or#ta67050612的個人專頁

鑽石山站附近本身已經好多烘焙店，最近新開咗呢間木子烘焙，梗係要試吓。有好多款唔同選擇，而且造型都好靚！芋泥麻糬、開心果、煙肉太陽蛋etc 可惜排隊埋單嘅時候，收銀姨姨實在太慢，完全唔符合朝早趕住返工，要非常快手嘅預期。最後我考慮緊放唔放棄個麵包嘅時候，另一位姐姐終於出現，極速打救我。。。…查看更多

鑽石山地鐵站口開咗新嘅手作飲品舖，天氣凍凍地，想買杯熱飲試試。 等落單已經等咗一段時間，可能新開張比較忙。 落完單等咗10分鐘都未有，我唔問都唔知漏咗單，之後再等多5分鐘先至俾到杯牛乳茶我。杯飲品就中規中矩啦，中辣唔算辣，味道略為有啲淡。…查看更多

朋友推介下，今日去咗屯門比較出名嘅馬哥奇兵，試吓強烈推薦的冰翅。入到去，環境企理，雖然唔係太大，都坐得舒服。我嗌咗香芒冰翅同埋鮮果撈月，等餐時間都幾長，差唔多15分鐘先有嘢食。香芒冰翅$60 呢個價錢真係偏貴，物好細兜，喺雪糕上面加咗一注大概係素翅提升口感，算係比較有啲特色。但係芒果汁味道有啲假，食得出唔係新鮮芒果打出嚟。另一碗鮮果撈月唔錯，材料豐富，有火龍果，啫喱，椰汁糕等等，味道似泰式珍多冰。兩碗糖水埋單$115，食一次尚可，但未必有下次。…查看更多

同屋企人提早團年飯，之前經過見門面幾靚，book左中環新開嘅木子園。入到去環境唔係太似食京川菜，坐落都幾舒服，裝修ok。店員都好nice，我哋揀菜都揀得好耐，屋企老人家又唔太食得辣，佢都無催我哋，仲好細心講解。上菜時店員都會續樣介紹一下，唔係放底左就趕時間走人。印象最深刻係個牛肋骨，賣相靚仔，味道香，口感又正！另外我見都有好多人飲Cocktail，又有酒吧，下次收工同朋友再嚟試吓先得。整體黎講，食物好味有驚喜，份量適中，岩一家大細！…查看更多