會所1號 銀灘 (Closed)

是日友人結婚，上午行禮，下午食自助餐，地方好靚好有派頭，但食物質素一般因應等行禮，搞到差唔多2點先開始食，幸好有席前小食，而且係所有食物中已經算好吃，不過係一早炸好，所以微凍，但唔影響味道，其中餃子係最好食自助餐開始，要等頭幾圍拎食物先，係好正常做法，不過第一輪完咗，已經有部分食物清盤，所以只好食住甜品先蟹子沙律幾好食，啲火腿都有3款左右，而紅色果塊偏咸，甜品就真係好甜。之後仲食咗其他沙律前菜，串燒，咖哩，粉麵飯，不過都係麻麻地好食，全部都偏甜。特別一提，啲餐具係勁污穢，隻碟底係有食物殘揸痴住