Danz Lee's Profile

同班姐妹staycation 順便試埋明閣既中菜聽好多朋友講話呢間中菜好好食 所以就親身試試佢一入到去 已經座無虛席 俾我感覺有啲似酒樓同之前去過米芝連餐廳既環境 截然不同😶明閣張櫈既設計都幾窩心 係櫈既右手邊有塊板可以拉出黎擺袋 用餐途中要拎野都好方便👍🏻我地4個人 一共叫左6樣野食1️⃣至尊蜜汁叉燒明閣既叉燒好軟林 肥肉既比例會比較多少少 呢到都係燒到有少少燶邊 整體上黎講都唔錯2️⃣香煎藍天使蝦墨魚餅墨魚餅一上枱已經聞丁淡淡既蛋黃香 口感好飽實 好滿足3️⃣酥炸釀鮮蟹蓋 應該係全晚既HIGHLIGHT 一切開 見到一梳又一梳既蟹肉忌廉味加埋炒過既洋蔥 成件事好夾 好好食 4️⃣龍皇三弄呢道係一道得獎菜式 但係我地4個都唔係好識欣賞首先 上枱既時候 成碟餸已經無嘜溫度可言 都係凍冰冰右手邊 蒸虎蝦 蝦係大隻同彈牙 個湯係鮮甜既 但未去到會令你嘩然中間 蔥爆虎蝦球 感覺就係一隻彈牙既蝦 係甘多左手邊鮮蝦濃湯脆米 花雕味好重 呢個唔怪得間餐廳 只係我地唔慣花雕酒陣味遮但如果以得獎菜式黎講 我地會有更高既期望 所以試完之後都相對地有D失望5️⃣榆耳上素羊肚菌白靈菇豆腐煲正正常常既一道菜，無特別話好出色，發揮到應有既水準。6️⃣窩燒滋補竹絲雞炒飯呢個飯炒得唔錯，啲飯炒得粒粒分明，配埋啲蛋白同蔥香，再加少少鑊氣，整體黎講都算唔錯。可能大家對呢間餐廳都有啲要求同期望，試完之後，無覺得話好驚艷既感覺。只係甘多樣餸相對下，叉燒同蟹蓋就略勝一籌。…Read More

甘岩經過太安樓，見到開左檔新既鹽水雞，就買黎試試佢啲餸用啲盒一個一個裝好左，見到間鋪頭本身有埋芋圓湯水同手抓餅個D買，但係可能岩岩開，所以暫時就未有得買住。叫左個一人份量既A餐，包左雞胸腿各半+3款配菜&洋蔥，我就揀左杏鮑菇，百頁豆腐同埋皮蛋，盛為例46蚊。整體黎講，兜雞啲調味岩岩好，夠哂味，都有幾多雞下。之前食過其他檔既鹽水雞，係姥姥既口味，調味調得好淡😂無得去台灣，係香港叫兜鹽水雞頂下癮都唔錯🤣🤣同埋值得一讚既係啲杏鮑菇同百頁豆腐都好夠濕潤，索左啲汁，所以食個陣唔會Dry☺️另外仲叫左杯豆漿，宜家先知原來呢啲杯裝飲品都會show埋卡路里😂係有左好耐定係我太outdated呢🤣豆味好濃旭，買黎同鹽水雞一齊食都幾唔錯😌…Read More

見到網上邊有人推介呢間既點心 就冒名黎試下7月尾打黎訂位 已經要去到8月中先有位😂訂左12:00，人唔算好多。坐低無耐侍應就俾左杯welcome tea我地，其實係一杯凍茶🫖都算幾窩心💛大熱天時，去到有杯凍茶飲都係幾唔錯既👍🏻今次4個人，一共叫左12樣野食，呢到啲野好多都係好的色，所以唔驚會好快飽😆1️⃣娘惹咸水角個青蘋果造型加埋個塊食得既樹葉 剩係心機同賣相都100分 細細粒 岩岩好一啖可以食哂 個外皮好軟糯 味道都調較得岩岩好 值得一試 打卡都一流😝2️⃣松露帶子餃呢款點心整體既水準都算高，最深刻既係層皮，唯一美中不足既係松露既味道唔夠豐富。層皮除左薄之外，係好煙韌，係坊間真係比較少食到呢個口感。入面既帶子應該混合左啲墨魚膠，食落去好彈牙好飽實😋3️⃣黑椒和牛酥唔知係咪因為對呢款嘅點心期望有啲高，食完之後反需有啲失望。外形又係100分，一睇就知係心機之作。可惜食落去既時候，並食唔到黑椒同和牛既香氣。只係食到外面酥皮既粉味，而個外皮相較之下亦都太厚。同函既比例差得有啲遠，而影響咗整體嘅水準。4️⃣黑毛豬叉燒(半份)呢個真係有驚喜☺️叉燒燒得岩岩好，有少少濃邊，肉質恰得好處，唔會燒得高火。屋企人同男朋友食完都大讚好食。同埋係最左手邊既蘿蔔，又係心機野。師傅將白蘿蔔同紅蘿蔔互相交纏，食落去就有兩種味道同口感，的確幾有創意5️⃣金蒜龍蝦春卷呢碟點心一上枱嘅時候，侍應就同我哋介紹翻係用窩夫皮去做層外皮，所以口感會好唔同。一試之外，的確同平時食到既春卷好唔一樣。格外地脆同啲龍蝦真係好彈牙，唔需要額外嘅醬汁都已經好好食。因為平時食春卷都一定要沾好多喼汁😁6️⃣金錢蟹盒呢款點心都算係今日最失望嘅一樣。諗住叫呢款懷舊小食俾老爹食下。點知一入口除咗油炸味之外，就咩味都食唔到。莫講啲蟹肉既鮮味⋯感覺就好似食咗一舊好脆既炸麵粉咁😕7️⃣果香雞肝多士呢款點心又係其中一個出色之作，感覺同食鵝肝多士差唔多。除咗雞肝夠粉嫩，多士夠脆之外，中間夾左個塊蘿蔔酸令到成個多士既層次提升左。中和返雞肝既‘流’，會令人想食完一舊再一舊🤤🤤8️⃣家鄉拆魚羹好考功夫同心機既一道傳統菜。淡淡既魚香，啲湯同啲薄脆，魚肉，海帶絲一齊食，口感上好滿足。呀媽好鍾意呢道菜。但可能自己食開濃味野，對於我黎講味道就有啲淡。9️⃣原個椰皇海帶杞子燉鮑魚侍感一擺低已經聞到淡淡的椰香味。成個湯好清甜，好好飲，連湯入面既配料無論係鮑魚定係豬肉，都好好食。但以呢個份量來講，性價比就好似有啲低。同埋本身都幾鍾意食椰肉，如果侍應可以幫手分埋啲椰肉就更完美。因為以我所知，之前侍應係會幫手分埋啲椰肉，不過今次就無啦。🔟 菠蘿叉燒包包好軟綿，好多叉燒函，如果要彈既，就係面個層皮可以再脆啲。但整體黎講都好好食。1️⃣1️⃣鮑粒鮮蝦福建炒飯呢個係成餐飯最令我哋驚喜嘅一道餸。普通一客福建炒飯冇諗過可以正得咁好食。除咗啲飯粒粒分明之外，仲食到好有鑊氣。啲材料配合得天衣無縫，無論係鮮蝦嘅彈牙，菜粒嘅爽脆，定係菇嘅香味，都拿捏得恰到好處。男朋友本身係福建人，佢都大讚話呢個飯真係好好食。我諗呢個福建炒飯都係我so far食過最好嘅一次😍😍😍推介推介🥳1️⃣2️⃣椰果石榴甘露呢度甜品喺出邊比較少見，芒果西米露見得多，石榴甘露都真係第一次見。如果鍾意食石榴，你一定會好鍾意呢道甜品。除左椰肉，廚師仲加左啲石榴粒係入面，所以每食一啖都食到石榴嘅清香。餐廳仲送咗一客杞子桂花糕同埋合桃酥俾我地。杞子桂花糕好足料，食到杞子嘅清甜。合桃酥好夠熱，食落去好鬆脆，又食到淡淡的合桃味。整體來講，呢度嘅服務好好，侍應會不停留意你杯茶飲完未，會主動過嚟幫你斟茶。喺食物方面，最值得一讚嘅食物嘅溫度，所有菜喺上枱嘅時候都keep到個熱到，係喺你食嗰陣都需要吹一吹先食到嘅熱度，唔係普通既暖暖地，好少餐廳會做到呢個水準👍🏻👍🏻👍🏻👍🏻👍🏻同埋同好多酒店嘅餐廳一樣，點心嘅件數係可以隨人頭既數目而加😊佢地出餸既時間都拿捏得好好，基本上唔會有冷場🤣…Read More

突然有臨時飯局 又想食辣野 今次揀左麻辣派對 其實之前係尖沙咀都食過 覺得啲野都幾好食 所以今次反兜🤤🤤夜晚7點幾去到 都好多人下 啲位都爆爆地 最後叫左乾煸四季豆 辣子雞味既乾鍋 叫左田雞，午餐肉，雞脆骨，花椰菜同鮮牛肉落左單無耐 四季豆好快就到左炒得好惹味 肉碎加埋小小辣 啲四季豆有咬口 唔會過林 好食👍🏻無幾耐 杯水果茶都到左 有兩塊西瓜，火龍果同奇亞籽。最欣賞反而係啲奇亞籽，健康之餘又有口感，有啲野咬下甘。同埋杯野唔會話太甜，又夠哂大杯，讚最後辣子雞干鍋都黎埋 拎黎送飯一流😆午餐肉係厚切版 好大舊😂😂本身想叫鴨舌 可惜無哂，但係雞軟骨都好好食，軟骨多過肉，係我既cup of tea 😌😌牛肉就略嫌油左啲 不過就好滑花椰藥係必叫 索哂啲香料既味 夠哂重口味😋田雞就炸到好香脆 但係無斬到啲腳趾😳啲腳趾清晰可見😂😂啲花生都幾新鮮 完全無油億味🤓限時個半鐘 但啲店員都好好 見你未食完都唔會趕你走 如果提早喺OpenRice book定位可以免+1…Read More

聽聞呢間鋪既doughnuts好好食 甘岩經過開呢頭 就買黎試下 間鋪頭係養和醫院附近 係轉角既位置😊夜晚6點幾去到 都有好多人等緊外賣 叫左Triple doughnut既Nutella同Custard味既 盛為$98 啲Doughnuts應該係即叫即炸 所以都等左差唔多10分鐘先有得拎 拎個陣真係熱辣辣架😍😍男朋友試左Nutella味 話好好食 我都試左一啖 比起Custard 呢隻味的確比較出色 如果你本身都鍾意食榛子醬既話 真係一定要試下🙈🙈Custard就不過不失甘 又未到好驚艷 只不過始終佢係即叫即整 感覺係幾fresh😝😆下次Encore一次係食Nutella味🥰*不過啲員工真係要注意下啲衛生 有個中年男店員 無戴手套 揭起件衫係甘R下呢到 又R下個到甘 之後又直接掂啲食物 真係有點兒那個😥…Read More

今日同男朋友心血來潮想食魚 就揀左好耐都無去過去魚屋 分別叫左西京紫蘇燒油甘魚定食同檸檬黑胡椒燒鯛魚定食🤤成個定食包左一碗飯，一碗湯同一條魚🤓坐低無幾耐就會先上湯碗湯好足料，有三文魚肉，豆腐，海帶，白蘿蔔，紅蘿蔔等等，好鮮甜飲都差唔多，個餐就到啦🤩1️⃣ 西京紫蘇燒油甘魚定食個魚燒得好香，配埋啲醬汁同蘇葉一齊食，好Match，好好食。男朋友話醬汁係條魚既靈魂🤣我個人就好鍾意食佢啲辣蘿蔔乾，用黎送飯真係一流😌😌2️⃣ 檸檬黑胡椒燒鯛魚定食男朋友叫呢個餐話貪條魚啖啖肉😆但我個人就覺得鯛魚既肉略為實左啲，無油甘魚個種油香同較嫩滑既口感。不過加少少檸檬汁，個感覺又幾Fresh順帶一提，呢到都水同紙巾供應，不過都係自助形式既。食完都記得要將啲餐盤擺去收納架個到。…Read More

今晚同男朋友想食D懶係健康少少既野 所以就揀左呢間餐廳 大概7點半到去到 仲有好多位 唔洗等就入得1️⃣  鰤魚西京燒定食之前係尖沙咀某日本店食過西京燒既魚，印象中甜甜地，好好食今次黎到都叫返西京燒，睇下個水準如何成個定食包左一碗麵豉湯，沙律，兩個前菜，一碗飯同主菜至於個兩款前菜，一款係牛蒡加紅蘿蔔絲，另一個係醃左既青瓜片牛蒡加紅蘿蔔絲 - 正常 無嘜特別醃左既青瓜片 - 好咸 唔好食薯仔沙律 - 味道正常麵豉湯 - 好淡，係我飲過最淡既一碗麵豉湯鰤魚 - 都算幾大舊，燒得好香，魚油都好夠，好好食成個定食黎講，得條魚好食同值得有分，其他都唔好食/好一般2️⃣   燒花魚定食配南蠻炸雞條花魚又係好大條，最特別既係佢配左柚子豉油，同魚肉都幾夾，食入口個陣帶少少清新既感覺但其他配菜都係一樣，不值得一提。到特登加既南蠻烤雞，好失望，一D都唔脆，亦都唔熱。本身男朋友落左車先，但佢個餐反而仲遲黎過我，以為係因為新鮮炸舊雞，原來唔係…D雞好明顯係一早炸定左，唔脆唔熱，仲好有油，唯一好既就係應該用左雞脾肉，所以D肉都算係幾滑。見到周圍好多人都加左$15蚊食沙律吧，我同男朋友就無加到沙律既款色唔算好多，都係D基本野，沙律菜，粟米，蕃茄個D但野飲方面選擇都幾多，有紙包飲品，韓國忌廉鮮奶，同埋一D果汁同埋有兩款甜品順帶一提，呢到係用QR CODE落單既整體黎講，魚係正得唔錯，可惜叫得定食，唔會期望剩係個魚好食同埋麵豉湯一D甘低成本既野，都正到甘，真係有D失望只可以話，呢個價錢，有其他地方比佢既CP值更高…Read More

今日甘岩黎開呢頭 上網見到呢間日本野既人氣都唔錯 就想試下係唔係真係甘好食午市黎講 選擇唔算好多 最後揀左自家製雞肉丸丼定食🐥1️⃣自家製雞肉丸丼定食定食包左小食，醃菜，沙律，茶碗蒸，麵豉湯，蕨餅，主食同一杯野食，都算幾豐富沙律算係幾fresh 配既係芝麻醬小食係帶子群邊，醃菜就係黃蘿蔔雞肉丸入面加左啲雞軟骨，都幾有咬口 加埋基本既流心蛋，整體上係夾既 但未到好驚艷 或者會令人念念不忘個隻2️⃣ 跟餐凍柚子蜜呢杯野完全唔得，柚子蜜同水既比例，可能係9:1 成杯野好啖，擺多一陣啲冰溶左之後更淡另外，呢杯野飲係用不銹剛飲管serve，吸唔到啲柚子之餘，仲會拙住左枝飲管，搞到飲唔到，建議加返一隻長匙羹會好啲…Read More

今日突然心血來潮想食居酒屋 即刻上網搵下 見到呢間既評語都唔錯 就去試試佢呢間餐廳都離地鐵站有一定既路程，地點有D偏僻但入面既環境的確幾有日本FEEL，如果食完野行返出去就係心齋橋你話幾好1️⃣ 原條成田醬炭火燒鰻魚飯見到呢個幾乎係必叫ITEM，鍾情於鰻魚既我地，點可以唔叫呢到上菜既速度都幾快，叫左無幾耐就已經上第一樣野條鰻魚大到係可以完完全全COVER哂成舊飯飯加埋D鰻魚汁，本身都已經好天衣無縫。條鰻魚好厚身同好肥美每食一啖都好滿足。美中不足係無論條鰻魚同個飯都唔夠熱，上枱個陣都只係微暖什至可以話係凍凍地如果可以熱D，會更加好!2️⃣ 火灸左口魚邊壽司每一次食壽司，如果有既話都會一定點火灸左口魚經過火灸之後，左口魚邊會變得更香，本身魚邊都好滑，所以一定要食呢到既火灸左口魚略嫌遜色，無平時食到個種經火灸後既香氣同埋滑溜感有D失望。如果係呢個質素，就完全唔值$483️⃣ 芝麻雞翼100分 炸得好香脆，仲熱辣辣。外皮好脆但係入面D肉仲好嫩同好JUICY鍾意食雞翼既一定要試4️⃣ 鹽燒厚切特上牛舌又係另一出色之作，牛舌厚度岩岩好，咬落去有應有既口感同埋燒得岩岩好，唔會韌，加埋灑係面既黑椒粒同鹽，好滿足5️⃣ 芝士吉列海虎蝦卷整體上OK，但係唔知C FU係咪唔想D飯甘容易散，所以將D飯壓得好實所以食個陣個感覺同出面既壽司鋪唔同蝦 係處理得唔錯，因為擺左一段時間之後，隻蝦都仲係脆既但並無話好驚艷6️⃣ 脆炸軟殼蟹反卷基本上都同個吉列海虎蝦卷差唔多，都係D飯壓得稍為過實影響左個口感，同埋D飯既"LIM"性太高但加埋D蟹籽整體上都係OKAY既由於鋪頭面積唔係好大，差唔多7點個陣，已經FULL哂建議大家BOOK定位先…Read More

記得呢間餐廳定時定候就會賣好多廣告，真係就算未食過都聽過佢個名今日甘岩黎開呢頭，就預先BOOK左位先，一去到就入得啦呢到有別傳統既茶樓，某D傳統既茶好似鐵觀音係無既，反而有紅茶，綠茶，同有普洱。茶介每位$13蚊1️⃣ 有色蝦餃呢個完全無嘜特別，剩係個皮上面加左D顏色，打卡的確係幾靚，但係內涵就有D欠奉索價$59一籠既蝦餃，但D蝦唔夠彈牙，同個皮都好普通，出面有D酒樓既水準比佢高，所以都有D失望2️⃣ 紅油抄手呢個幾好食，佢同平時食開既有D唔一樣，係味道上偏甜D。但個汁調得唔錯，咸度同酸度都岩岩好。加埋D乾蒜粒一齊食，成件事好融洽，同埋雲吞個皮都好薄，可以一試3️⃣ 芝士蝦春卷春卷入面包左滿滿既芝士，食個陣仲有拉絲添，但一定要襯熱食，凍左既話D芝士會變左一舊一舊，無甘好食唯一不足既係，春卷略油，如果可以再吸一吸D油先上枱會更好4️⃣ 醬香鳳爪呢款點心最好之處係D醬汁唔多唔少，分量岩岩好。出面既酒樓大多數都係落過多醬，一入口個陣好似食緊醬多過食緊隻鳳爪同埋隻鳳爪既皮比出面食到既爽口D。最好食既一定係墊係底既芋頭粒，索哂醬汁D味5️⃣ 蒜蓉排骨D排骨又係比出面爽口D，都好有蒜香味，但大部分排骨痴埋一舊，而唔係分開一粒粒食個陣要用筷子逐粒分返開佢先得6️⃣ 睇住流奶即係流心奶皇包，呢個係必叫ITEM。同埋一定一定要襯熱食!!好多餡，食個陣要小心"辣"親個口，終於有一樣野係睇得之如又好食7️⃣ 櫻花蝦飯一上枱就已經聞到好香，飯入面加左D蟹籽一齊去炒，所以食個陣口感都唔錯可惜咸左少少，如果落鹽個陣輕手返少少，呢個飯會好高分。蝦都幾多，同埋D飯都炒得好乾身整體黎講，環境坐得好舒服，員工都會主動黎幫你加水同堆雖然話一個鐘要還枱，但只要未坐爆，佢地都唔會趕你走，非常好體驗過算係唔錯，但價錢始終偏高，所以CP值唔算太高，試過一次就夠啦…Read More

年初二甘岩要返工，就買個外賣返公司慢慢食。之前堂食食過一次，有個石鍋熱住甘上，再撈埋所有餸一齊食，好爽。出門口之前打去叫定先，去到就即刻有得拎，好方便。雖然個辣醬唔係用韓國正式撈飯個隻，但呢隻都幾好食。今次拎到返公司雖然凍左，但個味都一樣甘好食。D餸既份量都一樣甘多。…Read More

上次食新記冰室，排隊個陣見到隔離有間印度野食，啲野食好似幾正宗甘，今日特登黎試一試佢。雖然星期日，但唔洗排隊就即刻入得。間鋪細細間，坐得有啲迫。1️⃣ 油酥餅食咖哩點可以唔叫類似薄餅既野，送到個陣仲熱辣辣，都算幾軟熟，拎黎配咖哩的確係一絕👍🏻2️⃣ 傳統黃咖哩配牛肉個MENU到有好多唔同種類既咖哩，真係睇到眼花潦亂。到最後決定試最傳統既黃咖哩。啲牛肉好林，一咬就散開，食得出D咖哩落左好多香料，我諗呢個就係印度咖哩既特色🙈一黎到個陣覺得佢好細兜，但食落，又夠食喎，啲汁個份量夠哂我地用黎DIM 4塊餅😌3️⃣ 印度傳統香燒雞呢樣係全餐我地覺得最好食既野，醃既味道岩岩好，唔會太咸，最緊要係燒完之後啲肉仲好嫩，唔會柴😋隔離個兜有啲薄荷味既sauce 同舊雞都幾match🤣4️⃣蒜茸烤餅見到仲有甘多咖喱汁剩，又想試多個餅，就叫左呢個蒜茸烤餅。呢個比起油酥餅 無甘厚身，可以當佢係手抓餅啲friend 鬆軟啲。上枱個陣又係熱辣辣🔥5️⃣印度奶茶第一次試印度奶茶，先知原來有薑味，我同男朋友都飲唔慣，都係港式奶茶岩我地多D。整體黎講，對初嚐印度咖哩既我，覺得都算幾好食，只係環境上有D焗促。…Read More

5點幾去到 唔洗等就入得仲有下午茶 同男朋友一人叫左一個餐1️⃣ 半筋半肉麵之前係將軍澳分店食過白胡椒湯記得好好食 今次都諗住叫返呢個湯底開頭問其中一個店員 佢話唔轉得 因為本身跟牛骨湯 但到落單個陣 問個個店員 佢又話轉得🤔 其實都係筆啲湯落去遮⋯啲牛筋都幾淋 麵就正正常常 但個湯底有啲失望 好淡 同當初係將軍澳分店食個陣 差好遠 個陣好濃好好飲 男朋友試左一啖 都話好淡😐2️⃣金桔鮮檸綠茶 - 跟餐送既 正常 唔會太甜3️⃣滷肉排骨飯呢個飯反而幾好食 塊排骨好厚 啖啖肉 滷肉汁都幾濃 個3舊青瓜都較其他分店遜色 其他分店會有蒜味 呢到就齋青瓜 4️⃣跟餐珍珠奶茶 - 可以既話 想俾零分 叫左少冰少甜 但仲係好甜好甜 啲珍珠有啲硬到 咬都咬唔到 要lur返出黎 應該係我地飲過最難飲既珍珠奶茶😵…Read More

今日去久違左既九龍城掃街呢間金泰燒烤 啲人話係去九龍城必到既地方😏夜晚6點約去到已經有條小人龍同男友叫左3串 串燒試試水溫記得叫完之後唔洗急住俾錢 拎野食個陣先俾1️⃣泰式香腸之前去泰國都無食過泰國香腸，今次一於叫黎試下😋同我地食開既香腸好唔同，佢入面係有啲粉絲碎，肉反而唔算好多。第一啖咬落去既感覺，有啲似糯米腸🤣幾特別，未試過既可以一試2️⃣ 燒豬頸肉呢個係3串入面最出色，每串有3舊仔，燒得好香好Juicy👍🏻👍🏻👍🏻3️⃣燒雞腎好爽脆 燒得岩岩好 唔會過熟搞到太韌 加埋佢跟既辣椒汁 成件事更完美😋😋另外， 有沙嗲醬揀，啲姐姐會問你要咩醬😊…Read More

見到老表chok雞有條小人龍 我地都買兜試下好唔好食 買左6件雞啲雞全部都係即叫即炸 所以係好夠熱 但係啲皮反而又唔算好脆 雞肉算滑既 應該係用左雞髀肉🍗🍗 但可惜啲雞本身調味唔夠 要靠啲粉先夠味調味粉既選擇有好多 可惜當日最想試既紫菜味無哂 店主一個人睇鋪 都唔好意思麻煩佢行出黎fill 所以就試左避風塘加少少香辣啲調味粉同麥當勞個啲shake shake粉其實差唔多味 如果雞既底味可以多啲會好食啲 落完粉chok返幾下 就食得 味道算係不過不失啦…Read More