BakeryChow's Profile

今日出尖沙咀行街睇戲。睇完戲，再次來到K11Art mall的祥仔食下午茶。上次食咗香辣蒜片虎蝦意粉。 好味。不過今日就揀另外一個意粉試試。兩個人。一個揀咗黑椒香煎慢煮厚切牛脷意粉加太陽蛋腸仔。另外一個豬扒包下午茶餐。賣相好。意粉硬度適中，黑椒味濃。厚切牛脷就好有口感。沙律係火箭菜。豬扒包好脆，不過意粉黑椒汁就多了一些。而豬扒包的汁也略嫌汁多了一些。配茶走。茶味香濃。豐富完美的下午茶。今晚餐飯都可能唔使食咁多。…Read More

已經OpenRice訂位，有安排窗口位。服務不錯 。因為不喜歡二人套餐。所以散叫了沙爹三拼（豬牛雞、牛）各兩串、臘腸炒芥蘭、虎蝦炒金邊粉、甜品千層糕。味道全部合格。虎蝦炒金邊粉之前吃過好似好味啲。可能唔夠熱。但係賣相可以打卡。沙嗲味道一般。醬汁多花生好味。臘腸炒芥蘭味道Ok不過比較油膩。千層糕甜品椰汁味道濃。可口。埋單$455左右尚算可以。每人平均二百幾蚊香港價錢可以接受。餐廳平日都算多人。不過都好似冇乜第二輪。…Read More

這間餐廳咖啡好味、咖啡是黑糖，雖然比較甜，但味道比較特別。藍莓芝士蛋糕、柚子芝士蛋糕相當好味。員工服務態度非常好。今時今日的香港餐廳比較少有的禮貌和態度。 餐廳有提供自助凍水。我希望飲熱水。員工立即送上兩杯熱水。餐廳位置在4樓，因為有樓盤示範單位，比較多人。 This coffee shop has yummy coffee and blueberry cheesecake. The service is super good. 👍 …Read More

今日年初四又係公眾假期早上去鑽石山敏華食早餐。坐低之後發現原來今日+1服務費。 農曆新年年初四又係公眾假期+1服務費都無可厚非。不過唔知敏華呢個企業係咪會同員工分享呢個+1服務費？如果收咗客+1服務費會俾返員工嘅，咁就係一個良心企業，如果唔係就賺到盡 。雖然食物保持水準。服務水準都好。食肆成日話請唔到人點樣對啲員工其實都好重要。 今日吃了濃雞湯火腿通粉，煎太陽蛋。同埋茶走。只係今日太陽蛋隻蛋煎得太生 ，雞湯火腿通粉味道好。茶走保持水準。…Read More

來到上環. 就選擇到上環無極限潮江春飲早茶。服務態度一般。 其實唔明點解辣椒油唔可以放喺點心車度。又要叫侍應攞。成日話唔夠侍應。叫咗香煎韭菜棵、雞扎、擂沙煎堆仔、炸兩腸粉。韭菜棵煎得好香。蝦餃夠薄皮。擂沙煎堆仔。夠鬆脆及芝麻味濃厚。好似雷沙湯丸餡料。 但係炸兩腸份就不好吃。炸兩入邊嘅油炸鬼不鬆脆好林。 不過最離譜嘅就係雞扎入邊有條蟹柳。而條蟹柳個膠袋膠紙原條未拆。唔明廚房點解可以包到原條有膠袋蟹柳都唔知。雞扎好有問題。…Read More

又嚟到K11想再試下祥仔,上次食晚飯，今次食啲幾特別嘅下午茶3.3:祥仔3.3下午茶包括有Parma ham巴馬火腿，印度脆薄片沙律，炸薯角，炸魚柳，燉蛋，茶走。巴馬火腿好味道，燉蛋同埋茶走都非常好味道。燉蛋好特別因為有薑汁味道。茶走係高水準。其他食物就好一般。但係供應嘅水衛生程度就唔好，因為托盤下放另一托盤放水杯，但又冇用杯蓋。希望有改善，或者唔好提早預備多一盤水杯供食客。因搭起另外一盤上，衛生程度欠佳…Read More

疫情關係六點前冇堂食今日下午4:45分嚟到元朗形點翡翠拉麵小籠包。一行三人，點了信用卡優惠二人套餐。二人套餐有前菜三小碟，排骨麵，紅油炒手，主食豬頸肉，糖水酒釀丸子，飲品薏米水，湯，另外加點了火腿烤雙方，上海小籠包，四喜烤夫，梁溪脆鱔。所有食品有水準。價錢合理。分量足夠。有驚喜。三小碟茄子，甜醋黑木耳，熏魚，紅油炒手有點辣但好味。薏米水相當多薏米。酒釀丸子桂花多丸子夠煙靭，梁溪鱔魚好鬆脆。四喜烤夫味道亦不錯。服務也很好。不過有點趕…Read More

今日11月28日又來到朗豪坊八月花飲茶，冇特別限時，服務態度好，竟然自動加水， 叫咗蝦餃，燒賣，鑊仔煎釀三寶，珍珠雞，酥脆鮮蝦腸粉。埋單共271元。今日所有點心差不多同一時間一齊嚟晒。好少會發生。所有點心味道保持水準，好味。蝦餃皮薄餡靚，燒賣餡也靚，酥脆鮮蝦腸粉絕對有驚喜，蝦大大嚿春卷酥脆腸粉夠薄，鑊仔煎釀三寶豉油食煎釀三寶好好味。配潮州辣椒油點心,更加好味。壽眉茶茶味濃，飲茶茶葉重要。八月花冇得輸！…Read More

今晚喺moko 一個人唔知食乜好，去到MOKO 食代館行咗兩個圈，好多不同美食，最後終於決定食牛腩麵。田記尚品馳名崩沙腩。原本想食牛坑腩麵，不過已經賣晒，所以叫咗一個牛三寶，裏面有牛腩、牛脷、牛丸麵+一碟魚皮。牛腩嘅部位好靚。夠林，唔痴牙，牛丸爽口，牛脷好味, 唔痴牙，麵就一般，我下次應該會食牛坑腩河粉，魚皮都好脆，賣相相當吸引，一共係$60，價錢合理，高水準食物。不過飯後覺得有啲口渴，可能有少少味精。…Read More

8月28日又來到朗豪坊八月花飲茶，叫咗蝦餃，燒賣，生煎黑豚肉梅菜銀絲卷，車仔腸粉。蝦餃燒賣保持水準，以前鑊仔煎釀三寶好食，個燒汁相當難看，其實周邊好多枱煎釀三寶都唔落個燒汁，都唔知啲廚師定係店長點諗，嗰個燒汁賣相差，又實在太難食，以前煎釀三寶魚肉有魚肉味，蝦膠有蝦味，現在有啲差咗，呢度食車仔腸粉穩陣啲，生煎黑豚肉梅菜銀絲卷，黑豚肉梅菜好入味，好似梅菜扣肉，銀絲卷好脆，值得一試。生意好，又要個半鐘交枱。其實個半鐘頭都會埋單，但係限時就有啲討厭。…Read More

又來到朗豪坊八月花,飲早茶。今日啲點心一次過嚟晒，好少機會。上次餐牌轉左燒汁煎釀三寶煎釀三寶，因為燒汁唔好食，杰撻撻，我改咗唔要燒汁，食返以前嘅鑊仔煎釀三寶，用豉油，豉油好味過燒汁好多. 個人喜好。另外蝦餃燒賣四寶雞扎，水準都保持。今日唔食豬腸粉，食咗陳皮牛肉腸粉，都可以。不過還是喜歡食以前嘅香荽牛肉腸粉，比較好味，芫荽又比較多，好香好好味。都係個人喜好。埋單兩個人$268送咗兩張$100晚飯嘅現金券。…Read More

同事話蘇媽蘇媽肉骨茶好好味,好期待。約咗舊同事專程去深水埗蘇媽蘇媽肉骨茶試吓（聽講係第一間蘇媽蘇媽肉骨茶）。交通好方便，就係喺深水埗地鐵站附近。7pm到排第一位，叫咗棒棒骨肉骨茶，油炸鬼，蝦麵，一杯冬瓜龍眼冰，一杯凍奶茶。老實講肉骨茶完全冇當歸味，好淡，好失望。棒棒骨亦都好普通，油炸鬼好香脆，蝦麵好普通，竟然最好食係油炸鬼，所以唔使專程再嚟，奶茶合格，原來冬瓜龍眼冰係糖冬瓜龍眼冰。埋單$208要比現金。…Read More

紅糖又嚟到紅糖食晚餐食咗個蛇羹，一個生炒糯米飯，一個雙冬羊腩煲，上湯豆苗. 甜品係紅糖甜品拼盤。今次提早訂位所以可以攞到窗口位,維港海景靚景。 好期待蛇羮，生炒糯米飯及雙冬羊腩煲。 生炒糯米飯超高水準，有驚喜，味道非常好，糯米一粒粒，有冬菇，臘肉臘腸，如果有膶腸就完美了。雙冬羊腩煲： 羊腩係新鮮黑草羊羊腩及好靚的腩位。 不過我還是覺得媽媽的羊腩最好吃。蛇羮合格，但冇驚喜。上湯豆苗要另外加80元，但上湯好淡，絕對唔抵食。 not value for money. 甜品是拼盆，一次過試三樣： 有楊支甘露，合桃酥及吉士包合桃酥最好味埋單每人差唔多1000。…Read More

今日去北京道1號東海薈飲茶。可以逐隻點點心，款式可以吃多一點. 可以係一個賣點景觀好靚,無敵海景遠望灣仔會展。不過點心質素大部份都冇乜水準。比較出色好味嘅係潤腸卷，脆皮叉燒包，同埋糯米包。可能包點比較出色😋燒賣，乾蒸牛肉，炸芋角，水晶包就好一般。但係最差係蝦餃，好唔新鮮, 而牛肉腸實在差到離晒譜，仲衰過啲地痞酒樓。埋單要$315。平均每位消費$157.5一位，咁嘅質素絕對唔值得咁嘅價錢所以都冇下次！…Read More

今個星期三11月11日中午到了紅磡嘉里酒店中菜紅糖飲茶，估唔到我會星期五又來吃晚飯. 星期三午餐吃點心，吃了XO醬炒腸粉，蝦餃，和牛包，荔芋盒. 高水準餐廳經理周先生（Isacc）問食物如何？我本想試海鮮餃，但冇貨, Isacc解釋話廚師有要求唔靚嘅貨，寧願唔賣。The chef won’t sell those dishes if the ingredients are not in good quality. That’s great to keep the quality. 好的堅持！Issac極力推薦下我星期五晩再來吃晚飯，吃了Issac極力推薦(Highly recommended)欖菜荷葉鹽焗鱈魚球 (Baked Cod Fish and Chinese Olive Pickle with Salt in Lotus Leaves)。味道有驚喜！金果青檸明蝦球（Stir-fried Prawns with Mango and Lime）酸酸甜甜好好味。我鍾意飲的杏汁燉白肺湯（Double boiled pork lung soup with Almond）好足料!沖繩涼瓜炒和牛脷（Sautéed Waygu beef tongue with Okinawa bitter melon). 有鑊氣甜品就由Cindy介紹的乾清棗皇糕（Steam royal red date cake with coconut milk）,果然冇介紹錯，好有質素,好濃的棗味還有Cindy好醒目，我點了一碗白飯已預先分成兩半碗. 下次一定試Cindy推介原個椰皇燉花膠鮑魚(Double boiled Young coconut soup with abalone and fish maw). 亦期待下次試試蛇羹和生炒糯米飯晚飯，高水準中菜廳，色香味俱全high quality food and good service。Excellent!The only downside of the restaurant is a bit noisy as full house (even though there is enough distance between tables. Perhaps it’s not high ceiling enough)。…Read More