Yan Chui的個人專頁

星期日係旺角開飯，人又多，又唔知食咩好。抬頭一望，就試下呢間未食過既烤雞。原以為會好多人等位，點知都係等左15分鐘之後就有位。先叫左一碗炒年糕。佢同韓國食既好唔同。韓國既肥嘟嘟的。但呢到比較幼身，好淋，仲有D粉tim...我覺得麻麻。但辣度好夠。之後再叫左隻火山烤雞。皮脆脆的，唔錯。雞脾位肉都算滑，但說不上JUICY。雞胸位更加係鞋tim...對比係另一餐廳 x家，佢真係唔算好食。順帶一提，火山烤雞好辣，大家要自我衡量下先叫呀~…查看更多

今晚係屋企食完晚飯，見口啖啖又鬼死咁熱，記得淘大開左間新甜品店，咁就決議落去涼一涼先。嘩，去到好多人等位，裡面除左要搭檯之外，仲係肩並肩咁，未免放得太多檯了吧。終於都到我地，咁我地就叫左個自家製椰子雪糕椰皇同芒果粒粒吐司。先講自家製椰子雪糕椰皇: 雪糕質地似雪葩，帶有輕微既椰青味。唔知係唔係雪得唔夠凍既關係，食完係無透心涼既感覺。我覺得未免有點失敗。內裡配有椰青味既好似JELLY咁，味道唔錯，但完全唔凍。第二樣就係芒果粒粒吐司。當佢一黎時就後悔點解食芒果唔去側邊既許留山食.....不過算。今次個芒果雪糕凍D，但D芒果肉食落唔夠新鮮同凍。至於個吐司，好脆，脆到直頭有點硬，不過唔算硬得太過份。佢比起雪糕椰皇好食，但對比茶木真係慳D。但佢只需要$48左右，唔應該要求太多.....總括黎講，唔知係唔係太多客做唔切，我食個2個甜品都唔夠凍，夏天就係想食凍冰冰甜品。所以....我覺得我未必會再去...…查看更多

去過APM既人都知呢度好多餐廳都要排隊，仲要正值星期日一點半既時間.....成日都經過TABLE 18，發覺都唔滿座，就即管去睇下有咩食。去到果然仲有大把位。不過侍應話入面就要2點半交檯，出面就可以坐耐D。其實出面都有冷氣，無所謂啦。反而係諗食佢個LUNCH BUFFET好定散叫好。LUNCH BUFFET $198+10% PP 到2點半，散叫佢就得十多款野食選擇。最後為左怕好趕咁食，都係散叫算。煙三文魚凱撒沙律: 三文魚好食，唯獨個菜唔夠新鮮，唔爽口，淋淋地。蜜糖烤豬肋骨:呢個我真係覺得唔好食。Ｄ肉好硬好鞋，可能我食過一Ｄ真係好軟熟，好入味既豬肋骨，呢個對我黎講唔得囉～水牛雞翼：雞翼又大隻又多肉，個醬唔太咸，肉又好滑，呢個好味～炸魚沙律配薯條：炸魚個漿唔厚，薄薄的。魚肉都好厚身，但略嫌仲有陣雪味。特別係放左１０分鐘之後再食，有陣生锈味。薯條我就覺得好失望，因為睇佢個樣炸得好靚好靚，但食落個薯仔應該出左事。因為我食唔到裡面既薯仔。個種口感係食到個皮，但入面空氣感好重，好奇怪。總之就麻麻。另外叫左２杯野飲，普普通通咁。如果下次都係唔駛等位，我都會黎試埋其他野食的～…查看更多

無意中睇OPENRICE見到呢間野既腸粉好精形剔透，決定一定要黎食下先得。結果星期日一起身7點20分，諗住訓多陣，但諗起佢，決定即刻起身去太子飲茶。地點都算易搵，入面唔多人，好快有位。即刻叫晒我一早諗好晒要食既野先~MENU: 嚴格黎講唔算特別多野食，但質絕對重要過量。鮮蝦腸粉: 未落豉油之前條腸粉真係好靚，又薄又令，隱約睇到入面既中蝦。配合埋佢既甜豉油，真係幾好味。好滑，有少少黏口，蝦又爽口!!!!好味!!炸腐皮卷: 新鮮熱辣，GOOD!!櫻花流心包: 其實我都唔知個包粉粉地色係唔係有落櫻花撈，反正食唔出。但入面既流心餡就真係好流心啦。佢應該係我食過最流心既流心包，奶黃味適中，但如果有D蛋黃味就更加好啦~~~~棉花雞: 呢個我食左少少，無咩特別。七彩牛柏業: 我覺得D牛柏業好UN，唔夠入味。蝦餃: 呢個係我最失望既點心。食完腸粉後，諗住個蝦餃一定好正啦，點知佢唔係用原隻蝦，只係將蝦肉包，又無鮮味，食落一PAT野，睇之前既食評，D人話係原隻蝦的，唔知點解今次唔係。瑤柱菜苖餃: 菜苖好爽口，但最好味我覺得係個皮。佢煙UN得黎好好口感。皮又唔算厚，但係太薄又食唔出應該既咬口，我覺得呢個皮真係好好味~~…查看更多

見今日放假，同老公去將軍澳食飯。諗住將軍澳咁多食肆，應該唔駛等太耐位，點知都行左9個字先諗到食咩好。經過spaghetti 360見無咩人，求求其其搵D野食下算。士多啤梨白朱古力勁!!勁大陣藥水味。大家唔好叫......菠蘿燒雞薄批PIZZA 估唔到呢個又幾好味。首先個餅底真係又薄又脆。菠蘿多汁、燒雞大大粒，連埋個燒汁甜甜地，好食!!!墨魚汁海鮮燉飯飯既口感都唔錯，唔太硬。海鮮都算足料。不過不失。…查看更多

成日坐車都經過呢間玻璃屋餐廳，但覺得好似好貴咁。直至與老公慶祝新婚3個月+拍拖800天紀念，才決定今晚黎豪一豪佢。為怕無位，老公前幾天已經訂好位。好期待呀^0^一去到個門面已經覺得好靚，心情大悅~~準時7點鐘到達，入到去，全餐廳得一檯客，但門口服務生有4、5個....睇睇餐牌，發現普通SET DINNER都係3百幾蚊位，而我地叫左一個有海鮮仗頭盤既都只係$488+10%每位，完全係我想像中咁貴喎~~加$125仲可以free flow house red / white wine。不過可惜我地今日唔想飲酒，所以散叫。法國生蠔(3隻)由於我唔食的，所以比晒謝生食。佢話都幾好味，都新鮮的。西班牙紅蝦刺身+北海道帶子刺身+荷蘭煙鰻魚+蘇格蘭煙三文魚紅蝦好鮮甜、個頭好多膏，但有點且; 帶子有2舊，口感豐厚，但以刺身黎講，唔凍，同覺得唔太新鮮;煙鰻魚第一次食，佢同以往食日本鰻魚好唔同，外表好似蟹柳，但食落口爽爽的。我覺得呢個最好食;煙三文魚唔係一片片上，係一舊仔的。煙燻味唔錯，但我個人覺得一舊食有點漏，我都係覺得一片片個味道會好D!!36-months ham哈蜜瓜火腿好多人都食過。HAM夠香，味道唔係太咸，配哈蜜瓜好味。但奈何哈蜜瓜唔夠多汁，有點係乾既野配乾既野。但總括都不過不失的。Daily soup - 龍蝦湯想像唔到地好飲。以餐湯黎講完全足料，個湯好濃。好!!!!唯一唔好係佢未能有齒頰留香。呢樣野Island shangri-la 既lobster bar就做到了~~主菜 - 炭燒美國極黑豬肉眼扖 & 炭燒美國頂級天然西冷扖先講個黑豬肉眼扖。講真，炭燒味真係唔重，口感係紮實的，但唔算多汁，不過都唔係乾。我覺得佢可以好食好多。我有點失望。到個西冷扖。炭燒味唔錯，出黎效果都係我想要既7成。但......我覺得普通左D，無驚喜。甜品 - Homemade Oreo cheesecake呢個甜品係全餐驚喜.....但，係最差既驚喜。首先個餅底一忽厚一忽薄，厚既可以厚到件蛋糕既4分1，但好乾。其次芝士味，完全係無的。好硬.....係好硬.....。OREO方面，如果我唔係見到佢有一PAT黑色野同有介紹佢係OREO，我都唔知。總之黎講，呢個可以話係我食過最差既芝士蛋糕。另外佢有用朱古力寫左餐廳名，但，D字係化開的。。。餐飲 - Fruit Punch好似$48杯，不過不失。總結 : 直至我8點幾走全餐廳都係得4檯客(連埋我地)，所以佢差唔多係一個服務生睇一檯客。佢完全係你一食完唔需要5秒佢就會黎清理，3分鐘內必上到下一個菜。以呢個價錢享受貼身式既待遇完全係物超所值，但對我地黎講就有點壓力...HAHA~~環境方面真係好靚。食物方面我覺得可以再好D~~…查看更多

香港呢幾日成32-35度，如非必要，都唔想出去食飯。點知屋企又無野食，唯有死死地氣出去食。第一時間就諗起SCHOOL FOOD既水冷麵。夏天唔食，幾時先食。由於正值午餐時間，超擔心又唔知要排到幾時，點知去到直入得......睇黎熱潮過後，排隊情況已經無以前咁瘋狂了。入到去有3分1吉位，但，依然係限時75分鐘......唉...我地分別叫左水冷麵、媽媽沙律同黑椒牛肉炒烏冬。水冷麵: 呢個我覺得係成間野最好食既菜。冰冰涼涼、酸酸辣辣，真係夏天必食，5粒*呀!!!!黑椒牛肉炒烏冬: 叫之前侍應好好心咁提醒我地，呢個因為有黑椒，所以會辣的。當碟野一黎，無香味....秋冬係炒得幾靚，有光澤，一條條好分明，唔係有D餐廳咁痴埋一舊。但食到一半我地先發現，E....又話黑椒既，點解完全無黑椒味既????牛肉偏UN....我覺得荼記會更加好食....媽媽沙律: 哈哈!!第一次叫呢個沙律，因為老公鍾意食媽媽麵。點知.....係屋企食幾蚊包媽媽麵咪算，點解要晒$80食呢個呢.....==媽媽麵已經淋左，無味，面頭晒左好多芝士粉，但好乾喉。佢有幾片水牛芝士，無味，一PAT野。總之大家可以唔駛叫呢個。…查看更多

一直見到好多人分享呢間餐廳既食評，終於忍唔住要同我好朋友黎試一試，順便慶祝埋佢既生日。我地選擇左2人享用Improvisation($348) 。主要都係甜品師即興，睇佢想畫咩就畫咩。一開始就先有支 welcome drink 石榴汁， 比我地清新一下個口腔，準備清楚品嘗之後的甜品。之後甜品師就會開始用唔同既醬去畫畫，包括有朱古力、 rum酒椰奶、芒果、草莓、芋頭等，佢會一邊畫一邊介紹。我個人覺得所有醬既味道都好突出，唯獨芋頭我食唔到佢既香味。之後就有Ｄ風乾左既紅桑子、熱情果粒，再放上蜜瓜、桑莓等粉末。甜品師好多時都會主動比Ｄ我地叫我地試試。之後仲有我覺得好好味、好清新既柑桔啫喱。仲有無咩抹茶味，但好軟淋淋抹茶糯米糍、 朱古力布甸、 焦糖脆脆、薄脆黑朱古力片。由於佢既朱古力片係以95%黑朱古力製成，所以係好濃好濃，鍾意食朱古力既苦甜味岩晒。但我爭少少，我覺得太苦，我都係鍾意７０％左右。哈哈～～之後就到用極低溫液態氮整既竹炭朱古力雪糕同菠蘿雪糕。個過程勁多煙、勁涼浸浸。甜品師好似幫你加持咁會遞Ｄ煙過去你到比你感受下。絕對係視覺與感覺十足既雪糕。竹炭朱古力雪糕好濃，但今次無咩苦味，幾好。但比較下，菠蘿雪糕更加出色。佢完全食到亞熱帶既菠蘿感覺。好好味呀！！！！最後加埋草莓龍鬚糖，呢個作品就完成了。最後，甜品師仲會寫字同主動幫我地影相。服務食物都好好。但唔知點解，我地都發現側邊既客人既甜品（同一甜品師）都比我地多料，但都係２個人食。不過無所謂啦，我地都食唔晒～～…查看更多

話說今日同個舊同事食飯，對於我地呢D OL黎講，難得可以放平日，緊係去食貴野啦。識食一定食LUNCH。因為平好多，嘻嘻!!!首先叫個前菜先啦。燒雞凱撒沙律。好多時燒雞都會好乾、好柴，但呢個完全無，仲好滑，附帶一股燒烤既味道，好味!!!其次，沙律菜好甜，沙律醬既份量恰到好處。唔會太少太乾，亦唔會太多太漏。第二個前菜就係法式焗田螺。本身我唔食的，但聞到好香，都試左一粒。我只覺得林林地，無咩咬口，但我朋友就話幾好食。呢個我無得比較。主菜就叫左鵝肝雜菌芝士意大利飯。其實我唔係想叫呢個，原先係想叫佢地有個意大利飯直接係好大舊芝士到整，但唔知係唔係得夜市先有，唯有叫呢個。先講鵝肝，份量都十份大舊，煎得好香，油脂我覺得多得滯。食半舊已經覺得好肥膩。到個飯，質感都唔錯，唔會太硬同太淋，但雜菌同芝士味都唔太突出，魏個人覺得唔算出色。由於對個主菜有少少失望，所以對甜品都無寄望。但世事就係咁，你愈無期望既野就帶比你愈大既衝擊。呢個朱古力心太軟，一切開濃濃既朱古力醬好澎湃咁流出黎，一食，應該係黑朱古力，唔太甜，食到少少既苦味。加埋個暖暖既外皮同凍凍既雪糕，噢!終於滿足了!!!!!!!…查看更多

說真的，偷懶了很久終於再記錄番我既美食生活。今日去左一間聽就聽得多，但一直都未試過既餐廳。見今日放假，一於同新婚老公一齊去放鬆下。首先緊係飲番杯1664先啦。啤酒最重要係咩?! 一定係凍LOL，佢滿分呀!!!!芝士薯條: 芝士味唔夠濃，太杰身，個人較喜歡配搭粗薯條。下次唔會再試。試左好多人話好好味既牛肉菠蘿漢堡。先講個包，烘過，外脆內軟，好味。牛肉，多汁唔乾身，仲好足料。菠蘿，甜、多汁，我個人覺得係同漢堡係絕配。 …查看更多

作為青衣友，新開當然要試試啦～豬手肉碎炒飯：豬手唔算好咸亦幾滑，個炒飯勁好味，夠乾身同食到個辣味～但兩樣放埋一齊就怪怪的，我覺得做唔到互相提升既效果干煸四季豆窩夫。四季豆好味，都係夠乾身同食到個鑊氣。但無奈同個窩夫完全唔夾青瓜蝦餅。同一般蝦餅一樣，夠紮實同脆卜卜，青瓜只係裝飾，同帶少少少少清爽椒鹽魷魚酥，粉太多了。唔好食。試一次已足夠。…查看更多

Rose latte,淡淡的玫瑰香與淡淡的咖啡香，good!!!Carbonara ：汁香濃，好味。麵質有韌性，好口感。Ham唔會過咸，咸到足夠帶起個胃口，單食都唔怕腎虧😝😝試新野，rose pancake。一直都覺得佢既hand make rose jam好好味，諗住呢個無死，點知。。。輕微中伏。問題出在個pancake，我敢肯定麥當當都好食過佢。佢唔應該叫pancake ，可以叫cake ，因為口感好硬，硬到似沙利蛋糕，好彩個jam無失手喳…查看更多

今日要全日作戰，所以同朋友仔食個豐富早餐是必須的。叫左個all day breakfast。餐廳唔多人，但等左超過25分鐘，唉，搞到不能慢慢享受。腸，蛋，菇，火腿都無特別，但個牛角包太好味了。微暖，外脆內軟，真係完全cover晒其他既缺點～下次只食牛角包先得～😝😝…查看更多

睇TBB話呢間既喇沙好味，見近近地就試試去。於是下午茶時間去，點知就中伏了😟😟環境幾靚，可能平日下午茶，無咩人，幾清靜。試一試佢既喇沙。簿相信本身個湯底係好味的，但唔知係咪溝左d水，飲得出淡淡的。料係足夠的。有蝦（不過霉的）、有魚片同豆卜，呢兩樣都唔錯既。麵係油麵，甘岩係我唔鍾意既麵，同偏硬。男朋友食印尼炒飯，得一句評語，無味。完。兩個人食左3百幾，最後要去番toast xxx食多餐。…查看更多

朋友仔生日，選擇左呢間上海佬，以為係婆婆d friend，點知原來比婆婆高幾班，食物質素與價錢。睇相先。一睇就知係有氣氛的～麻辣豬耳：好似$68蚊。細碟左d。但味道好好。麻唔係拿喉的麻，辣既味道好恰到好處，豬耳唔會太多骨或者太多肉，有咬口，good!!四川蝦仁：好似$168左右。四川味唔突出，但食得出蝦仁新鮮，送飯唔錯。蟹黃炒飯：好似$268左右。好多蟹黃，但撈飯食唔多食得出個味道，以炒飯黎講，夠乾身，粒粒分明，唔錯既。小籠包：$52一籠。好味，個包唔會太厚亦唔太簿，因太簿好多時會穿。唔記得叫咩火方，桂花汁好味，但略嫌個包太簿，青瓜可以厚少少，口感會強d。心目中第二間好食好多。最出名既流心黃金高力沙。忘記影中間，未至於流心，但味道不錯，稍嫌外面糖霜太多了。有85折coupon，三個人埋單都要$680，無折扣券未必會再食。…查看更多