The Muzi

同屋企人提早團年飯，之前經過見門面幾靚，book左中環新開嘅木子園。
入到去環境唔係太似食京川菜，坐落都幾舒服，裝修ok。
店員都好nice，我哋揀菜都揀得好耐，屋企老人家又唔太食得辣，佢都無催我哋，仲好細心講解。
上菜時店員都會續樣介紹一下，唔係放底左就趕時間走人。
印象最深刻係個牛肋骨，賣相靚仔，味道香，口感又正！
另外我見都有好多人飲Cocktail，又有酒吧，下次收工同朋友再嚟試吓先得。
整體黎講，食物好味有驚喜，份量適中，岩一家大細！

口感唔錯，魚子醬味道幾出

$78

個湯超甜！！ 店員會幫我哋分埋上，雲吞味道岩岩好唔會太搶，出色

$268

4個人食岩岩好，片薄脆口，入口唔會標晒啖油出黎。店員介紹塊熱石板係食鴨之前煎一煎返熱佢，又幾特別喎。

$488

上碟幾驚喜，有乾冰噴晒煙。個牛炆得好林，好入味！呢道菜係最回味既~

$328

價錢合理啦，對得住食物質素