UniHK's Profile

今天同M仔到咗土瓜灣掃街血拼，經過間叫“傳點心意”嘅茶餐廳，單單聽店名已經有一種傳統文化風韻嘅味道，於是興起想入去試下Water做嘢好俐索，鮑魚什錦蒸飯熱氣騰騰送到面前，米飯香軟幼細，鮑魚係特色，食入口爽滑IN韌，口感絕佳，排骨同鳳爪咸淡相宜，火侯得當蝦餃作為早點的必點名菜，自然有佢嘅特色，鮮蝦Q彈，餃皮晶瑩爽滑，每次嚟到都唔會少咗蝦餃，實在令人回味三分講到必點名菜又點可以少咗燒賣呢？呢度嘅蟹籽及黑松露燒賣口感比起蝦餃絲毫不遜色，爽嫩鮮一次過滿足對美食嘅要求花雕雲吞雞勝在創新，雲吞同雞肉嘅味道搭配天衣無縫，湯底鮮甜，雞肉軟爛，雲吞爽口，越食越滋味黃金翅頭響螺湯同屋企媽子煲嘅老火靚湯比起身都唔執輸，清甜鮮美，一飲就停唔到口了…Read More

今晚落咗班同HONEY過嚟韓日燒拾下拾下同埋食烤肉，我比較中意佢哋食材嘅擺放用一個大餐盆放住一款菜式分幾層擺放，肉類同蔬菜分兩個地方擺放，壽司小食及甜品兩個地方，酒飲類又另外一個地方，空間足夠大，羅嘢食果時唔使同人逼來夾去，I LIKE IT~蔬菜種類好多，有菇類、瓜類、葉類嘅蔬菜之餘，仲有新鮮水果任拎；肉類有排骨、牛扒、香腸、雞翼、五花肉、雞肉等等，睇到我眼花繚亂；至於酒飲，好多品種我都未試過，例如紅酒泡洋蔥、梅酒、桂花酒等，比較常飲嘅有熱清酒同菊花酒、玫瑰花酒，味道很香醇甘甜，花酒最啱女仔飲，補血氣；我哋要咗個火鍋，先放金針菇、白菜、炸腐竹、豆腐等煲滾先再放肉，咁樣湯底嘅味道會濃一D，等緊火鍋之餘我哋都烤咗幾只雞翼香腸嚟試下手勢，因為店家事前已經調了味，所以烤完之後試食咗一下味道都唔錯，雞肉好爽滑。至於小食類，炸大蝦同炸薯條味道唔錯，好香脆。 …Read More

今天同朋友來到新泰東南亞餐廳食嘢，剛行入嚟發現佢哋嘅裝修好有東南亞風格feel，有一面墻係唔同風格嘅瓷磚粘貼一齊，乍看比較有東南亞熱帶風情，樓梯間有一個展櫃擺設，上面嘅銅像人物也是泰國著裝，仲有其他飾品都佈置得原汁原味。冬蔭功係馬來西亞乃至全球都非常有知名道，來到點可以唔試下佢哋招牌菜，酸辣口感適中，味道唔會太濃太重口味，可以品嚐得到青檸同椰漿的香味；千層糕十分爽甜香滑，上面鋪咗濃滑嘅椰漿，食入口更加清香怡人；肉骨茶以前真無飲過，同我哋平時煲嘅藥材湯感覺差唔多，胡椒味比較重，藥材味都比較濃，湯底就好似品茶一樣可以不斷續杯，肉骨茶嘅歷史由來也是值得學習嘅。泰式青咖哩雞味道有點辣，雞肉幾嫩滑，馬鈴薯也夠軟爛，總體口味都唔錯；咸魚炒芥蘭味道好正，咸香爽脆，係我鐘意嘅味道；珍多冰椰香味好濃，加入椰果同水果之後都幾清甜，不會太膩。…Read More

今天MAY姐話突然好想食海鮮，係都要嚟潮福蒸氣石鍋食嘢，點咗一個海鮮餐，裏面嘅食材真係好豐富，見到個賣相都心鬱鬱想食喇！鮮雞排骨燉蜆湯味道好清甜，雞肉同埋排骨都好軟爛入味，連平時飲湯唔食湯料嘅我都忍唔住扒咗兩啖嚟試下。瑤柱鮮淮山粥由我哋自己加米同新鮮淮山瑤柱入鍋慢慢蒸，大概1個鐘頭左右已經好綿滑了，味道好鮮美。當然，蒸粥嘅同時我哋都一樣係上面蒸海鮮，蟶子皇加入咗粉絲同蒜蓉之後香氣四溢，肉質爽甜，食過返尋味。蒸南非龍蝦好大一只，一邊嘅龍蝦已經係我一只手咁大喇，蒸熟肉質都無點縮水，食落Q彈鮮嫩，MAY姐都大贊D海鮮夠新鮮吖。蒸象牙蚌仔同大連鮑魚，佢哋嘅海鮮味十足，鹹鮮之餘又唔會有腥味，爽口彈牙，味道真係無得頂。仲有其他海鮮味道都好新鮮，就唔一一介紹喇，最後再講一道小食甜品。蒸蔥花卷同紅棗糕，香軟嘅蔥花卷，趁住熱辣辣果陣放入口，口感一流，紅棗糕香糯清甜，滋補美顏。…Read More

今天又同MAY姐佢去金禦膳正宗海鮮蒸氣石鍋食海鮮，佢已經係海鮮嘅路上越行越遠了，簡直為咗食海鮮無曬理智，山長水遠走嚟土瓜灣試呢間店，小弟我除咗寫個服字當然仲跟埋癡餐喇。嚟到要咗個銅獎套餐，裏面係南瓜豚骨粥底 清蒸龍躉斑片 清蒸象拔蚌仔 蒜蓉蒸大元貝 蒸蟶子 蒸蟲草花八頭鮑魚 蒸手打雙丸 蒸娃娃菜南瓜豚骨粥裏面有豐富嘅維C同鈣元素，蒸出來嘅口感更加香綿純滑，食得多對健康都有好處咖。清蒸龍躉斑片灑少少蔥花同薑絲之後更加鮮美，食入口肉質嫩滑，口感一流；清蒸象拔蚌仔原只睇起身好新鮮保滿，蒸熟之後爽滑鮮甜，味道同賣相一樣咁正；蒜蓉蒸大元貝，蒜香味十足，元貝都算飽滿，肉質好IN韌；蒸蟲草花八頭鮑魚一上枱已經對佢虎視耽耽了，最終食到佢啦，飽滿嘅鮑魚加上蟲草花，蒸熟之後清甜爽口，好食到爆吖。至於手打雙丸同蒸娃娃菜，口感都幾掂嘅，娃娃菜夠新鮮爽甜，雙丸又彈牙，總體今次嘅行程都算無行錯地方，食得好滿足。…Read More

今天口寡寡想食D重口味既飯菜開下胃，同事話公司附近有間四川菜館可以試下喔，於是落班我地就一支箭標左過黎了，入面裝修既風格好有中國風，店名叫做“四姐川菜”。好似我呢D對麻辣美食情有獨鐘既人，首先要試當然系響遍大江南北既名菜啦！夫妻肺片、辣子雞軟骨、麻婆豆腐、水煮肉片、重慶口水雞點呢幾款就肯定無走雞了。夫妻肺片系冷盤，雖叫肺片但裏面無肺，而系牛肉、牛舌、牛心同牛頭皮組合而成，用料香，厚薄均勻，攪拌入味，爽脆香辣。辣子雞軟骨好有技巧，精挑軟骨雞肉，食入口鮮嫩爽脆，風味無比。麻婆豆腐食一啖就會感覺到麻、辣、鮮、鹹、香等好多味道沖口而出，豆腐軟嫩細滑，豆味香醇，口感一流。水煮肉片既特色系麻辣鮮燙，紅通通既花椒加上熱辣辣既滾油，食起身肉嫩香辣，回味無窮，辣到停唔到口。重慶口水雞都系涼拌，同樣麻辣鮮香嫩爽集於一身，調味出眾，肉鮮嫩美味。…Read More

今天本小寶真系有口福，同事T仔居然話要請我食好野，一早就從車過黎元朗等食，呢間叫橋底出位雞煲真系好旺場，中午已經好多人過黎食野，好在我地唔系高峰期過黎，加上得兩條友，所以好快有得埋位。T仔推介左幾款我都覺得OK，於是就要左廚房炒米線、椒鹽鮮魷、炸乳鴿、出位雞煲、炒蟶子。兩個人食甘多野小寶寶心入面都驚唔知減肥減到幾時先得，但系一上臺全部聞住都香噴噴，寶寶就將減肥拋諸腦後了，色香味俱全，打死都食完再講喇。炒米線比較幹身，芝麻香夾洋蔥火腿肉一啖入口真系勁好味咯。嫌幹身既朋友可以加D雞煲汁，一樣甘惹味。椒鹽鮮魷好鮮爽，鹹香味十足，岩岩開始食果陣有點IN韌，但系食食下就停唔到口了，同食薯片剝瓜子既感覺差唔多，越食越想食。乳鴿肉質蘇嫩軟滑，炒蟶子既醬汁火侯都好好，兩樣食過都返尋味啊，用來撈面正曬。最後出場既主角--出位雞煲，肉嫩骨爽，汁稠味濃，食一啖就知道與眾不同了，濃而不膩，煲左甘耐都唔會十分多油脂溢出，真系好正~…Read More

今天同HONEY黎到北角呢邊約會SHOPPING，買左好多野，行到腳仔都痛，拿拿林穩間餐廳坐低食埋野先，於是決定晚餐黎左New York Diner食野，點左B.L.T. Burger（美國牛肉漢堡） 、Black Toast Fruit（神秘吐司水果嘉年華）、Mushroom Linguine（黑松露雜菌扁意粉）、Prawn Saload（大蝦凱撒沙律）。New York Diner既裝潢同氣氛都幾有情調，好適合後生仔過黎撐臺腳，B.L.T. Burger牛肉好鮮嫩，薯條稍脆，搭配番茄醬都幾滋味既，蘑菇湯比較濃稠，味道幾香。Black Toast Fruit黑黑既吐司食落比較硬身，炒蛋好滑嫩，加入士哆啤梨粒同藍莓粒之後多左水果既香味，食落口唔會太膩。Mushroom Linguine意粉幾爽身，搭配雜菌既話口感好爽口，加上爽脆清甜既青椒，味道唔錯咖。Prawn Saload蝦肉較為鮮嫩，得一只我地唔夠分咯，建議分量再多D，哈哈，距呢邊既沙律醬好好味吖，香香甜甜甘，最岩我呢D甘中意甜食又貪靚既女仔喇，蔬果都好新鮮，拌醬之後味道唔會有衝突，食入口清甜爽脆，可以比大大一個贊。…Read More

今天屋企人都有節目，媽子唔想煮飯，拉住我過黎大埔潮福蒸氣石鍋食蒸野，媽子話得兩條友過黎食返餐好過自己系屋企落手落腳煮喔，兩個人點左好多海鮮，儘管放開肚皮食餐勁既。我地問過大堂經理知道邊D系最好味既，聽距介紹點左蒸蟲草雞、蒸大元貝及鮑魚、蒸龍蝦、蒸生猛海中蝦。蟲草雞唔需要多介紹喇，每次黎到必點，雞肉夠嫩滑蟲草花夠爽口，搭配一齊食簡直無得彈。大元貝同埋鮑魚一齊蒸慳時慳力，大元貝肯定系搭粉絲蒜蓉最好食喇，鮑魚用蟲草花黎蒸味道都唔錯，前者爽口Q彈蒜香味十足，後都爽甜韌韌地有嚼頭。蒸龍蝦都食過好幾次，每次食都可以保持新鮮生猛，實在難得，蒸出來之後肉質飽滿鮮甜，媽子都大贊食得過癮。龍蝦小貴唔捨得點太多，不過海中蝦就唔怕食喇，口感雖然唔似龍蝦甘好食，不過勝在夠抵夠新鮮，肉質都好鮮爽彈牙。媽子話以後得返我地就過黎開小灶喔，哈哈！…Read More

今天佬友仔Y無喇喇話要請我食飯咁好肯定有古怪不過有得食梗系唔執輸喇今晚食野呢間餐廳情調確實唔錯裡面既美食齋睇個賣相已經好殺食喇。先試下個壽司 平時食開新鮮既三文魚今次呢個用火烤過有股魚香味搭配埋芝士食入口感覺魚肉香嫩芝味濃醇別有一番風味。生蠔刺身既樣睇落好新鮮飽滿加入酸酸的檸檬汁等距冰鎮多一陣再食生蠔肉已經滲入左檸檬汁酸酸味味甘食得好過癮。天婦羅既味道都唔錯大蝦炸完唔會顯得干身肉質食入口都幾鮮嫩下裡面仲有芝心脆脆甜甜口感幾正咖紫薯地瓜丸香糯軟甜甜而不膩味道超正。茄子天婦羅爽脆食起身口感都唔錯咖。…Read More

今天同HONEY來到左九龍城既Orange Elephant Thai Restaurant食泰國菜，點左馬拉盞炒通菜、青檸辣椒明爐烏頭魚、泰皇咖喱炒肉蟹、椰青等，仲有其他唔系好記得名喇。馬拉盞炒通菜比較常食，同平時炒既腐乳炒通菜有D唔同，呢味既味道比較香口一DD，食入口很爽脆。泰國菜既特色系鐘意加檸檬咖喱之類比較重口味既食材入菜式裏面既，今次終於有機會試下呢款青檸辣椒明爐烏頭魚，外表睇上去雖然比較清淡，但條魚已經吸收曬青檸既味道，加D湯汁一齊食入口酸酸甜甜，但系魚肉感覺更加鮮美了。最有特色系距地既泰皇咖喱炒肉蟹，賣相同味道一樣甘開胃，睇見已經有D流口水了，咖喱辣勁十足，蟹肉鮮嫩爽滑，齋撈汁我居然食左兩碗飯，可見距系有幾開胃吖。作為今天既重口菜，我都好想再挖掘下新鮮既辭彙黎形容距，可惜文筆有限，描述唔出更貼切既形容詞了，我會自覺返去對住牆反醒既喇。…Read More

今天同S妹過來新浦崗，發現呢邊有一間潮福蒸氣石鍋，對呢度既海鮮真系念念不忘咯。S妹都話好耐無食海鮮想試下，于是我地決定入去食返餐，我地懶得自己慢慢揀，選左一個蒸氣鍋海鮮餐，裡面有龍蝦、鮑魚、花蛤、雞同埋時蔬，配料自己隨意搭配。由於我之前有食过，已經比較老手了，所以點樣蒸法都系我來包辦，先蒸左個龍蝦先，蒸出來既肉質飽滿彈牙，好爽嫩。鮑魚蒸果時比左小小蟲草花一齊蒸，結果食落又幾好味，鮑魚肉質爽口之餘有D蟲草花既清甜，店家處理海鮮的手法好好，食甘多次都無食到好海腥味。花蛤當然唔少得粉絲蒜蓉呢兩個好基友喇，甘樣既搭配真系百食唔厭。至于滑雞想蒸得健康最好就加紅棗蟲草花喇，店家都識得藥膳搭配，所以次次都可以蒸到一鍋清香嫩滑的雞肉煲出來。至於時蔬蒸出來之後依然爽嫩新鮮，就算唔加醬料都已經好清甜了。今次S妹食得好滿意，話我無介紹喔，下次都要帶佢幫朋友過黎試下。…Read More

今天同朋友2個人經過屯門附近見到有一間莆田，剛好佢嘅客人係lee個Moment仲唔算好多，決定入嚟試下味；閩菜味道比粵菜要稍微清淡一些，可能因為福建靠近臨海，佢哋食海鮮嘅地方都鐘意注重菜式嘅鮮味而唔係追求調味嘅喇！講返我哋點嘅菜先，我哋點咗原味鹵豆腐，莆田扁肉湯，莆田鹵麵，酥炒芋頭，蝦苗拌頭水紫菜。雖然睇落齋齋地，但係價錢都唔低咖，等我哋嚟睇下佢究竟貴係邊先，首先介紹下我哋點嘅蝦苗拌頭水紫菜，食落有d酸酸嫩滑嘅感覺，原因係佢哋會加d醋入去拌下，提高一下菜式嘅口味。再講下個豆腐啦，表面白雪雪好似就得一堆豆腐咁，其實入面有好多料咖，食得出來嚟就有冬菇喇、亁貝喇、粉絲喇等等，真係豐富到你唔信；扁肉湯同鹵面都係同豆腐差唔多，表面齋齋地，食落又有驚喜，面食好有嚼頭，湯底加咗醋比較開胃，唔怕食濟～至于芋頭炒得真係又蘇又糥，可以當甜品咁食了，口感好正，份量又足，HK就有正宗口味嘅閩菜唔使自己大老遠走去福建食一餐，真係值返個回票價喇。…Read More

今晚同朋友係大埔lee邊閑逛，剛好肚仔餓餓地，經過甜椰坊門口見到今晚客人唔算太多，決定入嚟食返餐先。入到嚟坐低打開個餐牌，發覺里面好多甜品嘅價格都好抵食咯，樣樣睇落去都好似好好味咁，一下決定唔到食乜先，好難選擇啊，霖咗一下，最后點咗一個燕窩楊枝甘露，同埋一個巴芙山。楊枝甘露係甜品店嘅特色，我哋每次食甜品都幾乎會點一份，好食又營養，今次再加上有燕窩係入面，肯定更加香滑滋潤喇。而巴芙山就係賣相吸引口感又唔錯嘅甜品，天氣熱果陣食佢就至消暑喇。等咗一陣兩個甜品就上餐了，果然好有效率，燕窩楊枝甘露嘅材料好足啊，真系可以見到晶瑩剔透嘅燕窩係柚子粒下面，份量仲幾多下添，老板真係落重料喔，味道同之前食開嘅楊枝甘露差唔多，勝在羹羹都食到西米同水果，唔會因為價格優惠而偷工減料，lee點要比個大大嘅贊先，巴芙山嘅味道都唔錯，士多啤梨新鮮多汁，泡芙又脆又甜，雪糕也香滑，值得一試啊！…Read More

今天真係好忙，撲完九龍塘又要撲過來大埔見朋友，所以一定要佢穩定間好食嘅飯店嚟招呼我。結果來到佢話請我嚟食潮福蒸氣石鍋喔，之前好似有聽過嚇，但係未幫襯過，今次巖好可以試下係點味道喇！埋位時間早咗d，人流未算好多，我哋坐低之后，朋友點咗一份蒸龍躉斑片同埋蒸花竹蝦，佢話先點住兩個試下味。不過我覺得兩個人食已經足夠了，首先蒸我最中意食嘅大蝦先，按菜單提示花竹蝦蒸5分鐘就可以了，佢嘅石鍋可以設置時間自動停止，蒸緊果陣我哋兩個又可以來返一杯吹下水，果然，5分鐘之后攞出嚟睇下只只都色澤光亮，肉質飽滿，食落口清甜鮮美，爽口彈牙，好耐無食蝦食得咁滿足喇。跟住再試下個龍躉斑片，蒸果時加d蔥花調下味去腥，同樣蒸夠5分鐘，打開蓋之后蔥香撲鼻，魚吸收咗蔥香之后果然鮮嫩了很多，食起身唔會覺得太重魚腥味，今晚餐飯，一個字，夠鮮！…Read More