餐廳環境都闊落光猛，坐耐啲一班人傾計都幾舒服
朋友話嚟到一定要叫呢度最出名嘅雞粥
雞粥一上枱面已經好香，質地較稠身，入口雞味好濃同帶有雞油香，果然出色
而且（位）既雞粥，都幾大份，再叫多2-3個餸，相信已經夠兩至三人食
另外仲叫咗朋友其他嘅推薦菜
燒鵝例牌
同樣地一上枱就已經有燒鵝香味，令人食指大動
燒鵝適量嘅皮下油脂更添風味，再沾碟上燒鵝汁、酸梅醬，味道再上一個層次
蝦乾腐竹勝瓜
腐竹豆香十分濃，大家都爭住食，連帶湯汁都有豆香味
蝦乾夠鮮，而且浸夠時間，口感很好
食完已經即時諗緊下次再黎要試埋乳鴿！
