯和漢堡扒。小辣辣度相信多數人都會食到。美中不足的只有漢堡扒，沒有其他配菜，例如洋蔥等。重型果然是重型，果然夠飽。喜歡日式咖哩漢堡扒的朋友，不妨一試。另有一個加芝士的重型漢堡扒版本，好似一百二十幾，喜歡咖哩再加點芝士味的朋友，可以試試。…Read More

大快活推出和味撈咖喱鍋燒烏冬系列，一直都想試，今天終於在金鐘遠東金融中心的分店試了雞扒咖喱撈烏冬。咖喱汁與烏冬分開上，鐘意點幾多咖喱汁落啲烏冬或鷄肉度都得。咖喱汁本身好少辣，鹹鹹地，更有微微的酸味，感覺上都幾似心目中的日式咖喱。鷄肉幾軟熟，但最有驚喜的是烏冬裏竟然有幾塊蔬菜天婦羅！！有天婦羅茄子和天婦羅藕片，炸得甘香可口。把鷄肉、天婦羅或烏冬點一些咖喱汁食，感覺好惹味！不過代價就是比較鹹和濃味。但食得日式咖喱都預咗濃味架啦，對嗎？總括來説，這鍋燒烏冬確實是誠意之作。…Read More

這是一家不起眼的日式料理，人客不多，但原來是滄海遺珠，估唔到咁好食！我和老婆在lunchtime來到，有多款set lunch選擇，豐儉由人。我點了一個杉板牛舌定食。這個定食除了有很多塊牛舌外，還有勁多雜菇伴碟。跟白飯、湯、小食(係牛肉粒)，仲有甜品(雪米糍)！！牛舌有好多塊，塊塊都好淋好入味(日式醬油味)，而且沒有咬晤到的筋或血管。雜菇也很多，有幾款，也是非常入味。伴碟的沙律菜也相當配合。很久沒吃過這樣好味的牛舌了，食完真的超滿足。老婆點的"築地四色丼" 亦不錯。…Read More

晚餐的主菜：三重芝士焗豬扒飯。芝士焗得很香，濃濃的茄醬好入味，豬扒也很軟，入口好好味！有蘑菇青豆做配菜。無休館的食物水平又一次得到證明(這餐廳我去了好多次了)！…Read More