elainelaineball's Profile

週五 小週末的生日飯💝餐廳位置於酒店內👍🏻服務員態度和藹親切👍🏻4人用餐4500左右⚖️最喜歡係肉眼牛扒🥩 5成熟用得好好👍🏻傳統西餐，有機會可再來💎…Read More

今日週末，朋友車我嚟上水食好嘢，朋友介紹話呢一間係平民中最好食嘅藥膳雞湯。台灣夜市排骨湯，馬來肉骨茶，重口味嘅藥品湯，我一定要試一試！我好欣賞餐廳好似以車仔麵嘅形式去比我加料！我就叫咗藥膳雞湯底米線，再加其他餸菜同埋可樂，當然大家都會唔明點解飲湯仲要叫可樂，我朋友都問我飲雞湯仲要叫可樂？我嘅叫可樂原因係因為出面食麵，飲湯，全部都係味精湯，搞到會好口渴，所以我已經叫定一個可樂。最後呢一罐可樂，我係大走咗出去飲，因為係食飯嘅過程中都冇開過可樂飲。朋友就叫咗藥膳雞湯底配飯，一樣煮食，佢嘅雞湯好甜，重點發現咗好多紅棗，藥膳味唔會泰龍，所以十分能夠接受，重點雞肉好似有半隻雞咁多，真係食到好飽！如果鍾意飲藥膳湯嘅你，千祈唔好錯過！…Read More

第一次受邀請去食韓國菜fine dinning，第一次已經足夠比我有一建立一個come back list ！💓人生中第一次去韓餐fine dining，今次嘅經驗比我十分好，相信有機會我一定會再揀呢一間。^_^我同朋友一份二人，準時去到餐廳，一出到門口見到好舒服好柔和嘅裝修，即刻覺得冇咁熱。餐廳嘅職員好快就帶我哋掃完QR code就已經安排我哋入座。職員好細心為我哋講解呢間餐廳基本少少資料，亦都好細心問我哋食物敏感，或者飲食習慣。基本上我哋咩都食，未開始已經覺得呢度嘅裝修好靚好柔和。因為新開張期內，我哋都可以用到一個相對迎新價錢去享受，所以我哋都好期待，因為我同朋友分別都係第一次食韓國菜fine dinning! 基本上期待咗一整日就係為咗食呢一個八道菜嘅Set menu! 韓國高級海苔，配上自家製豆腐醬，層次豐富，想再encore食多次 ！韓國傳統粥品，配上米餅，口感豐富，帶出了牛肉海鮮及蘑菇等濃郁的味道。榛子果凍，配上單眼的八爪魚切片，酸甜的自家製凍湯，簡直係藝術品中嘅清泉。人蔘雞燴飯，雞肉燴飯，配上人蔘酒，口感更升華。海鮮清湯，打成泡沫配上新鮮鮑魚，口感清甜可口，暖心之餘仲有微微香辣的感覺。韓國新鮮魚生，配上韓國辣椒醬，特製嘅辣椒醬酸甜得來帶出海鮮嘅新鮮甜美。特製烤豬肉，配上紫蘇葉及特製醃蘿蔔片包住豬腩肉，清爽口感豐富。…Read More

如果冇朋友訂枱，基本上今晚都冇機會可以嚟呢度！要提早訂枱㗎，呢度唔係隨便walk in 都可以做到，最好早兩個星期訂枱，甚至再早啲，咁就萬無一失啦！同埋有好多好彩你都要為地圖嘅時候再定例如，豉汁炒蜆，酸菜魚，冰鎮咕嚕肉，總之你想食提早預訂就更加好！今日朋友生日，所以五個人都叫左幾個菜，唔係好多既，最主要叫咗酸菜魚，冰鎮咕嚕肉，椒鹽鮮油，豬油渣菜心，糯米飯，白汁豬肺湯，豉汁炒蜆！大部份我都好鍾意，只係有一個鴨，由於我唔食嘢鴨所以完全是都冇試過。我諗主要好多人都係會講酸菜魚幾好食，的而且確會幾開心嘅，只係啲魚肉片比較少，但係佢有粗嘅薯粉放咗喺酸辣魚湯下面吸收咗好多汁，所以整體感覺都好好。再嚟就係行汁豬肺湯，因為我唔知我裝但係朋友試咗之後耐冇飲過湯，而且味素少所以值得叫！反而豬油渣菜心唔想佢再就比較，冇得食到市中心個早餐後感覺。再黎係豉汁炒蜆，味道香濃，炒蜆嘅肉都好結實好新鮮…Read More

有朋友自遠方來不亦樂乎。朋友難得過嚟港島區搵我食飯，喺附近返工我不開都有食開呢間 panda & son。老闆就應該係印度人嚟嘅，不過裝修風格全部都幾符合香港人嘅標準。性價比就更加OK。百零蚊食過西餐喺上環來講絕對唔容易，而且佢質素係絕對合格嘅！我同朋友兩個女仔就叫咗兩樣嘢一齊share。我哋叫咗一份牛扒牛扒會跟咗薯條同埋雜菜沙律，在另外一份就係肉醬千層麵意粉。平時一至星期五都會有呢一類型嘅set lunch，呢個set lunch會有餐飲多數我都會叫咖啡，仲會有埋餐湯多數都係蘑菇湯或者係南瓜湯絕對可以接受！再嚟就係主菜到最後食晒佢哋先至會問你法式班cake你想食咩味道，呢個就係甜品啦！所以成個set lunch都150左右但係你就有四個樣嘢可以選擇！…Read More

香港人做乜都要快work life balance，我哋做唔做到？健康人主義，提倡慢慢食，好好享受生活。今日都終於做到，即係嚟到都我愛慢煮呢間餐廳。平時過嚟呢邊做嘢，成日都聽到同事講話呢間嘅質素好好，CP值好高！今日終於都跟着大隊嚟到試一下！我哋總共三個女仔，差不多下午兩點先至到達餐廳，其中忙嘅午餐時間已經過咗。我哋好快已經有一張好舒服嘅枱可以坐低。當中仲有午餐推介，2:30pm之後先至係下午茶，但係我哋主力都係食午餐嘅set lunch。要出去櫃檯近廚房嘅位嗰度點餐俾錢，打咗一陣職員就已經攞咗飲品俾我哋先。我就自己叫咗一個法國燒春雞加waffles，同事叫咗一個好似all day breakfast ，另一位叫咗牛扒。我返我個燒春雞，得出佢係慢慢咁樣去低溫煮食，雖然我唔係專業嘅，我都覺得係好juicy，waffles 喺簡單嘅，都會有牛油配俾你，仲有燒春雞醬。睇嚟講10分我會比7.5分。仲加咗$10要一個side salad。沙律都會有用酸醋去調味。整體來講埋單128冇需要加一。我一定會再嚟食😋😋🥰🥰…Read More

五日連假，又無得去旅行，當然要留係香港消費，買開心😻😻約左朋友一齊食lunch ， 朋友就帶我嚟食好嘢。因為我係咖啡之人，都好驚咖啡唔掂既餐廳。好彩等咗大概15分鐘已經有枱入，地方都幾寬大而且枱櫈唔會擺得好密，所以環境好空曠都好舒服。我同朋友都叫咗意粉食，當然唔少得佢哋最出名嘅卡幫尼意粉。相信唔使點講都大家都知佢哋真係好好食，仲要意粉佢係煮得好好食嘅軟硬度。我就叫咗一杯凍嘅latte，本身想叫凍嘅cappuccino ，可惜地佢哋未有住。☕️ 有少少出乎意料之外嘅係佢哋自己有買咖啡豆，而且呢一杯凍嘅latte好好飲，我就揀咗一個比較fruity 味既豆。我朋友就叫咗一杯凍嘅Americano，一樣都好出色。最後都叫咗兩個甜品，一個係blue berries muffins , 另一個係Red velvet。不過不失，都係合格以上。但係佢哋嘅主餐就真係做得好好！少少美中不足嘅就係上餐時間比一般嘅餐廳稍為慢少少。整體上來講呢間小餐廳Cafe都係值得推介！☕️😍…Read More

4月1號，新開始。都成個月同朋友見，難得仲可以有堂食機會，都要放工後同朋友見面同食飯。食到好唔盡興，因為10點就要起身離開。餐廳同作為食客既我哋唔開心。但睇到既係hk仲做到，好多人鐘意同朋友食飯見面！上次秋季食左🦀🦀，今日食鰻魚。都算新鮮，有小小貴。加上garlic + ginger 係燒鰻魚既好配搭！再叫左份半豬半牛，1支燒酒，1個可樂。2人埋單18xx 。參考下，一次半次都還好！但餐廳本身價錢比較貴，除非特別菜色先會再返黎食！…Read More

同陽光玩遊戲☀️今日又要出去做嘢，就嚟咗Discovery Bay。喺東涌搭巴士入嚟十分之方便。到步冇耐傾咗一陣，就12點，都要搵間餐廳食嘢啦。同行嘅德國籍同事就覺得鍾意食西餐多啲，咁我亦都揀咗呢一間意大利菜餐廳。一坐低職員已經準備好餐具同埋水俾我哋，因為天氣太熱啱所以職員已經預先俾咗啲凍水，十分之體貼。咁我哋諗都好快就已經決定好兩個主菜同埋一個沙律。同行嘅一個女同事因為唔係好舒服就同我一齊share個Pizza，我揀咗呢個辣肉腸係因為我十分之喜愛食辣肉腸pizza，而且餐單上面嘅意粉冇咩特別吸引到我嗰日想食嘅意志，加上去到咩意大利餐廳我都淨係鍾意食呢個。佢啲辣肉腸真係又美味嘅辣但係肉嘅油脂就十分之平均。重點係佢嘅麵粉做得超好食，軟熟得來又有少少彈性，加上我鍾意食比較軟嘅口感所以10分鍾意。德國籍同事就揀咗一個牛肉面珠燈配薯蓉，再叫多個house salad 大家一齊share。其實一點完菜職員已經即刻上餐包，即刻幫我哋喺碟仔嗰度加橄欖油，每個人自己可以用自己嘅橄欖油就唔使同人share。今日喺戶外坐嘅環境都唔錯，所以整體上50分內都會比8分。✨✨…Read More

雖然已經一年冇出過去旅行，但係今次生日就好似去咗一次日本旅行咁😇😇當然生日可以同朋友一齊過係最開心嘅，亦都係好幸福好幸運嘅事。絕對係值得感恩💛朋友一早已經預訂左呢間餐廳，我都唔係好記得實際叫咗啲咩野。係整體上係絕對可以接受嘅，價錢合理而且環境都幾OK，環境開陽而且乾淨。枱同枱之間都會有隔板。壽司同埋熱鍋都覺得幾滿意。…Read More

相信嚟過呢度嘅人都會覺得呢度好浪漫，我都係其中一個。就算兩個女仔嚟都會覺得環境好浪漫而且好有feel。✨✨✨✨✨✨✨✨兩個女仔嚟為咗慶祝我生日，當然朋友請食飯就要好好咁享受，我哋就叫咗炸醬麵，韓式豬手 （真係本人十分之鍾意食豬手) !! 仲有炸雞。仲有叫咗一個士多啤梨米酒。🫖份量對於兩個女仔來講當然係好多，當然我食唔晒都會帶走繼續食。食物來講唔可以浪費！🌍炸醬麵佢會預先幫你撈好咗先至上枱，雖然韓國嘅炸醬麵都係比你自己撈，不過我就冇乜所謂，佢嘅味道都做得算可以，相信都係韓國人自己整嘅。韓式豬手就更加唔使講啦，雖然呢個韓式豬手係洞食，不過食嘅口感同埋味道完全同一般韓國嘅熱食豬手唔一樣。但係份量實在太多我都一定會打包走。佢味道唔會太重極都唔會太甜，其實對於我唔係話重口味嘅人來講就啱啱好！💥相信好多人都講過佢個炸雞最好食嘅地方係嘅薯條，佢落咗一啲應該係自己調製嘅薯粉或者係調味粉，真係十分之有feel！加埋呢個士多啤梨米酒真係好似以為自己去咗韓國！雖然米酒會相對比較冇乜米酒味，但係對於我來講就啱啱好，當然每個人嘅口感同埋感官都唔一樣！不過呢間都係值得推介嘅其中一間韓國餐廳⚡️⚡️…Read More

今日難得同同事入西貢工作，決定嚟個long lunch !! 其實工作就好快做好，不過難得可以入嚟西貢，當然要享受一下陽光同海鮮！陽光同沙灘就下次先啦☺️☺️行吓本身諗住食普通嘅set lunch ,加上同事有啲肚餓就諗住求其食個set lunch都可以。行吓行吓見到呢一間佢話有生蠔，因為真係冇得去旅行又食唔到澳洲嘅新鮮生蠔。將就一下就喺呢度試咗先。叫咗四隻 New Zealand 生蠔。口感都唔錯處理得幾好，唔係話太鹹但係新鮮度係可以話足夠。令人值得有驚喜嘅係個豬手，其實每個地方嘅豬手都食過晒咁滯，香港地小人多但係勝在咩菜式都可以做到出神入化。平時好鍾意食韓國豬手，德國型豬手都10分支持！豬手啱啱焗出嚟，個屁仲係好趣而且肉質都算新鮮軟熟！絕對係值得推介！係set lunch嗰度我哋叫咗一個牛扒，全部野share食其實都幾夠。再值得一提嘅係過burger十分之好食，軟熟之餘係有心機整。不過順帶一提嘅係味精比較重，所以食完之後都要飲多啲水。但係侍應好主動會過嚟幫你加上去所以冇乜問題💪🏼💪🏼…Read More

久違的韓國豬手，原味炸雞，芝士蛋捲，泡菜湯😋😋😋😋😋😋😋😋😋久違的，耐到已經唔記得咗對上一次幾時黎食過。好掛住好掛住oppa 既豬手，真係爆好食。我朋友食到，外賣多一份帶比屋企人食囉！生菜🥬新鮮再包上虾子同garlic 加泡菜，我考唔肯定係咪真嘅食法，但我只係知全部包埋一齊，一定係好少食既方法😂😂最緊要！一樣要趁熱食啦！原味炸雞一定比出面KXX既好食，當然你識食先會品嘗到，先會明白背後韓國人既工夫。我比錢係食質素同背後既工藝。同枱既朋友都說原味食到個香氣同滿意既味蕾，就好似返左韓國老鄉咁😂😂芝士蛋捲又係要趁熱食啦，凍左味道會比熱食無咁好食嫁👌我就鐘意酸味嘅，所以番茄醬可以再酸小小，不過同大家既口感唔一樣，可以有自己鐘意既酸度。我有叫韓仔再比多啲番茄醬我囉😋😋😅泡菜湯真係好甜！無睇錯，係好甜嫁，落足心機！4個人叫左正常size,因為想試多啲其他食物。平均200每人，都好正常啊，叫左1支酒，2個可樂。滿足！😍😍…Read More

自從上次黎同韓國人同事黎呢間韓屋食飯都過左成個月啦，今日收工真係好想吃牛肉湯同泡菜。6點係附近收工就即刻落嚟食，6點左右未見好多人排，所以對我黎講都幾好，少啲人都坐得好舒服。今日自己一個人，就叫左牛排骨湯，再加一個飯。呢個飯都真係幾好，紅米為主都幾健康。牛排骨湯未到，店內客人唔多，所以店員都有時間可以已經比左蘿蔔泡菜比我。而平時太多人，我就無問店員攞水攞其他咁，不過今日天氣都轉涼，所以都要攞杯水先得！牛排骨湯真係好甜，食完都唔會口渴，我諗連味素都真係唔需要落！除左要牛排骨，仲食到要牛腩！講真，你要去牛腩專門店先食到煮到好軟熟既牛腩，不過當中牛排骨上既肉已經好軟又要口感，個牛腩都煮到比出面專門店一樣，真係幾好食！每一啖飯加上湯，再放小小蘿蔔泡菜真係好正，又暖暖哋，天氣凍又會再見到我…Read More

相信大家好鐘意食日式魚生，但韓式魚生就唔係太多人鐘意食，同2個朋友夜晚9點半後先黎到，都好多人得返2張枱，二話不說坐低叫嘢食！老實推介，韓國魚生更好味！朋友發板，叫左個大魚生set 。位位都有傳統小菜，但大魚生set內有一份大魚生，3個菜，1個湯係最後上。因為比我哋飲完酒再要飲湯解下酒。…Read More