CentiMetre's Profile

踏入餐廳，被深木色嘅裝潢所包圍，光線及陳列裝潢，令我頓時認為：呢間餐飯真係好啱慶祝生日！不過今日只係單純與朋友食個午餐，先試一試食物味道是否與環境同樣咁🉐先牛肉他他入口鮮嫩，調味輕盈，帶出牛肉嘅原始鮮味，搭配香料提升咗整體層次感，同時降低肉食嘅膩感。而沙律清爽開胃，為後續嘅既牛排鋪墊咗一個完美開始。香煎比目魚煎得外皮金黃香脆，魚肉細膩嫩滑，配埋普羅旺斯雜燴同羅勒葉，味道酸甜為味蕾帶來刺激。封門柳以木板為碟，伴以3款醬料及小料，賣相💯，肉味濃郁且帶濃郁燒烤香氣，絕對係肉食愛好者嘅首選。配菜大蒜松露馬鈴薯泥亦係一大亮點，綿滑細膩嘅口感滿溢著松露嘅濃郁香氣，令人一試難忘。而香烤椰菜花烤到微微焦香，但味道屬清淡配菜，伴與肉食解膩為不錯搭配。…Read More

天氣凍咗咁多，最啱就係同朋友食燒肉，打個邊。我們叫左澳洲燒肉盛盒定食、美國燒肉盛盒，仲有椰子雞火鍋！燒肉定食都幾抵，除咗燒肉拼盤，跟餐仲有湯、沙律或泡菜、日式冷麵/飯，CP值高。燒肉部分既質素相當不錯，個人就更喜歡帶多點脂肪既部位，因為脂肪分佈均勻，入口嫩滑又不會過於油膩。將燒好的肉片包裹係新鮮生菜上，再加上一小片泡菜，味道層次瞬間提升，為肉味增添更多變化。日式冷麵配上金黃蛋絲，視覺和味覺都得到昇華。椰子雞鍋好足料，湯底帶天然既椰香，竹笙同馬蹄既加入帶嚟不同口感，整體暖胃又滋補。雞肉厚肉，啖啖肉喺正！…Read More

今日跟住大圍嘅朋友仔搵食，黎到新強記餐廳環境都闊落光猛，坐耐啲一班人傾計都幾舒服朋友話嚟到一定要叫呢度最出名嘅雞粥雞粥一上枱面已經好香，質地較稠身，入口雞味好濃同帶有雞油香，果然出色而且（位）既雞粥，都幾大份，再叫多2-3個餸，相信已經夠兩至三人食另外仲叫咗朋友其他嘅推薦菜燒鵝例牌同樣地一上枱就已經有燒鵝香味，令人食指大動燒鵝適量嘅皮下油脂更添風味，再沾碟上燒鵝汁、酸梅醬，味道再上一個層次 蝦乾腐竹勝瓜腐竹豆香十分濃，大家都爭住食，連帶湯汁都有豆香味蝦乾夠鮮，而且浸夠時間，口感很好食完已經即時諗緊下次再黎要試埋乳鴿！…Read More

輕輕鬆鬆又放工！同朋友係商場行一陣，就去左醫肚入黎既時候，係打算食餐廳出名既海南雞但見到有喇沙湯底龍蝦伊麵，又覺得好惹味，好想試下咁話龍蝦伊麵係寫住兩人量，但都無諗過上菜碟同份量係咁多如果係兩個女仔黎就未必食得哂龍蝦大大隻，肉質彈牙有鮮味，唔錯！其他配菜大蝦、魷魚、蜆、魚蛋，都係新鮮彈牙，同樣地份量比得好足，性價比相當唔錯重點想講既係個喇沙湯底，少少辣 勁香同惹味，比唔少主打喇沙既餐廳做得更好仲叫左個小食-黃金軟骨個熱度好明顯係新鮮炸出，而且咸香好出，仲可以食到粒粒咸蛋黃既口感我地仲叫左杯”薑桃”鴨屎香檸檬茶，係新推出飲品黎。fans就唔好錯過啦…Read More

去完shopping血拚，就要填飽返個肚喜歡食海鮮既朋友精選左呢間餐廳，話滿四百蚊仲會有優惠！天氣有啲凍，就叫左個蜆煲，啲蜆粒粒都好大，配有香菜、辣椒同蒜茸，見到都覺得惹味職員會現場加入鮮湯，炒一炒，爆香配料，香味已經出哂黎再加蓋焗一陣就食得，蜆肉好飽滿同鮮甜，加上辣辣地好惹味椒鹽九肚魚，炸漿夠薄同脆身，感覺唔油膩，可以一舊接一舊咁食鹽焗奄仔蟹就係滿400蚊送的！隻蟹雖然係送，但都唔細，同埋仲係新鮮同有膏！而且煮法都好特別，調味係用中式香料焗製，值得一試…Read More

同好朋友慶生當然唔可以馬虎，上網專程搵左呢一間食物質素同賣相都好高分既餐廳先黎一杯夢幻泡泡CocktailEmerald Love Blaster Cocktail 職員係我地面前用槍吹起個泡泡，輕輕力搖晃，仲會晃下晃下，好Cute黑松露焗法國田螺田螺好大隻，而且黑松露醬好香。而且焗田螺係唔可以無薯蓉，底下既薯蓉質感夠細滑，同夠香28天熟成西班牙黑毛豬鞍豬鞍估唔到會有兩塊咁抵食，而且都相當厚身，咬落大滿足，而且水份保存得好好冷凍液態氮薑茶朱古力波又一打卡甜品，敲碎朱古力外殼就會搵到寶藏！收埋喺入面嘅朱古力甜品，質地類似布甸，再配上薑味顆粒，味道上有層次，有驚喜！…Read More

自從唔係尖沙咀返工，就好耐都冇食過永年車仔麵。今日係沙田見到永年，就心血來潮想食返碗BB辣車仔麵沙田分店既裝修就更大氣，坐位都闊落啲，同坐得幾舒服車仔麵我就一定要配豬紅、蘿蔔，今次再加陳皮魚蛋、韭菜餃永年嘅BB辣對我來講已經好辣、好惹味蘿蔔吸收左個湯底之後超級入味，而且蘿蔔相當淋身，保持到質素友人叫既雜扒鐵板餐，雞扒同豬扒相當大塊，豬扒仲好厚身。重點一提兩者都零雪味，仲醃得好夠味。配既意粉仲好大碟，唔係特別大食既男仔都未必食得哂，因為個餐仲有餐包同餐湯，相當抵食仲額外加左蝦多士，多士炸得好香口，點上沙律醬就唔會覺得太膩車仔麵質素同之前成日食開既尖沙咀分店一樣，豬紅同蘿蔔仍然係咁出色，會繼續支持…Read More

心血來潮想食啲地道小炒野，上網搵到呢一間餐廳，仲有啲特別菜式，所以同埋屋企人嚟試吓媽媽鍾意食辣，又鍾意食燻蹄，咁岩呢度有一味麻辣燻蹄就啱晒佢麻辣味幾香，我唔係太食到辣都食到，而且醬汁中有花生碎增添香氣同口感。而且燻蹄質感好爽滑，唔會覺得好乾爭爭同硬梆梆。口感確實係幾好黎到是日最想食既菜式-香草芥末奇趣元貝王奇趣其實係脆米，配上炒香既茄子、香菇，再加上芥未微微刺激既獨特味道，口感同味道都有幾個層次。而且元貝份量係相當多，又大粒，時間掌握得剛剛好，元貝口感仲係好彈牙、鮮味。激推…Read More

想飲得健康啲，所以就嚟咗試吓以堅果奶做主打嘅Nuttea第一次飲當然想試吓招牌嘢-伯爵朱古力堅果奶蓋茶朋友就揀咗一杯清新啲嘅水果口味-芒芒堅果奶蓋茶個奶蓋層十分厚，吃食而好厚身、軟綿綿但口感一啲都唔塌。而且堅果味好濃郁，仲會咬到少少堅果碎未搞拌前飲，好飲到好香既伯爵茶，茶底本身已經幾好飲。同朱古力堅果奶蓋搞拌後，味道更昇華，有有朱古力味同堅果既香，確實唔錯友人既芒芒口味就會相對清新，最底仲有大量芒果肉，十分足料。今次初嘗Nuttea堅果奶，確實味道唔錯，同時更健康，可以試埋其他口味…Read More

今日收工同朋友鬆一鬆，去左chill chill餐廳餐廳氣氛好relax，燈光偏暗帶情調芒果大蝦粟米片脆脆沙律賣相好colorful，又好特別，係用粟米片再夾起芒果沙律，好似個夾餅咁芒果好甜，大蝦夠彈牙同埋煎得好香！沙律菜夠新鮮，再加埋粟米片既口感，令呢道沙律特別左好多地中海烤雞配辣紅椒汁炸雞好香，外部非常焦香，配上紅椒汁更帶異國風情冬陰功海鮮扁意粉同樣地賣相都已經令人流口水，大蝦同沙律果碟一樣，都係煎得十分香，肉質夠結實又夠彈牙扁意粉很能掛起醬汁，冬陰公帶微辣，都幾惹味法式焦糖燉蛋再同朋友一齊分享埋甜品…Read More

今日友人帶我黎呢到食生日飯，環境同服務都相當有水準午市定食會配有前菜、沙律、茶碗蒸、麵豉湯，性價比相當高沙律醬汁酸酸甜甜，沙律菜新鮮爽口茶碗蒸超級滑，高湯同蛋味濃郁，又有蟹柳同秋葵篇增添口感碎蔥吞拿魚腩魚生井 可以見到吞拿魚腩相當多，光澤新鮮、入口甘甜，肉質帶有彈性質素確實係拍得上價錢，而且魚生井不只有吞拿魚蓉更有魚生片，帶來兩重口感食得再豪啲，有一盒六件壽司定食再配有角切魚生飯壽司定食有深海池魚、赤身、海膽等廚師仲會向我地介紹每一款壽司，當中最矚目既當然就係海膽！睇圖都可以見到有幾咁飽滿角切魚生飯魚生密鋪左整個飯，加上三文魚籽既點綴，令鮮味升級最後更有雪糕甜品❤️…Read More

收工同朋友輕鬆下，打邊爐確實係好方法呢到環境更加係加分位，坐得舒適，裝修有style，重點係服務態度都好好湯底叫左招牌鮮椰青雞鍋店員會幫我地先炒香雞肉，再加入酒黎個紅燒燒雞環節，十分有睇頭，之後就加椰青水同鮮奶等個湯煲滾就可以先飲一碗椰青鮮雞湯，味道好濃郁好好飲，我同朋友都飲左兩碗，先開始打邊爐。同埋雞肉都要趁早食嫩肉打邊爐既重點當然少不了牛肉，所以我地就叫左牛拼盤 安格斯手切肥牛，牛味好濃郁，雪花分布平均但我最鍾意嘅都係極上手切牛頸脊，有牛味之餘，更有口感平時燒牛舌就食得多，打邊爐食牛舌心都係第一次，但口感亦很好爽雖然係叫左細既牛拼盤，份量都好足，兩個人食岩岩好香菇韭黃帶子餃真係食到帶子既咸香，香菇，帶子帶出層次，推介另外酸梅柑橘蜜，酸酸甜甜好解渴又無冰，抵飲…Read More

朋友生日就當然要帶佢食好野海鮮係佢既最愛，有新鮮任食既海鮮我諗就岩哂佢店員帶位後，會幫手燒第一轉既蝦有鹽燒蝦同埋蒜蓉焗蝦但我地最期待既當然係燒自己夾既流水蝦水箱既蝦都唔少，食到中途店員仲加過蝦蝦體型一啲都唔細，我就再揀左幾隻大蝦燒同埋蝦殼透身，係會見到邊啲蝦有蝦膏，蝦膏味道仲好鮮添 超正去出面仲有海鮮同串燒任拎任食，但當然就唔好做大哂鬼，食到幾多就拎幾多，我地最後都無食剩任何野海鮮都好多款，最估唔到既係有魚提供。其他海鮮仲有蠔，帶子、鮑魚等等帶子、鮑魚、蜆都食咗好幾轉雖然餐廳有提供調味品，但大家都唔好浪費開頭焗蒜蓉蝦既蒜蓉，留返啲蒜蓉再放上帶子上面食，勁好食燒烤當然要燒雞翼啦，呢到個爐火力好猛，好快就食得，大家燒海鮮就要留神。都因為火力夠，實食到好多轉同夠飽最後當然要燒菠蘿做甜品啦，菠蘿燒過後好甜，係好好既燒烤甜品差啲漏咗講，餐廳仲送每人一串鰻魚串燒，十分之厚肉勁惹味，可惜無得encore…Read More

掛住泰國既massage，就不如去食返轉泰國菜去左接朋友仔放工，再係附近book左餐廳，我諗呢間餐廳都少有名氣，唔book枱真係會無位Menu見香芒軟殼蟹米卷係推薦菜式，又唔想每碟菜都係濃味，就試左結果真係有驚喜，香草夠fresh又唔苦澀，軟殼蟹仲保持到鬆脆，加上香甜既芒果同煙un既米卷，成個配搭都好清新又唔單調。 加上餐廳辣汁就更惹味黎食泰國菜又點少得海鮮，叫左個炒花甲花甲size中等偏大隻，份量就咁睇已經好正常，但重點係無肉既殼已經一早拆左，留低既全部都係有花甲肉！！！即係成碟都有肉，咁就真係超抵食同佛心醬汁仲好惹味，花甲又夠新鮮無沙同場當然仲有埋椰青，清甜椰汁解喝最好了整體性價比高，食物質素又得，可encore…Read More

難得假期就訓耐啲，出到商場已經1點左右，就揾左間新餐廳想食返個brunchSet Lunch已包是日餐湯南瓜餐湯味道好濃郁，南瓜味道好突出，亦因為加入烘香過既香菇，香味同口感有層次太陽蛋烤牛扒不知為何，今日就想食好啲，就鋸個扒啦太陽蛋煎得好靚，牛扒亦好大塊，伴碟既蕃茄同薯仔都好美主角牛扒叫左七成熟，牛肉味重，有厚度同口感愛食肉既我大滿足另外薯仔有薯味又煎得香口，也很讚新餐廳既體驗幾好，裝修同環境都好relax 、乾淨會再黎試其他菜式…Read More