西塔老太太烤肉拌飯 (新都城中心二期)

Open Now

Now Closed

有人經過寶琳地鐵站，出口嘅商場有間燒肉，座位全部都有卡位，二人都坐四人枱，好闊落。店舖內幾光猛，兩旁都有風景畫。二人餐有肥牛，鳳梨牛扒幾大塊，黑色墨魚腸，豬頸肉，蘑菇，海帶湯同甜品。墨魚腸燒吓都幾香口，仲燒到金黃脆脆地。鳳梨牛排真係放喺個菠蘿入面，半個菠蘿上枱，仲有三四塊菠蘿可以慢慢燒。牛排醃得甜甜地幾入味。豬頸肉唔算肥膩，配上生菜🥬，可以食多幾件。海帶湯清清地可以消膩。甜品係一個橙色甜柿嘅樣，食落係糯米包住cream作一個完美總結。