FoodieKuma's Profile

平日喺厚福街食飯都見呢間食店都會有人龍，星期日晚飯時段難得唔使排隊，立刻去食個米線。兩個人分別點咗兩個米線🍜懷舊藥膳米線🍜湯底清澈，但好夠藥材味。配菜非常多，基本上唔使加配料都已經好夠飽，有好甜嘅杞子、紅棗、生菜、豆卜、腐竹、蟲草花同農米雞。農米雞好彈牙，雞味濃，真材實料。🐔椰子雞湯米線🐣椰子雞湯椰子味非常濃厚，仲見到有一粒粒椰絲。配料都一樣豐富：木耳、生菜、豆卜、腐竹同農米雞。朋友好鍾意個湯夠香甜。佢仲點咗隻溏心蛋，另外一碗咁上，入面加咗半碗仔雞湯。溏心蛋睇落都幾好咁，我就試飲咗d湯，應該係本身原味湯底，雞湯清甜，果然有料到食完米線最怕湯頭重味精，但呢度嘅湯真係飲晒都冇口乾。怕味精嘅人今次真係唔怕出街飲湯。下次都會想再來，試吓黑蒜雞湯同麻辣雞湯😋…Read More

大熱天時，日日都卅十幾度（氣溫），但都無阻香港人去🥘打邊爐。好耐無去老坑打邊爐，識食當然係點蕃茄蟹湯底啦😋🦀蕃茄蟹鍋明顯見到d蕃茄浮浮吓，蕃茄味特濃。入面有一整隻蟹，滾一滾，湯底更鮮甜。值得一提：加湯都係加蕃茄湯㗎，食到尾都仲好蕃茄🐂手切牛肉（小）(忘記了拍照）手切牛肉雖然點咗份細，份量好足，四個人都夠食。牛肉唔係嗰d脂肪多過肉一夾起就解體嗰種。係鮮牛肉🐂係鮮牛肉🐂係鮮牛肉🐂仲帶少少肥，好味四寶丸🍡四寶：牛🐮魚🐟蝦🦐墨魚🦑比較喜歡蝦及墨魚🐚花螺限量花螺，已熟，可以喺湯未滾時做小食，好味😋🌮韮菜餃 椰菜餃 （冇相）雲吞上次試咗韮菜餃同棷菜餃雙拼，鍾意佢菜夠多，隻隻餃都漲卜卜。今次再試雲吞，不過好失望😖好咸，又多味精。好彩係加單order，滾完個湯都咸晒。🥗雜菜蟹、湯同牛肉都好有水準，係最後個雲吞出事。下次都會再嚟，不過見雲吞怕怕。…Read More

好耐都冇去厚福街覓食喇！喺尖沙咀做完運動，一於去睇睇有咩好食。以前都成日去厚福街食糖水，今次嚟到糖水店轉咗鋪。初時都以為仍然賣甜品，因為飲品嘅餐牌非常吸引。再睇睇，有沙律意粉等咸點。朋友話運動後想食light d，所以就立刻入去。🍍大啡菇菠蘿沙律燒菠蘿香甜，仲有香脆多汁嘅大啡菇，兩樣都大愛😋加上沙律菜同蕃茄，顏色豐富，dressing份量剛剛好，一定係健康美味之選。🍔素牛漢堡+🍟蕃薯條素牛肉漢堡juicy，麵包鬆脆。通常burger都係配薯條🥔， 不過今次就配番薯條。食落香香甜甜， 亦都較為健康，因為番薯比較高纖。今次運動完，以食light d為主，冇叫飲品。但其實此店飲品比較出名，隔離枱order咗杯星夜，樣貌吸引，有機會會試試。…Read More

新都會剛剛裝修完，靚咗闊咗多咗店舖shopping。同朋友行完街已經九點要醫吓肚，但太夜唔想食飯太heavy，所以食吓粉麵。朋友話呢間芽莊午餐晚餐menu一樣，價錢一樣，晚餐感覺抵食d🤣入到去咁晏都仲有好多人。🍝炸魚餅撈檬炸魚餅幾牙，檬粉幼身夠爽口。不過與其叫「魚餅」，不如叫「 魚蛋」，外貌比較似剪開咗嘅鯪魚球😂🍆燒茄子蝦沙律本來想食個熱嘅芥蘭做菜，不過售罄了。芥蘭幾抵食(記得係$46)，咁抵食九點幾售罄都不足為奇。燒茄子清清甜甜都好好味😋🥗燒牛肉米紙卷米紙卷其實同撈檬相似，但朋友好想食所以點咗一份。米紙薄薄較黏，每次夾起都會黏住隔離嗰舊，不過薄薄嘅米紙都冇穿，十分柔韌。食物味道ok，Service都ok!…Read More

特然好想食pancake，又諗起尖沙咀K11呢間長期都要排隊嘅Pan de Pain。立刻要去潮一潮聖❤兩個人大約六點到，可能因為係尷尬時間（下午茶嫌太晏，晚餐又太早），所以都唔使等好耐就有位。點咗咸甜pancake各一款😃另外有咖啡癮嘅朋友點咗杯Iced Latte☕🥑Smoke Salmon and Avocado Pancake咸味款揀咗smoke salmon加avocado，兩樣都係我最愛。Pancake薄薄地，幾鬆軟，唔係太過紮實食完會好飽滯嗰種。仲有蔬菜沙律加醋伴碟。🥞Apple Caramel Souffle👍🏻空氣感極高嘅疏乎厘，待應上菜時都分外小心，因為一路行疏乎厘就一路震滕滕。隔離枱都叫咗一份，就係因為個雪糕球喺短短嘅運送過程中，震到跌咗落嚟，要再整理先上菜。Souffle蛋味香滑，焦糖味剛剛好，唔會太甜。食落入口即溶，難怪溶化到唔少少女💖…Read More

牛頭角最近開咗間拉麵店鋪面裝修好靚，有大大個日式檔布喺櫥窗😉主要都係蛋同叉燒嘅配搭，可以揀清湯濃湯，仲有蔥同埋筍。如果唔鍾意蔥或者筍嗰浸味，可以走蔥走筍。上菜。。。🍜濃湯叉燒拉麵肉多到可以覆蓋住咗成個碗面😳不過叉燒都切到好薄，成完唔會滯🍜濃湯半熟蛋叉燒拉湯呢碗可以見到多d湯，湯味濃，質地好黏稠，碗面有一粒粒脂肪浮面。如果怕肥真係要三思🙊，不過越邪惡的，往往又係最好味的。朋友食清湯嘅都抵受唔住誘惑，要掙住返啖濃湯，話濃湯較好味又唔會咸，難怪永遠都係濃湯先沽清。叉燒方面，呢碗肉較厚，所以唔使擔心肉太少會唔化算😁肉質都係冧滑嘅。如果想食得再刁鑽d，仲有限定慢煮叉燒。🍜 濃湯半熟蛋叉燒拉麵半熟流心蛋煮得剛剛好好😋麵質方面十分爽口彈牙，麵較粗身，唔會太幼，唔會林bet bet， 吸收咗啲湯仲更加好味。🥐自家製餃子總結：拉麵都好好食recommend濃湯拉麵👍🏻…Read More

秋風起🌫三蛇肥🐍又到食蛇嘅季節喇。今日經過牛頭角，天氣又涼涼地，一於入宜安街食蛇。呢條街有好幾間蛇鋪，不過地頭蟲朋友話要食呢間，話好家庭式同老闆娘夠friendly喎😂每人一個B餐。🐍蛇羹(細）🥄蛇湯🍚糯米飯盛惠$60另外A餐$90，有🐍大蛇羹🥄蛇湯及🍚糯米飯。而單點大蛇羹要$70，見隔離枱食大蛇羹真係超級大碗的😮仲有檸檬葉同薄脆無限供應！蛇羹內有冇5蛇就唔識數，不過用料十足，見到大大片蛇肉！仲有木耳、雞肉，食到尾真係會料多過湯羹。如果唔食蛇羹糯米飯，仲有d套餐包🐍蛇湯、🍚單餸飯及🌱油菜，都只係$30，好經濟實惠。蛇湯有好香嘅當歸味，飲落有d似雞湯。食完覺得好補身又好味，成個人都暖笠笠…Read More

氣溫驟降，港人最愛的活動當然係打邊爐啦。今日難得入西環聚舊，打邊爐啱晒😉可以一邊食一邊傾偈。訂咗位八點半，都有大半坐滿。原來9：30有宵夜時段優惠，仲抵食。打邊爐除咗個爐之外，最重要當然係個湯底啦，有好多款式選擇😍花多眼亂，最後揀咗金銀菜白肺湯有好多菜，豬肺都有好多塊。水滾第一件事，飲下個湯先🥄飲吓飲吓沒咗一半，真係當咗自己飲湯😋火鍋醬料齊全🐮牛魔王拼盤得三個人，所以叫咗個細拼盤🐮本色極品手切牛頭脊🐂甘香牛柳粒🐃手切金錢🐄牛切肥牛仲送咗個牛胸尖俾我哋試（好大片白色嗰款），白色部份較肥，熟咗質地爽爽的，好有牛味，值得一試。不過大家最鍾意個牛脊，肥瘦適中、肉味濃而嫩。🛎3秒響鈴真係滾3秒就ok冇多冇少剛剛好🥐雙拼餃子爆芝帶子菜苗餃、南瓜餃餃的款式多，叫咗d平時少見嘅，好味👍🏻 丸會爆芝就食得多，餃子都爆芝，而芝士味唔會搶味😋❄冰豆腐🌱油麥菜🐽豬夏青食飽飽😋暖笠笠🔥大滿足🌟…Read More

是日家庭聚餐，家人選擇了這家飯店。大部份食客也是吃套餐的。我們五個人選了四人餐，另加了荷葉飯。🥒小閣青瓜青瓜爽脆，少許酸，少許辣味道好不好，見仁見智吧😅🐣雞絲粉皮芝麻多👍🏻麻醬香👍🏻但略嫌粉皮較碎🥄杏汁豬肺湯杏汁味濃一盅湯有4～5塊豬肺，還蠻多的🐽但湯有點鹹， 破壞了整體😫🍎 蘋果黑醋骨 蘋果爽甜，加上黑醋酸酸甜甜很惹味但感覺像把蘋果和肉放在一起，沒有融合🐓 瓦罉鼓油清遠雞這個太咸了😖完全不能吃🍀荷葉飯味道👌不會油膩但欠缺荷葉香氣🐟古法炆花尾躉魚...有點腥🌿濃湯鮮腐竹泡田園蔬清淡的菜蔬，湯沒有濃我們的套餐味道很一般原本選擇的其實是另一個套餐，但是套餐中的燒三層肉沒有了😑另加的荷葉飯，其實原本選了啫啫鮑魚煲的，但沒有鮑魚😕精明的食客應該有留意到，菜單上的二人餐是有鮑魚煲的，卻不能提供。其他食客大多選了二人餐，鮑魚換了蝦🦐如果沒有食材，何不把菜單修改？食物味道一般，有很大的改善空間不致於要給劣評但這個價錢應可有更好的選擇…Read More

Jollibee係菲律賓有名嘅快餐店，姐姐們十分喜愛。紅磡分店終於都開咗喇，今日約friend home party，一於買外賣加加餸😙試吓佢點解咁為人喜愛。下午十二點幾去到，都已經好多人，排隊差少少就要排出門口。食物選擇都係以套餐為主，今日只係想買炸雞，散叫只有一個選擇：一桶雞$105/7件（3件雞膇+4件雞胸）。炸雞好香🐥雞肉好嫩好juicy一咬d汁立刻流出嚟🤤外皮就算係外賣唔係即食都但仲到卜卜脆！就算買完成個鐘先食，都冇油淋淋👍🏻朋友都一致好評，下次可以再encore😋…Read More

灣仔有兩間Coffee Academics，朋友office附近喺附近，近d就揀咗呢間食。放工時間，人唔多，happy friday都唔駛等位。平時有試過嚟飲咖啡，今次試吓食物。🥗Crab and Avocado Salad🍟Curly Fries with Dips Trio食薯條其實係因為想食d醬，仲有三款🍯Honey Mustard🥗Mayonnaise🍛Curry🌮Crispy Fish Fillet Tacos食魚柳好怕佢有腥味或者雪味呢個完全冇問題👌🏻芒果莎會莎汁酸酸甜甜幾醒胃不過記住要趁熱食，唔係粟米餅底會變'淋'同較油膩🍰Coffee Crepe Cake 🏝Coconut TripleCrepe cake咖啡味濃☕但餅皮好厚😔Coconut triple唔會太甜🍬味道剛剛好食物不錯，但比較欣賞咖啡☕晚餐飲咖啡怕瞓唔著，下次都係食lunch/tea。…Read More

中秋過後，氣溫稍降。秋高氣爽，最適合去郊遊。今日約咗班friend 一行十人入南丫島行山，不過最開心嘅環節當然係食啦😋由榕樹灣行去索罟灣，路程輕鬆，沿途睇吓風景、影吓相，慢慢行約兩小時到達。碼頭附近好多間海鮮店選擇，比價過後揀咗價錢合理嘅富記。🦑 椒鹽鮮魷因為太肚餓，食到一半先記得影相😅🦐 避風塘瀨尿蝦瀨尿蝦非常新鮮 ，肉厚鮮甜爽口， 肉質唔係好'淋'嗰種。好大隻，四隻都夠十個人share。外殼香脆，加上惹味嘅炸蒜，差啲想連殼都食埋😋🐚 蒜蓉粉絲蒸扇貝 扇貝大大隻 夠新鮮，豉油另上，所以唔怕粉絲吸得太多豉油而過鹹，不過唔點豉油都已經好好味。🍲 雜魚白菜豆腐蜆湯 個湯外表其貌不揚，不過店家特別推介，當然要試下。 鮮味十足， 用料豐富🐟 一魚兩食： 炒斑塊🐟 一魚兩食：炆班腩 炆斑腩比炒魚塊出色。好入味，唔會太咸或者太過油膩，粉亦唔會太厚🥗 郊外油菜🍚炒飯 🍍 咕嚕肉 雖然今餐係海鮮做主角，但係呢個咕嚕肉真係十分驚喜， 非常好味！ 粉漿薄，肉厚，仲加入新鮮菠蘿🍍 酸酸甜甜好開胃富記服務好好， 餸菜分量大大碟，個個都食飽飽，盡興而歸。…Read More

最近同事去澳門玩，談論起葡國菜，突然興起好想食。想食正宗葡餐又唔一定要坐船過大海嘅，有朋友推介過呢間咪走雞，而家仲由西貢搬咗出尖沙咀，非常方便。🍞橄欖多士坐低每枱都會有多士同橄欖。多士好脆，可以用嚟配牛尾食。🐂砵酒炆牛尾牛尾炆得好冧好入味， 個汁好濃郁， 蘿蔔等配菜都好出色。夾住多士食連汁都撈埋唔會嘥😋。🧀 爆芝馬介休球馬介休球就食得多，有芝士係入面嘅都係第一次食。 炸得香香脆脆，外皮唔會太厚身。Size比普通馬介休球大一倍，砌開有好多芝士流出來。 本身係芝士控，所以勁like呢個爆🧀馬介休球👍🏻🍝葡式海鮮意粉味道酸酸甜甜好開胃，海鮮好多，用料十足。食完主菜當然要試下甜品啦試咗兩款熱嘅甜品：🍞葡式西多士葡式芝士多士加上砵酒肉桂醬🍞外脆內軟，好香口。食起上嚟，完全唔覺得油膩。🍴 廚師專業推介就咁睇個名雖然唔知佢係乜，不過真心推介呢個甜品😋 脆薄嘅酥皮紙包住香軟嘅香蕉，再加入咗薑汁， 估唔到香蕉同薑係可以咁match㗎！最後加埋凍冰冰嘅雲呢拿雪糕，成個甜品非常之有層次。可惜訂枱時冇預訂埋🐷葡式烤乳豬， 下次有機會會再試。 是次推介：🐂砵酒炆牛尾🧀爆脂馬介休球🍴廚師專業推介…Read More