School Food (Closed)

香港呢幾日成32-35度，如非必要，都唔想出去食飯。點知屋企又無野食，唯有死死地氣出去食。第一時間就諗起SCHOOL FOOD既水冷麵。夏天唔食，幾時先食。由於正值午餐時間，超擔心又唔知要排到幾時，點知去到直入得......睇黎熱潮過後，排隊情況已經無以前咁瘋狂了。入到去有3分1吉位，但，依然係限時75分鐘......唉...

我地分別叫左水冷麵、媽媽沙律同黑椒牛肉炒烏冬。

水冷麵: 呢個我覺得係成間野最好食既菜。冰冰涼涼、酸酸辣辣，真係夏天必食，5粒*呀!!!!

水冷麵

黑椒牛肉炒烏冬: 叫之前侍應好好心咁提醒我地，呢個因為有黑椒，所以會辣的。當碟野一黎，無香味....秋冬係炒得幾靚，有光澤，一條條好分明，唔係有D餐廳咁痴埋一舊。但食到一半我地先發現，E....又話黑椒既，點解完全無黑椒味既????牛肉偏UN....我覺得荼記會更加好食....

黑椒牛肉炒烏冬

媽媽沙律: 哈哈!!第一次叫呢個沙律，因為老公鍾意食媽媽麵。點知.....係屋企食幾蚊包媽媽麵咪算，點解要晒$80食呢個呢.....==媽媽麵已經淋左，無味，面頭晒左好多芝士粉，但好乾喉。佢有幾片水牛芝士，無味，一PAT野。總之大家可以唔駛叫呢個。

媽媽沙律