yuen1110631's Profile

是夜係我同老公o既一個小小紀念日,諗住唔煮飯出去外食,於是上openrice搵下有咩好食,見到角落餐廳食評一置向好,於是由市中心搭輕鐵前往。餐廳於啟豐商場一個好角落位置,唔睇水牌都唔知o係邊,去到門口望入去食店入面好細,望一望餐牌食物款式都算多而且價錢唔算平(一般都90蚊以上),諗住收得呢個價應該唔會差得去邊,於是入去坐低order野食。我地叫左一個美式什扒(鐵板)配薯菜、鵝肝醬西冷扒配扁意粉,餐湯要周打蜆湯同牛肉湯(辣)。正期待住美味扒餐之時,侍應叔叔送上餐湯,一望落去唔使入口就知係超級麵粉糊=口=",周打蜆湯入面冇蜆,而且重有一粒粒未溶得曬o既麵粒,牛肉湯老公話有少少辣但係都係屬麵粉糊類。到主菜,美式什扒有雞扒、牛扒、豬扒柳同煙肉腸仔卷各一,由於我唔食牛,於是將牛扒改為豬柳。鐵板上檯後我O咀了,件"扒"細件得可憐,極其量只可叫件(雞件,豬件),煙肉腸仔卷個腸仔咸到喊,好在有好大堆熱辣辣薯條可以頂下肚,叫做食得飽另外老公食o既鵝肝醬西冷扒配闊扁意粉,因有牛肉我冇食到,不過老公order牛扒要六成熟,一切開我見已經係八成熟。埋單200蚊食茶餐廳o既質數,茶餐廳都不如o既鋪面(牆紙已經發曬霉),只怪我信錯食評同怪我唔好彩。…Read More

是日同父母、老公一行四人到厚德商場稻香超級漁港晚飯，見到帝皇宴餐牌可以叫六人份量,於是叫左半席試下。呢個菜單有九道菜 :鴻運乳豬碧綠爆炒貢片黃蚌脆香伴紅梅玉貝富貴鮑粒釀玉環紅燒雞絲珍珠翅清蒸海石斑穗香沙薑雞蟲草花濃湯泡娃娃菜落完單十分鐘內,就已經上左頭五味送,基本上成餐飯半個鐘內已經上曬八味,食到夜晚7:49我地就追個糯米飯,嚂單姐姐話要蒸需時,之後到8:30我地再追,落單姐姐知我地重未上到燸米飯,好心急幫我地問部長,點知個部長重發火話返落單姐姐轉頭我老公都睇唔過眼部長咁樣黎搵人出氣,我地出聲同部長理論,部長即時變面成恰熟。最後我地等到夜晚8:44先上個燸米飯,上黎ge原來係蒸ge紫燸米甜點,恰熟部長話要時間蒸,但點解我食到ge糯米甜點個心係凍ge= =?最後呢度black list,可以不用再俾機會…Read More

話說前日打風,無la la多左日假,剛落8號風球我就同阿媽到將軍澳牛陣.,打算同阿媽去食牛陣打下邊爐,去到見到未開門但門口已聚集左十零人o係度等,等左一陣先有個職員走出黎準備開檔,我地個個都走埋去問佢今日會唔會因為打風而加價(因為呢間牛陣早有前科)職員都唔敢肯定,於是走入去問,後來有一個似係經理/話得事ge職員出黎話因為打風,今日冇來貨,變左唔多夠$98蚊級數ge牛肉,而家門口呢一批客人重夠分,後到ge客人就要食$148級數ge牛肉,重話佢地6點開門,叫我地入去座低等位,咁既然冇臨時加價,我地就決定食牛陣la! 等到6點入座,剛座落張凳度,先前走出黎講野o個位經理/話得事ge職員走埋黎細細聲同我地講,廚房得返一條牛肉(我估佢意思係98蚊級數o個隻牛肉)唔夠咁多人分,所以今晚都係要$148一位….我同我媽即時反問o個位職員,點解先前問左你地幾次,你地都話係98蚊一位,而家入到黎座低曬,先話要148一位呢?咁同厄我地入黎座低之後,o禁住黎搶有咩分別??最後我地都係冇食到就走左,今次打咁大篇野出黎係想俾食客知呢間野ge古或招數…Read More

星期一同朋友行完旺角中心打算哲地方醫肚,見到對面有間食手打烏冬wo,咪去試下lo...我地一行三人,一個叫咖哩汁湯烏冬,一個食日式雞柳炒烏冬,而我就食日式吉列豬扒蛋包飯。 先講下個蛋包飯,我期待佢ge蛋包飯入面應該係茄汁炒飯,佢唔係都算(始終間間店做法都唔同)個飯黎到個蛋皮係爆開左睇曬入面d飯,係白飯炒白飯lo,即係佢有炒過下,又有丁屎咁多蛋花o係度,原全冇味道可言;到個蛋皮,佢塊蛋皮又硬又乾又凍,直頭好似人地新鮮整蛋卷,d蛋卷醬熟左可以拎去卷o個種口感;到個咖哩汁簡直勁!勁咸個勁!佢連帶跟o係咖哩汁入面d薯仔粒同蘿蔔粒都咸到苦ga,可能廚房打算咁樣可以中和返d冇味ge白飯炒白飯la....唯一可取少少ge就係個吉列豬扒都幾新鮮lo~ 到兩份烏冬,我男友食ge炒烏冬本身都味道OK ge,不過衰在雞柳零味道....而朋友ge咖哩湯烏冬,唔知點解個味勁似合x道杯麵ge咖哩味,味道都算係不過不失,不過佢d烏冬ge質數真係差左d lo,佢o個度話明係手打烏冬,但d烏冬質地只係比平時打邊爐食ge京都烏冬差不多...食完之後都唔知食左d咩落肚,好在唔係叫得多野食,如果唔係就食到一肚氣!…Read More

早排老豆o係報紙見到有講到燊哥火鍋o既介紹,見到好似幾抵食,於是星期日(8號)日頭行車經過時順便睇下門面,點知行車經過兩次成業街都搵唔到,以為自已搞錯地址.... 12號晚都係唔份氣再去搵多次,搵之前重特登打去訂位,叫佢地留有獨立電視ge卡位俾我地,今次好好彩,俾我地搵到,原來大早已經過,只係日頭見唔到佢o既閃登招牌je~一入到去,格局一d都唔似一般打邊爐ge地方,全部都係梳化位,好舒服(我地座o個張更加唔使講la,有獨立電視)如果想座有獨立電視ge卡位,記得先訂檯(訂檯先問門有冇),因為唔係張張都有獨立電視ga! 座位就幾舒適la,至於食物方面,佢係半畫紙仔,半自助ge,點解咁講?因為佢d丸丸、菜類、魷魚都係放曬o係出面ge開方式雪櫃度,我重特登出去feel過,個雪櫃唔會唔夠凍,食物又多款又好新鮮tim~至於畫紙仔方面,都係d大路野....魚、肉同雲吞之類,都係o個句,食物新鮮,我本人覺得雲吞、魚皮餃同雞柳好好食,雲吞、魚皮餃唔係皮多過餡,平時我唔多食魚皮餃,佢呢度ge真係幾正! 至於飲品方面,係要另外加錢ge(除左茶同水之外),12蚊3支,又或者可以叫一渣渣ge飲品,都係18蚊左右...另外佢重有杯裝甜品如布丁、桂花糕咁,都係8-10蚊,整體黎講68蚊一位(加一&8蚊茶介),佢d食物ge質數都算幾好。 唯一有度唔好ge就係d侍應,你問佢野個個都一臉茫然咁,我地叫左芒果布丁,餐牌明明寫住8蚊一杯,落單時冇講,拎到埋黎都冇講,到我開左食左一口阿姐就講:杯布丁加左價,而家唔係8蚊,係10蚊....我唔係2蚊都要計較,只係加左價你係咪應該改餐牌?係咪應該要一早出聲?而唔係等我放左入口先講je?重有佢寫住18蚊一碟日本製手打烏冬,我地問阿姐大約有幾大碟(係怕太大碟食唔曬)佢依然係一臉茫然咁話一份有3包咁lo,我地話3包??係咪即係街市賣10蚊3包o個種呀?o個種我地唔要la...佢都依然係一臉茫然咁冇答我地行開左,我地有d懷疑,於是再問另一個侍應(哥仔)手打烏冬大約有幾大碟呀?佢居然又答我地一碟有2包咁lo...佢重好好心咁拎左隻碟(係隻碟)俾我地睇大約有幾大份,最後我地都係叫左一份黎試到底係何方神聖,好在食落係真係有唔同,好明顯唔係街市10蚊3包o個種,呢隻好食好多..... o個日我地4條友去食,連埋另加ge飲品、甜品同烏冬,埋單400幾蚊,如果唔使加錢叫其他野,佢都幾平ga,係可惜冇飲品lo~…Read More

今日媽咪話想去九龍城食試下黃珍珍以外ge泰國菜館,於是上黎open rice睇下,一睇之下見到高據榜首ge金寶泰國菜館,於是提議媽咪去試一試,點知係令我全家極度失望1. 咸魚炒芥蘭-----d芥蘭未熟透就拎出黎俾客人食,碟菜重要係暖暖地唔熱ga!我地同佢講可唔可以煮熟d,個侍應冇正面應我地,行左去隔離鋪,之後又返轉頭拎走碟野...拎返黎碟菜係熱ge,不過都係未熟透lo,可想而知佢第一次拎埋黎時碟菜幾生!!!2.蝦餅----我媽咪明明係叫蝦餅,結果黎左碟貴15蚊ge醬爆蝦丸,我地一咬有汁漏出黎先知倨侍應落錯單,貴左都算,但係唔好食...而且做侍應ge知道你鋪頭有兩款蝦餅,又唔提出問客人要ge蝦餅係邊種,一野就寫個貴ge3.椰青海鮮焗飯-----好濕,似燴完d飯放返落個椰青殼度,焗都冇焗過:(4.串燒半打-----唯一一樣叫做好食ge,不過都只係暖ged野又貴,又細碟,其實貴真係唔緊要,好食條氣都順d呀,最慘佢唔係話好食呀ma,而且食完好似冇食過野咁,真係一次過,下次咪搞!!!…Read More

重慶大廈俾人感覺有點龍蛇混雜,但經過琴日去完之後,覺得係外間ge人睇錯je~我地因為怕人多,所以同表姐6點幾就上左去食咖哩,入到餐廳環境地方等等都比我想像中好,我開頭重有d擔心餐牌冇英文,點知係中英印文對照,重有圖片,而侍應又識英文,令外來客食得好放心,我地點左5樣野食....:)咖哩雞----我本身係怕辣ge人,但係佢呢種咖哩好易入口,一d都唔辣,可能要簡特濃咖哩先辣la:)瑪紗拉繒魚----都係唔辣ge,個侍應叔叔話有少少辣,點知入口係有d蕃茄味,又有d青椒洋蔥粒o係入面,用黎送飯一流:(洋蔥圈----因為我地見有咖哩雞,於是冇點到咖哩角,改為叫洋蔥圈,點知麻麻地,個外皮好厚粉,好似食緊麵包咁,食完都飽飽地....:)黃飯----我地開頭以為係全黃色ge飯,點知只係有少少橙橙地色,飯身好長,口感有d硬硬地,幾特別,不過冇咩味道or香味:)薯仔薄餅----睇食評見到人話呢款入面有薯仔,好好食~好係幾好食ge,不過唔關d薯仔事,皆因我地食唔到有薯仔整體黎講d食物幾好,只係d咖哩個份量細左d lo~…Read More

:)我上星期同男朋友+佢一大班同事入去食,雖然熱食就唔係好多款,但係凍海鮮真係幾多款而且新鮮,有聖子、長腳蟹、龍蝦、青口、潮州凍蟹同埋生蠔,我唔食生蠔,不過我男友就話好正,只係食呢個都抵返曬,而佢一大班同事就食左好多龍蝦同埋長腳蟹,佢地話食呢d先抵wo,哈哈:)甜品方面全部都係細細件,唔會試一件就飽曬,雪糕重要係Haagen-Dazs,一次過有八款口味,正!不過衰在太遠水路,如果唔係男友係職員有折都唔會入到咁遠食…Read More