craving foodie's Profile

喺深水埗有間令我感受到老闆同老闆娘好用心去經營嘅火鍋餐廳。一坐底老闆娘簡單介紹幾款熱賣食材，例如黃金炸魚皮，手打蝦丸，墨魚丸，雲吞，韭菜水餃新鮮天天自己包。態度非常好，簡單講完就比空間你哋慢慢諗，當你一有需要，一招手，佢哋就會帶住笑容去幫你。食完餐飯好有賓至如歸嘅感覺。安格斯牛頸脊牛花好均勻，又唔會太肥。好喜歡手打墨魚丸同蝦丸，晶凝通透，睇到知道新鮮。湯底有好多選擇，有個海鮮冬瓜盅需要預訂，真係整個冬瓜慢慢打邊爐，下次我再嚟一定要試。…Read More

喺觀塘工廠大廈有間泰國餐廳Thai Fire，晚市都幾闊落，空間感夠，可以同朋友傾吓偈。menu 有二人餐選擇，不過今日叫 a le carte 食吓泰式蝦餅，柚子蝦沙律，鳳爪，冬陰功烤魚。飲品叫咗杯泰牛，係奶茶沙冰，好濃郁，有塊冰係牛牛嘅形狀，影相幾可愛。明爐冬陰功烤魚好大條，全條魚炸過，吸晒冬陰功湯，可以送下飯。魚肉都好滑身泰式蝦餅都有六件，芒果沙冰都值得一提，大大杯，份量高過個杯一倍，飲落好濃厚，香甜芒果味。…Read More

好耐冇食過蒸海鮮，原來九龍城喺宋王臺地鐵站附近有間新鮮海鮮，仲有套餐選擇。我同屋企人揀咗專櫃套餐，包括野生膏蟹，麵包蟹，澳洲龍蝦，海蝦，蠔，蟹黃大元貝，仲有粥底。蒸嘅時候有waiter幫手，調教好時間，ready就開蓋等你慢慢食。膏蟹香甜，新鮮程度好高。膏係金黃色軟腍腍，證明蟹係公。龍蝦雖然唔算大隻，但係每人半邊份量已經足夠。平時我好少食熟蠔，但蒸嘅時間剛剛好，識落好Juicy。估唔到鰻魚都係厚切，食到捧住個肚先走。…Read More

尖沙咀厚福街餐廳非常多，選擇都唔係咁易，今次搵到間樓上的居酒屋主打串燒，又幾好食，又抵食👍🏻先來個胡麻豆腐沙律，冷盤做得唔錯，胡麻醬夾豆腐就是出色，菜新鮮咬落疏疏聲🤟🏻。要咗個豚肉糖心蛋試下，第一次食，又幾得意，甜甜地好味。再來有明太子芝士玉子燒，又幾好，有芝士在內但唔膩，明太子醬非常之夾🙏🏻。一口牛舌芯串燒，係厚切，咬落口感非常正，好好食。免治雞肉棒配日本蛋，這個菜式我去任何一間居酒屋都會叫，這是我至愛，今次這個係正既，有水準👍🏻，點蛋係好好食。仲有串燒菠蘿，加左焦糖，熱食好正，甜甜地又多汁👍🏻。再來有燒飯團🍙，燒到個面有焦香，唔錯，少少脆口，恰到好處👍🏻。最後稻庭冷烏冬結尾，天氣熱，食冷盤舒服😌。整體都在水準又上，又抵食。…Read More

觀塘新開有間Cafe，喺APM商場後面，餐廳入口原來喺一個小商場走廊直入，差少少行錯路入咗工廠大廈。Cafe唔算好大，可以坐到大約30幾人。估唔到Menu 都幾多選擇，有蕃茄湯，沙律，小食炸雞件，pasta，甜品有雪糕，cheese cake，飲品可以隨便添加。蘋果汁橙汁旁邊仲有雜果賓治任你選擇。明太子海鮮意粉，醬汁充足，可以每條意粉到添上明太子醬，顏色偏向粉紅，不過明太子嘅味道好濃郁。墨魚汁Risotto 重份量，濕口為主，魚汁嘅味道足夠。值得一題係玄米茶雪糕麻糬拿破崙，賣相吸引，麻糬係Cafe嘅推薦甜品，夠煙靭。…Read More

週末去尖沙咀行街街，但太陽實在太猛烈，要搵個地方休息下，又咁啱去到美麗華廣場見到間西餐廳門口幾靚，就入去坐下，原來這不是西餐廳，是一間泰國菜館，又真係估你唔到。Menu 有個weekend brunch，睇落係幾吸引，就試下。先來一杯mixed berry smoothie涼一涼先，😊嘩！好fresh好清爽。前菜係酸辣無骨鳳爪、魚子醬紅磚豆腐、泰式青醬鮑魚，好味，尤其係鮑魚好彈牙，加上青醬，食落好清新😋。揀左蟹肉海鮮羹，上枱見到都知佢足料，勁多蟹肉👍🏻。跟隨係小食放題，嘩！任食咁勁，我岩岩先睇到🤣，泰式青醬生蝦，同頭先食鮑魚個汁係一樣，清新的，生蝦好新鮮，食落有黏口但蝦肉咬落係脹卜卜👍🏻，好得👍🏻。炭燒豬頸肉沙律，燒得唔錯，但個酸汁好夾，食慾大增🤣。金不換肉碎生菜包，肉碎係岩岩炒起熱辣辣，包住爽口生菜🥬有點冰火的口感。香茅雞翼、泰式蝦多士正常發揮，唔錯。串燒牛雞就一般，乾左啲，但沙嗲汁好味👍🏻。主菜我揀了海南雞，我就覺得正常無咩特別，朋友就揀了香茅椒烤魚，這個唔錯，魚皮脆口，魚肉有魚油好滑又香👍🏻。整體非常OK，又坐得舒服，裝修又靚，有去泰國高級餐廳的感覺☺️。…Read More

有人經過寶琳地鐵站，出口嘅商場有間燒肉，座位全部都有卡位，二人都坐四人枱，好闊落。店舖內幾光猛，兩旁都有風景畫。二人餐有肥牛，鳳梨牛扒幾大塊，黑色墨魚腸，豬頸肉，蘑菇，海帶湯同甜品。墨魚腸燒吓都幾香口，仲燒到金黃脆脆地。鳳梨牛排真係放喺個菠蘿入面，半個菠蘿上枱，仲有三四塊菠蘿可以慢慢燒。牛排醃得甜甜地幾入味。豬頸肉唔算肥膩，配上生菜🥬，可以食多幾件。海帶湯清清地可以消膩。甜品係一個橙色甜柿嘅樣，食落係糯米包住cream作一個完美總結。…Read More

銅鑼灣世貿中心隔離有一棟新咗幾年嘅Office tower，有條自動電梯從地下上兩層，去到一間日式餐廳，座位幾有空間感，枱之間有足夠距離，可以同朋友慢慢傾偈。晚餐有個二人套餐，三款前菜+炸豆腐+炸雞+ 兩款壽司太卷+四本串燒包括雞肉，明太子山藥，肥牛金菇卷，糖心蛋豚肉卷+鰻魚炒飯，仲有牛奶布甸甜品。最喜歡吃甜甜辣辣炸雞，有蜜糖味好脆口。壽喜燒牛隻肉烏冬有溫泉蛋，食落滑嘟嘟好順口。Cocktail有個木箱嘅Menu俾大家選擇，大約有八款，我揀咗梅加入Whisky，又塊四方形嘅冰同埋有橙既香味，可以慢慢嘆。…Read More

今日想食Cafe，喺太子地鐵站搵吓附近有冇咖啡店。見到近洗衣街新世紀廣場附近有幾好feel嘅Cafe。裝修新淨，門面用上木嘅顏色，大大玻璃窗。鋪內有10幾張枱，店員俾咗張近窗嘅枱我哋，晚餐有個二人餐，包括南瓜粟米湯，柚子蜜糖雞翼小食，鰻魚飯，美國prime牛小排，同埋柚子牛角窩夫。柚子單骨雞翼夠refreshing, 加上蜜糖，好快清碟。香煎牛小排牛肉軟熟，上枱少少粉紅色，熟嘅程度剛好。鰻魚丼嘅魚唔係少份量，魚身都幾有厚度。白桃芒果冰茶夠清新。…Read More

去完旺角波鞋街shopping，dinner想食下日本串燒，喺OpenRice搜吓，見到波鞋街2分鐘路程有㗎日式串燒，仲有sake既選擇。門面係一個六角形既sliding door, 算係幾有排頭。入面有吧枱，我地兩個人人數唔多就坐喺bar table 。Menu都有30至40款串燒，最喜歡牛舌芯，廚師特別切得厚，食落夠juicy, 中間唔會覺得未熟，好有口感。第一次食墨魚汁香腸，上枱黑色一串，香腸內包含墨魚粒，充滿住墨魚汁香氣。豚肉生菜卷賣相靚，生菜份量只係細個掌心少少，都幾大件。生菜脆脆地配上豬肉，肉汁滲入菜裏面。sake 係信濃薰水，入口重米香味，屬於少少甜嗰種，連續order咗兩杯。…Read More

觀塘近APM有一間下晝可以飲茶，食酸菜魚，晚上可以打邊爐嘅食肆。餐廳座位都好多，主要有卡位，平時飲茶座無虛席。晚上選擇左小寶套餐，包括酸菜魚，火鍋湯底，任食安格斯肥牛，黑毛豬，雞件，丸類，韭菜餃芹菜餃。自助area都好乾淨每款餃子，炸響零，水魷都有蓋cover住，感覺衛生。飲品好鍾意水果茶，一jar 俾你幾個人share，喺雪櫃任攞。水果茶少少甜，有好多西瓜粒。大家食酸菜魚食得好enjoy，香味十足，魚片大大塊有十幾片。安格斯牛肉肥瘦都算均勻，可以encore四五碟。…Read More

這間泰國菜喺大角咀，主廚係泰國人，食物都好地道包括船麵，炒金邊粉，蝦餅，泰式奶茶。座位似大排檔，大家背對背嘅形式。下午過黎食，人流都不少。1:00 pm到達，隨時要等位。船麵都幾濃郁，可以揀金邊粉或者蛋麵，我覺得金邊粉夠煙韌。串燒沙嗲雞肉夠Juicy, 上枱熱辣辣。炸粟米蝦餅係即叫即炸，入口幾彈牙。蟹肉炒飯份量都唔少，好夠蛋香同有鑊氣。芒果糯米飯都幾飽肚，儘管芒果顏色望落去唔太金黃，但入口都係甜，配埋椰汁就最夾。…Read More

喺銅鑼灣Times Square登龍街，樓上鋪有間日本菜，座位大約三十人。其中有一張長枱型嘅枱，可以自成一個一班朋友聚會。Menu都唔少選擇，包括刺身，壽司，熟食油鹽燒白鱔牛舌，炸物，沖繩生啤酒買一送一。刺身丼飯order咗究極丼，有大牡丹蝦，海膽，厚切帶子，油甘魚同三文魚。油甘魚刺身嘅厚度足足有4 cm。份量都好足夠。卷物係黑松露牛油果軟殼蟹卷，上枱顏色鮮艷，除咗炸軟殼蟹，卷物上面仲有蟹肉絲。小食蟹膏豆腐說魚乾幾有心思，入口鬆化，蟹肉都幾多。…Read More

觀塘鴻圖道離開APM大約五至8分鐘路程，有間日系Cafe，裝修以木同麻色系列為主。有小學讀書時候嘅枱椅，亦有體操堂跳馬嘅擺設，整體Cafe好寬敞。午市定食有10款選擇，包括慢煮牛舌，漢堡扒，鰻魚烏冬，，三文魚炒飯，吉列豬扒等等。可以追加溫泉蛋，餃子炸雞炸蠔，甜品仲有卷蛋，芝士蛋糕，雪糕。嚟到日系餐廳，當然要食吓魚生飯，一碗魚生鋪滿油甘魚，帶子，吞拿魚蓉，牡丹蝦，夠fresh，整個set包埋麵豉湯前菜。另外天婦羅魷魚係小食推介，份量都唔少，粗粗的魷魚，兩個人加兩碗飯，魷魚都食唔晒。最後來個cheese cake先圓滿。…Read More

旺角瓊華中心一向都好多食肆，想打邊爐嚟到乾淨企理嘅涮涮鍋。嚟到12樓，打開lift門最有印象係雪櫃放滿一個個六邊形小兜，裏面裝着蔬菜，不同類型既丸，燒賣，菇類，好整齊。餐牌選擇主要分為150分鐘或者240分鐘嘅刺身海鮮火鍋，牛肉有四個級數，可以選擇美國進口牛，再上一級係安格斯，之後喺澳洲M5和牛。美國安格斯牛肩胛油脂分布都幾好，一盤盤牛肉放題，滾幾秒食得。海鮮拼盤就包括細扇貝，鮑魚，蜆，東風螺，各兩件。海鮮之中最喜愛東風螺同蜆，入口較juicy。…Read More