siuming93017's Profile

黎呢到食宵夜一定要食炸拼盤！真係好脆，有雞，蝦，蠔各2件58蚊性價比超高！！寶琳區除左糖水鋪開到凌晨，都冇咩宵夜選擇，好彩呢到都幾正，如果有睇波叫埋海神啤買二送一仲正!!主打街坊生意，價錢合理，而且老細有心做生意，送左兜薯片蝦條俾我地食，可以refill,兩個人食左碗烏冬、兩個炸小食拼盤、三杯啤酒，埋單400零蚊，會繼續幫襯不過深夜時間煙味較大，希望有分非吸煙區😭次次食完件衫都好大陣味😭😭😭…Read More

平日收工黎食，唔洗等位。叫左青口，薯仔，牛油果窩夫同埋雞翼最好食既竟然係配青口既蒜蓉包其他所謂既招牌菜真係嚇人一跳第一次食到可以夾散既窩夫，仲要係冧既，一d 都唔脆雞翼黎左兩個配醬，侍應話一個hot 一個medium 點知一點medium 就瀨野，仲辣過hot侍應哥仔你係咪搞錯左兩個醬呀薯仔叫左baby 都好飽，但味道同配搭真係唔特出成餐唯一可取既地方係五百蚊兩個人係食得飽，但係個味道同好評完全唔符合，三個伏…Read More

之前去開尖沙咀個間食，今日book 枱個陣店員打黎comfirm 我book 既係銅鑼灣店，抵讚餐廳同openrice 做緊6點前離座 指定小食及串燒半價 ，本身以為都冇咩好野會半價，點知一見個餐牌嘩，簡直佛心，十幾款串燒都係半價，仲要係我地全部都鐘意食既啖啖肉，兩個人叫左幾款已經食到飽哂雖然串燒今次燒得有啲過左龍，肉開始鞋口，但整體cp 值超高，會繼續幫趁希望餐廳keep 住做呢個午市優惠，窮人想chill 恩物！…Read More

早輪冇晚市，好多附近食店寧願提早關門。收工返到屋企想食燒鵝，唯有叫外賣燒鵝返黎食。本身出面燒味檔賣開燒鵝都知大路係二、三百就有一隻，見佢外賣連辛費成六舊水一隻心諗 一定好好食啦，點知見識到咩叫又貴又難食。燒鵝送到黎已經預左皮會淋啲，打開外賣盒，面頭個d 鵝都幾正常，但你話值600就一定唔值，同普通燒味鋪冇分別，本身都冇咁大怨氣。點知同屋企人食到一半就見真章，面頭隻鵝r 皮都仲係有光澤既，一到下面個層。喂，燒到柴哂皮既？！ 仲有1/4 隻係皮+肥膏，冇肉既？最後個半隻鵝真係食唔落，掉左，收600蚊隻鵝咁既質素，一次機會都唔應該俾。:(…Read More

已經去食過兩次，keep 到水準。第一次去食烤魚，麻，辣同配料都可以自選加多減少。因為呢期唔係好食得辣，所以叫左個bb 辣酸菜魚。真心要讚廚房，味道控制得好精準，係少數餐廳叫完bb 辣 但都仲好惹味，只有好微仲輕過食熱浪既辣，但個小小完全係令人想食多d野！ 如果同啲唔係好食得辣既朋友黎，叫bb 辣既話就岩哂,第二次去食就叫左雞煲，都係bb 辣，最估唔到係莞茜都可以揀多d , 味道一樣控制得好精準，bb 辣都好惹味，雞肉一d 都唔老，滾起即食熄火，而家打字諗起都想再食呢間店唯一要加強係衛生，店鋪入面開始有蚊滋，同埋d 餐具水杯有d 洗得唔乾淨，晚食上堂食7點30前離開仲有八折，呢個優惠好抵，我地兩個人食每次都係280蚊左加就食到好飽可以走，好過出面食放題，希望老細keep 住呢個優惠，會繼續幫襯👍👍…Read More

平時見到好多人排隊，以為好野，點知一試即知中伏。就咁睇menu, 串燒既價錢已經俾尖沙咀既居酒屋貴，但將軍澳既串燒店真係屈指可數，諗住好食都會keep 住幫襯，但去過一次真係不可一，不可再。叫左碗酸辣粉，冇幾耐就到，價錢約40蚊，味道係一啲都唔酸，除左辣之外係食唔到有其他味，因為啲油多到粉索唔到湯底。而我地係冇加減辣or,其他調味，standard 既都做得咁差，仲要係咁普通既酸辣粉，都有小小意外。不過我地本來都諗住主打串燒同食小小海鮮，所以開頭都冇咩所謂，點知而家先入戲玉。樓面店員係我地食完粉冇耐就俾左d 餐碟我地準備食串燒，點知隻碟上面係有隻昆蟲屍體，可能隻碟本身唔係淨色，有啲斑點，佢留意唔到啦。。。肉類既串燒 我地叫左 豚肉，雞翼，牛卷等等，大部份正正常常，但係肉卷略微烤過左頭，偏老同鞋口。然後上左菜類串燒，真心想問廚師同老板搞乜野，差唔多20蚊先得4條迷你娃娃菜？ 又要20蚊 先得幾條韭菜，仲要係切左一半上。真心冇諗過佢個一串 係小的咁可憐，okay 你份量小，調味或者燒 係咪會出色啲所以值咁貴呀？ 又完全唔係，啲娃娃菜上到黎有層黑水，好似係個爐啲黑炭溶左係上面咁，韭菜仲離譜，幾條韭菜調味粉好似加到要燒一斤咁，食左到條 頂唔順要問店員拎多杯水，將啲菜浸完水先再食，浸完都食到咸，你可想而知係幾勁。 以為已經好絕望？ 絕望既野陸續有黎。講到問店員拎水，我真心唔明要收加一既串燒鋪頭，唔俾水客人又唔主動斟水又唔提供紙巾，個加一真係值得俾咩？講返野食，我地一開始落單已經有叫燒海鮮，開頭以為可能蠔同扇貝佢地要開要洗要啲時間，點知樓面黎收走我地啲碟，我地先知廚房漏單，已經係得幾台客既午市，到底班廚房師傅係到做緊乜，單又出唔到，調味又亂咁黎。冇幾耐海鮮都到啦。終極魔王出現，咁大個人，第一次食蒜蓉粉絲扇貝係會食到有殼碎,咬中左第一啖，以為自己黑仔姐，冇野既，點知第二啖都有，即刻同店員講換過隻，點知換完都仲係咬到有，唉，第一次打咁長篇既負平，因為好小餐廳可以有咁多差野俾人寫，真心覺得不值一試。…Read More

西九food court 翻新，開左幾間新小店。諗住試下新野，點知試親都中伏。行完一轉得一間有紫菜包飯，點知好難食既調味過咸，咸味蓋過哂酸菜同蛋，浪費食材。冇下次。…Read More

難得OpenRice有自助餐折扣決定一試黎嗰 香格里拉 餐廳香格里拉個名就改得好聽呀又話係五星級酒店但係啲嘢食真係。一坐低夾咗啲龍蝦 蟹 螺，點知真係大失所望。啲龍蝦嘅肉係霉嘅,蟹就有一陣臭味, 螺就有沙，生蠔又唔肥美，最恐怖喺唔知點解連啲水都有一陣臭味,友人仲要抵死話唔知啲海鮮係咪患左香港嘅腳，搞到有陣陣臭味。雖然呢到自助餐種類算係咁，有中式，日式，印度野，海鮮，同甜品，但係要搵一樣野係好食或者令人難忘嘅都搵唔倒。至於服務我覺得可以話係冇,侍應著到件制服leilei feifei,態度輕挑,｡當中一個廚師非常之搞笑,負責切片皮鴨，見到有一個人係度等就望住你唔切住，見到多幾個人係度排隊啦就開始施施然樹懶上身咁樣慢慢動作切，好似隻鵝養左好多年佢唔捨得切咁樣。總括黎講，就算折左都要差唔多呎600蚊一個人，咁既質素,佢做多幾次折扣都只會做到新客,完全留唔住舊客。呢到可謂可一不可再。…Read More

環境 近地鐵站喺深水埗地鐵站d出口出然後即刻一個街口轉左,成個路程大約3分鐘到｡衛生 大排檔程度地舖黎講算係咁啦唔會話好乾淨但係又唔喺好污糟｡食物 燒鵝大王竟然燒鵝越做越差以前都會買一只燒鵝返屋企慢慢嘆宜家真係不了｡早排去食左個燒鵝瀨粉，燒鵝除咗面頭果兩舊都叫有肉食下面嗰啲全部都係肥到不得了,好似比人打左催谷肥仔針留個表皮下面咁 ,加上羶味來自油脂,我食左兩啖就忍唔住想嘔,差唔多成60蚊一個粉俾啲咁咪質素我,去大家樂食都冇咁嬲呀｡…Read More

環境及衛生 劣,注重衛生嘅人勿入環境方面一啲都唔近地鐵站喺,深水埗同太子中間, 地鐵站行過去可能都要10分鐘，就算行到過去都可能見到門口有好多人排緊隊，你都未必想食。餐具,杯,水,全部都係以自助形式,不過店舖衛生真係麻麻,餐具洗得唔乾淨,水杯好似有層油如果你好講求衛生嘅真係可以唔洗黎｡食物 糧尾價,大份抵食唔好期望有星級嘅水準,但係以價錢同份量黎講真係喺香港睇怕都搵唔到有第二家有哩個質素｡叫完一個意粉之後喺可以打包做兩日先食得哂｡我最中意食佢個個趣味薯角,炸得外脆內嫩再加上表面淋上啲蜜糖,真係諗起都要吞口水｡服務以食物嘅價錢黎講又真係好難講求服務質素噶,雖然大部份嘅嘢都係要自助,但係店員嘅服務態度真係差,特別係收銀果兩個女仔,除左黑口黑面之外佢地嘅語氣真係好似我欠佢錢咁。…Read More

環境及衛生 大排檔水平唔近地鐵站，不過近附近嘅商業大廈｡餐廳裝修風格以深色為主加上一行入去就覺得地下痴立立,餐具有洗得唔乾淨,印象分真係大打折扣啊｡食物 一係好鹹一係好淡叫左個椰汁雞湯粉同豬頸肉撈檬。椰汁雞湯粉冇椰汁味唔香好淡有啲錯覺以為食緊健康產｡撈檬就啱相反，鹹到不得了落左勁魚露，以主角豬頸肉仲要熟都好似臘肉咁,食落都覺得戒口,我同朋友大家都食唔哂啲野,唔係因為份量多,而係真係好難食｡總結不可一不可再｡…Read More

環境大方四正，座得舒服，離地鐵站不遠，只是大廈只一邊出入口電梯能到達，需注意出入位置食物 叫左一碟炒菜 脆皮燒雞 海蜇頭 魚同 鐵板豆腐甜品叫左個椰汁西米湯圓｡ 老老實實正餐黎講錯以上所有菜式一啲驚喜都冇，唔難食但係又唔喺好食，好普通｡ 成個餐入邊我覺得最好食嘅係嗰甜品，椰汁味道濃郁，西米有咬口，湯圓餡滑唔膩。服務服務態度良好,老人家食唔慣嘅食物願意幫手更換。節日使用75折優惠，需於7點半前結帳，店員主動提早結帳，等我地慢慢食埋個糖水先走 總結 如果節日book唔到其他餐廳都可以黎呢度,起碼坐得舒服，平日就。。。都係留番個機會食其他野啦😂…Read More

又係呢到食麵嘅日子今日試下呢個嵩記牛雜麵唔食又至可，一食又發現多一間食飯堂啦叫咗一個牛雜麵同一個牛腩牛丸面， 先講湯底湯底十分之濃郁，有好香嘅牛味配上蔥花飲落去覺得好滿足。再來牛雜， 內藏一啲都冇腥味，而且好入味好林， 平時食開嘅牛雜麵可能得一兩舊餸 但係嵩記嘅料好足，就連河粉嘅份量都好多 夠食飽有突。 牛腩就更加唔洗講 :，30蚊一個牛雜麵嚟講 真係冇得輸。至於牛丸十分之彈牙 大部分嘅牛雜麵店都 都好難食到咁嘅質素 極度推薦呢間平民食店 …Read More

同屋企人食飯咁啱見到深水埗呢間滾火鍋咁多人推薦 決定就喺度試一試佢。小食我哋叫咗石榴話梅同埋 辣汁魷魚石榴話梅呢啲嘢都係貪新鮮試一次就算啦辣汁魷魚反而有驚喜個辣汁真係食好好食。辣味夠 魷魚仲係好爽脆至於邊爐料我哋就叫咗本地肥牛 白鱔 拼餃 鴨血 黃金豬肉丸 皇帝菜 響鈴 竹笙。講咗啲唔好食嘢先啦 我認為響鈴同竹笙真係唔掂響鈴唔夠脆 喺超市買嘅盒裝響鈴仲好食， 而竹笙就更加 令人失望 林bet bet一啲都唔爽口 如果係響鈴魔人一定會對以上好失望呀不過呢間店舖嘅 本地牛 真係超級新鮮 脂肪分佈好平均 用嚟打邊爐真係一流 仲有牛味好出白鱔片 好新鮮，唔腥，不過唔爽口。餃子就普普通通 冇咩特別鴨血可能始終都係要配番麻辣湯底先會好食今次我就覺得麻麻地黃金豬肉丸係特別嘅 不過 個蛋黃係甜嘅 我個人就麻麻like la總體黎講 不過不失啦 可以再嚟嘅不過豆制品就唔會再試啦。…Read More

又係下午茶嘅時間今日嚟到大角咀食呢間石一燒，早幾年嘅時候來過食過一次 ，肉類好新鮮，覺得十分之好食。但係呢一年多咗石燒牛扒出現，有比較就自然可以分到高下啦。 如果以價錢係講呢一間 喺燒肉解嚟講算係中等偏高啦 不過肉類嘅新鮮程度 同埋質素同成正比例。收貨啦。亦因為多咗同類食店可作比較，今次再食就冇驚豔嘅感覺。餐廳有提供四款鹽畀食客去配搭唔同嘅 肉類， 個人最鍾意就係一口牛搭檸檬香草鹽。 而豬肉我就反而覺得點返本身配嘅日式醬汁好過點鹽。另外 燒肉嘅份量唔算多 就算加左份量都仲係肚餓 所以我哋再叫咗雞翼 分別係辣味雞翼同芝士雞翼 呢隻辣味雞翼嘅味道我覺得 同薩莉亞嘅辣味雞翼好似岩我口味服務方面我覺得 店員都好親切 見我哋張枱唔夠擺都幫我哋換張大啲嘅枱放食物走嘅表示可以使用 店內提供衣服清新劑 闢下啲燒肉味…Read More