jingjen9452zin's Profile

突發好想食蠔，就走左上位於山林道既呢間樓上小店食下唔太常見種類既蠔～西非野生蠔N1 & 法國凱撒蠔N2賣相精緻，有金箔同三文魚子係面。法國凱撒蠔海水味重，新鮮肥美。而西非野生蠔幾有驚喜，本身係因為無試過西非蠔而叫，但估唔到佢又肥美，味道更complex，好食～刺身拼盤有貝類，蝦，帆立貝，三文魚等等。貝類同蝦都唔錯，三文魚唔似平時食開既三文魚🤔🤔美國安格斯肉眼扒生熟程度掌握得好好，肉味夠香，亦都唔鞋口，煎得好靚！炸蒜超好食！！伴碟仲有蔬菜同薯角。澳洲草飼羊架羊架同樣煎得好靚，羊肉味香濃，肉質又好，又夠肥美，伴碟都係有蔬菜同薯角。燒翠玉瓜燒得香口之余，仲好多汁👍燒油甘魚鮫超多肉！！！比我地想飲中既size再大左😂配埋個酸酸地既汁幾開胃，唔會咁快食滯🤣🤣整體黎講我覺得輸蝕係地理位置上，餐廳佈置幾精緻，野食都好高質，絕對會再黎！…Read More

好耐無食過燒肉！！！行經過the one隔離脢到呢間都幾多人等位，即管等埋一份試下～鋪頭空間感幾好，枱夠大，抽風都幾好。801盛りdouble蔥鹽味雞肉超！嫩！滑！好少係特登燒肉食牛既情況底下會覺得雞肉咁好食。腹前牛小排都好厚好大塊，肉味濃。另外可以選配生菜/飯/麵，最適合我呢啲想食菜既人～另外仲有黑毛和牛肩胛肉，超香口，油脂感重之外，配蛋食一流！鹽味牛舌我一向都好鐘意食牛舌，而呢到既牛舌都係薄切，但比起普通燒肉店既牛舌黎講就相對厚身，口感亦比較好。牛板腱肉呢個我覺得好好食～口感好，肉味濃。我自己就會選擇走汁，咁先可以食到肉既原味，加少少鹽已經好好食。整體黎講上菜快，店員有禮貌，地方都幾乾淨，食物質素都好，絕對有下次！…Read More

今晚去左一間幾特別既餐廳，環境別緻，食物同飲品都好有特色，幾值得一食。煙三文魚芝士卷煙三文魚有咬口夠新鮮，包住芝士好好食～沙律菜量多又新鮮，最欣賞佢唔係用沙律醬，成件事清新好多。香煎北海道帶子帶子煎得外脆內軟，帶子本身亦都好新鮮，香甜軟嫩。上面加左麵豉醬，下面墊左枝豆茸，無諗到佢做到枝豆味好突出，好好食。燴澳洲牛面頰牛面頰夠入味，肉質都好軟熟多汁，牛味香濃。配左個和牛薯餅同煮到好入味既蘿蔔。烤澳洲羊西冷羊西冷相對肉質無咁軟，一啲都唔羶，調味略嫌可以再重手少少。伴碟有好多新鮮蔬菜，唔會太膩。但如果蕃茄煎一煎再上碟會更加好～Lydiamilk punch style, 好似飲緊冰糖雪梨糖水咁～酒精味一啲都唔出，造型又靚，好適合女仔飲～Stay At The Moment呢杯好有驚喜，一入口有花果香，中後段有好濃既斑蘭椰子味，好似食緊泰式甜品咁❤️…Read More

今日難得同朋友聚會，第一站就揀左位於漆咸道既Hans,裝修幾別緻，感覺都幾舒服。松葉蟹肉柚子沙律面前鋪滿蟹肉，下面係中華沙律，但用心地落左柚子汁，成件事即刻fresh左特別左！日式前菜拼盤雞泡魚乾燒得香香脆脆，襯返美乃滋加埋少少七味粉好惹味，再配埋Cocktail 好襯啦！枝豆就正常發揮，但已經好好食，因為我本身就好鐘意食枝豆～意大利雲吞配白松露油雜菇醬一上枱就聞到佢好香啦，黑松露既香味好突出，個醬都做得好creamy好香濃，食得出好肥😂但就係要咁先好食！燒厚切牛舌有三串，唔算太大舊，但算厚身，同埋燒得剛剛好，好彈牙。蛋撻唔會太甜，厚厚既foam視覺上加上金黃色既酒好靚好適合打卡～酒體本身香味幾出，但略嫌未做到酥皮香～紅豆呢杯反而意外地深得我心，紅豆同焙茶既配搭濃味得黎成件事又好清新。焙茶味道夠突出之餘又啖啖都飲到紅豆既清甜同少少沙既質感。最開心既係同店員講左少少comment之後佢解釋得十分詳盡之餘，會提出搵緊方法去進步，而且態度都十分友善👍…Read More

出到中環食飯，見到中環街市隔離既呢間西餐廳裝修幾靚，同時又有蠔set食，就行左入去試～佢地bar台乾淨企理，成個場空間感幾好，坐得舒服唔擠迫。先黎叫左個生蠔精選，有一打生蠔加一支白酒，店員話因為生蠔偏crispy同咸，所以揀左酸啲，黎自智利既Pinot Grigio 黎配，食落會更甜。然後叫左紅菜頭鮮三文魚他他，味道唔錯，balance得黎三文魚唔腥。然後係香煎鵝肝多士，鵝肝相對上比出面既唔油膩，煎得外脆內軟。伴菜我估應該係紅酒煮梨，呢個煮得唔錯，味道幾好同時又可以清一清鵝肝既油膩感，好清爽。主食我地淨係叫左溫泉蛋卡邦尼寬條麵配巴馬火腿乾。我個人黎講比較鐘意食寬條麵，有咬口，麵本身既蛋香味都突出。但我覺得可以再掛多啲汁，成件事會更出色。…Read More

呢間西餐廳環境幾好，闊落得黎梳化坐得舒服，裝修都幾別緻，氣氛一流～巴馬火腿沙拉卷少量沙律菜用parma ham包住，加埋松露醬。沙律菜同parma ham都夠新鮮，成個配搭簡單得黎又好食。法式洋蔥湯洋蔥湯味道比較濃郁，幾惹味，但略嫌洋蔥既甜味唔夠突出。帶子意大利飯12月既menu係鵝肝意大利飯，而1月就轉左做香煎帶子。帶子外脆內軟，肉質軟熟又香甜。個人覺得意大利飯口感岩岩，creamy得黎保留番少少米既咬口。蘋果茴香香煎鱸魚一上枱就聞到好香，除左主角鱸魚之外，仲有一隻大蝦同帶子。大蝦肉質緊實彈牙，帶子一樣都係外脆內軟。鱸魚既魚皮亦煎得香脆，好好食。opera cake最後係甜品時間。呢個opera cake除左朱古力味濃郁之外，仲有淡淡既橙香同酒漬櫻桃既味道。口感濕潤，味道同擺盤都好好。…Read More

地中海菜成日聽，但就因為唔係好多地方有，未試過，所以今次同朋友一齊黎左位於廟街既樓上wine bar and restaurant試。香脆魚配阿拉比亞塔醬魚肉鬆軟嫩滑，外層脆漿唔厚，恰到好處。最最最重點既要數佢個醬汁，酸酸辣辣咁好開胃同惹味。黑椒鵝肝醬凍派配法式多士鵝肝醬份量都幾多，夠大大啖配多士食完之後仲有剩。多士香口鬆脆唔硬，配埋鵝肝醬食好滋味！燒烤黑豬排配松露醬烤南瓜個人覺得呢個豬肉幾出色，雖然未到好嫩既狀態，但肉香好出，近骨位置有油香，幾好食。但要留意既係佢無乜醬汁可言，適合好似我咁食肉唔鐘意配醬汁既人。house whte wine同house red wine感覺可以再揀好少少～總括而言，雖然食物選擇唔多，但質素幾好，可惜今次黎啲蠔已經賣哂。…Read More

今日係荃灣收工，約左好耐無見既朋友一齊食飯試新野。由於我地都偏細食，所以無叫好多野，但都已經超級飽。蕃茄水牛芝士配意大利香草醬簡單好味，水牛芝士軟熟，充滿奶香，新鮮蕃茄，再加上少許青醬調味。鮮菇蜆茄醬燴意大利麵無論係意粉定餸菜份量都好多，味道偏清新舒服，唔會太濃味，朋友食得好開心。蜆新鮮唔腥，都無沙。烤美國極佳級肩胛牛扒配菜有薯仔，bb椰菜同紅蘿蔔，醬汁揀左野菌汁，同配菜幾夾。另外牛扒五成熟，切落去已經知肉質唔差，牛肉味都幾香，不過我就鐘意落多少少鹽，唔配醬汁食，咁先最食得到肉香味。心太軟配雲尼拿雪糕女仔總有另一個胃裝甜品，呢個心太軟既朱古力好香濃，唔會太甜，一切落去即刻爆漿既感覺好開心。…Read More

今日同朋友黎食火鍋放題，想揀啲新店試下，所以就黎左呢邊食。個門口都有少少難搵🤔不過門面同裝修都幾靚～我地揀左"團"，價錢ok之餘有好多肉類可以選擇。最驚喜既係佢地竟然有提供冰菜同蟲草花！！蟲草花都比較易見到，但冰菜真係十分少出現於放題店，而我又超鐘意食，好開心！！本身想試花雕醉雞湯底，但最後都係揀左個清啲既皮蛋莞茜湯底。一開波會先上一碟牛肉拼盤，我覺得好既位係全碟都係牛，唔會好似某啲店咁先提供雞肉同豬肉🫣但因為朋友話唔想食牛，佢自己就叫左豚肉，虎蝦同蠔食，評價唔錯。我就當然係不停食菜同牛肉，私心推薦牛小排同澳洲M5和牛肩胛，有咬口而且肉味都幾濃郁。…Read More

疫情下都要去飲下啡既！今次同朋友去左ninetys既元朗分店食飯飲野。Crab Benedict擺盤值得一讚，超靚❤️估唔到蟹餅同Benedict係分開，不過蟹餅調味夠咸香，外層又煎香左，入面濕潤鬆軟。Kale & Beetroot Salad沙律醬應該有加到乳酪，帶少少酸甜既味道，清清地唔錯。另外除左羽衣甘藍同紅菜頭之外，仲有椰菜花，炸豆腐同薯仔，好豐富！Piccolo Latte揀左fruity blend，不過唔算太岩我口味🙈另外有杏仁可以邊食邊飲。Pinky Pinky香甜得黎帶啲lemon grass既香味，飲落唔會太甜。Ginger Touch薑味都幾明顯，但唔太會好辣。整體味道幾好，易入口又幾特別。…Read More

今日難得入到錦田，就周圍行左一圈，比自己一個機會感受下大自然。記得朋友推介過錦田既一間cafe好舒服，而且影相幾靚，所以就去左食下野，飲下啡。牛肉吐司帶香濃肉香既半熟牛肉，煮至金黃香甜既洋蔥絲，再加上火箭菜同芝士，呢個配搭無得輸！而且麵包煙煙韌韌，加埋其他材料，可以算得上係我近期食過最好食既一份toast😋檸檬蛋黃醬藍莓班戟pancake本身唔太厚身，唔會太heavy而又可以沾到好多醬一齊食。檸檬蛋黃醬十分香甜，中間帶啲酸味作平衡，食哂成件都唔會膩～巴斯克芝士蛋糕呢件cake又係刷新左我對芝士蛋糕既感覺，佢味道帶微酸，有啲似乳酪既味道。質感順口唔厚身，唔覺唔覺就會食哂成件🙈而佢仲有另一款豆腐味我都好想試🤤Dirty對我黎講，牛奶份量多左啲，不過的確係一杯打卡唔錯既signature drink😉Espresso Tonic十分適合今日有啲熱既天氣，飲落去成個人都好舒服～Pour Over(PNG Natural)熱愛飲手沖既我，見到咁樣既flavor notes點可以唔試一試佢？點知成件事cp值高過我預計既唔少，tropical fruit既果香，果甜，果酸，都充份體現到係呢杯啡入面。飲手沖最開心既就係可以慢慢飲，慢慢享受唔同溫度既味道變化。…Read More

好耐無食西餐既我，今日約左朋友一齊去尖沙咀食飯，餐廳有主扛生酮餐，但同時都有普通version既食物，係無論朋友仔係咪進行緊生酮飲食都可以一齊用餐既好地方～Grilled AUS Angus Grass Fed Ribeye Steak 12oz肉眼扒表面煎得好香，焦香味濃，入面既肉質有咬口，肉香味唔差，不過略嫌調味稍為重手左少少。可以選擇生酮或者普通version，生酮就會跟沙律，普通版就會跟薯條。我地揀左薯條～Baked Salmon Fillet With Avocado N Cheese好邪惡～～～白汁同芝士都好heavy，但係又好正🤪牛油果切左粒粒，比切片更有口感。三文魚方面反而我覺得要再落多少少鹽，會更好食👍Ginger Bee超級薑既一杯cocktail，適合愛甜同愛薑味既朋友～Edelweiss賣相好似一df新地咁，味道又甜又香，超易入口，女仔應該會鐘意。…Read More

今次又同朋友黎到呢間位於長沙灣同荔枝角之間既cafe，之前同fd食過，記得感覺唔錯～香煎美國天然豬梅扒配松露野菌蘑菇汁肉質有咬口得黎又夠嫩夠juicy，肉味香濃，配上味道溫和又香既松露野菌蘑菇汁，口感同味道都做得好好。香煎慢煮安格斯牛板腱配阿根廷青醬肉心粉嫩多汁，外面有烤牛肉既焦香。阿根廷青醬既味道幾濃烈，做得幾香幾吸引。底部既薯蓉都帶好香既奶香味，帶啲口感。焙茶軟心巴斯克烤微焦芝士蛋糕最愛既焙茶味～不過佢略為heavy少少，個芝士同牛油既比例感覺重左少少。雖然流心效果都唚錯，不過我會鐘意再軟身少少同焙茶味再濃少少。Dirty coffee朋友話有奶香同都幾滑。Boholic secret帶檸檬同菠蘿香味既一款special drink，入口酸酸甜甜，再加埋咖啡味，清新又舒服。…Read More

好耐無食過呢間尖沙咀既日本菜，之前對呢到既印象都幾好，而且黎親食都見到唔少日本人。燒物燒日本帆立貝已經切好左，方便食用。肉質好鮮嫩彈牙，不過就略嫌個汁咸左少少，搶左啲甜味。燒白鱔反而就好出色，肉質勁爽口，調味都做得恰到好處。雜錦刺身全部都好新鮮，個人認為最突出既係帆立貝，赤蝦同赤身。帆立貝同赤蝦肉質都好彈牙同鮮甜，赤身既肉質軟嫩，味道都好好。日本汁煮花螺夠凍夠濃味，咸咸地好適合送酒～👍明太子蛋卷蛋略為薄啲，但明太子就好足料～口感略嫌差咁少少，但味道就好好～～黑松露和牛他他齋睇個樣已經贏左😂牛肉既油花超靚，有咬口，外層仲帶啲燒肉既香味，配上黑松露調味，真係幾正🤤雜錦壽司有齊拖羅，赤身，海膽，蟹肉，三文魚子等等，同刺身一樣，魚料新鮮🤤不過飯就濕左少少。雜錦天婦羅新鮮炸起，唔油膩，炸漿脆身同唔會太厚。芝麻雪糕最後埋尾既甜品，芝麻味濃郁，有驚喜😋…Read More

朋友想食buffet，我地就搵左呢間位於旺角既德福閣試下兼聚一聚。地方唔算太大，一眼望哂，食物款式都唔算太多，但樣樣俱全，前菜，刺身，海鮮，熟食等等，乜都有齊。坐低無耐，侍應會先serve左每人4隻蠔先。食落新鮮又鮮甜，不過朋友唔食蠔，結果我一個人食哂😂跟住朋友夾左啲刺身壽司，質素唔錯，不過都係啲大路野。我就第一時間夾左個蒸魚既魚肚位黎食，岩岩蒸起無耐，肉質軟嫩有彈性，勁好食！！然後最值得一提既就係佢既燒牛肉同即焗既souffle~燒牛肉唔乾唔鞋，有牛肉香，肉質又好。而新鮮焗起souffle勁香，朋友都食得好開心。另外其實仲有movenpick雪糕食，但我地已經飽到完全食唔落。…Read More