Sum-yee's Profile

今時今日，食個快餐閑閑地都要40蚊，仲要無野飲。如果唔計環境差同服務差，泰昌就真係飯堂首選，34蚊包餐湯同飲品，仲有大大碟飯食，認真超值。湯唔會主動上，要問呀姐拎，飲過幾次，唔係例湯，應該無落味精，飲完唔會口渴。粟米石斑飯，係大堆頭，罐頭粟米湯加蛋花，燴埋炸到脆卜卜嘅斑塊，好好送飯，斑塊啲粉漿唔算厚，呢個價錢我受囉…Read More

去完大酒店，係附近搵野食，見幾多人幫襯，一於試下 鹵水鵝，見個色水就知係好鹹⋯⋯不過下面啲豆腐就幾好食 韮菜豬紅，份量算多，不過韮菜太少 雞，聲稱係新鮮雞，都幾好食，呢度半隻要百幾蚊 炒芥蘭，餐牌無嘅，自己叫，好大碟 煎蠔餅，啲蠔都幾大隻 蒸鱔，好新鮮，味道調較得剛剛好，不過差唔多二百蚊呢 …Read More

上次食唔到蚵仔煎，今次補回 啲料都算足，每啖都有蠔仔係入面，而且啲蠔仔都幾肥美，成個餅底唔多粉，個汁好好味，不過一個人食真係好飽好滯，食完蚵仔煎已經食唔落其他野⋯⋯ 豬腳肉，其實本身舊肉無咩特別，我估個重點係個汁度，酸酸地，甜甜地，好開冑，做小食一流…Read More

其實只係食過幾次，唔知點解好似變咗熟客仔，個老闆娘真係好好人，幫我地設計了一個情人餐，最重要係價錢大眾化 心心湯碗夠晒浪漫，如果平時都用呢啲碗就好了 前菜係凱撒沙律，可能係因該二人餐，感覺個份量好多，滿滿的一碟菜 芝士焗龍蝦配薯菜，放係心型碟上真係好得意，隻龍蝦都好大隻，啖啖肉，芝士又夠香，不過食隻蚶果陣就有少少難搞，要出動隻手先開到黎食 之後仲有個芝士蜜糖炸雞、和牛、甜品心太軟，不過掛住食都唔記得影相了⋯⋯炸雞配芝士同蜜糖，初時食有啲怪，又咸又甜，不過食落又幾好食，最適合配酒飲， 可惜我地唔飲嘅 …Read More

之前有試過晚餐，今次黎食下午茶，價錢都算抵食。今次叫咗個6吋pizza，相比某個連鎖品牌，呢度啲pizza好太多了。首先芝士係用意大利嘅，所以芝士味真係好重，食pizza芝士係好重要，雖然係迷你pizza，但都一樣好足料可惜下午茶得兩種選擇，晚餐多好多呢⋯⋯ …Read More

忙碌了一星期，終於到了星期五，一定要獎勵一下自己先得。黑松露蘑菇湯加卷卷牛角包，湯比較creamy, 加上淡淡嘅黑松露味，飲完好有充實感咖哩牛肋條飯，是珍珠米啊牛肋淋淋的，很入味，裡面有翠玉瓜、紅蘿蔔等蔬菜，感覺均衡一點，食多咗都唔怕軟殼蟹pizza 配蛋黃醬，睇個樣就已經夠晒吸引，切開餅底烘得比較硬，不過配埋軟殻蟹，感覺都幾特別，又軟又硬又有醬，好食到不得了:)…Read More

夜晚做完野，諗住食返個雞藕飯開心下，點知勁失望首先係個藕餅，又燶又硬:(之後塊雞扒就好似未燒夠咁，個心唔夠熱:(跟住連我最鐘意食果啲咸酸菜同豉油汁都話唔夠，所以無得加。唉，第一次去食銅鑼灣店就搞成咁，下次都係去返總店食…Read More

過咗9點半，慈雲山好多食店都差不多收工，幸好元氣收10點半，可以食返個宵夜。由於太夜，迴轉上的壽司實在唔敢拎，散叫會比較好。最普通嘅蟹柳同蛋，係必食，而且夠快出爐白色嘅係炙燒左口魚裙邊，好juicy呀！豬扒壽司巻，可能太夜，要即刻整，所以等咗一段時間先有得食。…Read More

好日都唔食一餐，一食就出事見到餐牌有個午餐推介，鮑片雞絲飯，上面幅相都幾靚，又幾片鮑片係面，下面有金黃色嘅蛋炒飯，於是試下啦。由於無位，叫外賣返屋企食，點知一打開個盒，直情想立即煮公仔麵食先唔好講啲飯硬，個汁簡直不知所謂，黑色一盆，鮑片係痴住盒底，雞絲幼到睇唔到，個汁味道勁怪，唉，真係食唔落…Read More

茜廊餐廳，個名同門面都ok，但入到去就知中伏了。本來想同朋友靜靜地傾下計，不過裡面勁嘈，環境仲差過快餐店，而家食物選擇少，真係好難食。餐湯牛尾湯，味道還可以，蒜蓉包係咁多樣中最好味。恐怖野來了。。。真係未食過咁難食同貌相咁恐怖嘅千層麵，根本係一pat野，完全無層次，而且好淋，味道怪怪地，係食唔落口。呢個類似糯米飯嘅食物，其實係咖哩炒飯，超級油，見到都唔想食…Read More

婆婆住樂富，要飲茶就只可以落樓下，間間都超多人，等勁耐先有位，坐低又趕人走，服務態度超差。鹹水角，熱同脆，係可以食得過叉燒腸，皮都算簿，但叉燒比較少叉燒包唔夠熱，鳯爪好甜潮州粉果皮太厚，糯米包偏硬，唔好食咁嘅質素要幾舊水，實在貴夾唔好食…Read More

係牛頭角返工咁耐，都係第一次食，皆因實在太多人等位，午餐長期門口逼滿人。今日遲咗食，見無咩人終於可以試下，例牌墨丸腩肉酸辣。由於唔記得呢間唔係三哥，所以就出事了，呢間啲酸辣係唔多酸，但就好夠辣，食到眼水都標埋，下次都係清湯好啲。墨丸都算大粒，腩肉份量多，配菜又係好多，所以食一碗係好飽飽，幸好無叫小食，如果唔係就浪費了…Read More

是日友人結婚，上午行禮，下午食自助餐，地方好靚好有派頭，但食物質素一般因應等行禮，搞到差唔多2點先開始食，幸好有席前小食，而且係所有食物中已經算好吃，不過係一早炸好，所以微凍，但唔影響味道，其中餃子係最好食自助餐開始，要等頭幾圍拎食物先，係好正常做法，不過第一輪完咗，已經有部分食物清盤，所以只好食住甜品先蟹子沙律幾好食，啲火腿都有3款左右，而紅色果塊偏咸，甜品就真係好甜。之後仲食咗其他沙律前菜，串燒，咖哩，粉麵飯，不過都係麻麻地好食，全部都偏甜。特別一提，啲餐具係勁污穢，隻碟底係有食物殘揸痴住…Read More

朋友非常崇日, 每之約會都必選日本餐廳, 今次呢間真係好多日本人去食, 仲要用日文落單, 不過其實都係看圖識字啦...指住個menu就ok了餐具同碟都好有特色, 不過可惜我唔識日文, 純粹感受氣氛吧!入正題了, 先黎一個蝦沙律, 4隻炸到脆卜卜天婦羅蝦, 雖然好熱氣, 但新鮮炸出黎, 如鬆脆但又唔油膩, 不過小心辣親嘴仔, 千祈唔好成隻擺入口呀!!主菜係烏冬鍋, 坦白講其實係甜豉油湯底, 不過d麵索晒d汁, 好入味, 加上本身自己鐘意食甜鼓油, 所以最後我地連湯底都飲埋...... 結果....係勁口渴..... 應該落咗唔少味精招牌雞翼, 嗯....係幾特別ge....不過就乾咗d.....同埋d味粉食完又係好口渴...可能比較適合飲番兩杯果時叫黎食....…Read More

油豆腐酸辣麵自從嫁咗之後都好耐無返黎食，記得以前只係2x蚊一碗，而家竟然要3x蚊，真係貴咗好多。呢度啲酸辣湯底，講真係唔辣嘅，得好多辣椒皮係度睇，加上落咗麵同4舊油豆腐，更加沖淡咗陣酸辣，適合少辣嘅朋友。不過我最鐘意佢個湯底好足料，有豬皮、木耳、豬紅、筍、豆腐、竹苼等等，食完飲埋包你好飽。…Read More