ivyrabbitholic's Profile

今日約左朋友係將軍澳PopCorn二期食飯，朋友話呢間泰國菜長期好多人，好受歡迎咁，所以就一早幫我拎定位😂😂餐廳Menu都幾多選擇，而且價錢比起市區唔算太貴，大部份都係百幾蚊起，價格尚可接受！🦪泰式煎蠔餅 $98 🉐冇諗過呢間泰國餐廳竟然有煎蠔餅，由於我太耐冇食過潮州菜，所以一見到煎蠔餅就好吸引！一嚟到，就見到好多粒蠔仔，而且仲要有大粒又肥味，食落口感受到好juicy同埋好滑嫩！🦀炸冬陰軟殼蟹 $98一聽到炸軟殼蟹，配上冬陰功嘅醃料，一聽到都感到邪惡！食落辣辣地，帶有少少冬陰功嘅酸味，味道還可！🥩泰式燒牛柳 $138🉐泰國餐廳比較少見到有燒牛柳，所以今次見到就決定要試吓！同時都好surprise牛柳勁軟熟，唔會overcook, 好嫩口！而且份量好多！值得一推！🍗椰子雞湯 $108🉐超級鍾意佢嘅份量剛剛好，兩個人都飲得晒！而且味道酸酸甜甜，真係好開胃，而且入面既雞亦好軟滑，勁快就同朋友清晒！🐟泰式酸辣明爐烏頭 $178條魚都幾香辣，但好好彩好嫩口唔會煮得過份熟，湯底拎黎送飯一流！🥘醉貓炒河 $88我承認一開始俾佢嘅名吸引咗，但其實食落有啲似泰式既香辣肉碎炒河，辣度都幾勁，唔食得辣既朋友就最好唔好試😂🥭芒果糯米飯 $68🉐食泰國嘢又點可以唔試佢最出名嘅芒果糯米飯呢！芒果好甜，飯都好甜，絕對滿足到我食甜品嘅胃😂😂😂…Read More

最近見到網路上，有個新興泰式火鍋，感覺都幾有趣，所以就決定同老公去呢間位於旺角的火鍋店！平時食開嘅都係台式，日式或者係港式火鍋，但泰式火鍋真係第一次見！而且價錢都唔算貴，平日夜晚$268就可以食到80款火鍋配料，而且湯底仲有泰式風味嘅冬陰功或者娘惹喇沙，絕對係勁吸引！今次我哋叫咗娘惹叻沙鍋，另外一邊係藥膳豬骨，起碼冇咁熱氣😂熟食方面仲有咖喱同埋泰式炒肉碎😍😍嘢飲方面除咗日常嘅汽水，無糖茶，佢仲有泰式飲品，所以真係好多花款！另一方面，餐廳仲融合埋流水蝦，夾完之後即刻煮黎食，真係好新鮮！至於肉類方面，坦白講可以選擇嘅肉類並唔多，但係質素都OK! …Read More

最近返工做到有啲壓抑，好耐無同老公拍下拖，就決定趁星期五夜晚，扔低阿囡，同老公去拍拖食餐好既🤣呢間位於中環既西餐廳，地點係IFC對面，地點好易搵！原來仲係法國藍帶主廚負責烹飪😍見到晚市做緊二人套餐限時推廣，由$1088減到$699，就決定試下！🍞餐前包💯有時餐廳附上既餐前包都係麻麻地，好多時我都唔食，但今次呢間既麵包好軟熟，而邊邊又好脆，正！🥗巴馬火腿蜜瓜沙律火箭菜苦苦地，但配埋清甜既蜜瓜就好夾！巴哈馬火腿脂肪唔算多，油膩感較低！🎃南瓜忌廉湯💯個湯好濃稠，南瓜味亦都好甜，味道好出！而且個湯嘅溫度，食落口好暖胃！🍝香辣低溫慢煮雞胸巴東汁扁意粉💯一聞就感覺好惹味，好似沙嗲喇沙味！雖然話香辣，但真係好輕微，成個意粉好入味！低溫雞胸肉質唔算好滑，再滑啲就真係100分！但呢個意粉係會令到我想返轉頭再食！🦆紅館姜母鴨💯表皮煎到好脆，食落口有種肉骨茶嘅味道湧上口，超級夾！肉質咬落好實在，冇多餘嘅脂肪，但又煮得唔老，好出色！🐠茴香魚高湯煮海鱸魚食完個好搶味既姜母鴨，再食個魚就相對味道清淡啲，但係唯一要讚既係點解可以煮到咁滑又唔嚡！最緊要係一啲骨都無！套餐同時都包左兩杯飲品同埋兩個甜品仔，但都已經食到我地兩個好飽😂…Read More

之前網上見到位於尖東富豪九龍酒店的笹月和洋料理做緊優惠，凡惠顧任何紅/白酒，汽泡酒或清酒一支，加$50就可以享有時令生蠔6隻。見到餐牌的紅白酒價位由HK$148起，即係HK$200就可以享有白酒同埋生蠔，我自己本人真係覺得幾抵！🦪時令生蠔6隻(中SIZE) $50今日食到的時令生蠔都係屬於海水味比較淡的蠔，肉質尚算肥美，超級鮮甜！🍣特上七款刺身盛合 HK$558廚師會選用當下最新鮮的刺身，而今次的刺身盛合就有三文魚，吞拿魚，八爪魚，帶子，牡丹蝦，油甘魚及池魚。八爪魚咬落好爽口，帶子同牡丹蝦比我想像中更鮮甜！🦐海之幸甜蝦他他配薄片 HK$108以甜蝦同魚子作為主角，配以時令配菜，更加帶出甜蝦既鮮甜。🥘壽喜燒牛肉鍋 HK$208食左咁多冷盤，終於等到了熱食！黎到日本餐廳點可以唔叫壽喜燒呢~而且估唔到壽喜燒入面仲有我最愛的芋絲，真係食多碗都唔怕肥呀！🍝松葉蟹肉明太籽伴意粉 HK$158見到餐牌仲有西式意粉，除左啖啖蟹肉，香口的忌廉又唔會太膩！🔸🔸🔸🔸🔸🔸🔸🔸🔸🍽 笹月和洋料理📍 尖沙咀💰人均消費: HK$600…Read More

雖然香港天氣越嚟越熱，但係養生美顏火鍋一定唔少得！去到餐廳，餐廳裝修都幾少女風，係我最喜愛嘅粉色系！估唔到仲有一個好大嘅兒童遊戲室，就算係一家大細，小朋友都會玩到唔捨得走！今次餐廳推出全新120分鐘任食火鍋套餐，每位只需$218起，除咗有超過60款配料，仲有好多調味料俾我哋揀！今次我同老公專登加$70要咗個四季鍋，諗住真係可以食多幾款🤤🤤我地揀左既係：🔸養生藥膳醉雞鍋🔸芫荽皮蛋鍋🔸特濃沙嗲鍋🔸膠原蛋白養顏美容鍋呢四樣湯底都好濃郁，基本上食佢哋，都唔需要添加任何嘅醬料都已經令肉質好夠味！🍣時令刺身拼盤唯一最可惜就係刺身比一般嘅份量少，以上係二人份量，真係每樣得兩塊😅🥗蔬菜綜合盤蔬果都比較新鮮，粟米好甜！🥩火鍋配料整體上火鍋配料都唔錯，牛唔會話無味同好靭，脆魚鯇質量都好好，蜆都好鮮甜，以晚市$268既價錢黎講真係好抵食！…Read More

最近食咗好多次燒肉，所以都想溫和啲，轉返打邊爐🤣🤣🤣今次去到旺角瓊華中心，見到呢間餐廳，做緊240分鐘生蠔日本黑毛和牛火鍋，除咗和牛之外，仲有唔同種類嘅刺身添！至於湯底方面，今次我哋揀咗壽喜燒🤣生蠔🦪生蠔雖然細細隻，但都幾肥美，我哋後尾仲不停叫多幾轉添！和牛🥩見到上面啲紋路，配上壽喜燒湯底，完全體現到油脂豐滿同咬落口牛味好香嘅日本和牛！🍣刺身刺身，又係一個唔可以唔讚嘅地方，雖然切得比較薄，但係起碼係好新鮮，無論係三文魚，希靈魚，都係好甜美！海鮮🦞海鮮好多款，包括有蝦，帶子，鮑魚，蜆，蟶子等等！…Read More

最近天氣好似涼返少少，就好想去食熱辣辣既燒肉！上網見到2小時"雨"餐日本A4和牛燒肉放題平日做緊半價優惠，好似都幾抵，就約左朋友一齊去食！餐廳比較簡約，最大的優點係空間感十足，一次過叫好多野食都唔怕張枱放唔哂，而最最最重要既係唔算太大油煙味！雨"餐日本A4和牛燒肉放題包左A5和牛西冷，四品和牛燒肉醬，醬油牛肋肉，香蔥薄切和牛，鮑魚，味淋魚干同埋比目魚西京燒，加埋總共有110款菜式！另外汽水都係任飲！餐廳一開始就上左海鮮俾我地，見到鮑魚都好新鮮，而且比目魚西京燒好嫩滑，諗起都好想食多一次🤤之後就黎左四品和牛燒肉，包括有和牛後腰肉，和牛牛肩，和牛三角腩及和牛和尚頭！整體黎講以肉質都算唔錯，但油脂就了欠缺左少少！但重點係A5 黑毛和牛西冷，真係入口即溶，油脂又豐富，呢塊真係要食多幾塊先夠喉！除咗呢啲必食嘅和牛之外，我哋都試咗少少平價套餐嘅肉，肉質尚算可以！…Read More

一直唔知灣仔開左間新式酒店，由於朋友係灣仔區附近，有時午飯時間會同同事黎食，覺得價錢唔貴，但環境舒適，不停推介我一定要試下！入到餐廳，裝修果然有大氣風範，雖然未去到豪華，但勝在空間感十足，令人食飯都感覺到舒適！職員一開始都好細心講解下餐廳既背景，來自法國的總廚透過傳統法國菜，與亞洲既菜式創作出不一樣的料理！特別係餐廳既主打 Aki Bowls系列，用左法式清湯同日本蕎麥麵去創作不一樣的菜式！前菜Sashimi Selection $158濃烈既煙三文魚，配上甜甜地既yogurt, 中和左煙三文魚本身比較咸既味覺，作為前菜岩岩好！Yakimono Selection $178今次兩款串燒係牛同雞，雞肉好嫩，炭火味好香; 牛肉粒有肉味，味道帶甜，可惜有啲過老！但估唔到令我SURPRISE既係我本身係一個好怕青椒嘅人，但估唔到青椒一啲都唔辣，而且好香，好快就食完一串🤣Grilled Octopus $198好煙韌既八爪魚，處理上稍為過老，味道酸酸地，食到紅椒粒，tasbaco與紅椒味入哂落八爪魚度！Aki Bowls今次揀左兩款，鴨腿同埋龍蝦，而配搭上都有分別！Confit Duck Leg $168鴨腿湯底相對較咸，但係蕎麥麵係比較淡味，所以相當之夾！鴨腿都處理得比較好，肉質都尚算嫩滑！Boston Lobster $228而龍蝦呢款，擺脫以往嘅醬汁，用咗法式清湯去烹調，飲咗一啖，果然味道好香，超級欣賞佢嘅魚子同流心蛋！龍蝦肉比較淋，撈埋魚子既爽，成個口感好Rich！一開始以為個湯好清，成個菜式都會比較清淡，但估唔到蕎麥麵本身已經預先調味，所以食落口一啲都唔清淡！Beef Tenderloin $238呢度竟然個配菜係我最愛嘅番薯條！，而且又甜又脆！牛肉都處理得非常好，好淋好軟，一啲都唔老！配上barbecue source好好味！Chicken Basquaise $208呢個主菜仲包咗個飯仔，一開始以為係雞油飯嘅朋友，但估唔到食落去係用咗忌廉調製既risotto! 飯粒煙靭，而且好入味！Cold Mint infusion Red Fruits $78滿滿嘅士多啤梨，再加上紅莓藍莓同yogurt, 水果好鮮甜！Pineapple Crumble $68平時食開嘅都係蘋果crumble, 估唔到菠蘿crumble都幾好食, 好甜既菠蘿配上脆口既crumble口感！…Read More

同老公行完朗豪坊，諗起最近好似都好耐無食中菜，就同老公提議搵間附近既黎食！見到門口呢個奄仔蟹好似幾吸引，就同老公決定入去試下！🦀招牌油鹽焗火焰A級奄仔蟹 $438由於我地都好鍾意食蟹，所以二話不說就點左呢個菜式！一黎到就見到奄仔蟹好多膏，見到都心心眼同流哂口水！成隻蟹好肥美，而且肉質多！加上花雕同玫瑰露，成隻蟹霎時變得好香！🐟油浸野生筍殼魚 $ 380呢個菜同時都俾到好大驚喜我，魚既表皮炸得好香脆，而且魚質嫩滑，一啲都唔老，蔥味亦都好香！真係唔係間間中菜館都做到呢個質素！🥗明廚第一炒 $128黎到好香XO醬味，白飯魚好脆，魷魚亦都好有咬口！🥘啫啫豬潤雞煲（半份）$98豬潤好新鮮食唔出腥味，冬菇炆得好林好軟，好易咬開！份量亦都好大份，比較可惜既係雞處理得有啲老…Read More

今日老公話帶我去食好西，咁我當然舉手話好啦~黎到呢間位於K11 Musea的五武士，一開始聽個名我以為係拉麵店🤣🤣🤣但原來入到去係一間日式居酒屋！入到去，留意到餐廳主要分三個區域去品嘗鐵板燒，串燒，精緻日本和食同埋酒吧區！老公話好耐都無食過鐵板燒，今次就點左個鐵板燒的Omakase版本！🥗前菜🍅桂花蜜糖日本高糖蕃茄 一入口就好香甜，完全無酸味！🥙頭盤🦐三文魚子白蝦他他三文魚子一啲都唔腥，配埋白蝦軟滑既質感，加上青瓜整體感覺好新鮮！🍣本日剌身-拖羅拖羅真係勁肥美，而且入口即溶既感覺好難忘!🥗海鮮Omakase一開始職員會同我地講解下今日既食材，見到有活鮑魚，帶子，太刀魚，魚翅同埋內紫貝！活鮑魚黎到果時仲要一開始係不停郁下郁下，真係好新鮮！🐟活鮑魚因為係活鮑魚既關係，所以咬落有彈性，同時食得出海水味，肉質鮮甜，配上蕎麥麵都幾特別，日本嘢得黎又有少少似西餐，好fusion🧆魚子醬帶子配海膽汁今次呢個菜式我個人會覺得有少少可惜，帶子處理得有點老，但海膽同魚子醬則超甜超好味！🍳松露油太刀魚立燒我最欣賞係廚師整既魚皮，超脆超有口感，而且啖啖都係松露香！老公本身唔太鍾意食魚都話好好食！🦪內紫貝配香草蕃茄汁內紫貝裙邊好有咬口，配埋香草蕃茄汁口感清新！🍲鐵板燒魚翅雞湯味道有啲似濃郁版既雲吞雞湯，鮑魚表皮因鐵板既關係好有鐵板香同埋食落好脆，配上魚翅既軟滑真係好正！🥩A6熊本黑毛和牛厚燒呢道菜真係極極極極極度推介！！！一咬落口肉汁爆哂出黎，和牛係口中會自己溶化，暫時呢個A6和牛可以話係我人生中食得最好味嘅一個牛！🍲湯品 - 海鮮湯一開始職員俾個好似茶壺我我仲諗緊係啲乜，原來係海鮮湯🤣🤣將海鮮湯倒入茶壺嘅做法都幾特別，湯底都幾鮮🍚炒飯用左新鮮日本蔬菜處理，所以食落都幾FRESH！…Read More

成日見人地食既Omakase都係主打魚生類，但有時想食啲暖粒粒既野，今次就黎到灣仔主打炭火串燒既Omakase！！今次我老公就點左份20 courses Omakase ($888/pp)，而我就想食下本日之選，點了幾款單點試下！先講下20 courses Omakase🌟前菜明太子魷魚/海螺/薑蛋/魚湯🌟串燒類🐚燒北寄貝肉質彈牙，食得出好新鮮！🐔雞翼串好香炭火味，雞肉好嫩一啲都唔嚡！只用天然既鹽去調味都已經好正！🐥免治雞肉串免治雞肉串撈埋蛋黃質感好滑，雞肉又好嫩🍥厚揚豆腐先炸後燒 外脆內軟滑，超級好食！🌽燒粟米好似已經好耐無食過燒栗米，好甜好好食🌟其他類🍅梅酒蒸蕃茄仔呢個真係必點呀！梅酒好香，啲味入哂落蕃茄仔度！🍤明太子蝦卷食到好大粒蝦肉，外皮都炸到脆脆咁🥟咖喱烏冬呢款係幼烏冬，一開始咖喱味好香，以為都會好重咖喱口味，我冇諗過入口比較清淡，岩哂我呢啲本身唔係咁鍾意濃味既人！至於本日之選，我就點了以下菜式 :🐟雞泡魚干之前食過既雞泡魚干都覺得比較硬同乾身，但估唔到呢度既魚干好濕潤同埋好香魚味！🐠鮟鱇魚一食落口柚子味好香，魚肝係口中好快溶化，口感綿密滑順，油脂香醇！🐽柚子豚肉柚子味比我想像中無咁重，肉質相反會有點兒失望！🦀松葉蟹蟹蓋芝士好香，松葉蟹膏好香濃好好食！🐠西京銀鱈魚魚嘅肉質好滑，而且用西京味噌醃製，味道更加一流！…Read More

平時西式既Fine Dining就食得多，韓國餐廳我真係第一次試，估唔到俾我感覺都唔錯！今次的餐廳位於銅鑼灣，而且餐龐係高層的關係，一眼就望到好靚既夜景，如果慶祝韓迷既生日或者週年日就更加唔好錯過啦！今次就會同大家食9-courses menu🧆紫蘇油炸及三次風乾的釜山海苔及濟州海藻紫蘇呈現一絲絲既鬆脆口感釜山海苔食得出好甜，雖然油炸過，但配搭埋自家製的三色醬，食落口一啲都唔油膩🥩左口魚刺身、醬油大蝦 & 吞拿魚左口魚群邊好彈牙，刺身則好鮮甜，吞拿魚反而好juicy，另外主廚用72小時去醃製成嘅醬油蝦蝦肉好結實，但味道黎講就相對比較清淡最欣賞係佢既辣醬，同我係韓國食到既味道一樣🍲韓國道地傳統粥用了15小時烹調的粥，選用左當造蔬菜，韓牛，蜆肉及自家大米，除左食到粒粒蜆肉之外，仲聞到好香既米味！🥪章魚片，韓國果凍配炸豆腐鱈魚籽三文治呢個果凍酸酸地既口感，味道竟有啲似韓國水冷面咁！反而佢個豆腐鱈魚籽三文治我好鍾意，豆腐包住泡菜，軟滑得黎又有泡菜既口感！🥘韓式蔘雞湯燴飯第一次食蔘雞湯risotto, 但無諗過一上菜就已經聞到蔘雞湯味，而家飯粒煙靱，整體黎講創意十足！🦪海鮮清湯配烤釜山鮑魚湯底因為選用白蘿蔔，所以味道好清甜，而且鮑魚好有咬口！而主菜方面，則可以從三款之中選一個，我同老公就分別選左烤釜山鰻魚及烤澳洲和牛！🥩澳洲和牛今次揀選了澳洲和牛，可惜的是煮得有啲過火喉，所以口感黎講都比較嚡！🐠釜山鰻魚薯蓉有薑粒，配上辣海鮮醬，鰻魚烤到好脆，肉質好軟，感覺好養生！🍚釜山自家農田珍珠米飯及鰻魚湯食完比較濃味的主菜之後，再配上以48小時鰻魚湯，成個湯好鮮甜，好順口，值得一讚！🍰年糕窩夫呢個年糕窩夫簡直係我既最愛！！！窩夫好似韓國年糕咁煙煙韌韌，口感一流，而且配埋個雪糕，作為甜品真係好正！…Read More

黃埔一向都好多美食，今次就想介紹一下我食咗好多次嘅韓國餐廳！呢間餐廳本身係街角有一間外賣店，後來開左堂食店，終於可以同朋友係餐廳食炸雞飲啤酒！🦀醬油蟹 $188講到韓國，就一定必點嘅醬油蟹，仲配墊紫菜白飯！比較可惜嘅係啲冰唔算融得晒，都食到有少少冰水！🐮燉牛排骨 $228排骨真係炆到好軟好入味，而且一食就起到骨，蘿蔔油好入味，送飯簡直一流！🍗半半無骨炸雞 $198呢間嘅炸雞我覺得暫時係全港最好食，我好欣賞佢無骨，而且又吹口，酸辣嘅醬汁都係我最愛！我介紹過唔同朋友大家都好鍾意！🥘豬肉泡菜湯 $108泡菜湯又係我必點嘅菜，味道偏辣，正！…Read More

銅鑼灣FASHION WALK一向都好多美食，今次見到呢間有得飲酒又有得食野既餐廳，就想同朋友一齊CHILL下！餐廳格局除左有大型既戶外區之外，內部裝修大部分都係BAR枱，同三五知己放工後過黎飲返杯傾下心事又真係幾好！🍹YM Classic HK$48今次叫左呢杯CLASSIC，店員果然無介紹錯，呢杯好易入口，味道都唔錯！🍟Tai Hang Fries HK$88呢個大坑薯條好值得推介，主要香料係用孜然粉，同時仲有紫菜粉同埋乾辣椒，食落口好有刺激感，用黎配搭酒真係一流！🥩Jer Jer Beef Tendons HK$118我無諗過係飲酒既場合可以食到啫啫牛筋煲，呢個都幾得意！佢既牛筋好軟熟好腍，如果有得送埋白飯就最好！🍛Jer Jer Buffulo Wings HK$138呢個雞翼反而比較失望，味道偏酸，係無任何澱粉質既配搭之下，相對上會令人無咁易想食！🥘Mapo Burrata HK$158呢個菜式又係好特別，麻辣得黎加上芝士中和返個口味，如果有埋麵包既配搭相信會更加好！…Read More

今日係週年紀念，老公特登搵咗間地點方便，而且有情調嘅西餐廳！餐廳位於尖沙咀旺區，仲要擁有特大戶外區，而且有港女最愛嘅打卡鞦韆🤣入到去環境都唔錯，本身餐廳安排我坐戶外，但果日有啲凍，我就選擇左坐室內！Mojito 兩款都好打卡，一款係得意既熊仔，一款係好靚既藍玫瑰！Skewers Platter 呢個小食拼盤真係岩哂每樣都想試少少既人，包左2串煙肉荔枝串，霜降牛排粒，泰式豬頸肉，鴛鴦薯角，雞肉串同埋燒魷魚！Lasagna今日既廚師精選，我好鐘意佢既肉醬汁，唔酸又唔會濟，勁快我同老公已經食完！Tiramisu呢個Tiramisu同我出面食既質感唔同，佢比較空氣同多Cream啲，但就好軟滑，所以就算咁大舊食完都唔會覺得有罪惡感！…Read More