K-Palace

Open Now

Now Closed

黃埔一向都好多美食，今次就想介紹一下我食咗好多次嘅韓國餐廳！呢間餐廳本身係街角有一間外賣店，後來開左堂食店，終於可以同朋友係餐廳食炸雞飲啤酒！🦀醬油蟹 $188講到韓國，就一定必點嘅醬油蟹，仲配墊紫菜白飯！比較可惜嘅係啲冰唔算融得晒，都食到有少少冰水！🐮燉牛排骨 $228排骨真係炆到好軟好入味，而且一食就起到骨，蘿蔔油好入味，送飯簡直一流！🍗半半無骨炸雞 $198呢間嘅炸雞我覺得暫時係全港最好食，我好欣賞佢無骨，而且又吹口，酸辣嘅醬汁都係我最愛！我介紹過唔同朋友大家都好鍾意！🥘豬肉泡菜湯 $108泡菜湯又係我必點嘅菜，味道偏辣，正！