doristherabbit's Profile

假日去西環行下，想吃甜品下午茶所以入去試下，其實之前經過幾次都已經想試但由於次次都太飽了所以沒機會，今次終於有quota食了！店面小小的格外溫馨感，見到相片的心太軟好似好好味，又好耐冇食過，就叫左個特別啲嘅玄米茶丸子心太軟配乳酪雪糕，另一個係阿華田味心太軟。 等咗一陣終於有得食喇， 賣相精緻， 碟上每一件東西都很好吃！無論是心太軟， 丸子，紅豆，乳酪雪糕，雪糕cone， 雪糕旁邊的小脆脆片都好好味。 心太軟一切落去時的流心很治癒， 玄米茶的那個茶味很香， 甜度適中， 暖暖的， 再配一口乳酪雪糕， 感覺很幸福。 阿華田的那個也很出色， 味道 濃郁， 兩個味道都很有驚喜。 個人比較喜歡吃茶味的東西， 所以比較喜歡玄米茶！趁著秋天涼涼的下午茶時光來吃個甜點，是一件幸福的事哦！下次會再來，已經好掛念那份心太軟了：）…Read More

屋企附近新開左間飲品小店，兩位老闆很親切的。我分左兩日試左珍珠奶茶同奶蓋抹茶鮮奶，實在太邪惡了！果日茶膽係烏龍茶，茶很香，珍珠口感剛剛好，好彈牙，珍珠奶茶整體唔錯。至於奶蓋抹茶鮮奶，真係不得了，芝士奶蓋很濃厚，帶海鹽味，味道有層次， 口感濃郁，試完會心掛掛想再試呢，睇得出係老闆好比心機鑽研出黎㗎，唔似出面有啲店的奶蓋那種好稀虛的感覺，抹茶也很香，如果有大杯啲就好了，因為抹茶鮮奶只有中杯。唉呀，好想再飲啲奶蓋，仲要咁近，太邪惡，會肥死。不過暫時得凍飲，都可以走冰嘅。黎緊天氣會涼，唔知遲下會唔會有其他熱飲呢？聽其他街坊講芋圓都好正，下次再試下先。…Read More

外賣自取，叫左個星洲炒米凍奶茶少冰，炒米唔油唔膩，味道很適中很香口，又唔會太咸，份量都好多，凍奶茶少冰真係會少冰的，茶味都幾香，店員亦很友善。整體不錯，會再幫襯。另外，外賣盒係可以入微波爐的，食唔曬可以留起之後再返熱，好方便，好貼心，連凍飲杯都是可以重用的。…Read More

搬走了一間飲品小店，又開了另一間。第一次行過時因為冇奶茶/珍奶(飲開奶茶)所以冇幫襯。平時好少飲咖啡，聽說新開的白千層的咖啡好好飲，今日心血來潮買左杯細嘅 cappuccino試下。好香滑，好濃郁，沒有苦味酸味，不需要加糖已經好完美，飲完仲會有啲掛住添。除左咖啡外，見到仲有啲果茶同埋其他特色飲品，仲有輕食，有幾款意粉同一系列小食，而且價格都好貼地的，下次可以試下。這小店值得推介，收據上印還著一些很有意思的字句。支持小店，支持年青人創業，加油呀！…Read More

未有人排隊嘅時候試嘅， 未有人同佢宣傳嘅時候 ，晏晝去完全唔使排隊， 不過食過一次就夠啦，唔會想再食。想食拉麵嘅話， 我寧願去返東京街美寧中心下低嗰間， 雖然坐得唔舒服， 但係好食過呢間啦。依個拉麵味道同口感好一般，份量又少，湯味道非常普通，叉燒又勁肥， 都唔知食肉定係食肥膏， 真係唔知佢憑乜嘢可以賣到成碗麵咁貴， 仲要喺長沙灣嚟講真係天價， 又貴又唔好食 ， 啲炸餃子味道亦是一般囉。人手又少，咁搞法，唔知依間店捱得幾耐呢。btw, 幅相其實用咗 app去影， 實物叉燒 肥膏真係好犀利， 粒蛋都冇咁深色…Read More

今日第一次行過黎依個新場，是個小foodcourt，食物吸引，都係揀左北京煎餅~黎到時候老闆剛剛在準備營業，我們等左一陣，準備好我們就落單，叫左個中size招牌烤鴨煎餅同埋肉鬆煎餅。由於foodcourt關係，店好開揚，可以睇到老闆煮煎餅，見佢放左好多料，不過我走了芫荽。先做皮，然後放雞蛋，搽醬，加了小辣醬，仲有主角烤鴨，然後葱。。。煮得好有心機呢，7-10分鐘整好了~至於味道，好香，醬好好味，皮薄薄的口感好好，烤鴨都幾香肉都ok，總括黎講真係幾好味道，幾有驚喜，叫中size份量真係岩岩好，都幾飽肚，朋友的肉鬆煎餅都好味，下次可以再吃~…Read More

放工返到長沙灣都9點了，想食個拉麵，行過咁多次都未試過，見冇客人唔洗等，今次試下。店比較細，得幾張小枱，唔會坐得好舒服，不過唔緊要，食個麵而已。 得老闆一個，都頗友善的，叫咗個魚豚白脂黑蒜湯拉麵，加了炸雞翼， 朋友一樣湯底，不過叫了炸雞和火炙叉燒。湯底味道唔錯， 濃郁得嚟又唔會過油， 流心蛋唔錯，仲畀足一隻添! 跟拉麵的配料都算多，同埋都幾好味， 拉麵口感不錯。至於雞翼，外皮香脆，肉嫩滑的， 不過可能煮完冇乜點隔油，所以咬落去都比較油， 朋友的炸雞也一樣好油， 佢啲炸雞咬落去感覺肥膏比較多添。 至於火炙叉燒， 口感軟骨，味道濃郁， 不過都係咬走咗啲肥膏。店內還有串燒，下次可以試下~ 如果呢間小店大啲啲，再坐得舒服少少就真係不得了：)…Read More

下午茶時段去食，叫咗個小食拼盤， 奇怪嘅就係order完唔使兩分鐘就送到了， 好明顯係一早整定啦 ，食物一啲都唔夠熱， 只有微溫， 薯條好難食， 雞翼好乾身 ， 其他兩樣嘢都一般般 ，仲夠膽收179蚊，連濕紙巾都冇張俾人， 會員卡又冇折， 員工做嘢又hea hea地咁。 另外杯蜜桃柚子蜜， 真係一啲蜜桃味都冇，連一嚿罐頭桃都冇， 冇誠意。 唯一認真覺得好食嘅係杯熱飲碟邊上的曲奇餅。仲叫咗一個 三文治拼薯條(152元)， 三文治味道ok的， 但係薯條又係超難食，唔熱，又乾身。 朋友叫左杯凍朱古力飲品， 佢話味道ok的但勁多冰，起碼三分之二都係冰，哈哈。其實真係唔知依間餐廳想點，連薯條咁簡單普通嘅野都可以整得難食。 入樂園食嘢預咗貴，但係依間餐廳收咁多錢，畀啲咁嘅質素， 下次如果想食香口炸野，去返明日世界食炸雞薯條好過啦，都係100蚊左右又唔洗加一， 起碼薯條同雞都好食過呢間餐廳。…Read More

新開的小清新小店，只有幾張枱，以茶做主題，無論裝修，食物和餐牌餐具都好簡潔，好清新，感覺就是可以坐在這店一個下午，看看書，畫畫，放空，好舒適，老闆也好nice。雖然食物選擇不多，可是味道有驚喜， 真是貴精不貴多。 餐牌上有很多細心位， 對於茶的介紹也很體貼， 還會說明什麼茶孕婦不可以喝哦。我來過這2次， 第一次跟好朋友吃蛋糕， 雖然蛋糕表面並不華麗花巧， 感覺是很homemade， 可是味道一流， 我們吃了蜂蜜蘋果芝士蛋糕， 蛋糕不會太甜，散發著淡淡的蜂蜜味道， 跟芝士味道很配合， 裏面還有蘋果肉呢! 飲品是抹茶牛奶， 原來抹茶跟牛奶是分開上的，可以自己攪拌抹茶再加進牛奶，好好玩， 茶味很香，好喜歡!另一次自己去吃了茶漬飯。 第一次食茶漬飯， 茶味很香， 配紅茶雞翼和茉莉花豆腐。 特別是茉莉花豆腐，很有驚喜， 茉莉花味道清香，有點脆脆的， 夾著豆腐吃口感很好。 總括來說，食物味道清新，感覺健康， 有種清洗味蕾的感覺!…Read More

如果服務可以畀零粒/負數星星就好了。食物係唔錯的，但係啲服務態度超級差， 唔想受氣，唔想睇人面色就唔好去啦！不知所謂垃圾態度!其實我真係唔明點解啲人來香港做侍應可以聽唔明90% 廣東話， 講更加唔係好識，但英文又唔得，我去Dazzling Cafe啲台灣侍應都聽得明廣東話喎，雖然人地都唔太識講。 但係最慘就係， 佢聽唔明，但又唔去搵聽得明廣東話嘅同事幫手， 老奉要你講普通話就佢， 佢唔明嘅話佢會黑面囉。是咁的，今日下午去食晏，有個大陸女侍應帶位，我地3位，但有一位在樓上睇醫生未落黎， 咁我哋坐住等， 我地叫咗一個餐share先，因為想等埋另一位先再叫多啲， 費事另一位呢度嘅時候啲餸凍曬，同埋都想佢自己揀嘢食。當時其他大把位，都冇話要唔要等齊人入座了。我地等朋友，好耐都未到，大約過了25分鐘， 個大陸女侍應走埋嚟用普通話問我哋點啲嘢嚟齊未，我話黎齊了。 然後佢問我要再點餐嗎， 我話暫時唔使住。 佢就好似好趕時間咁想收起曬啲餐牌，仲想收起我未黎果位朋友杯茶， 我就阻止佢，我話我哋有三個人， 朋友未嚟咋， 佢就話：“三個人點一個餐？這樣不行!“， 然後繼續收。 跟住我話仲有一位嚟緊，佢都要點餐㗎， 佢先黑口黑面咁樣放返低啲嘢。 因為佢唔識廣東話，所以佢老奉我全程普通話同佢講。 其實我地一直好禮貌， 但係你對人好禮貌，人哋未必會對你有禮的。我唔明點解佢咁急要收起曬啲餐牌同杯茶/餐具 (因為之後食完嘢啲碟叫佢收佢都唔會收)， 同埋佢哋有冇寫明最低消費 ，假使真係有客人三個人share一個餐佢哋都奈人唔何㗎， 入咗嘅時候都冇講過。 仲有，入座嘅時候佢一直都冇攞餐牌畀我哋，我要自己去隔離枱囉個午餐牌， 隔咗十分鐘佢先拎另一個大餐牌過嚟， 更加唔好期望佢會推介你食啲乜。我朋友黎到了，我們再點2個餸/餐， 個大陸女侍應一直黑口黑面啤住我朋友，可能怪佢遲到？之後叫啲人加茶， 有個男侍應聽完就算，唔會加俾我地， 好似加啲茶 都好難咁， 叫咗兩次先有人加，之後叫個大陸女人再加多一次， 今次仲奇怪，明明有三個茶杯三個人，個女人淨係加兩杯茶，全程黑面。都埋單嗰陣時先至有趣，埋單300蚊，朋友交低咗張五百蚊紙畀個男侍應， 然後佢哋兩個去廁所(行咗出門口 )，我仲坐咗喺度等佢哋返嚟， 我聽到有個男人喺度講：“唔洗找錢呀？“， 有個女人喺度講：“ 我見到佢哋兩個走咗囉喎，行咗出去“。 我個心諗, 你地想我地畀200蚊貼士？？？食懵你班懶人咩! 嗰個唔想做咁嘅樣! 我就坐喺度，睇下佢找唔找返嗰二百蚊返嚟LOL! 如果佢唔攞返嚟我真係鬧爆佢! 咁樣嘅服務態度竟然會期望人哋畀200蚊貼士？？？ 咁最後個男人都有行返轉頭望下我仲喺唔喺度， 佢見到我仲喺度, 佢個樣好似有啲失望 LOL點都好啦，依間店被列入黑名單了，我以後以後以後都唔會再去，亦都唔會介紹任何人去，我覺得有好多餐廳好過佢， 尖沙咀食韓國嘢都有太多選擇吧! 食嘢都要食得有尊嚴! 唔要睇人面色囉，果啲咀臉真係想一拳打埋去!…Read More

用33蚊在下午茶時段，買咗個黑椒牛柳絲炒麵外賣，買完先發現係最後一個。返到屋企一打開盒麵 ，見到個樣怪怪哋， 好似擺咗好耐咁， 然後打開盒黑椒汁配料， 竟然一條牛柳絲都冇，全盒都係黑椒汁，同埋蒜蓉粒，黃椒，紅椒，青椒。 好灰。然後再膽粗粗張一啖麵放入口， 硬到好似食鐵線咁，唔係人食的， 結果除咗杯熱奶茶之外，全個餐都放棄了。真係好搵笨， 其實唔夠配料可以一早攞走個牌，唔好畀人點餐， 買外賣就中伏了。結果用33蚊買咗杯熱奶茶，完。…Read More