環境乾淨, 人唔多, 地方無譚仔咁窄
兩個人叫左一碗$36蚊既咩都有酸辣米線,
個阿姐好好笑容又好細心, 一落完order就比兩隻碗仔我地, 值得一讚!
米線一黎到, 我同佢即刻呆一呆, 哇! 咁大碗既?? 仲大碗過譚仔果d
用料好豐富, 有一大堆酸菜0係面, 腩肉, 蔥, 豬, 牛, 雞, 芽菜, 豆卜, 魚蛋, 豬潤...等等
米綫分量夠多, 兩個人食都好飽....
講返味道, 酸菜又夠酸又夠爽口, 同酸酸辣辣既湯底好夾
魚蛋非常彈牙, 其他肉類量多而且水準不俗,
$36食到一碗咁好味既米線, 一定會再返兜 !!
