Silvia To's Profile

最近，屋企附近開左間新冰室，今晚特登去試下，仲可以偷懶唔煮晚餐。我比較鐘意自取食水，因疫情關係減少客人及服務員的接觸，又可以除時添加水。用二維碼落單自己落單非常方便我叫左個黑松露秋葵炒蛋，黑松露分量非常多又香，適合素食人士。椒鹽豬扒，豬扒香脆可口，平時食可能食到肥脂肪，但碟啖啖都是肉。椒鹽碎都可香脆可以用來撈飯食。重慶四川口水雞有脾食，肉嫩，麻麻辣辣是夏天開胃菜色。厚切牛舌，肉淋，非常入味，入口即融感覺，配上咖哩汁”正”。手機落單仲可以選擇多或少飯，又可以加多汁。老火靚湯，有西洋菜煲豬肉，真材實料，西洋菜嫩。羅宋湯，用了多款蔬菜煲出來，味道濃厚，帶少少辣。凍檸檬咖啡，第一次飲，我個食都會飲返凍咖啡，不是唔好飲，只是我鍾情在於咖啡。凍西洋菜蜜夏日消暑飲料。叫左咁多款食物都是二百五十，仲可以留一盒飯餸第二日帶返公司食。…Read More

家人生日，一早預訂了銅鑼灣精緻粵菜張公館。餐廳位於銅鑼灣V Point 29樓，落地大玻璃飽覽維港景色。燕麥黃金北海道大元貝漲卜卜金黃色賣相吸引，外層沾滿鹹蛋黃，香脆惹味，大元貝鮮甜滑溜富彈性。脆焗蝦多士金黃香脆，蝦膠彈牙厚實，入口鬆脆惹味。蜜汁銀鱈魚外層焦脆多汁，魚肉鮮美嫩滑，醃得入味，醬汁味道帶甜，拌飯一流。瑤柱荷葉飯餡料相當豐富，非常足料，有齊冬菇、蝦米、瑤柱、雞粒等，以荷葉包裹一同清蒸，每顆飯粒都有淡淡荷葉清香。荷葉和牛面頰肉油花細緻，肉質軟腍，蘊含豐富骨膠原，食落牛肉味濃厚，口感彈牙無油膩感。上湯千層莧菜細嫩腐皮吸滿清甜湯汁，莧菜爽滑軟嫩，健康之選。…Read More

北角和富中心最近開咗新嘅foodcourt, 朋友話好多嘢食， 仲可以打卡😯。 好奇的我就去試吓。 原來FoodCourt 裝飾佈置好似土耳其咁，行異國風情格調，真係好特別喎🤩FoodCourt 入面都好多選擇， 我哋去到就已經被門口呢間星馬餐廳吸引住。當然要試餐廳推介～～新加坡無骨海南雞飯配椰子雞湯（$72）海鮮喇沙麵（$68）鬼馬釀油條（$28）恐龍美祿（+$18）番刺果特飲（+$18）海南雞雞肉好嫩滑，無骨好方便。 要讚的是椰子雞湯， 好濃郁而且材料很多，味道鮮甜。喇沙湯底有香濃椰奶味， 微辣醒胃， 仲有好多海鮮，雞肉，牛肉等。 釀油條炸得好脆口，入面花枝膠彈牙，絕對要點嘅小食。恐龍🦖美祿沖得好香，上面仲有脆波波😋番刺果原來係釋迦（番荔枝）呀🤩 ，未試過，超特別， 酸酸甜甜， 入面仲有椰果粒😋聽講番刺果仲好有益喎…Read More

住左係觀塘咁多年, 知道apm上面有好幾間酒樓,但都未試過上去食。咁岩有朋友話同我去apm食飯,我知佢就中意食中菜既, 於是就同佢去玉桃軒。上到去玉桃軒,覺得個環境都幾唔錯,唔會有太過奢華既裝修,但係同玉桃軒個名一樣,有雅緻既感覺, 幾舒適。上黎之前其實唔係好知佢既拿手菜係咩野,於是就搵左店員推介。最後簡左四道菜,分別係北京填鴨, 脆皮雞, 雜菜煲, 蒸魚。北京填鴨, 亦即係片皮鴨, 燒好既鴨送上檯旁邊, 由師傅即場片, 眼見烤鴨外觀飽滿, 鴨肉輕輕披住皮, 油脂夾在皮肉之間 , 油脂豐富亮麗, 鴨皮裂開果下就知鴨皮相當酥脆, 令我口水直流。逼不及待就試左個鴨先。鴨肉好滑嫩酥軟, 鴨皮與同鴨肉的味道其實是比想像中淡味, 一d都唔會好油膩, 但鴨肉非常香甜。之後用一片薄到可以透光既荷葉餅包起來黎夾住食。餅皮十分嚥韌, 淡淡的面粉吸了少少鴨既油份, 加埋甜醬黃瓜包覆在荷葉餅皮內，豐富口感。好食就一定要趁熱食, 維持最佳口感。之後就係食脆皮雞, 其實都係要趁熱食, 見到雞皮呈好令既金黃色, 油令令, 一d都唔覺得會過份乾身, 肉質嫰滑, 係剛好熟透既口感, 即使是雞胸肉，食落口都冇渣滓，多汁又嫩，肉又夠厚, 同雞腿一樣可口。 其實好睇得出廚師將個烹調時間控制得好好。除左係個脆皮雞度見到佢剛好熟既肉地, 蒸魚都唔例外。清蒸石班亦都係非常好吃。肉質細嫩, 刺又少, 味道鮮美, 除左魚係新鮮, 我相信處理過程更係關鍵, 肉質跟雞腿一樣充滿彈性, 加上香蔥, 賣相一流。接下來吃生菜包, 生菜包以鮮甜的鴨肉拌炒, 加上各式香料的點綴, 鴨鬆香濃油潤, 整體味道濃郁, 包上新鮮生菜, 清脆爽口, 口感豐富, 新鮮菜葉亦可化膩。今餐多朋友一齊食,而且菜單選擇都多。所以點左好多道菜, 最後係可惜心有餘而胃不足, 但下次會再黎試多幾個菜式。…Read More

粉嶺有好多商場一路在裝修，開展新店舖及餐廳。我成日路過都想試，今晚登特的去試下。黑白松露香濃蘑菇湯$35～一上枱已經聞到陣陣松露味，材料十夠，湯裡除了碎蘑菇粒粒外，仲有蘑菇條呀。每一啖都包含真料實料。黑松露海膽芝士蟹蓋飯$198~一上枱買相以非常吸引，大分量的黑松露及海膽,打開蟹蓋，有好多蟹肉,飯裡有龍蝦仔肉,蕃茄粒，蘑菇，旁邊的是龍蝦汁。我把黑松露，蟹肉，海膽撈勻一齊食，味道非常配合，原來中間仲芝士的。食到回味無窮。黑魔王窩夫半份$40~熱辣辣，外脆內軟的窩夫，配上凍冰冰曲奇雪糕，一熱一凍。裝飾有mini Oreo 曲奇，棉花糖，朱古力粉及糖漿。是一件十分誘人的邪惡甜品。藍蝶葡萄水果茶$48~好靚的藍蝶茶，加入葡萄粒的甜味，一壺兩個人分享。藍蝶花功效有能夠抗養化，養顏美容，修護眼睛黏膜，預防視力模糊。提高人體免疫力，幫助和促進皮膚的彈力及骨膠原，幫助溶解血凝塊，促進血液循環。佢地仲有好多款式花茶提供不同的效能，各位可以去試下的。…Read More

現在食火鍋不一定是冬季，香港美食天堂，一年365日都可以食火鍋。最近朋友介紹了一間新開火鍋店給我，鍾意食野的我一定去食啦，試業期間仲有68折。因為是樓上舖地方比較大，有多間私人房間，可以一班知己一同聚會，也不怕嘈到其他人。湯底由最平$79清湯至最貴$399金湯腳翅湯鍋，多種選擇。我哋選了金湯腿翅鍋$399，湯加熱後，一定要先品嚐一碗，因為雞味鮮濃，魚翅又多，仲有一件大大的西班牙黑毛豬火腿，每一啖都是晶華。麻辣餃$59～本身湯底是雞湯，所以食麻辣餃時更加了特出了餃子的麻辣味道。黑松露帶子餃$99～未放落湯時已經聞到一陣陣的黑松露味道，當煮好食時，大大粒，肉質鮮嫩。蔬菜拼盤$79～食完肉後來一個新鮮蔬菜拼盤，清一清腸胃。羊肉片$89～份量十足，食時一陣陣的羊肉羶味，鐘意食羊的人一定鐘意，羊肉嫩口。爆汁和牛丸$89～睇落似普通的牛丸，但食時要小心。因為是爆汁丸，一不留神會熱到的，而外層是用和牛肉做的，肉質彈牙又多汁。特叫一份刺身有三文魚,帶子，甜蝦，魷魚，海膽只是$399價格非常優惠，我食了大部份海膽包紫菜。因為新鮮，所以味道濃厚。 令我突然想起在日本食食的海膽。…Read More

新年最好送龍島雜錦曲奇禮盒及千層酥禮盒給家人一齊食啦。一個人食獨食會肥，但一家人一齊食，又可以食到款式比較多，加上新年送禮又大方又得睇。我買了兩款，有雜錦牛油曲奇餅禮盒與雜錦千層酥禮盒，裡面各盒有12款不同口味，一定有一款你鐘意食的。一打開牛油曲奇，一陣陣香濃的牛油味已令我流口水，入口鬆化。千層酥香口，鬆脆。我與家人手口不一陣已食完一盒。千層酥~我最鐘意食心形士多啤梨及紫薯味。牛油曲奇~我最鐘意原味，藍莓及夏威夷果仁。太多款式了令我變成選擇困難。…Read More

每種火鍋都有突出的特色,港式火鍋講究鮮味多配料,近來最愛的就是一鍋堂。一鍋堂是旺角新開的火鍋店,人來人往,熱鬧非凡。值得讚賞的是,它是用手機app下單,比以往畫紙下單方便得多,而且手機app界面清晰易明好用。點好菜後,就出去取飲品,飲品有多款可選,亦有我未試過的飲品,可以一飽口福。在飲品櫃旁邊有大量不同的蔬菜可供自取,這比其他店要畫單很與別不同,也是非常好的安排。另一邊有自助salad bar及雪糕機,自助的感覺簡直一流。一盤盤的配料用一色一樣的盤子盛著,上菜流程更便利。整齊劃一，我們看著也乾淨整潔。我點得最多的就是花膠,有膠質,加上暖笠笠的火鍋,帶著養生的感覺,濃濃的香味徹底打開味蕾,更使湯汁鮮美無比。其他食材都很新鲜。對於吃打邊爐，除了海鮮,比較適合的還有牛肉，肉丸。肥牛及羊肉片都新鮮,看著是紅彤彤的肉,切到薄而均勻,入口鮮嫰,肉味清香可口。一鍋堂有兩種手打墨魚丸 ,非常好吃,一是蟹子墨魚丸,另一款是黑松露墨魚丸,味道配搭恰到好處,也爽口彈牙,鮮香,不油不膩,但製作手工墨魚丸有一定難度，魚膠太稠,會令魚丸太乾無彈性; 而魚膠太稀則不易成形,容易散掉,只有調製得好,墨魚丸才能夠完整成型。最後我們還點了些菇類,有金菇及冬菇,在鮮美的湯中,不僅讓湯汁昇華,也讓菌菇份外鮮甜。廣東菜講究的是原汁原味。廣東人好補，火鍋底料用的是海鮮加上花膠，吃到最後，連湯一同飲了一大口，真是好味又大補！值得一提的是,之後的火鍋還會一直加原湯，以保證鍋底的鮮味始終如一。…Read More

今晚放工特別與老公去沙田行商場及食晚餐。我想食葡國餐，所以去了亞蘇爾食晚餐。餐廳內非常多客人，睇到每一份餐份量也非常之足夠。我地選了四款特色食物。亞蘇爾小食拼盤芝心馬介休球～澳門特別小食，馬介休球，唔需要去澳門都可以食到啦，熱辣辣，香口。霹靂魷魚∼魷魚爽口彈牙配上自製的辣醬汁，非常野味，底層加了些沙律菜。黑醋豬手∼豬手做到煙煙韌韌，豬手皮也非常之爽口彈牙，配上黑醋酸酸甜甜,味道十分之夾。辣肉腸黑松露多士～切碎的辣肉睇放在一片厚切的多士上，上面白汁醬及芝士碎，再放入焗爐焗一下，完成後再加上黑松露味道非常之濃郁。每一口也有不同的味道。我十分之鍾意食這個多士。檸檬燒沙甸魚～沙甸魚有一隻手掌咁長，燒到非常之香口，除了中間脊骨及魚頭食唔到，真的可以食魚唔lur骨。鍾意食辣可配餐廳自製的辣醬一齊食，味道一流。葡式烤乳豬～乳豬烤到香脆可口，配上旁邊芥辣醬食，食到舐舐脷，中有炸到香脆的薯角。旁邊有些烤過的配菜。因為食完仲想食那個辣肉腸黑松露多士，所以encore叫了4個辣肉腸黑松露多士食，最後食到抱住個肚走人。…Read More

好耐冇食韓燒啦,今次朋友介紹去尖沙咀 食平昌。我地行人4位，點了國王御膳餐。 有醬油蟹及醬油蝦，不是每一間韓國餐廳都有得食。前菜～有壽司卷,醃製豆芽,醃製黑豆,醃製蘿蔔,仲有韓國的醃製泡菜。醬油鮑魚，醬油大蝦，醬油蟹～ 除鮑魚是煮熟後醃製的外， 醬油蝦及醬油蟹都是用新鮮蝦及蟹醃製，有些人不喜歡食生的，我會提議他把醬油蟹及蟹放在鐵板上燒烤一下，味道非常之特出及好食。服務員還提醒我，醬油蝦蟹直接食就可以，我說因為朋友不太喜歡食生的，所以我提議烤熟食。服務員的服務非常之好，仲會不停的轉換燒烤盤。一層層的肉類及海鮮放在架上給客人慢慢燒烤慢慢品嚐，是任點任食。雪花牛肉，調味牛排骨，韓牛肩胛肉，韓牛後上腿肉，韓牛後腿外側邊肉，濟州五花腩，濟州梅頭肉，香草黑草羊架，鮑魚，6寸大蝦。值得 encore是那些牛肉，又新鮮又嫩滑，但一定要掌握時間非常準確。 因為燒得太耐會肉質會變靭。另外，我叫了個一些小食有軟殼蟹，韓式豬肘，海帶湯。飲品也是大部份來源於韓國飲品。最好如果在Facebook like餐廳的網頁，仲可以有雪條食。…Read More

近日成日落大雨，今日仲于有太陽,我特登出旺角行街及掃街邊小食。朋友曾經介紹這間店的咖啡比較特別，他知我鍾意飲飲食食，所以叫我如出旺角一定要試一下。鍾意飲咖啡的人，可以試極品氮氣咖啡，老闆介紹，在咖啡裏加了氮氣，會令咖啡入口更加香滑，不會有苦澀味道，甜而不膩。鍾意品中式茶的我叫了個苿莉青蓋，來一個中西合璧。面層是1寸厚芝士奶泡沫，底層是苿莉花茶。先試了底層的苿莉花茶，淡淡花香又解渴又提神。面層是香濃芝士味的泡沫，入口滑溜。店舖內仲有多款果茶任君挑選，在炎熱的日子帶來消暑感覺。學生穿著校服或出示學生証，即可有5至10蚊優惠。 不能錯過！…Read More

沙田真係好多美食，今日就約左朋友仔一齊去食澳門亞蘇爾葡國菜下午茶。宇治抺茶黑木糠布甸配焦糖葡撻加一杯熱檸茶只是62蚊。宇治抹茶有茶的甘味與木糠布甸一層一層的分間開，食到不同層次的味道。焦糖葡撻不會太甜，又有香濃蛋黃味，外層是一層層的蘇皮。一個葡撻真的不能滿足我的食慾。另加了一個葡式霹靂魷魚沙律，魷魚肥美肉厚，配上葡式辣醬，味道特別，又不會太辣，非常開胃。餐廳仲有幾款下午茶餐提供，行完商場購物完，之後可以鬆一鬆食過一個葡式下午茶，繼續瘋狂購物。…Read More

今晚同朋友去左旺角食阿爺粥品涮涮鍋，因為新開業不久，所以就有優惠價$298食美顏花膠雞煲。每位仲可以有鮑魚一隻，貴妃蚌一隻，花蟹半隻，乳龍蝦一隻。限時2個鐘，再加28蚊可任飲無酒精飲品。餐廳包了60款配料任客人任點任食。餐廳的快子是可換快子頭的，每位客人食完，把快子頭換了就可以了，比較乾淨清楚及衛生。大大隻雞及雞湯，味道鮮甜，湯是奶白色的。花膠一大碟，幾個朋友一齊食，非常開心。先把花膠放入雞湯中慢慢咬出鮮味。鐘意食海鮮的我，一開始就由花蟹食起，雖然肉不太好，但夠鮮甜。龍蝦都大隻仲有膏的，肉質爽口。鮑魚有3寸大的，滾完也不會縮太少， 煙煙靭靭。仲有送手切牛肉，脂肪比勻循，滾5秒左右，非常鮮嫩，入口即融化，牛味香濃。花膠也差不多可以食，對女士來說非常之好，因為可以補下骨膠原及養顏。我食了好多片。60款式食料無限任點，太多選擇了，只可選些比較歡喜的食物。手工牛丸，美國肥牛，豬潤，牛拍葉，滑雞，牛腩，冷豆腐，每款食點點少少，已經食到好飽。朋友原本想點多次肥牛，滑牛食的，但到最後都放棄，因為他們都是眼闊肚窄。…Read More

酒鍋位於銅鑼灣市中心。因為27樓比較高層，所以睇到香港晚境。先來一杯檸檬意米水，消消暑氣及開胃。12種不同醬料任君選擇，顏色豐富及新鮮蔬菜盤與雜菌盤。頂級安格斯牛肉片~放在架上，架下面放了大量冰粒，可保持肉質鮮嫩，又不會影響肉汁味道。滾一兩下就可以食，牛肉鮮味濃郁。手切靚牛肉片～睇到肉紋非常靚，脂肪也不多，但滾完食落口也鮮嫩可口。玫瑰花形的日本黑毛豬, 睇到都唔捨得食 。食時豬肉味比其他豬肉味濃厚些。睇到咁多種不同顏色食物在枱上，食都食得特別開心。這個是酒火入鍋～有五格獨特湯底配上不同食料。中間木瓜鍋配幾隻鮮蝦，點上火在慢慢加上清湯。外層四格是新鮮蕃茄配上波士頓龍蝦，清湯蘿蔔牛腩，四川麻辣鍋，潮州沙嗲鍋。這個是用乾冰做出仙境一樣的環境，另人有特別深刻印象。金沙鹹蛋炸魚皮～即叫即炸，熱辣辣，鹹蛋黃碎佈滿全片魚皮上，味道香濃脆卜卜，配啤酒食一流。 企鵝及鴨仔得意可愛做形的墨魚丸及蝦丸。…Read More

在飲食平台發現了一間新開餐廳，名稱是”壹食就醉”，就約了三五知己一齊去食下。在尖沙咀區的樓上鋪，地方非常寬敞，我地可以安排在獨立的房間裡用餐。有些朋友想食少炒，有些朋友想食火煱，所以叫多款食物。我好鐘意餐廳為火煱改的名稱，好有文采，又可配合材料。醉美人鍋，俏佳人鍋，俊才子鍋，醉鳳凰鍋，蝦兵蟹將，魔鬼地獄。我打先黎個蝦兵蟹將。黃金蝦~大大件蝦被咸蛋黃醬包圍，非常之香口，肉質脆口。豉椒炒蜆~花甲鮮甜，配上輕微辣的辣椒，蔥段，配上白酒，把蜆的鮮味 更加特出。避風塘炒龍蝦及肉蟹~平時只會叫避風塘炒蟹，今次特別的加多隻龍蟹一齊炒，食得更豪更多海鮮，蟹肉及及龍蝦肉，都非常新鮮，脆口彈牙，配上避風塘煮法，味道各有千秋，對喜歡食海鮮的我，食到不能停。蒸鮑魚~只有4隻用陳皮蒸飽魚仔，但我搶不到食，非常想食，下次再食過。我地幾個人要了一個鴛鴦鍋，可以試到俊才子鍋及俏佳人鍋。俊才子鍋~是活氣補腎藥材，配合新鮮雞子，男士食最適合不過。俏佳人鍋~滋補養顏藥材，配合雜菌菇，女士食會變得靚靚的。我試過兩款湯底都材料十足，再用這些湯底打邊爐，又補食又好食。火鍋材料也非常之多選擇。因為已食了蝦兵蟹將，所以只叫了些生菜，什菇拼盤及蜂巢豆腐清一清腸胃。…Read More