WaiSS's Profile

自從疫情期間同飯腳友少約了外出用餐，今晚終於相約出來，我們揀選中環區的一間素食餐廳，這一間餐廳是飯腳友在午市期間無意中發現，覺得值得一試，而我當然樂意奉陪，真的很想外出吃美食呢！位置方面對我來說不算就腳，可能比較少去這區吃飯的關係，不熟路恐怕會行過籠，要花些少時間才來到。一向較喜歡吃肉的我，今次特意跟飯腳友來吃素食，雖然我倆並非素食者，而這間是西式素食，我倆從未試過，真的滿心期待！門口位置已放了一支消毒搓手液，可供給食客使用餐廳裡的裝潢很西式，牆身佈滿有多款大小不一的鏡子，近窗口位置加上一排排小燈和擺設，帶點柔和的光線，情調充滿氣氛！ 侍應也有和我們量度體溫才可入座。一看過menu，我和飯腳友各點set dinner一份，先來沙律醒醒胃口餐湯看似平平無奇，但侍應上抬時巳嗅到一些香味，這個白湯味道出色🥣芝士焗磨菇多士多士焗得非常香脆，配合芝士磨菇這組合，很有吃Pizza感覺法式紅酒繪野菜冬菇淋身入味，四款野菜雖是簡單菜種，比我預期中的有驚喜突顯了素食清新，這個吃得滿心喜悅，滋味在心頭松露盧筍意大利飯意大利飯帶點軟身，味道夠哂濃郁滿心歡喜跟飯腳友來吃西式素食，這兒不論在環境上，食物質素及服務態度也是出色的…Read More

好耐無落官塘區食野， 今日放自己假, 下午時分跟朋友來I's Land Cafe已經唔係第一次嚟,  仲記得呢度環境舒適兼清靜, 好啱同朋友食野閒聊睇過餐牌, 好快已經有心水,  下午茶時段都見幾肚餓, 叫埋小食先🍝芝士焗肉醬意粉 即叫即焗, 上碟時仲熱呼呼, 肉醬份量如果多些就更加好，撈意粉時無咁乾🍽卡邦尼長通粉汁夠濃郁,  夠哂味，而且仲幾滑身, 食多啲!🍤小食: 水牛雞翼+炸蝦🎇特濃朱古力心太軟配牛乳雪糕第一次同朋友嚟I's Land Cafe令大家最難忘係呢款特濃心太軟食過番尋味😝今次再點來食，果然無令人失望朱古力味道仍是非常濃郁，保持水準雪糕好大舊, 牛乳味幾夠滑, 滿足指數爆燈享受了一個悠閒時段，實在感恩…Read More

同朋友去龍門冰室食晚餐，同幾個朋友來，一望這店客似雲來，全場都坐滿哂人，好在朋友早到。坐底看餐牌，選擇何奇多，頓時選擇困難症又發作，平時食得茶餐嘅野居多，反而少鋸扒，就一於來食鐵板餐🍽各自點了美式鐵板餐加餐湯🥣羅宋湯甜酸適中🍴燒汁蒜香牛扒炸蝦牛扒份量很大塊，七成熟的牛扒肉質不鞋身，炸蝦夠脆香，不錯!🍽爵士西冷扒併香草腸香草腸味道佳，大條又美味，牛扒易入口，質地腍，黑椒汁夠惹味，加少少黑椒汁喺飯度，零捨開胃🤤🍽美式雜扒雜扒夠豐富，有腸仔，煎蛋 煙肉 雞扒和豬扒，真係大件夾抵食，大滿足😝 雜扒餐衹需要$85，認真超值!其中一個朋友見份量甘多，她衹點菜和小吃同我們分甘同味😁🥦黑松露雜菌焗西蘭花陣陣黑松露香味，包住濃郁芝士，西蘭花爽口，好味道! 瞬間清碟😏🍯蜜糖雞翼雞翼味道特別香口，蜜糖雞翼就好似去燒烤場燒嘅雞翼，加上蜜糖，食得滋味。🐓椒鹽雞翼食開濃味嘅人應該會鍾意呢款，我都係濃味愛好者，呢款跟蜜糖雞翼不相伯仲👍以冰室來講， 價錢尚算廉價，味道也不錯，值得再來。…Read More

放工約咗朋友落太子，平時同朋友出嚟食野多數以西餐居多，今餐想食啲惹味野，一於來試試呢間燒烤專門店。平時我去食開嘅串燒店鋪頭較為細，座位比較迫，但呢一度位置都幾寛闊，坐得比較舒服。單看Menu就知選擇多，原來呢度唔止食串燒同小食，最驚喜係有幾款意粉可以點蒜蓉燒扇貝本身都幾鍾意食扇貝，蒜蓉扇貝就岩哂我，扇貝都幾新鮮，食落都幾鮮甜魷魚鬚➡️不過不失蒜蓉燒茄子➡️火喉岩岩好，呢款切片上，幾有咬口黑松露什菇墨西哥薄餅有陣陣黑松露香味，薄餅烤得唔過火，芝士溶合了黑松露同菇，食落帶有些爆韌，味當不俗，口感極佳，好味道呢!🥒翠玉瓜➡️厚切爽口，食落仲幾多汁添🥓煙肉金菇卷➡️燒得惹味香口📌串燒豆腐一串三件豆腐，外脆內軟，豆腐面上有醬汁，食落更覺滋味。我哋叫得唔算多串燒，皆因都想試吓意粉，點了龍蝦汁大蝦意粉🦐味道不遜色於西餐廳，意粉吸收咗龍蝦汁味道，加埋大蝦，夠哂鮮味濃郁!🔰咪睇以為好似叫咗好少野食，其實食埋個意粉已經夠飽呢! …Read More

每次跟友人落銅鑼灣地帶，也留意到HeSheIt很多人很爆場，但每次只是過路，未曾吃過。適逢朋友生日，我跟她相約來這進餐。朋友較少來銅鑼灣區吃晚飯，我跟她先逛附近的商店，差不多到晚餐時間，我們便過去，等待店員執拾好座位，我們就先看餐牌吧。🛎薯餅波波薯餅波波外型圓碌碌，配上濃郁的芝士，煙肉味道未算突出，但勝在口感脆卜卜，吃得過瘾。🐔 單骨水牛城雞翼單骨雞翼把骨分開，確實吃得較為方便，雞翼味道很香口，我們把它全都吃光。🥄紅花海鮮燴意大利飯 海鮮味道鮮甜，意大利飯帶有些濕潤，但不會黏口，味道不錯。我個人也很喜歡吃黑松露，就點了黑松露燒春雞意大利飯，黑松露的味道芬香撲鼻，雞的份量也稍大，雖然是這樣，不難咬開，慢慢地吃，慢慢地品嚐。最開心莫過於飯後吃甜品🤤和朋友各自點了宇治甘時麻糬厚身鬆餅和士多啤梨厚焗鬆餅😋⚙宇治甘時麻糬厚身鬆餅這一款有紅豆、白玉、黑糖同綠茶雪糕做配料，喜歡多料，可以和朋友分享吃，鬆餅是即叫即整，外型看似厚實，質感卻鬆軟，而不是實的的，配上糖槳一流 很岩愛甜吃的我。🍓士多啤梨厚焗鬆餅這款是朋友點的，這一款生果和雪糕也是以士多啤梨為主，生果不算甜，鬆餅真讓人吃得津津有味，朋友說甜品份量大，她吃了一半巳感覺好飽呢。全店滿座，店員們忙個不停的下單、執抬和遞食物給客人，服務上沒有多大影響，鹹吃和甜吃各有千秋值得下次再來光臨…Read More

早上好，又是吃個豐富早餐的時間🍽來到百份百餐廳，餐廳座位甚多，看看餐牌，早餐選擇多多，總有一款啱心水。蒜香牛油多士有驚喜從侍應手中放在面前，那種陣陣蒜蓉的香氣令人精神為之一振🤤 早餐好像巳習慣要吃蛋，這份野菌鮮奶炒滑蛋，加上鮮奶，蛋味香滑，野菌健康兼有益👍輕量火腿絲通粉，湯底濃郁，通粉細粒，美中不足是通粉不夠腍。飲品也是離不開凍飲🥤叫了凍檸荼少甜，茶味適中，少甜份量剛剛好。…Read More

BB雞蛋仔，不單止有售多款口味的雞蛋仔，還有傳統格仔餅和夏日受歡迎的雪糕格仔餅，味道眾多，有雲呢拿、朱古力、綠茶、曲奇等多款選擇，此外還有特色的味道如珍珠奶茶、金枕頭榴槤、冧酒提子、忌廉芝士等，本想叫一份珍珠奶茶雪糕格仔餅可惜巳售罄 就叫曲奇雪糕格仔餅吧!職員細心地問及是否需要一分為二，這比較方便進食周末日子特別多人來買，所以要取籌號等候片刻🕰即叫即做的格仔餅份外香脆曲奇雪糕配上格仔餅，滋味無窮! 沒有像吃雪糕那麼單調，份量也挺多的，難怪這款雪糕格仔餅如此受歡迎呢!…Read More

外面天氣酷熱，正好去吃個下午茶這兒的下午茶價格很抵食，精選三重奏，$33粉/麵/飯選擇，另外可點三款迷利小食和一杯飲品。小碗肉燥湯薯粉 改薯粉需加兩蚊，薯粉彈牙，肉燥味道都唔錯。小食點了涼拌拍青瓜、脆香花枝丸和臺式烤香腸，份量的色得來可以一次試上三款小食，烤香腸跟台灣吃的味道相近，其餘兩款較為普通。百香果汁甜度適中，在炎熱的天氣，喝了確實能帶來一點小清涼。…Read More

周末外出走走，跟小寶到皇后餃吃他的至愛煎餃子， 雖然將近午市時分，非常幸運地有座位，我們點了一些小吃及餃子有名稱呼為皇后餃，這兒的招牌當然是餃子，吃過一次餃子的外賣， 這一次我們選擇了堂食。🥣狗仔粉味道一般, 不如我們所吃開的馳名狗仔粉好吃。🥢香煎蘿蔔糕蘿蔔糕材料不算豐富, 但勝在煎得香口，很快便清碟。🥟 韭菜餃加粟米芝士餃主角出場📣一口氣點了八隻餃子，叫了兩種口味，點了四隻煎韭菜餃子及四隻煎粟米芝士餃子，餃子煎得恰當好處，用料新鮮，我們吃得津津有味。這兒還有很多港式地道小食，碗仔翅、 豉油王炒麵、雞翼尖、燒賣、魚蛋等等……種類多不能盡錄, 有機會再跟小寶來吃其他美食。…Read More

又到聚舊的日子，一直未能約成的飯局，今晚終於成事了👏👏 跟朋友來旺角的古早味台灣吃晚飯。之前和大少巳來過吃，感覺也不錯，加上地點也很就腳，鄰近港鐵站，位置很方便。🥣藥燉烏骨雞烏雞有健脾益氣作用，自己在家不會燉湯，和朋友各自點了一人一壼，嗅到有一陣藥材的味道，配合了烏雞、紅棗、花旗参等，味道甘甜🤠✨宜蘭葱餡餅記得在宜蘭吃過葱餡餅，一試便愛上😍 特意點了這款試試，這款餡餅內滿滿的香葱鎖住肉汁，鮮美可口，甚是美味👍🍜古早味牛肉麵湯底適中，不會偏濃或太淡，牛肉有少許靱，要花點時間咀嚼，麵條帶闊身，口感不俗。🥢台式滷水拼盤分別有滷蛋、大腸及雞翼，滷味十足，每款也很入味😋🍯這兒還有很多小吃和甜品也想試，但今晚的肚皮大呼暫停，盼望不久將來跟朋友再來吧!…Read More

每次跟阿姐晚餐，她首要選擇都以環境寧靜，食物質素甚佳的為大前提。對於周圍找好東西吃的我們，選擇去哪兒吃好東西不是一件難事，反而是時間上大家需要互相遷就，我們預早約定今晚一起來吃飯。工作過後，能跟好友吃飯也是一件幸福的事，認識阿姐多年，我又怎會不了解她對吃的喜好😏今天晚上我跟她到銅鑼灣的Babbo Trattoria 吃義大利菜。我們到達餐廳，侍應帶我們坐在較辟静的位置，可以自乘一角，除了環境寧靜座位是寛闊的設計, 二人坐着也感到舒適，燈光柔和亦帶點昏陰，令氣氛更具情調欣賞完四周環境後，又到下單時間🥕義式蔬菜湯我們先點了義式蔬菜湯，湯式有點羅宋湯，配材結合洋葱與紅蘿蔔以及蔬菜，味道佳，入口香甜。🧀艾西亞哥芝士牛肝菌義大利飯作為芝士控的我，看見侍應推着整個Asiago Cheese和其他所需用的配件， 在我們抬前附近，很是壯觀!侍應即場用火槍把Asiago cheese熱溶，再加上牛肝菌和飯一起煮最後加上火箭菜佈滿在飯上，芝士巳溶入在整個義大利飯裡香氣四溢的牛肝菌，令飯的味道加以提升，我們也對這個義大利飯讚口不絕 。🥟波隆那肉醬披薩餃子具有中式餃子的外貌，但以西式的方式煮成，外層烘得皮脆，這道菜式創新獨特餡料款式多，有洋葱，磨菇及mozzarella併芝士，加上波隆那家製肉醬，肉醬味道和餡料混合，多汁美味，口感一流😋這間Babbo Trattoria 義大利餐廳，相信能滿足阿姐的要求，也讓我們吃得盡興…Read More

尖沙咀厚福街一帶有許多美食， 購物期間經過La Postre, 西班牙美食很是吸引，就跟好友到此吃晚餐!從店外看到牆身有一個歐陸式的大時鐘,進到店內，裝潢清優典雅，座位舒適😌 很適合跟我這位好友聊天進餐大家看過menu後，我們對二人套餐很感興趣，急不及待下單。🌌無花果章魚黑醋沙律無花果配沙律這個配搭很健康，章魚富有彈性，還加了芝士碎片，黑醋帶點酸甜，吃過這款沙律精神為之一振😆♨️西班牙海鮮炒飯這碟西班牙海鮮炒飯真是不簡單，單看賣相巳令我們食慾大增，除了海鮮食材豐富，有我們喜歡吃的海蝦外，還有西班牙火腿和青口加蜆，海鮮炒飯味道突出，帶點番茄味的甜，炒飯濕度適中，二人份量亦足夠有餘。🍭雜果麻糬窩夫最得女仕歡心的當然是甜吃，亦是我們所期待，可以選擇半份或全份，我們愛吃甜的點了一份，果然沒有令我們失望這個雜錦麻糬窩夫除了賣相精緻，原來不止有外在，還有的是內涵兼備。窩夫上佈滿不同的水果，窩夫軟熟程度適中，點些蜂蜜，加上麻糬的煙韌，跟窩夫這個組合很夾😋 吃完這個美味的雜果麻糬窩夫，我們巳感到有些飽。飲品方面-鮮雜果莫希托🍹這個飲品是非酒精的，從外在看帶點夏日氣色的特色飲品嚐了幾口，確實感到清新怡人🤠我和好友用膳時，侍應不時為我們加水，也會替我們收拾吃完的食物，服務態度殷勤親切。…Read More

難得跟好友在閒日時分放假，我哋相約去旺角行街，到咗下晝時分無咁多人，實在太好! 行街行到唔知時間，差不多到下午茶時段，我哋已經行到肚打豉，去咗泰廚食泰國野，一口氣點咗好多嘢食😁首先點蒜蓉包，呢個係我嘅飛佛果然又熱又夠脆卜卜，好美味啊燒豬頸肉😋其實自己比較少食，呢一碟豬頸肉，我覺得吸引之處在於肥瘦均勻，唔會覺得肥膩同乾爭爭，仲好香口😌馬拉盞炒通菜🥢好耐冇食通菜，馬拉盞同腐乳有少許相似，馬拉盞味道香濃也夠火喉，份量都算多，仲以為食唔曬，結果你夾吓我夾吓，又食得曬喎。嚟食泰國嘢唔少得叫串燒，點齊牛,雞, 豬，牛嘅肉有少少實但還可以，雞肉夠嫩，豬肉串燒也是啖啖肉，食到沙嗲醬有少許花生粒，惹味之餘又有咬口，唔錯👍👍叫夠$200仲可以另加$1有一份小食我哋點咗泰式生蝦，味道帶少許酸甜開胃。泰式炒金邊粉炒得乾身爽口飲品我點咗珍多冰味道唔會太甜，仲好透心涼添。呢一餐兩個人食相當豐富，肚皮亦感到滿足。…Read More

有朋友食過養心殿台式火鍋，推介我去食，舊朋友剛好飛返回港，真係多謝佢咁心，約我哋出嚟聚一聚，我哋一呼百應，決定來旺角嘅養心殿台式火鍋朋友仔好準時到步，我同大小遲咗少少先嚟，地點就腳，雖然係晏咗，唔使行好耐就到。我哋點咗美人湯湯底，原本想點另一款底，但不能太補身，美人湯底感覺較柔和也不燥，也是相當受女仕歡迎，面仲有烏雞同桃膠添好肚餓嘅關係，先點份鹽酥阿仔外脆內軟，仲幾香口添，好快就比我哋食哂!👨大少較喜歡吃牛，分別點咗手切肥牛同極上雪花肥牛色澤鮮紅，紋理分明，牛味豐富，又夠軟稔，無野好講，努力進食🌌鵝肝墨魚丸，梅菜豬肉丸呢兩款味道幾特別，唔會周圍都有得食，梅菜豬肉丸好食到我哋好快又再次落單🥟水餃併盤可以試到唔同水餃款式，皮唔算厚，餡料十足即炸脆響鈴喺火煱料之中在最快時間食，只放兩秒拎上嚟食得，好脆口另外仲有午餐肉，自己唔太鍾意放午餐肉落鍋食，不過見厚切加上煎過，即管試一塊放落鍋，試咗發覺原來好ok，美味啊🔖日式年糕我通常有個習慣會叫烏冬食，但今次破例唔叫，皆因見呢度有日式年糕，即刻叫番份，年糕切得較薄，啱哂巳經有啲飽感嘅大家進食，食咗唔少肉同濃味野，年糕味道清清淡淡都唔錯，中和番味蕾📌個人認為湯底正用料佳環境上古色古香，一於下次再約邊爐達人來試試其他養心湯底…Read More

好友生日跟她慶祝, 知道朋友仔鐘意吃日本菜, 約她到旺角區食放題🍣🍙 職員帶位時, 我地被安排坐在日式佈置位的另一旁，環境唔嘈，空間位置很大座位相當寬闊，兩個人坐四人位置, 完全無駛迫迫夾夾, 又坐得鬆動, 叫野食唔怕無位放！📍食放題最開心莫過於可以試唔同款式食物, 雖然係甘講, 唔想浪費食物, 為免眼闊肚窄, 首輪大家都點咗最鐘意食嘅刺身, 選擇對我來講都幾多, 樣樣點啲試吓先✏好友點咗佢至愛嘅三文魚♡帶子♧ 甜蝦🦐而我就鐘意馬刀貝油甘魚象拔蚌松葉蟹棒等…份量我地叫得唔算多, 各自試唔同嘅刺身, 大家都一致認為三文魚新鮮, 夠肥美! 帶子, 甜蝦又幾甜喎😋唔會有雪味果種, 至於馬刀貝, 象拔蚌都係新鮮無腥味, 有彈性, 油甘魚口感稍油滑, 松葉蟹棒不過不失!🍣食完刺身當然要食壽司, 壽司種類唔敢叫甘多, 驚好快就會飽, 叫咗花之戀同其他卷物, 少量壽司，壽司包得幾好, 唔會一夾就散開, 味道唔錯再叫咗前菜小食-麻醬豆腐, 八爪魚同螺肉🍢🍤仲有爐端燒同炸物, 天婦羅, 拉麵等, 真係食極都有, 我比較欣賞天婦羅, 唔係炸到好似一舊粉咁, 幾脆口, 好食嘅! 會再想叫來食除咗燒菠蘿較乾身之外，其他燒物中矩中舉，可以一試。💬 跟好友邊食邊傾, 仲講起陳年往事, 唸番以前嘅野又幾開心! 最後食埋雪糕真係夠哂Perfect呢度食物方面大致上都滿意, 亦無漏單情況, 職員好快收碟同取order單，亦唔會催住你要急急腳埋單走，以放題嚟講都係一個唔錯嘅選擇…Read More