littlenose's Profile

餐廳位於海濱附近。環境舒服寫意，幾岩週末去食個brunch。餐廳薄餅很吸引，每一枱都有點，味道選擇又不少。同朋友一齊食，當然要點個薄餅試一試。雞肉蘑菇香草醬薄餅。薄餅剛烤起，香噴噴。份量都大，兩三個人一齊食都夠。餅底烤到好香，而且脆身。薄餅邊鬆軟食落麥味好香。雞肉切成大片，配上香草醬，好夾。黑松露蘑菇意粉。意粉同樣出色。整片黑松露塊，貌相吸引。意粉口感有咬口。醬汁多，包圍每條意粉。濃濃的黑松露味，非常creamy。中意黑松露味道既，這份意粉無令人失望。點了兩杯咖啡。Cappuccino同flat white…Read More

日式居酒屋的串燒餐廳風格。餐牌有不同雞部位的料理選擇，非常特別。仲有Set選擇。點了Mori set，有8款燒鳥串燒，1款自選燒物，主食可以揀親子丼或者白布烏冬，有湯同埋甜品。好豐富。先上左前菜沙律，有蒟蒻，汁酸甜幾開胃。免治肉棒。跟蛋黃一齊食會更有風味，蛋黃凍凍地，將肉棒味道升華左。肉棒質感軟腍，咬落有雞軟骨的脆口感。雞心元。細細粒，咬落去有汁有咬口雞尾。質地爽脆，有驚喜雞肝。好大舊，燒到好香，味道濃郁雞子。肥美，嫩滑juicy雞冠。尖烤至脆身，食落骨膠質重雞腿。啖啖肉芝麻雞柳。炭烤雞柳，香氣撲鼻。有櫻花蝦芝麻係面，更加香口。燒物白鱔。厚實肉身，有鮮味。燒物豬肋條。熟度剛剛好。烤香外面，內裡肉質好嫩，而且多汁。食完一輪串燒，飲碗湯暖胃。清湯絕不馬虎，好清甜。惠比壽炭火親子丼。滑蛋配上雞肉粒，甜甜的味道。甜品。紅豆抹茶奶凍。…Read More

餐廳係新商場既平台。門口有打卡位，泰國休閒風格。餐牌有好多唔同既選擇，配搭特別，有新意的泰國菜。炭烤燒魷魚。炭燒味好香， 魷魚肉質爽口。配左泰式醬汁，微微辣味，帶點酸甜味，十分開胃。泰式鹹蛋黃單骨雞翼。一份有6隻。雞翼好大隻，就算單邊亦啖啖肉。外邊炸到香脆，鹹蛋黃包住整件雞翼，滿口充斥住蛋黃鹹香。泰南紅咖哩慢煮牛肋條。紅咖哩唔算辣味重，就算唔食得辣既都岩食。牛助條煮到好軟腍。醬汁濃味，配飯一流。泰式鹹蛋黃卡邦尼意粉。意粉醬好creamy，用鹹蛋黃煮汁香氣更加濃郁。每條意粉都掛滿汁。泰館悠柚芒果青檸薄荷特飲。無酒精既Mojito，好清新。…Read More

又一位於大廈樓上的食飯好選擇。餐廳裝飾日式，較日田暗既燈光，氣氛高雅。座位夠寬闊，坐得舒服。岩晒約左朋友傾計。午餐除左有套餐外，仲有石燒選擇。Lunch set包了沙律和湯。雜菜沙律，新鮮菜加沙律汁，份量也不少。石燒餐的是蘿蔔湯，清清地的味道。套餐配的是麵豉湯，味道濃。雞扒石燒套餐用熱石上桌，熱辣辣。雞扒已經烤過。可以自己控制燒幾耐，外皮燒了更加香口，又可以保持熱度。皮燒到香，少少脆身。附上醬汁，配飯食正。香蒜欖油蝦意粉意粉帶點辣味。用欖油炒香，油包住意粉，啖啖香蒜味。蝦幾新鮮，爽口。加配了杯熱榛子咖啡，凍雲呢拿咖啡。…Read More

烤肉店裝潢好日式。用上圓拱形烤盤，非常有特色。不同款式的肉類都有得點。烤肉店主打羊肉，部位款都幾特別。烤盤旁邊放滿椰菜，洋蔥塊。加左燒肉汁，食落脆身爽口。每人一碟醬汁，有埋檸檬，黑椒洋蔥粒。清爽前菜，椰菜絲沙律。可以中和燒烤油膩感。紐西蘭羊後膝。店員好細心幫忙燒。肉厚啖啖肉，味濃但沒有羊羶味，肉質軟腍。黑草羊肝。羊內臟平時少見有。第一口食落去有羊肉香味，口感柔嫩。美國安格斯西冷。大大片，薄身的。不用燒好耐就可以食。食起黎好香，帶點油脂香。壺漬牛肋條。小壺內放左牛肋條，用醬汁醃過，仲有幾塊矮瓜，份量不小。醬汁甜甜地，牛助條濃味。除左肉類，燒蔬菜都好。燒秋葵和南瓜。雜果燒酎。有新鮮水果，好易入口。有清新感覺，配食燒肉幾夾。…Read More

午市火鍋放題有100分鐘，時間足夠揀左B餐。可以用QR code落單慢慢揀野食。外面仲有一些丸類可以自助夾。菜類已經分好一碗碗，放在雪櫃內，感覺衛生。飲品都可以係自助櫃拎。除左有紙包飲品，汽水外，仲有自家制飲品。試左洛神花茶，冰糖燉檸檬。唔算太甜，用料夠天然，好岩食火鍋飲。等湯底滾時，可以先食熟食。牛腩蘿蔔，好軟腍，入味。有驚喜。仲有一些 麻辣豬耳，薯仔絲等小食。有15款湯底揀，花多眼亂。揀左藥膳湯底。個湯好清甜，帶點胡椒辛味。唔覺唔覺飲左一碗湯。食物選擇幾多，質素普遍都高牛脷心托，薄切爽口封門牛，牛味濃郁，而且完成全唔韌牛板健，入口即溶 鵝腸， 乾淨又爽口麻辣雞肉，帶有麻辣味好特別，雞肉好滑豬潤，厚身好甜蝦滑，好彈牙…Read More

西班牙餐廳，裝飾以花紋磚為主。好多tapas小食，仲有一些不在餐牌內的today's special 可以揀。可樂餅細細粒，好精緻。外炸至鬆脆，內裡軟綿綿。每件味道都好特別。松露蘑菇可樂餅，松露味濃郁，帶點忌廉蘑菇味。蟹肉可樂餅，綿綿既蟹肉，香味充斥口裡。魷魚可樂餅，墨汁味濃。傳統煎蛋餅配鱈魚傳統既西班牙菜式。蛋餅煎到外面金黃色，厚身。將薯仔混入蛋醬煎。不像薯蓉般軟綿綿，帶點薯仔粒口感。配鱈魚提升味道。西班牙海鮮飯每次到西班牙餐廳都一定叫。用小鑊上桌，熱辣辣。飯面鋪滿海鮮。飯粒有咬口，吸盡海鮮精華，充滿墨魚，蝦汁。味道濃郁。幾款海鮮都幾鮮。特別喜歡青口，厚肉，好滑身。叫左枝Apple Cider。甜甜地好飲。…Read More

餐廳位於樓上，但地下已有staff幫忙帶位，服務不錯。餐廳掛牆飾物特別，裝修好有玩味。菜式選擇多，而且好多菜式都有得選辣度，或者走辣。藤椒花雕白貝。先點了個冷盤做小食。花雕酒味重，再加埋辣味，好開胃。白貝肉厚鮮甜。 麻辣雞鍋，要了 BB辣，半隻份量。份量唔少，夠2～3人食。雞件切到細小，入晒味，有辣味仲帶有麻痺口感。有小火爐燒著。保持溫度，同埋辣度，食到尾都熱辣辣。 豆豉鯪魚油麥菜。份量好大的一碟。油麥菜炒得香，與豆豉鯪魚係絕配。 凍蜜語水果茶。水果茶是用特大杯的，好抵飲。水果都有好多，有香橙，藍莓，西瓜等。食完仲送了桂花啫喱，可以中和辣味。…Read More

餐廳環境好舒服，整個天花都掛滿燈，閃閃的，很有氣氛。食物選擇多，味道不錯。 牛油香草白酒蜆。份量都幾多。蜆肉肥美大隻，無沙，十分鮮甜。牛油味好香好濃郁，每一隻蜆都吸收晒香味。 巨型豬扒跟薯菜。豬扒比想像還要大塊，有兩隻手掌既大細，成吋厚。味道好有驚喜，有肉味，肉質軟腍多汁，仲要一點都唔韌。一問之下，原來餐廳無落鬆肉粉，用慢煮方法煮，再煎香豬扒。薯條配蔬菜，有烤翠玉瓜，火腿卷，粟米，蕃茄等，夠豐富 。冬蔭功海鮮扁意粉。冬蔭功汁味道正宗，夠晒辣。每條意粉都入晒味。蝦， 帆立貝，青口，蜆等海鮮，鮮味幾足。 飲品好特別多一士不如少一士。士多啤梨乳酪沙冰。幾香甜，飲落透心涼。 攞你命三千·粒。好多水果，足料既果茶。…Read More

餐廳位於商場內，每次經過都被小清新的裝修吸引。約朋友一齊試下泰國fusion菜。座位坐得舒服，菜式都很特別。 煎肉眼扒木瓜沙律。肉眼扒外皮烤煎香，大概5成熟。肉味幾濃，軟腍口感。肉薄薄的配沙律岩岩好。沙律配了木瓜，火箭菜，豆角等。有唔同味道和口感。沙律汁酸酸辣辣，整道菜都好清新。 青咖哩牛油果帶子蟹肉意粉。意粉汁好特別，青咖哩小小辣，再帶出甜味。加了牛油果，質感更creamy。意粉跟蟹肉和秋葵粒一起煮。帶子烤過面，口感似刺身一樣。 阿閒泰虎蝦卜卜蜆冬蔭功意粉。虎蝦好大隻，肉身爽，蝦味亦夠鮮。配菜有青口，有蜆，還有好多秀珍菇。味道係偏甜的冬蔭功汁，好岩食唔到辣既朋友。 Drink menu 有唔同特飲，帶有泰國風味既cocktail等。點了一杯Gilled Lemon。Vodka味好出，再帶點甜味。…Read More

食台式食物，款色好齊全，又正宗。用QR code落單，慢慢揀。餐廳佈置好靚，座位旁仲有花花牆，想影影相打卡岩晒。 紅燒腱心牛肉麵。配了三款前菜，酸青瓜，麻辣雲耳，芽菜。湯底有唔同選擇，揀了麻辣牛肉湯。湯好濃郁，只帶了小小辣，直接飲都好好味。腱心片煮到好軟腍。配料都切成粗條，更有咬口感，蘿蔔好甜。 加配了小食涼拌黑醋茄子。雖然是加配，但也有4件，大大件茄子好入味，醬汁調得不錯，酸酸地帶點甜，夠晒開胃。 晚市有小菜點。選了酥炸蚵仔酥，配白飯，夠晒台灣風味。蚵仔酥，外皮炸皮香脆夠薄，蚵仔軟滑肥美。仲有炸一口豆腐粒。好香口，停唔到口。 點了麻辣鴨血 。台灣特色小食，配了滷肉豆腐。鴨血同豆腐都係厚切。鴨血好滑好彈，麻辣味好出，入晒味。台式飲品都有得跟餐點。仙草凍鮮奶，茉莉珍珠奶綠。 估唔到連鳳梨酥都有賣。散叫左兩件，過下台灣癮，煙煙韌韌又幾正。…Read More

約朋友去食串燒。依間串燒店好有日式小店feel，播著靜音樂，三五知己食住野傾下計，好輕鬆既環境。 店員送上燒鱈魚片，脆卜卜。可以食住等串燒。 先送上大木碟，放了檸檬，薑片，鹽。可以自己調味。燒好串燒，店員再將佢放上木碟。叫左好多串燒，款式多，價錢仲幾抵。牛舌尖。好厚，啖啖肉 黑豚腩。燒肉既味道，外邊燒到好香。帶點肉，唔會全部肥膏，又有油脂香 多春魚。燒到乾身，可以成條食 開邊雞翼。開左邊，可以有大面積接觸到火，令到外皮更脆 點左幾款燒蔬菜。韭菜冬菇秋葵烤香左，入面仲有汁，好甜 雞軟骨金菇肥牛卷。金菇爽口質感，配肥牛最夾 豚肉韭菜卷。韭菜好甜爽口，咬落去仲帶點肉汁 燒菠蘿。切好大大塊，燒過特別甜蒜蓉燒原條茄子。超大條，鋪滿蒜泥，幾濃味…Read More

這間小菜飯店坐無虛席。門外都好多人等位，book定枱係好選擇。餐廳打做了懷舊氣氛，成幅牆掛滿了鑊氣小炒名字既牌仔。播著80年代既廣東歌。 天氣凍左好多，叫下煲仔菜食岩晒。 麻辣韭菜鴨血煲。普通中菜館未必有得點，夠晒特別。台式麻辣味，多麻感覺，唔算太辣。鴨血大大片，好滑，夠入味。韭菜好甜。 飛天通菜煲。通菜夠晒鑊氣，配左炸蒜，辣椒，蝦乾等等。菜都可以好惹味。 醬爆鴛鴦雞煲。鴛鴦雞包括左滑雞同田雞，一煲食晒兩款。仲有厚肉既冬菇做配料。煲仔滋滋聲，爆得好香。配飯食就已經好正。兩款雞都有好多件，食極都有。田雞食佢既質感。而雞件唔算大啖肉果隻，成件會吸晒醬汁味。 仲有糖水送。估唔到中式糖水都咁有水準。蕃薯糖水，薑味夠，煲到蕃薯淋晒。清補涼，淡淡既甜味，感覺滋潤。…Read More

旺角鬧市好少見到樓高三層的餐廳，裝修也很有格調。餐廳座位寬敞。好岩同朋友邊傾計邊食飯。點左一份All day breakfast。包括有炒蛋，茄汁豆，蒜蓉炒菇，煙肉，肉豬，蕃茄粒，多士，沙律等。雖然都是普遍有既材料，但都幾豐富。最驚喜係黑松露炒蛋，有原片黑松露，炒蛋滑溜。依款豬肉腸肉味濃。蒜蓉多士脆卜卜，好香。成個擺盤顏色靚，好有視覺享受。 另外點了一份牛扒與蛋。牛扒要了5成熟，切開肉呈粉紅色，食落肉味好濃郁，仲一點都唔韌。配料有薯仔粒同蕃茄粒用了兩隻雞蛋整的太陽蛋，煎出黎好厚身。 午餐包了飲品，可以點花茶或是特色咖啡。櫻花岩鹽咖啡，岩鹽帶點鹹味，有層次味道。朋友就點了一杯榛子咖啡。…Read More

餐廳環境高雅，座位寬敞坐得好舒服。播在印度歌很有氣氛。食物選擇亦有好多。 Tawa Fish前菜點了煎魚。魚塊用黃薑粉醃製過，外面煎至金黃色，魚肉質感十分嫩滑。醬汁顏色鮮豔，帶點酸帶點辣，與煎魚配搭起很夾。 Tandoori Kukkad主菜點了燒春雞。 燒至表皮外脆，有肉汁。燒春雞辣味足，好惹味。醬汁反而唔辣，雞件點醬汁食，可以中和辣味。 Malai Jheenga Curry椰汁咖喱配蝦仁。咖哩完全唔辣，椰奶味較重，好creamy。蝦仁都有好多隻，爽口。咖喱配薄餅食，幾好味。 Truffle Nan點了黑松露薄餅。熱辣辣。就咁食會食到好香黑松露味。點咖喱食，黑松露味會被咖喱味蓋過，食到原本點的咖喱。 Mango Lassi芒果味飲品，有乳酪的厚實質地，印度獨有飲品。…Read More