揀左B餐。可以用QR code落單慢慢揀野食。外面仲有一些丸類可以自助夾。菜類已經分好一碗碗，放在雪櫃內，感覺衛生。
飲品都可以係自助櫃拎。除左有紙包飲品，汽水外，仲有自家制飲品。試左洛神花茶，冰糖燉檸檬。唔算太甜，用料夠天然，好岩食火鍋飲。
等湯底滾時，可以先食熟食。牛腩蘿蔔，好軟腍，入味。有驚喜。仲有一些 麻辣豬耳，薯仔絲等小食。
有15款湯底揀，花多眼亂。揀左藥膳湯底。個湯好清甜
，帶點胡椒辛味。唔覺唔覺飲左一碗湯。
食物選擇幾多，質素普遍都高
牛脷心托，薄切爽口封門牛，牛味濃郁，而且完成全唔韌牛板健，入口即溶 鵝腸， 乾淨又爽口麻辣雞肉，帶有麻辣味好特別，雞肉好滑豬潤，厚身好甜蝦滑，好彈牙
