TF Fan's Profile

同朋友去新墟睇完戲又唔算太夜,因為第二日要番工所以搵間餐廳坐低食下吹下水就回家.入到餐廳裝修只係普通勝在夠光猛,難得唔洗排隊一於試下你啦.要特別一提唔洗刻意舉手示意落單,桌上有個鐘仔只要按一按會響之餘有個大銀幕彈出枱號就會有待應埋來落單係幾有創意同方便既設計.首先叫左個頭盤,辣味雞翼食落唔算太辣味道適中有點像熱浪味唔知係咪本人愛吃辣接受到個味唔錯.然後再來一個周打海鮮湯,入口第一淡非常重忌廉味道又唔會遮掩左海鮮鮮甜的味道,建議大家可加番少少黑胡椒粒會更加美味唔錯.有湯又點少得個包叫左份芝士法包熱辣辣即焗架推介👍🏼主菜叫番個水牛芝士PIZZA,本人一向係芝士忠粉可以同大家講呢個必試啊,芝士份量夠多夠熱夾得來好夾食落脆卜卜好香口正啊👍🏼最後唔多夠飽加多個小食,蒸蓉焗田螺.味道一般只係夠多蒜蓉牛油幾香但本身田螺唔太鮮甜只係過得去有少少失望😨總括來講食餐意式菜$300有找過得去啦👍🏼…Read More

天氣開始涼涼地, 最啱就係約埋班朋友一齊去打邊爐, 任飲任食又可以吹水原本置樂係有兩間自助火鍋嘅, 但咁啱嗰日經過見到有一間已經冇做囉 於是就試下另外一間, 呢間叫做星滙酒家, 任飲任食火鍋雞煲, 雖然都好多人等緊位, 但我哋都只係等咗十分鐘就入得去啦呢度就每人送兩隻鮮蝦, 雖然有啲少, 但算數啦, 好過其他火鍋咁叫極都唔嚟. 佢呢度除咗有火鍋同雞煲食之外, 出面仲有好多熟食, 有炸雞翼呀炸薯條馬拉糕等等, 可以等火鍋料未嚟嗰陣就食d野先咁, 我哋就叫咗個醉雞嚟食. 雖然話係醉雞, 但酒樓都落足本真係有酒香味㗎, 落去個火鍋度真係幾正幾惹味 . 其他食物我哋顧住食都唔記得影相呀 但感覺上去冇走過單, 啲嘢嚟得好足而且好快嚟到. 出面仲有得任食雪糕添, 同朋友吹水吹得耐,. 過曬鐘都冇趕我哋走, 算係咁啦…Read More

夜晚太夜收工, 附近嘅餐廳已經收得七七八八, 唯獨呢間叫做廚房佬嘅餐廳仲未收, 11點幾仲營業緊 於是就試下佢哋嘅宵夜, 個餐牌話明係即炒嘅, 咁就要過有鑊氣嘅揚州炒飯啦但結果都等咗15分鐘先嚟, 一攞出嚟就發覺熱辣辣嘅, 仲出緊煙嘅, 真係即炒㗎 本身都冇乜期望, 因為都太夜, 自己都想食完快啲返屋企, 何況係仲返緊工嘅廚師呢. 但食落去就真係幾足料, 最基本嘅叉燒粒, 蝦粒都冇落少, 仲有啲蛋絲嘅炒飯, 最主要嘅係咩呢, 係即炒好有鑊氣呀 同埋雖然話係宵夜, 聽落去好似份量會少啲, 但實際係超大碟架, 塞滿曬成個碟, 呢個宵夜實在太飽喇…Read More

朝早瞓遲咗, 已經過咗買早餐嘅時候, 十二點幾行到去大快活門口, 見到有個假日餐, 價錢又唔係貴喎, 而且睇落幾豐富, 於是就去試下啦. 今次要食嘅假日餐係s07, 雞髀可以選擇燒雞髀或者油雞髀, 我就揀咗油雞髀, 清清地都唔錯呀. 跟餐仲有一碗雪菜肉絲米粉同兩條腸仔, 加埋杯飲品先至40蚊, 抵呀先講下隻油雞髀, 冇畀人偷晒d肉, 唔錯 同埋都煮得幾入味, 有陣陣嘅滷水香味, 係唔錯嘅. 至於碗雪菜肉絲米粉呢, 其實就係早餐嘅一樣, 但勝在分量唔算少, 而且佢哋獨家嘅脆皮腸都幾好味, 呢個餐又飽又抵食呀…Read More

仲記得上次喺呢度食咗個千島醬海鮮pizza, 雖然冇乜服務, 但真係幾好食, 而且見到隔離枱有人叫隻燒雞, 一直心思思想去試下, 今次終於有機會啦今次我就咁散叫咗半隻香草烤雞, 其實都心諗會唔會好多骨, 或者似係一般超市買嗰啲bb燒雞咁細隻. 隻燒雞隔咗一陣就到喇, 比想像中大, 正呀 最重要嘅係, 除咗雞髀同雞翼位有骨外, 其餘係冇骨㗎, 廚房已經好細心咁幫你起曬啲骨出嚟 仲有都算多份量既薯格, 同埋一款茄汁,一款類似燒烤醬嘅醬汁.講下個味道先, 唔會太鹹而且有少少燒過嘅味道, 但又唔會好似一般燒雞咁燶, 真係燒得啱啱好喇 配埋嗰啲燒烤醬汁, 個味道就啱啱好至於個口感呢, 冇一般雞肉咁“鞋”, 最重要係, 食落啖啖肉 真係好好味.價錢方面印像中記得散叫係108蚊港幣, 如果跟餐加呢隻烤雞嘅話, 好似先至78蚊, 抵呀…Read More

天氣涼涼地,酒樓又唔想食, 就試下兆禧街市嘅大排檔. 雖然呢個街市好細,而且冇乜商戶, 但就有一間餐廳真係炒到以前港式嘅味道一個小菜連白飯加可樂,收65蚊, 今次我就要咗個椒鹽肉排, 其實可以唔要可樂要例湯, 但話明港式風味,就梗係要杯可樂啦. 嘢食好快就到喇, 原來佢唔係肉排嚟㗎, 係椒鹽豬扒咁樣 咁都好啲, 起碼有嚿肉食下. 目測份量大概有三塊豬扒左右, 雖然食得出係落鬆肉粉, 但佢係好有 鑊氣咁炒, 因為好夠火候, 所以食落好惹味 真係難得一見, 好香港大排檔嗰隻鑊氣嘅小菜, 好食…Read More

上次夜晚喺度食飯覺得唔錯, 今次再嚟試下其他嘢食. 今次我就叫咗個set嘅晚餐, 上湯龍蝦伊麵同半隻沙薑雞, 太多肉嘅關係,所以叫多個菜, 海味雜菜煲.嘢食好快就嚟到, 首先講下沙薑雞先, 睇得出係啱啱新鮮煮熟, 上碟嗰陣仲係好熱, 唔似一般酒樓嘅燒味咁凍冰冰, 算係唔錯 個上湯龍蝦伊麵呢就比想像中少, 龍蝦嘅size只係類似中國嘅小龍蝦咁樣, 反而伊麵就好多, 雖然龍蝦肉嘅份量比較少, 但食落都算鮮甜,幾好 至於個海味雜菜煲呢, 上碟就擺得好靚,有菜4款, 但海味啲份量就真係超少, 成個煲只係得又 魷魚1隻, 同蝦米4粒 , 真係有啲失望, 不過個龍蝦幾鮮甜, 當打和啦…Read More

行開元朗咁岩到左下午茶時間,天氣又乾乾地,唔想日日食炸雞脾薯條實在太乾燥,同埋食到好厭. 見到附近有間精緻既點心鋪就試下佢啦.門面雖然細細間 但好有日本feel,又無乜人. 重點係唔洗等位,鋪面裝修以白色為主,好似日式點心鋪咁有種好特別既感覺. 唔似一般咁污糟,茶檔真係幾有創意架,好適合忙裡偷閒個陣時歎下茶慢活一下😄首先開番壺水滾靚茶先,店主特意推介兩種茶分別係:蕎麥茶,菊花茶(額外加$10)因為係特製既茶,聽落菊花茶個名好普通無咩特別,所以試試下蕎麥茶. 聽落個名幾健康咁,仲要唔係用普通茶葉碎去沖,係用茶包,咁就唔會有茶葉碎飲到. 真係好細心呀,加多$10好抵. 蕎麥茶飲落好甘香,唔會有一點點苦澀味,飲落喉嚨帶點清新的味道好舒服😃因為今朝未食午餐所以就叫左一盅土魷肉餅荷葉飯試上佢,食落口度好大陣荷葉味道,啲肉餅好新鮮,仲聽到店主講肉餅係自己剁架好有誠意👍🏼點心方面試左個薑蔥豆卜牛栢葉,味道只係同普通茶樓一樣,無咩特別,但都唔會太難食,可以講話係一般. 之後想推介個馬拉糕,食落去有種蜂蜜既香味,又吾會太過甜,好好食呀😄最後吾夠飽來多個小籠包 ,個賣相吾錯,食落好多湯,但吾會太咸必試啊👍🏼👍🏼👍🏼…Read More

呢間平時好多人排隊,無機會試到,今日居然等3張枱就入得啦.所以點都等下啦,最後等左20分鐘,但失望既係等完位都仲要搭枱! 餐廳環境都算大,但啲位就好逼😢坐低左之後又唔想食米線,於是叫左個飯食,今次試下廚師推介既和風牛肉肉燥飯.叫個店員落單都要等5分鐘呀,真係好多人食,個場好旺,所以有一刻期待過會好味架😄碗飯睇落個賣相唔錯,有肉燥,滷蛋半隻,洋蔥,牛肉旁邊有啲翠玉瓜 睇落份量算ok多,而且位置擺得非常平均整齊,真係唔錯,擺得好有技巧👍🏼味道方面食落去第一啖已經唔想落去啦.啲肉燥勁咸,肉燥中竟然無香姑碎,好失望.好似罐頭開出來既肉燥汁,加埋啲街市買番來既碎肉咁,好唔夾好難食😢試下個主菜牛肉,都尚算新鮮,不過咬落根位比較多,食到一半都食唔落.但係啲飯好多,煲得幾香,好有米香既味道,仲有啲翠玉瓜好甜好新鮮呀👍🏼成碗肉燥飯個啲米飯比較正常少少其他都不能接受😥下次都唔會入來試飯類啦,或者會考慮下啲米線,因為寫明米線專門店…Read More

你今日食左「魚」味?今日真係屬於天朗氣清既一日啊,所以決定去屯門行波羅山.出發前點都要醫飽個肚.經過安全入左間無人既餐廳因為唔算好餓所以叫左個試下-魚片腐皮魚角准山麵.本身其實想試下佢個藩茄湯底米線,但落單時個侍應就落力推介叫我試下個准山麵轉魚湯底咁又試試佢啦.准山麵個名聽落好似中藥,有益開胃既健康麵,但食落又唔似.麵條磋得好分明首先要飲淡湯魚湯好有鮮魚味道夠熱好新鮮啊好飲👍🏼麵條食落好爽口好正啊!加埋本身都係用新鮮魚去製造既厚身魚片腐皮魚角簡直係絕配😄最後唔係好夠飽,所以加多個小食炸韮菜餃($29/4只)炸得好脆認真香口大件又抵食,店員又會主動推介你試小食態度一流,下次一定會再來食👍🏼👍🏼👍🏼…Read More

朝早去食早餐, 普通嘅快餐店照舊大排長龍, 等都等到唔開胃,見kfc有位就衝入去食. 雖然而家kfc已經先進咗, 有點餐機, 但係出餐嘅速度始終仲係有d慢,由比錢嗰刻到拎到份餐已經等咗15分鐘今次要左個燒雞扒早餐, 除咗雞扒之外, 有條腸同埋炒蛋,加塊多士咁樣, 我仲額外叫確通粉食, 如果唔係會唔夠飽塊雞扒係燒雞扒,唔似普通kfc炸雞咁油膩, 而且塊雞皮都唔算厚,幾好食 至於條腸仔, 應該係類似珍寶腸嗰類, 雖然個腸衣比較硬, 但都幾好食. 反而個炒蛋就有少少差, 食落去冇乜味. 碗通粉係茄汁湯底, 配粟米粒, 老實講粟米粒真係唔算多, 但勝在個茄汁湯底夠濃, 所以算打和啦 早餐推介就係佢個燒雞扒, 啖啖肉又唔會太油膩…Read More

夜晚行過蝴蝶商場,度度都好多人,甚至大排長龍,唯獨pizza hut仲有位無人等,於是就入去食.呢間店唔同一般既分店,係唔會有人招呼你,要你自己去收銀果邊買,買完會俾個 感應器你,先至會送餐上嚟. 今次要個 意式風情普通批, 小食轉做肉丸配拿破崙醬汁. 等左大約10分鐘左右,野食就嚟到. 個pizza 不過不失, 係新鮮焗起嘅, 千島醬配豬肉粒同火腿係正既,d肉既份量唔會太少, 比例啱啱好, 食落去啖啖肉,唔錯 至於加錢轉嘅小食係肉丸, 食落唔似普通肉丸咁濟, 雖然睇落平平無奇咁, 但食落去喉嚨好舒服 同埋都有8粒咁多, 真係唔錯…Read More

呢間餐廳裝修到好華麗,又有親切感,有心思既主題餐廳平時食早餐都係連鎖餐廳,都食到厭,今次終於可以試試特式餐廳早餐.首先來個牛油多士,唔算太油,雖然無飛邊,但外脆內軟,好味道. 想講下煎蛋煎得非常香口,好有雞蛋味,正👍🏼開始食仿鮑魚火腿絲通粉,個湯底第一啖夠濃郁,非一般既早餐湯底推介😃到d通粉唔會煮到好淋,硬度適中唔錯,d彷鮑魚火腿絲算幾多,起碼啖啖都食到佢地.因為見天氣開始涼,所以只叫熱飲,埋單都係$34,0主題餐廳來講算抵…Read More

屯門友無理由會唔識呢間小曼谷泰國菜 每一次經過屯門區必試既泰國餐廳 提醒番剛剛裝修好由舊位置搬左去以前近著車房既轉角位變到好大唔需要點等位 以前舊店起碼等成粒鐘架 不過好可惜裝修只是一般 但入面店員全部係正宗泰國姐姐就連落單都有小小鄉音風味十足首先來個非一般既炸蝦餅實在太彈牙唔會太多粉漿非常有蝦的味道每次來都必試誠意推介👍🏼跟住來多碟牛油蒜蓉包係新鮮即烘配上蒜蓉牛油廚房好細心仲會加點蜜糖上面有種驚喜的感覺來個主菜豬雞沙嗲串 沙嗲好有沙嗲醬既味道唔錯又唔會太辣帶點甜的味道食落喉嚨好舒服最後就緊係要叫碟生蝦試試 每次入唔同既泰國餐廳必定會叫的價錢$68/7隻 唔算太貴留意番每碟生蝦中間會有個醬汁 甜甜酸酸食落好開胃唔夠汁仲有可以添加唔需要收取額外費用真係好細心👍🏼提提大家當然唔少多叫番支正宗藍妹啤酒啤啤佢 全部加埋兩舊水有找 絕對係三五知己聚舊既好地方推介啊！…Read More

又唔想食酒樓小菜實在太普通所以嘗試特別的一餐-迴轉壽司.首先見到唔洗排隊👍🏼入到去比到一種日本店的感覺 有禮貌的店員會用親切的笑容打招呼環境不會太光,整齊舒適加上有少少流行音樂環境似足日本有誠意的小店餐具非常十分之乾淨不錯的👍🏼開始叫嘢食,因為係自助的關係,所以唔洗店員落單,就咁隨手攞.一嚟就試個三文魚刺身,賣相有心思,都是順住刺身個紋理去擺.食落十分新鮮肥美,而不油膩. 加上一碟有3片只需$8,平均$2.6一片感覺好抵啊,所以食左10碟左右🤭🤭🤭然後開始試下師傅用乾淨的手包的卷物壽司,芝麻八爪魚與別不同比起其他的味道帶點甜甜味道,花之戀上的蟹子大大粒粒都好平均,而且飯團唔會太大舊 ,食落喉嚨好舒服👍🏼最後都想推介埋一款壽司個樣睇落紅色既魚賣相真心麻麻,因為佢係紅色😟但食落又是另一種境介出奇地比起三文魚仲要鮮,食完個口仲會有啲甘甘地超好吃好正啊😀…Read More