德福閣

Open Now

Now Closed

朋友想食buffet，我地就搵左呢間位於旺角既德福閣試下兼聚一聚。地方唔算太大，一眼望哂，食物款式都唔算太多，但樣樣俱全，前菜，刺身，海鮮，熟食等等，乜都有齊。坐低無耐，侍應會先serve左每人4隻蠔先。食落新鮮又鮮甜，不過朋友唔食蠔，結果我一個人食哂😂跟住朋友夾左啲刺身壽司，質素唔錯，不過都係啲大路野。我就第一時間夾左個蒸魚既魚肚位黎食，岩岩蒸起無耐，肉質軟嫩有彈性，勁好食！！然後最值得一提既就係佢既燒牛肉同即焗既souffle~燒牛肉唔乾唔鞋，有牛肉香，肉質又好。而新鮮焗起souffle勁香，朋友都食得好開心。另外其實仲有movenpick雪糕食，但我地已經飽到完全食唔落。