charping's Profile

行過見到新餐廳，餐牌夠短，貴精不貴多，入去一試。坐低先知原來前身係響九如方多年的Paul’s kitchen。大大個招牌寫住用心做好沙嗲牛，就試呢個。如果話”超乎想像”其實都不正確，身為香港人由細到大食沙爹牛，根本從來無想像過沙爹牛麵可以係咩樣。牛用美國Angus beef，靚牛，煮得剛好。配菜有炸舞茸茹，有創意，炸得幾好，不油膩。湯底係真沙爹味，好多餐廳都係買沙爹醬加水，上網查下點煮沙爹湯底，或者來食一次，你會知道味道可以幾豐富。麵，係餐廳特登揾麵廠製作，望落似公仔麵樣的拉麵，正因為佢似公仔麵曲曲地，比平日日本拉麵多一種口感。要讚下旁邊任食的漬物，柚子薑和蓮藕，很用心。其實有時覺得香港人口味或消費習慣幾奇怪，成日對日本拉麵店趨之若鶩，同樣配料份量的日本拉麵肯定過$100，呢碗沙爹牛$90。附近茶記閒閒地$60-70 但食材一定唔係呢個成本比例。無意貶低拉麵，而且蘋果同橙不一樣，拉麵湯底本地人有時覺得偏咸，呢間難得在真正迎合港人口味。用心之作，新comfort food 之選。…Read More

很多小店告急，趁午飯時間盡量周圍幫襯幫襯。呢間小店鄰近大學，可能因為停課生意都受影響。我專程嚟過幾次買外賣，每次都係食經典漢堡，永遠都係最簡單最經典。人流咁少，小店都堅持開店，用心製作每一個burger，漢堡扒鎖住肉汁，絶無誇張，中間塊生菜令我想起LA 著名的in n out。淨係個包唔使$50，加埋薯條飲品唔使$70，何苦中環俾$80-150 幫襯所謂美國牌名店，仲要個包成日俾汁浸到濕晒(我覺得係醬汁，不是肉汁)。值得一讚的是有素食漢堡，很同路人的considerate。年青人開的店，有理想有堅持有質素，萬一不幸touchwood 執笠絕對係大家損失。…Read More

午飯時間上到嚟，叫了嗰時令刺身丼。甜蝦墨魚鮮到不得了，響香港本身好少日本餐廳有得食墨魚，加上疫情困在香港，唯有食咗當去咗日本，好感動。墨魚配上薑蓉同蔥更顯細緻。疫症下很多餐廳生意都少了，入貨要keep 住新鮮的成本更加高昂。個飯絕對非一般外賣質素，食得出係靚米(好多外賣壽司店個飯係白飯加個酸字)。要讚下豉油酸薑Wasabi食得出店主對質量有要求。見個餐牌上面仲有好多時令刺身，可以散叫壽司，呢個價錢絕對比同樣質素餐廳平至少三成。午餐有其他熟食，薄切牛肉飯、日式雞扒飯、漢堡扒飯等等，勁吸引，$50-$60 好多選擇。刺身丼$50-$100都有，絕對係方便街坊，豐儉由人。店面細但好整齊好乾淨，standing table 配high chair 幾鬆動，大概可以坐5-7 人。店員服務態度超級好。店員話外賣app都有得叫。呢個價錢絕對係中西區性價比之選，仲要難得係同路人，更加要落力支持。…Read More

雖然地址係西營盤，但由上環行過嚟只需10多分鐘，又唔使迫人。這間店賣點是麵包每天新鮮自製， 自問對麵包有要求，所以過來一試。叫了個吞拿魚牛油果三文治，口味淡點可以試真啲個包。個包絕對算得上高質素，有口感有濕度。有驚喜的是塊跟套餐的日本南瓜薯餅，餐牌上寫着產地來自鹿兒島，很久沒有食真南瓜味的薯餅。跟餐飲料可選黑咖啡，亦好。整體質素很好，而且價錢接近連鎖店mos，非常值得行過來食。很欣賞這店對質素的堅持。以後多來食埋其他三文治款。…Read More

第一次意大利旅行. 週圍都有gelato店. 食過先知原來雪糕可以咁好味. 系咁既質地. 有咁多不同味道. 於是旅行七天日日食. 十分羨慕意大利人估吳到香港有位有心人真系去左意大利學整意大利雪糕. 店面很寬敞. 可以清楚見到製作過程. 真系一門手藝. 味道新鮮. Dense. 質地soft. silky. 四十幾蚊價錢同連鎖名牌店差不多但質素同誠意無可比擬. 香港地小店真系生存不易. 好野吳一定有知音. 有知音又吳一定夠顧客人數. 希望第時一直可以好似在意大利想食gelato 會有間店去 …Read More

成日想encore呢間斯里蘭卡菜. 唔覺唔覺拖下拖下竟然比我上一次光顧過左一年. 十分萬幸的是小店依舊在同一地點經營. 依然是同一對夫妻檔- 同一位廚師同一位侍應. 今次因爲趕時間買了外賣. 炒薄餅+ 牛肉咖喱+ ice tea Lunchset $70 同記憶一樣依然十分有鑊氣 (其實比很多以鑊氣作賣點的大排檔出色) 依然辣得十分過癮香料味道十分豐富 而且食完唔口渴一定冇味精香港小店經營不易. 尤其是中上環地區. 要提醒自己不要抱著僥倖的心態. 要及時支持小店. 多多享受用心制作的食物! …Read More

As a big fan of pasta, I think this is  one of the best choices in town with consistent quality.  The menu is simple with about 8 choices but definitely good enough in term of variety. Ask waitress for wine recommendation if you want to have drinks. She got me a glass of white wine to pair with the mildly spicy orecchiette which I found very good. What made me like this place so much is the "freshness" of pasta (while you probably can easily find al-dente in other places in HK but not freshness). Another highlight is the dessert - silky smooth tiramisu with a very "vanilla-tasted" vanilla gelato. I went there for dinner on a Thur and Sat night before. Nice ambience. Oh forgot to say about the bread basket - you can tell even the cold cut on the side is something with quality.  Apparently the restaurant is opened by a chef who previously worked in 8 1/2. Highly recommend this place - more value for money than 8 1/2 with more "hearty" dishes. …Read More

自從夏銘記結業後喺油麻地電影中心睇完戲成日諗唔到食乜後來發現行去佐敦食佳佳都不是太遠今日有新發現!! 平時食crepe 通常上環或灣仔LA 食. 我在香港居住的法國朋友都話佢去開. 算係夠地道今日呢間有法國老闆自己親手用心製作絕對變成我首選叫左個主食crepe goat cheese 加蔬菜. 完全唔會滯. 之後再加個甜品crepe. Sugar and lemon juice. 新鮮檸檬榨汁. 而且只係$22. 今時今日街邊食個雞蛋仔做10幾廿蚊. 呢個絕對性價比高比起港島區嗰間. 呢間crepe比較薄. 好似麥味冇咁濃. 但勝在真係外脆內軟. 而且餡料勝一籌星期日好似唔開( 果然法國人老闆. 有French life style!). 星期一至六睇戲選擇. 真心希望佢長做長有…Read More

喺香港印度菜尼泊爾菜黎巴嫩菜墨西哥菜連緬甸菜都試過，斯里蘭卡菜真係第一次食。星期一夜晚嚟到人客不太多，二人可以食飯傾計。兩個人叫左 斯里蘭卡茶:喺未食任何東西之前飲咗一口真係有特別嘅茶味，一種好特別想再飲的茶澀味Tapas 鷹嘴豆chickpea: 好好味 味道好豐富 但不會有過多香料味炒薄餅kutto配咖哩雞: 呢樣真系推介 好得意 有印度中東菜一類的香料味 又有中式炒飯又似泰式炒pad Thai 好有鑊氣 Roti 配咖哩牛: 老實講呢樣無前幾樣咁特別啦 總括而言我覺得在香港至少應該食一次，難得有來自斯里蘭卡的廚師咁有心開小店咁有心機煮，而且服務超級友善。下次會再嚟試吓自家製米粉…Read More

1st time to order delivery from this restaurant. We ordered crab cake as starter, chicken pesto pizza, salmon pasta and mushroom risotto. We found that only the pizza's rather "reasonably" seasoned.  The other 3 dishes were way too salty that we could not stop drinking water and we didn't finish the food. Given 4 of us shared the same feeling, I believe it's really too salty by common people's standard. I have never dined in this restaurant (or other Oolaa). Could not comment if this salty delivery was an exceptional case. But definitely not going to try again as this experience is too terrible... …Read More

之前食過尖沙咀嗰間， 食過呢間荃灣兩次，叫嘅都係果幾樣燒牛肉同豬肉，海鮮煎餅，水冷麵，飯。我好想問點解荃灣同尖沙咀價錢一樣， 但係食物質素要差咁多。 肉不夠入味，煎餅勁多粉，冷麵仲要黐埋一舊。食咗兩次荃灣都係咁，應該不是偶爾失準。 同埋洋蔥芽菜都系差d（直接講法系頹d)雖然有好多連鎖餐廳都間間有啲分別, 我無諗過呢個價錢同燒肉(理論上工序可以標準化)都受到地區上的歧視而且咁大分別。同埋呢個價大把韓國餐廳好味過佢。我真心希望餐廳管理層關注下。…Read More

先要讚下餐前個麵包，身為包痴的我覺得個包絕對比好多市面光賣包的專門店做得更加好味,個煙肉味牛油非常邪惡地好味, 個黑松露牛油更加真材實料 (出面太多餐廳所謂黑松露餸菜就咁加啲平黑松露油)雖然佢係日法fusion, 純睇sashimi 質素絕不欺場, 個海膽同魚生非常新鮮鵝肝cream brûlée 非常有創意, 滿口鵝肝香味而且不會滯, 有驚喜, 系鐵板燒鵝肝未試過的另一種風味鮑魚飯簡直無得頂最後個丸子甜品神奇一啖入口爆開, 有淡淡清新生果味, 我個人好like 個焦糖cake (canele). 信我，好味過幾間有名法式甜品店香港無乜呢類日法fusion, 千零蚊個set 睇落似貴, 不過依我觀察其實個set 成本堅貴, (未計坐得勁寬敞) 比起外面甘多幾百蚊劣食食完成肚氣, 呢間我推薦…Read More

一來到覺得奇怪，點解門口又take a baked 又eat with me. 原來之前旺角好出名嘅eat with me 黎左同呢間tab 合二為一。之前tab 新開來過食午餐，今次星期日黎食brunch。encore 卡邦尼意粉同羊肉焗薯，同上次一樣咁好味，絶非hae 野。今次留肚食雞蛋仔所以無飲士多啤梨乳酪特飲。叫左兩款雞蛋仔甜品，一個綠茶雪糕加紅豆，一個特別版薄荷雪糕。我食時旁邊有客人話以前旺角時幫襯開，今日專程來荃灣食。我一食個雞蛋仔就明真系無誇張，如果你覺得筲箕灣低調高手好食，呢個唔會令你失望， 真係香蛋味而且外脆內軟，而且個薄荷味雪糕都好好味，紅豆吳會太甜同太軟。大熱天時室內食雞蛋仔加雪糕實在正。好食服務好環境又舒服，以後吳駛去路德圍同人迫。…Read More

雖未算羊痴，自問比大多數香港人喜歡食羊，羶吳羶各有特色皆不拘。諗住羊肉麵出名，點知羊肉麵大失所望，麵太林( 都算係非常過分嘅林) ，湯無乜羊肉味，羊肉又無乜味又少份量。呢個質素算幾貴。反而蔥油餅有驚喜，可以話我目前在香港食過最好食之一，我覺得好味過浙江軒( 聽聞寧波同鄉會蔥油餅都好出色，不過未試過)。真有蔥味，皮脆不會太油，可惜一買要買兩件蔥油餅，如果可以單買一件就更好，可以當小吃， 得閑行過就食番件。下次會試下餃子，可能會比麵出色。…Read More

買過幾次外賣。試過咖喱牛. 雞同吉烈豬扒。都試過配飯. 法包同腸粉。食雞同豬扒好明顯會食得出肉質同平時一般食肆好唔同，肉質有咬口好多，而且豬扒炸得出色，同吉烈豬扒定食專門店有得揮。我揀小辣咖哩因為個人其實不食得辣，勁出汗但依然返來再幫襯，好味過癮，而且要讚下勁多薯仔紅蘿蔔好足料。腸份有創意不過我覺得太油。法包我like 而且絕非是但配個包俾你，個包本身有質素，切左一塊塊方便進食，不過我會較鐘意成條自己邊沾汁邊搣，一來較有食咖哩feel，二來我成日覺得切會破壞個包texture，浪費左。套餐$50-60，食材咁認真其實好值，點解俾$40 幾食快餐店急凍咖哩雞呢。我幾次去都不太多人，覺得係附近一間好underrated 的餐廳，希望多d 人識。…Read More