NicoFong's Profile

10月尾老公生日，見到有4位同行，生日果位免費，就book左5點，2大2小，黎到第一時間去排生蠔，長期都有兩三個係度排緊隊不過好快拎到，啲蠔全部即開，雖然….每次只可以拎3隻，而且超細隻，不過幾鮮甜，所以我都係度拎左10轉8轉🤤🤤老公就好欣賞個長腳蟹雞湯超好飲，落足料，不過只係拎到2碗，只可以4個人share。個心太軟都好好食，完全流心，又非常有心思比我地手寫跟住幫我地畫上去，所以小朋友最開心，最後埋單1000，抵到爛…Read More

係fb見到有個post大推生蠔，睇到流晒口水，忍唔住what’s app同店主落order，店主推介西班牙生蠔，於是訂4隻試下，超鮮甜，又有海水味隔幾日介紹埋比屋企人，試晒4款，性價比最高係西班牙生蠔，老公就話法國生蠔最正<-緊係啦，一分錢一分貨…Read More

好耐冇黎食啦，因為個service要特登上黎讚揚下啲員工超有禮貌，加好體貼，同行有小朋友，我地未開聲已建議拎開個鍋，同拎埋兩個碟比我地夾啲淥好既野食灘一灘先比小朋友，覺得好窩心野食整體好食，啲牛好正不過啲蜆有沙，同埋嚮鈴冇以前咁好食。下次都會再encore…Read More

大半年前試好好味，車仔都有麻辣湯底同咖啡湯底，好吸引，果陣連米線都好好食，自從轉左menu試左兩次，啲好味既湯底冇晒之餘，米線都好似轉左，一夾就斷開，冇咬口，好失望。…Read More

呢間餐廳細妹介紹左幾次，終於同佢黎試左，以晚餐黎講好平，98蚊一個套餐，包埋餐包，湯同野飲，而且個牛扒都好大塊，肉質又淋，都ok ge，呢個價錢唔好搵出面啲高級餐廳牛扒比，幾百同98，冇得比，價錢十分平民，不過個位好逼，好彩冇帶小朋友過黎，唔係都唔知點坐好。另外啲野飲加左好多水😂😂好淡，總結黎講性價比都算高，想食平價扒可以黎呢間試下。…Read More

因為心血來潮想食片皮鴨而來既，得兩個大人加小朋友，又怕剩係食片皮鴨唔夠飽，另叫左啲點心同一個担担麵，担担麵有驚喜，食落有陣麻香味，另外感覺好似有陣茉香味，而且幾大碗，抵食。點心我冇食到，老公食左，話個炸奶黃包好好味，好脆👍🏻👍🏻食晒啲野個片皮鴨先黎，已飽晒😂兩個人真係食左幾片就要打包，如果有半隻片皮鴨叫咁就fit la，因為一隻個量真係好多，埋單500幾蚊，比預期中平，因為都叫左幾多野食。…Read More

平日lunch時間黎到都冇乜人，叫左3個餐，自己叫左個龍湯海鮮熱鍋飯，等左一陣就有得食，速度👍🏻👍🏻👍🏻送到黎個湯係滾緊，個湯好鮮甜，有啲驚喜，因為都係求其搵間入，而且價錢又唔貴，70幾蚊，好抵食。不過杯果汁同menu圖文不符😂…Read More

呢間朋友揀，睇相以為幾大份下，但實物係一人份量😂板燒吉列牛同安格斯牛都好食，安格斯牛食落口堅係入口即溶，不過個量都算小（一份唔夠喉呀😂）個蜆100蚊份我覺得偏貴（因為安格斯牛都係100），不過隻隻都超大隻，又冇沙，但比我揀我會叫多份板燒黎食😂總結：下次再encore先…Read More

最近食烤魚食上癮，試左幾間，呢間算係目前最高質既一間。剩係門面已好令今次幾個朋友全係好辣之人，於是叫左個中麻辣烤魚，實在太麻超辣😂忍唔住‘不’走啲辣椒，各位初試既可以叫左小麻辣先。叫左海鱸魚，條魚大條多肉又少細既魚骨，岩岩送黎時試左舊魚肉，魚皮仲係脆卜卜嫁😍‘不’走左70%既辣椒😂推薦各位，食烤魚必叫配菜：薯粉（可惜今次落order時賣晒😭），秀珍菇，蓮藕（好爽口），羅白（超甜），木耳（出奇地好味），呢啲大多數本身冇乜味，但全部吸晒啲麻辣汁，好入味！由於呢啲配菜要滾得耐，所以一送到就即倒入去，影唔切相😂P.S之前係第二間食烤魚，叫左貴魚但送黎時超細條，呢間超好，因為見到佢mark住每款價錢既魚重量都係1kg左右。…Read More

因為見到呢間食海鮮蒸窩好多推薦，所以同老公黎試下，我地只叫左最平價$298一位，佢有職員黎幫手蒸海鮮，每款都有計時，唔怕蒸老晒。開頭送海鮮黎怕食唔飽，但食到最後飽到粥都食唔晒😂啲海鮮真係好新鮮，特別特別要提佢隻蟹，從未食過咁多蟹膏既蟹，係爆膏呀！！成隻蟹入面起起一半以上係膏，好香口，啲蟹肉又實肉又甜，剩係黎呢度食到隻蟹已抵晒😍😍😍之後我地另叫左個象拔蚌刺身，職員真係推介得好，性價比超高，有食開象拔蚌都知加拿大象拔蚌最好食但好貴，呢款北韓象拔蚌我覺得可以媲美加拿大象拔蚌，價錢平一大節。雖然呢款冇加拿大咁爽口，但佢真係超鮮甜，完全十分抵食。而且象拔蚌埋有個膽既，佢地會切開個膽比番我地加入粥度煲，冇偷工減料😂😂所以個粥底加埋呢個膽落黎煲個鮮味完全提升…Read More

帶住個仔黎黃埔玩，咁岩行過呢間餐廳就望下，見到居然有兒童餐😍😍😍於是入黎食。幫自已叫左炸雞脾加薯條，仔仔就食兒童餐，全部送黎時都係熱辣辣😍😍😍而且又唔算等得耐，啲薯條咬落口仲係脆脆地嫁，隻雞脾真係好大隻，啲皮炸得好香口🤤好少同仔仔出去叫兒童餐，送黎時仲有粒啫喱，好搞笑🤣🤣兒童餐有埋薯條，寫住輕營，然後未影相就比個仔一野清晒😂呢間餐廳比起一般餐記我覺得啲座位闊落好多，而且啲枱櫈好新淨最後要比個like啲服務員，好nice好笑容又好好服務👍🏻👍🏻…Read More

今次特登為個UFO烤雞而來的。一共4個人黎食，有兩個唔食芝士，咁擺岩岩好，唔食芝士果啲就唔點😂送到黎時有個oppa會幫你煮融啲芝士，好貼心🥰個UFO烤雞下面會有個爐仔長開住煮林啲芝士，烤雞叫左甜辣同蒜味，啲芝士好正呀，幾款芝士混合左，老公鼻塞都聞到好香，而且食落唔會太漏，配烤雞堅一流👍🏻👍🏻之後因應老公要求追加左火山烤雞，點芝士食時唔覺得極辣，可能因為芝士可以中和到個辣味，但之後試左隻就咁食....哇..啲辣味係個口湧晒出黎😂職員安排左我地坐窗邊，望住街景食堅正。呢jar野飲好抵飲，只係$150，本身想叫香桃韓式米酒，但佢賣晒，就轉左西柚味，好好飲！好重柚子味入面有沙冰又解辣 配埋個辣雞好match 飲落小淡酒精味 易入口 呢餐有兩個唔識飲酒既朋友都好中意飲 😂😂魚糕湯超超超足料呢度啲地方好闊落成餐除開每人只係百幾蚊，好抵呀🤣 …Read More

出開旺角見到呢間幾多好評，於是同老公試下，啲燒物有驚喜，呢個牛舌要重點提，好好味，又唔會燒到好乾，咬落好滑有汁又有啲爽口，我地食完一碟後忍唔住叫encore多一碟牛舌😍😍呢度叫左一個麻辣鍋，佢拎比我地時啲牛肉已熟晒嫁啦，等個煲滾食時估唔到啲牛肉入口仲好淋。差唔多100蚊一個鍋，但入面都幾多料下，係絕對夠飽嫁另外佢啲野飲都好飲，叫左滿杯菠羅，飲落好清甜既菠羅味，我好like呀，因為飲落唔係加左糖水果啲P.S隔壁叫左臭臭鍋，不斷漂左啲味過黎😂😂好彩唔係好勁，都接受到…Read More

星期四晚同老公預祝母親節，好彩早一個星期book定姐，8:30黎到時已full晒。好少同老公食西餐，但今次呢餐真係好食🤤🤤首先叫左個湯，送到黎時聞到超香濃既黑松露同忌廉味，望落好似好少湯咁，但其實佢個底好高，好大碗😂飲落就偏清淡既，但果個黑松露味好出，我超中意🤤跟住呢個又係大推，$168咋，左三個係三文魚他他酥皮盒，右三個黑松露忌廉雜菇酥皮盒，我叫時以為呢個價錢得三個咋，點知咁多😍😍好抵食！酥皮盒熱辣辣的，好鬆脆，三文魚陷係凍既，雜菇果個就係熱既，我真係超級中意雜菇果款呀😭😭又係好濃香既黑松露味，呢個同個湯既分別係啲菇痴晒啲忌廉汁同黑松露，食落口果陣味道係好濃嫁，超！正！但是我一個人係食唔晒呢6件的，因為食得多會有小小漏，老公幫我食兩件三文魚，中間再食下啲沙律解下油膩再戰過😍p.s.中間啲沙律個醬酸酸甜甜好開胃，好少食呢種生菜沙律的我清晒🤭忍唔住要影個菇，啖啖菇肉🤤兩條友叫左5樣野食，埋單700蚊，老公仲叫左個扒，呢餐以西餐黎講都算平，重點好食!…Read More

同先生係將軍澳醫院覆診後見到呢間係附近，睇啲食評好似幾好咁，於是決定一試。入黎叫左我最愛既甜蝦，清酒煮蜆同埋人地推薦既甲羅燒第一次食甲羅燒，對我黎講真係好特別。開頭叫時唔知係乜，送黎時員工教點食，將粒蛋撈埋啲膏，之後再擺個飯團落去撈埋就食得，真係好！好！味！超重蟹膏味而且好多膏，好正😭😭呢個大推👍🏻👍🏻同埋唔好睇佢望落細細份，其實食完都幾飽肚。清酒煮蜆👍🏻👍🏻真係忍唔住要影一影粒肉😂好大粒，又冇沙又甜，比我一個人清晒🙈然後係我最愛既甜蝦😍😍😍呢個係jumbo版😂好大隻好鮮甜，食晒呢碗甜蝦後已滿足晒🥰🥰最近不得不讚啲服務態度，要比十分，希望啲姐姐們可以keep住落去👍🏻👍🏻…Read More