大家樂 (Closed)

用33蚊在下午茶時段，買咗個黑椒牛柳絲炒麵外賣，買完先發現係最後一個。返到屋企一打開盒麵 ，見到個樣怪怪哋， 好似擺咗好耐咁， 然後打開盒黑椒汁配料， 竟然一條牛柳絲都冇，全盒都係黑椒汁，同埋蒜蓉粒，黃椒，紅椒，青椒。 好灰。然後再膽粗粗張一啖麵放入口， 硬到好似食鐵線咁，唔係人食的， 結果除咗杯熱奶茶之外，全個餐都放棄了。真係好搵笨， 其實唔夠配料可以一早攞走個牌，唔好畀人點餐， 買外賣就中伏了。結果用33蚊買咗杯熱奶茶，完。