黑貓仔's Profile

今日第一次來食下午茶。老公叫咗肉骨茶配飯（$50）同越式春卷一條（$12）。我叫咗越式燒春雞拼雜菜（$55）同半份炭燒豬頸肉（$26），仲有兩杯跟餐飲品，我地要左熱檸茶。個人覺得性價比好高。首先炭燒豬頸肉真係好好味！雖然份量唔係好多，但係下午茶來講係好夠。然後，越式燒春雞拼雜菜好大份，熱辣辣上碟，老闆亦非常細心，有俾刀叉我之餘亦都有俾手套我。肉骨茶老公就話唔係佢食過最好味既，比較咸同埋肉係未煮得夠軟身。春卷都係熱辣辣，但得一條就有少少唔夠喉～所以嚟呢度叫野食就要識得揀適合嘅食物。整體來講，服務好好，野食又OK。兩個人埋單都係143 ，仲想點？如果係生酮飲食，或者低碳飲食的話都適合來呢度食飯！🤩🤩🤩🤩🤩 五星推介！…Read More

今晚朋友同我食生日飯，揀咗呢間以前同老公一直食開嘅飯堂。以前多數係收工後趕住冇乜嘢食，來一人食一碗魚生飯。今日就唔同，叫咗幾樣野食同其他朋友一齊分享。壽司盛十二點火炙壽司盛六點關東煮盛合日式炒野菜韓式泡菜黑豚肉鍋西京銀鱈魚每一樣都好有水準，特別推介食壽司同西京銀鱈魚。首先無論係火炙定手握壽司都非常有水準，每一件都有用心製作，而且材料新鮮。西京銀鱈魚更加驚喜。魚煎得好滑溜，本身魚質亦幾靚好新鮮，調味啱啱好，完全唔需要自己再點任何野已經好好食。另外關東煮個湯底好好味～亦唔係平時食開既感覺。唯一一彈係唔係好鍾意日式炒野菜裏面加鰹魚碎，覺得感覺熱氣，味道亦太搶。最後朋友預備咗同我切生日蛋糕，店方亦有好好嘅安排，雖然最後得返10分鐘食蛋糕，但大家都好滿意！我地會再來～…Read More

好耐冇嚟過呢間餐廳，之前係好鍾意食佢哋嘅翠丸拉麵，今日特登來嗌咗翠丸拉麵懷舊一番，再加多個南瓜薯餅，點知無論係湯底、叉燒、前菜定一話薯餅，冇一樣野係好食！！完全冇味嘅湯底加一劈唔知咩芝士！真係難食到不得了！以前我好鍾意食呢個㗎。叉燒又係冇味，仲要好肥！薯餅仲要唔熱。好嬲將我既一日一餐俾咗佢。終於明白點解呢間舖頭裏面得咁少人，原來因為已經係超級難食！大家千祈唔好好似我咁樣中伏，附近有好多唔同嘅餐廳好食過佢好多。…Read More

天寒地凍，經過一日辛勞嘅工作，夜晚同男友去咗呢間居酒屋。一試之下，竟然充滿驚喜！首先，居酒屋環境唔錯，枱與枱之間都有充足距離，唔會話坐得唔舒服，亦唔會覺得冇晒私人空間。每位店員都好醒目，會主動提供需要嘅協助。例如加茶，做簡單食物簡介同埋上食物之前會先問你上得未。唔會好似一般居酒屋咁，搞到食得好趕。我地點左兩杯梅酒、12隻來自日本兵庫縣生蠔、豚肉鍋、沖繩黑糖配炸番薯條。之後再點埋澳洲和牛串燒、帆立貝串燒同冬菇串燒。最後以原個蘋果雪葩做甜品畫上完美句號。梅酒唔係用一般梅酒杯，而係用比較高身嘅酒杯，感覺幾新鮮，不過我地都係比較鍾意傳統嘅酒杯。呢度用嘅梅酒偏甜，好似我好甜嘅人來講就好啱飲啦。豚肉鍋好好味，用嘅臀肉都係唔錯嘅貨色，食起上嚟好滑，亦充滿肉味。加上，有好味嘅日本蔥同配菜，令味道更加提升。如果可以加個烏冬，就更完美。來自兵庫縣嘅生蠔亦相當唔錯，每隻都肥大肉厚，新鮮多汁。四百幾蚊有12隻，都算抵食。沖繩黑糖配炸番薯條脆脆地，又甜甜地，用來送酒唔錯。之後嘅三款串燒都有水準。和牛好香，帆立貝新鮮，冬菇嘅醬汁好味。原個蘋果雪葩好清新，為今餐劃上完美句點。…Read More

平時間中都會食麥當勞，一向都覺得野食ok, 員工多數態度都幾好。而且，我亦好鍾意Signature系列，覺得俾多少少但會得到質素唔錯既食物。但係，美國銀行中心既呢間舖就完全令我大失所望。無論係薯條定包都係勁差！全部野都係凍既！個包既材料又完全唔新鮮！薯條係炸左好耐既。得杯汽水叫做正常。$45.3食個咁既餐真係好差！！仲有員工得個男經理好少少，其他女員工自己傾計大大聲，仲講粗口！絕對冇下次！！！一定唔會再幫襯！…Read More

尋日同男友去左呢間餐廳食晚餐，完全唔得。平價食材，貴價兼唔飽。廚房唔夠人，而且煮得完全唔好食。我個餐$198+1，包括任飲1.5小時同以下既野：任飲：你叫完d員工都好耐先拎比你！除左青島同汽水，千祈唔好叫菠蘿汁同紅莓汁，因為只係糖水！主菜：一件羊架（無味兼好細件）配菜極小，得薯仔一件仔同少少菜，仲要唔好食既。任選12款玻璃燒：名就靚喇！但完全唔掂。食材平，而且食店好孤寒，五串沙嗲（肉同主菜件羊架一樣無味）、一串煙肉番茄仔（得兩粒同唔好食）、金菇肥牛X2（一樣好細件同無咩味）、多春魚（好細條）、冬菇同蕃薯（夠膽死比一小件）、菠蘿X2（竟然係苦的！）麵：蕃茄湯底／豬骨湯底或加錢$30-40要其他麵。我要左豬骨，黎到只係浄麺加兩條菜，湯底得個咸字！食到呢度已好想死。同男友快快手埋單。點知原來我仲有個甜品... 好啦，就食埋佢。原來係一杯連花奶都欠奉既細芒果味啫喱！呢間野真係一d誠意都無！絶無下次。…Read More

好耐無寫過食評，不過上品實在太好喇...唔寫真係對唔住自己由於上ｏｐｅｎｒｉｃｅ做過ｒｅｓｅａｒｃｈ先去，所以去之前已經好有期望，而且諗住叫晒所有食友推介既菜式．．．（雖然好好味．．．但我叫得多得滯食唔晒）預早一日ｂｏｏｋ定２位，打算同老公去食返餐好既～不得不提係服務相當好，電話中既阿姐有禮，而且ｂｏｏｋｉｎｇ前一個鐘打電話比我ｃｏｎｆｉｒｍ，到後尾老公遲放工，我打去改遲一個鐘態度仍然十分好，呢個抵讚！去到阿姐帶左我同老公上樓上坐，比較安靜，但我地坐既位就對正冷氣機．．．鍋底：花膠翅群　－　滋潤鮮甜，用料十足，阿姐話廚房淆左好多個鐘，同老公忍唔住飲多兩碗！安格斯牛肉片　－　無雪味，新鮮牛肉味濃，正！酒釀醉蝦　－　浸到佢地醉晒先灼來食，酒香四散，蝦肉彈牙，加少少醬油，ｐｅｒｆｅｃｔ呀！象拔蚌剌身　－　鮮甜新鮮到不得了，下次一定要返ｃａｌｌ！櫻花牛肉刺身　－　又一再點精選！牛肉薄薄０係口中融化，肉質甘甜，加上兩種特製醬汁，一絕！（香港好難食到咁有水準既牛肉刺身）蟹籽蝦丸　－　上品自制蝦丸，一樣彈牙新鮮，好味！芝心鳳尾蝦　－　好似食緊芝士龍蝦咁．．．記住趁熱食，芝士流出，溶０係口裡面好正．．．手卷腐皮　－　爽爽聲仲要唔油，配酸甜汁好開胃！不過食唔晒．．．太飽喇:(四式丸　－　全部係上品自創既丸類，　幾待別。番茄灌湯包　－　好濃番茄味同好新奇．．．不過太飽食左兩隻投降新鮮帶子　－　好鮮甜．．．諗起都流口水．．．冰鎮豆腐　－　呢個我反而唔太欣賞．．．好鞋甜品　－　都幾好味同清新，自家制算唔錯喜力　ｘ　２　（打邊爐點可以無啤酒？）服務：一流，阿姐成日幫我地加湯，加啤酒，有位親切既哥哥黎同我地講丸有餡，叫我地小心燙嘴，我笑笑口同佢講我０係ｏｐｅｎｒｉｃｅ睇過，已經知道喇多謝佢既細心．．．而且我地一話冷氣太凍就不停幫我地調節，有咩問題都用心解釋，抵讚！埋單$1227，合理，好味:)，新鮮，服務有ｈｅａｒｔ！:)上品真係十分好，我一定會再黎，不過兩個人既話唔會再叫咁多．．．要ｋｅｅｐ　ｏｎ呀！！…Read More

星期六下晝打完波，同男友來左呢間甘味度食午餐，之前都有諗過黎食，但次次都因為太多人有排等所以放棄...今次ｌｕｎｃｈ黎到，一樣要等，但見排２０張枱度咁就等下啦...等左１５分鐘倒就入得～入到去，叫左煙肉波菜薯餅，漢堡牛肉，雞肉二十穀米飯ｓｅｔ同岩海苔牛肉烏冬～野食上得幾快，煙肉波菜薯餅幾好味，但細件左ｄ，漢堡牛肉真係比佢幅圖呃左....勁細件囉........男友同我一人一啖就無左，唔抵，仲要焦左雞肉二十穀米飯，好香同個汁都幾好味，但都係細！岩海苔牛肉烏冬，烏冬幾彈牙，唔算差，牛肉量ｏｋ多，同湯底味道夾，幾好味！服務ｏｖｅｒａｌｌ唔差，員工有禮貌，間中都會加下水但如果要再等咁耐我就唔會黎喇，因為屯門市廣場有其他更好既選擇～…Read More

五月三十日下午, 同男友來一試呢間一品四川麻辣米線,環境乾淨, 人唔多, 地方無譚仔咁窄兩個人叫左一碗$36蚊既咩都有酸辣米線,個阿姐好好笑容又好細心, 一落完order就比兩隻碗仔我地, 值得一讚!米線一黎到, 我同佢即刻呆一呆, 哇! 咁大碗既?? 仲大碗過譚仔果d用料好豐富, 有一大堆酸菜0係面, 腩肉, 蔥, 豬, 牛, 雞, 芽菜, 豆卜, 魚蛋, 豬潤...等等米綫分量夠多, 兩個人食都好飽.... 講返味道, 酸菜又夠酸又夠爽口, 同酸酸辣辣既湯底好夾魚蛋非常彈牙, 其他肉類量多而且水準不俗,$36食到一碗咁好味既米線, 一定會再返兜 !!…Read More

呢間壽司店, 由開張無耐無人幫襯, 至而家晚晚要等位都keep住一個月幫襯一兩次當初係男友介紹我黎食, 而味壽司一向食物水準不俗, 價錢又抵, 所以我一向係常客,仲介紹左俾好多同學知呢間壽司店, 已經同過好多人黎食, 但今次真係要俾喊面,原因?食物質素雖然下降, 但比其他同類型壽司店仍然好得多問題係"服務", 一間日本料理店最重要既唔單止係食物, 服務態度都好重要!5月21日選擇左味壽司同友人慶祝生日, 當晚人多, 加上想傾下計, 決定放棄sushi bar,上去二樓, 點知俾左張對正冷氣風口位既枱俾我地, 冷氣係吹正我同另一個友人既頭,大家當日剛剛起身, 打算轉去後面一張同樣既四人枱之際...著西褲個位侍應阿姐黑口黑面怒啤我地, 跟住大聲, 態度極差地話: 「你地0係度做咩!!?」我答: 「無呀..因為呢張枱對正冷氣出風位好凍, 我地想轉位...」佢唔耐煩再怒啤, 即時話: 「果張枱有其他人要坐!! 坐返埋去!!」我答: 「但呢個位好凍...我地三個女仔短袖衫.....」佢唔聽我講完, 講: 「得啦!!!一陣同你較細佢!!!」随即閃開無理過我地....整個飯局既氣氛已經俾佢搞禍晒......好彩食物質素中上, 特別係炸物水準佳, 壽司質素雖然下降但仍然新鮮所以友人先開心返d問題係:一) 著西褲個位侍應阿姐話果張枱有其他人要坐, 但半個鐘有多都未有人坐, 點解唔俾我地轉位?二) 佢話會一陣同我地較細個冷氣, 但之後完全無左回事, 我叫其他staff跟進, 有個四眼妹妹staff雖然幫唔到我, 但佢話「唔好意思...因為而家開始多人...冷氣細會焗...」咁起碼服務態度良好搭夠呀...我都即刻無咁嬲, 其他staff加水依然勤快, 但果個西褲侍應阿姐就持住自己係"開店功臣"(佢以前開店無耐已經0係度, 都serve過我同男友幾次), 比較大粒就對客咁差...好唔要得....睇返d 食評, 都有人遇到同我一樣既問題, 佢再唔改味壽司遲早執呀......三) 埋單口黑面黑, 一聲多謝都無即使心情有幾壞, 都唔應該帶到工作上, 特別係服務性行業,更加唔應該發洩在客人身上, 應以客為先我唔會一下子放棄味壽司,但如果下次去再係咁, 我一定會同經理投訴…Read More

4/5 考完兩科, 傾埋final year project~成十點先去食飯~同朋友share一個餐沙嗲雞串燒五大串+ 飯+ 飲品都係$32, 大大碟, 唔貴我地同staff講想要多隻碗, 佢竟然俾多一大碗飯我地...唔知係咪因為賣唔晒, anyway, 收獲~串燒燒得岩岩好, 汁料香濃, 推介!飯就太油...令人好滯, 不過呢個價錢咁既份量, 滿意會再黎!…Read More