美食偵探社's Profile

[美食偵探社ig: hkfood_detective] 好耐有出過食評了，近日香港發生嘅事， 令到肥妹肥仔偵探食龍肉都冇味。但世界仍然運行緊，好西總要繼續分享比大家， 所以相隔兩個幾月，今日再次執筆分享唔同嘅飯後感。 Pizza大家都會成日食，Pizza hut呀， dominos呀，PHD呀。 一向唔太中意食pizza嘅肥仔偵探，對今次介紹嘅呢間 #motherofpizza都讚不絕口。 我地叫左一個13吋pizza(一半美式肉腸一半雞味濃) 一碟意大利白酒肉腸意粉。個意粉真心好好食，意粉口感好實有回彈，個肉腸真係好好食，味道有d似漢堡扒，但裡面充塞住牛肥膏，口感整之鬆軟，一咬落去肉汁同油四溢，意粉有辣椒乾吊出一d辣味，令整碟意粉既味道昇華了。 13吋嘅pizza原來真係好大塊，連肥仔偵探個頭都冇咁大。 pizza個底好薄好鬆軟，上面d嘅醬塗得好均勻，味道夠哂惹味，係我食過咁多間Pizza最出色嘅一間之日， 佢叫自己做意大利薄餅之母都不為過。Ps: 兩個人叫一個13 吋pizza真係食唔哂。…Read More

【美食偵探社精選報告】主打外賣嘅#chefmind 成個鋪面就係得個望到入去嘅廚房再加出面有兩張高枱加三張凳嘅餐廳，餐牌主要都係意粉，但都會有是日精選靚湯或小食。 呢間係一間家庭式經營既小店。 雖然係鋪位細又不起眼， 但意粉質素竟然超乎美食偵探既預期， pasta係有中高價西餐廳既水準， 仲令我地有想回頭再食既衝動。 我同肥妹偵探用左40 蚊( 係， 你冇聽錯， 係40 蚊) 叫左個黑松露鮮菇忌廉汁意粉， 個廚師不消5 分鐘已經煮好個意粉。 意粉彈牙有咬口， 蘑菇香味四溢， 而黑松露既味又唔會太濃而偏重口味。 整碟野不論份量、味道、價錢都物超所值， 絕對一次過滿足你3個願望。 呢間餐廳唯一既缺點係只做外賣， 所以唔係住係元朗冒名而去既朋友， 就只好企係鋪門口食。 流口水指數： 4.3/5…Read More

【美食偵探社調查報告】講到元朗其中一間老自號， 一定有永年車仔面份。 身為美食偵探又點會錯過呢。 一去到門口， 已經有十幾人係度排隊， 非常熱鬧， 我地一人一個 車仔面(三餸), 一個咖央多士。 不如講下有咩餸我覺得係做得出色架啦， 個豬腸真係好食， 非常新鮮， 而且鹵水夠入味， 鹵水雞翼肉質彈牙又夠哂大隻。 個流心蛋亦都做得很不錯， 蛋黃香濃， 咬落去蛋黃慢慢充滿齒頰， 真係好滿足。 最後不得不讚個湯底，。真係好用心去製作， 味鮮而不太咸， 係令人可以飲哂既湯底。 佢三餸一面都係38蚊，就食到咁高汁既車仔麵， 真係抵到爛呀， 必食！流口水速度：8…Read More

【美食偵探社調查報告】之前去文華冰室食左個黯然銷魂飯， 至此就對叉燒飯有一定既要求。 之前係Facebook見到有介紹炮台山有間叫#chop chop 專食叉燒飯既餐廳， 就緊係唔會錯過呢。 聽聞個老闆仲係❮#食神 ❯套電影裡面飾演過其中一個廚師呢。 個黯然銷魂飯要80 蚊， 一d都唔平， 當然要試真d咩料， 同一般既叉燒好唔同，一咬落去，一陣好香好香既膶腸味四溢， 非常惹味， 我呢塊叉燒既肥瘦比例大約為2比8, 比文華冰室食到個次冇咁有咬口。 佢個叉燒外面既蜜汁比較厚， 有d吮口， 而叉燒既炭燻脆邊覆蓋面較多， 燻味十足。 整體黎講我會更加中意文華冰室既叉燒飯， 因為價值較平， 挑選了肥瘦較佳既豬肉。 而chop chop既叉燒有膶腸呢個位係比較特別既， 如果唔嫌貴既朋友可以一試流口水速度：7…Read More

【美食偵探社調查報告】有咩驚喜得過你完全本身對間餐冇期待， 但最後食出左頗為驚艷的水準？ 一個毛毛雨的星期六，一整天都係灰朦朦，我同肥妹偵探都唔係好有mood。我隨意係open rice上揀左幾間餐廳，最後肥妹偵探揀左呢間我地完全冇試過的 #丼丼亭呢間餐廳既下午茶相比佢個lunch真係好抵， 足足平左接近一半。我地叫左兩個烏冬定食， 一個係天婦羅、一個係壽司拼盤。 烏冬黏韌有口感(呢個已經係基本要求了) , 湯底清又入味，完全幫助到抵消天婦羅帶黎既油膩感。天婦羅炸得恰如其分，炸粉平衡地粘係食材上，沒有過多的油份，天婦羅色澤金黃，不是用萬年油炸成的。壽司的食材相當新鮮， 手握壽司的大小是有用心講夠，飯不會太多而喧賓奪主，放入口的大小剛剛好，連旁邊的配菜也像藝術品的擺放著，這些都是餐廳用心考量的小細節，是令食客感到幸福的高水準表現。你點會諗到一間大家樂集團旗下既連鎖店，能夠食出咁用心同高質素既餐廳， 縱使個日食完咁正既下午茶，冇即刻雨過天晴，但至少我地可以懷住幸福既心情渡過灰朦朦的一天。流口水速度： 8/10…Read More

[美食偵探社調查報告]很多foodie中意試新派菜，或者係一d有綽頭有爆點既野食，但我地美食偵探就只會以味蕾去分辨出菜色的好與壞，只要一間餐廳用心弄出好味既菜色就會介紹。 #泉章居 係一間老牌中菜館，上一個年代既人好多都會聽過，餐廳不論係裝横到環境氛圍，都好有老香港既味道。黎度呢度我會真心推介呢個豆腐鍋，看似平平無奇，但餐廳採購的豆腐極新鮮，整個鍋充斥住豆香，加上裡面的鑲魚肉跟清湯底真係好夾。每個豆腐都是大大份，份量絕對十足。佢地既霸王雞亦都係必試。雞肉嫩口而味鮮，選用的雞不太肥也不太瘦。雞油配上葱油真係要配幾碗白飯撈飯先夠。流口水速度： 7.5/10…Read More

[美食偵探調查報告]荃灣向來都係美食集中地， 係個度捐窿捐罅， 唔洗老馬識途都一定揾到正野食。 肥妹偵探好中意食餃子， 有日佢揾到間叫#餃子屋 既小店，為食既我地緊係動身遠道荃灣一探究竟。 呢間野真係好誇張， 長期都係超多人係度等位。 我地叫左6 隻煎韭菜餃同6隻粟米蘑菇肉燥湯餃。 碗野一黎到， 我同肥妹偵探已經覺得飽， 因為粒粒餃子都超大粒， 一粒頂人地2粒， 細食既朋友真係要帶埋你男/女朋友或d垃圾(桶) 朋友先好黎食， 咪做大哂鬼。 講返d野食先， 個豬骨湯底無得輸， 骨味夠而無味精， 完全可以飲哂都唔口渴。 個粟米蘑菇肉燥餃真心做得好唔錯， 肉餡有誠意， d粟米粒超鮮甜， 蘑菇味夠哂香， d肉燥有肥膏粒， d豬油香溶入哂係個餃裡面。 至於個煎餃既餡都同樣出色， 韭菜同肉新鮮又多，醃料份量剛好， 但始終太油膩，食左一兩件已經有強烈既飽肚感。 很重要所以講多次， 呢間野既份量真係大得驚人， 我同肥妹偵探個晚食完之後， 咩都唔想食， 奉勸各位無朋友既細食人士真係有食唔哂既心理準備， 如果你唔係咁獨， 唔好咁獨食， 帶多個frd幫你。 流口水速度：7.8/ 10…Read More

【美食偵探社精選調查報告】食物唔單單係用黎果腹， 一間好的餐廳弄出來既食物會讓人有滿滿的幸福感， 讓食客會再次光顧在那裡，他們會在餐廳裡遇到不同的人和事，建立起屬於顧客在那餐廳的獨特回憶。舊的#cenacolo 就是那種會讓人窩心幸福的小餐廳， 我與肥妹偵探有很多回憶都是來自這間我們曾經最愛的西餐館。 cenacolo於2018年11月由中環soho區搬到西環繼續經營， 種下了情義結既我地當然急不及待去再次品嘗幸福的味道。 他們的意粉依舊做的十分出色， 意粉口感硬度是我地最中意的， 醬料香濃惹味， 吃出了昔日的水準， 薯條仍然炸得外脆內軟， 肉眼扒雖然算不上是最上乘的品質， 但係牛扒上既處理火喉剛好， 五成熟的牛肉軟熟嫩囗， 切落去剛好有些少血水， 配上少許粗鹽已經吊出牛的香膻味。 滄海桑田， cenacolo 由滿滿的歐陸懷舊風格變成迎合潮流的時尚餐廳。 昔日的紅磚牆已被帶有時尚感的石灰牆替代了， 一盞盞舊舊的黃燈沒有了；現在也不再播放懷舊音樂； 那幾張服務員熟識的異國臉孔消失了； 那第一次肥妹偵探跟我慶祝生日坐的小圓桌也跟著舊址劃上了句號。 同一碟佳餚， 你的味蕾仍會吃出讓人垂涎三尺的味道， 可是， 卻也吃不出昔日的感覺。 每個人都有自己喜歡的餐廳， 當你下次再到你們自己所屬的餐廳時， 好好的品嘗， 好好的享受， 好好的珍惜當前的味道以及幸福，更加好好的珍惜與你一同分享美食的人。 所有的東西都不是必然的， 食物如是， 人也如是。 (舊) 流口水速度：10(新) 流口水速度： 7.5…Read More

【美食偵探社調查報告】我地兩個美食偵探向來都唔係專食漢堡既人，所以對漢堡沒有好特別既研究。上個星期咁啱有d野做要去金鐘食晚餐，你知金鐘夜晚向來少選擇， d野又唔平，揀黎揀去，卒之比我地試左之前好hit既 #shakeshack.我地叫左兩個漢堡，一個係shackburger with double meat, 一個係smokeshack with double meat, 再加左個cheese fries。呢兩個包已經係份量極重，細食d既女仔最好帶埋bf/友人一同前往。 .兩個包食落都令人好有滿足感，一野咬落個包度，d肉汁、油香同芝士係個口度四溢，完全佔據哂你整個口腔，好有霸氣。個包好軟熟，索哂漢堡d油，我諗佢係除左撒旦以外最邪惡既其中一種存在。 健康人士，請你地避之則吉：).流口水速度：8/10…Read More

【美食偵探社調查報告】ig: hkfood_detective有一晚，肥妹偵探帶左我去一間充滿木製同皮製品既餐廳，整個餐廳的裝横都係我杯茶，呢間就係#bricklane .我地叫左3樣野：煙三文魚牛油果烤包，呢個組合本身就係冇得輸，只要食材入貨夠好，就一定唔差。.個芝士雞蛋煙肉意粉奶油夠香，意粉質地也是剛剛好，醬汁粘糊度適中，是水準之作。.最後的鹹牛肉班尼迪蛋是我覺得最好味道的，本身我地都好中意鹹牛肉既味道，加埋egg benedict既濃烈雞蛋黃香，真係好夾，好濃郁。.流口水速度：7.5/10…Read More

【美食偵探社精選報告】一間餐廳有冇用心經營，食客係會感受的。除左一d買好評既賤格餐廳，食客係openrice 既正評的確多少能夠反映出一間餐廳用心經營既程度。#chef's stage kitchen係open rice有零個負皮，全部都係正面既留言同評價，中過幾次openrice 伏既我地，本著半信半疑既心態，係狗年既最後一個lunch試左呢間零負評餐廳。我地叫左一碟卡邦尼長通粉同一碟手打安格斯牛肉漢堡包。 一碟用心製作既美食，由上碟、裝碟上已經睇的出，個漢堡同配菜的擺位不會雜亂無章， 酸瓜與薯條不會放得太近以免酸味滲到了薯條裡頭， 漢堡包已經幫顧客一分為二，方便顧客食用，不會讓食客因處理不了巨形漢堡而露出難堪的食相。用餐上細微的考量，更感受到餐廳是在食客的角度去烹調， 所有的步驟也經過思考。漢堡扒一咬落去，充滿肉汁，味道有層次而不單一，碎肉中的肥肉與瘦肉比例均勻，令漢堡結構不易鬆散，口感軟熟而有回彈感，加上熱騰騰的芝士與外脆內軟的麵包，只能用三個字黎形容：好好味呀！！長通粉對美食偵探黎講，好唔好味既其中一樣要素，係取決於廚師對pasta軟硬度的拿掐程度。chef's stage kitchen的pasta完全冇令我地失望，有口感的pasta, 完美的收汁，適合的份量以及鹹度，配合香滑的奶油，只能用三個字黎形容：冇得輸！！享受完美食之後，我同肥妹偵探都感到久違的幸福感，對上有咁強烈既幸福感已經係舊 cenacolo的時候了。十分推薦各foodie一試。相比起隔離的 darci by Aldor, 真係天淵之別。流口水速度： 9/10…Read More

【肥妹偵探獨自調查】去咗#洲際#hightea，去得high tea，就預咗係主要食環境。對住維港high tea，加上舒適嘅環境，寬敞嘅沙發，真係好適合幾個女仔坐返幾個鐘，慢慢傾計update近況。不過個tea set就真心麻麻，得個靚字，用尼影相呃下人就得。.由於依度係冇時間限制，我見到有人叫咗壺茶就坐幾個鐘喺度做野，真係好過去Starbucks!.流口水速度🤤：3/10環境舒適度😴：7/10…Read More

【美食調查報告】ig: hkfood_detective近年有好多冰室四起，主打唔好既招牌菜，#旺記冰室 比較特別， 佢地主打滑蛋飯， 我同肥妹偵探一家就決定係周末一於試試佢。 .我地叫左四碟嘢share嚟食。滑蛋叉燒飯嘅滑蛋夠香滑，叉燒偏向用瘦叉，以比較硬身嘅口感配合反滑蛋既柔軟，撈埋d飯一齊食真係幾惹味， 值得一試。.另外一樣值得一提的是佢地既特濃番茄湯午餐肉粒通心粉。湯底茄味十足，用匙羹潷d湯上嚟會清楚見到d茄蓉，午餐肉炸得外脆內軟，口感十足。.至於豬膶通粉我就更推介 #敏華冰室，呢度d豬膶整得有d過老，湯底亦都太鹹。 流口水速度：7/10旺記冰室灣仔謝斐道142號建利大廈地舖…Read More

【美食偵探社調查報告】ig: hkfood_detective我相信都有唔少foodie已經去左 #happypancake 度打卡。對我呢d男士黎講，我就唔係為間野有幾令有幾trendy先去試，我係真心想食好西而去食的，究竟結果有冇令我失望呢？ .我同肥妹偵探叫左一碟奶茶班戟，一杯皇家奶茶(因為有minimum charge)。睇下同flippers有咩唔同。.個班戟食落去比較少空氣感，相對地有咬口，蛋黃味亦相對較為突出，非常濃郁可口。至於個主調奶茶醬比較甜及粘口，奶茶味尚算足夠。.我個人比較喜歡happy pancake多過flippers。假若你喜歡重蛋味，又想口感較實在的話，真的不容錯過。.流口水速度：8/10…Read More

[美食偵探社] 我同肥妹偵探一向都好中意食各種麵類，所以咁岩去開旺角，亦都不忘去揾下有咩好既麵食。 結果比我地揾到一間叫 #石鍋堂 , 一間專食手打烏冬既小店。.我地叫左一碗鰻魚石鍋手打烏冬(黑松露香菇湯底), 一碗厚切豚肉石鍋手打烏冬(豬骨湯底) 。.通常手打麵條比我感覺都係口感較軟，麵質冇咁有彈性，反而唔係好吸引到我。但石鍋堂既烏冬又冇呢個問題，烏冬本身好煙韌彈牙，口感一流。鰻魚原條上，魚身肥美，滲出鰻魚油香。厚切豚肉份量十足，食材選用近豬腩位置，肥脂跟肉既比例各半，而豬肉整得好軟熟，有少少似東坡肉既口感。兩個湯底都好出色，一個香菇味超級濃郁，一個魚介同豬骨味道十分配合。.如果要少少吐糟的話， 我諗個湯底鹹味唔太夠，始終烏冬味淡，好需要湯底本身既鹹度去支撐整碗烏冬既調味。.流口水速度：8/10…Read More