平時我去食開嘅串燒店鋪頭較為細，座位比較迫，但呢一度位置都幾寛闊，坐得比較舒服。
單看Menu就知選擇多，原來呢度唔止食串燒同小食，最驚喜係有幾款意粉可以點
蒜蓉燒扇貝
本身都幾鍾意食扇貝，蒜蓉扇貝就岩哂我，扇貝都幾新鮮，食落都幾鮮甜
魷魚鬚➡️不過不失
蒜蓉燒茄子➡️火喉岩岩好，呢款切片上，幾有咬口
黑松露什菇墨西哥薄餅
有陣陣黑松露香味，薄餅烤得唔過火，芝士溶合了黑松露同菇，食落帶有些爆韌，味當不俗，口感極佳，好味道呢!
🥒翠玉瓜➡️厚切爽口，食落仲幾多汁添
🥓煙肉金菇卷➡️燒得惹味香口
📌串燒豆腐
一串三件豆腐，外脆內軟，豆腐面上有醬汁，食落更覺滋味。
我哋叫得唔算多串燒，皆因都想試吓意粉，點了龍蝦汁大蝦意粉🦐
味道不遜色於西餐廳，意粉吸收咗龍蝦汁味道，加埋大蝦，夠哂鮮味濃郁!
🔰咪睇以為好似叫咗好少野食，其實食埋個意粉已經夠飽呢!
