iiiiiier's Profile

食過都幾多次，味道普通除咗一個疑似老闆嘅男人好有禮貌之外大部分職員都冇乜service可言但漏單/ 出錯單問題真係經常出現一次叫餃子配米線米線先嚟，但餃子漏單到朋友食晒都冇嚟最後食咗個幾鐘⋯⋯今次就叫煎餃，但整咗湯餃同職員反映，職員就問我哋介唔介意照食減返$2都費事再等，所以就算啦照要跟住職員又話不如我俾多一隻湯餃你咁我就唔使俾返$2你咁麻煩我就是但啦，你鍾意啦點知職員又突然之間話一隻餃都冇剩啦，冇得比我咁OK囉，俾返$2我囉過咗一陣，就有職員擺低一隻湯餃話因為已經整咗⋯⋯⋯⋯⋯⋯⋯⋯⋯⋯大佬你玩晒啦最後冇食佢哋夾硬擺低嘅餃子到俾錢時又話因為我要-$2所以要我俾現金我俾八達通好麻煩唔知點樣扣返兩蚊要我去隔離舖頭俾錢⋯⋯⋯⋯⋯…Read More

10點幾經過諗住食個快快嘅早餐叫咗兩份普通沙嗲牛肉麵加火腿餐肉多士點知等15分鐘先有塊火腿餐肉沙嗲牛肉麵等足20分鐘先上仲聽到附近枱話等咗半個鐘嚟到原來只係叫咗腸仔公仔麵⋯⋯但又好神奇，有遲嚟嘅客叫咗羊腩煲午餐（職員講明要等耐啲，起碼15-20分鐘）都仲快過我嘅即食麵職員話：「有幾慢呀！差唔多啦！」原來係我唔啱，茶餐廳早餐煮20分鐘係正常啦係我無理取鬧搞到等20分鐘，趕時間食咗7分鐘就走平時啲茶餐廳20分鐘內已經食完加還埋枱⋯⋯…Read More

嚟附近做嘢，是但揀咗間餐廳嚟食，心諗魚蛋粉差極有限。碗河粉比出面餐廳大碗。正想拎筷子開餐時，發現所有筷子都黐立立⋯ 立到用乾紙巾抹都抹唔到，會直接整爛張紙巾⋯⋯我見識少，真係未見過/摸過咁黐立立嘅餐具。見到已經想嘔。而碗湯河可以話冇味，魚蛋偏林同爛，唔爽口。好彩有蔥可以送粉嚟食。唔知係咪我唔識貨，食晏時間竟然都keep住有客！？仲會有好評！？咁嘅質素、味道、衛生情況$10我都唔想畀，何況一碗要$40⋯⋯ …Read More

睇過呢度食評唔差就諗住試吓叫咗豬頸肉魚湯米線like咗社交平台兩點後仲可以送兩件魚腐不過阿姐態度好有問題問佢係咪會送魚腐佢就好不滿咁答：「咁你㩒咗未吖！？」唔想送就唔好寫出嚟啦碗米線又唔係好食過人豬頸肉又硬又乾好食都話串得起吖何況完全唔覺好食唯一好嘅地方係唔使等，幾分鐘就有野食而魚腐就其實係魚肉或者見係送就求其執兩舊野畀我就算到畀錢走人都一句「唔該」/「多謝」都冇想畀人鬧或入嚟受罪就要嚟試下啦…Read More

成日經過都見唔少人食，今次終於幫襯試吓。叫咗大門特製同大門拉麵。呢度冇得指定麵嘅硬度，心諗都唔緊要啦，正正常常就得。入座時只有大概三枱顧客。落單後慢慢等到餐廳滿座。中途聽到有客人專程早到幫家人攞位，表示平時好快滿座。後來等到新入座嘅客人都有得食，我張枱都仲係冇野嚟🥲 通知職員後，原來係廚房搞亂咗啲單。但如果樓面職員都留意下啲客人的話，可能就唔使等半個鐘先可以開餐🤦🏻‍♂️🤦🏻‍♀️唔知係咪因為催過單，兩碗拉麵嘅麵都非比尋常咁硬⋯ 真係冇食過咁硬嘅拉麵！！！唔太清楚大門拉麵嘅湯sell咩特點。但飲落就冇豬骨味，反而非常重鰹魚（粉）味。雖然價錢比同商場內嘅拉麵店平，不過質素麻麻。見Openrice咁多好評，唔通係因為我黑仔🥲…Read More

同朋友第一次嚟食穩陣啲叫好基本嘅香茅雞翼豬扒飯同埋海鮮炒金邊粉加$2要埋杯凍檸茶同奶茶首先嚟嘅係兩杯凍飲未試過飲一杯咁難飲嘅檸茶⋯⋯佢得個色但完全冇味，唔知自己飲緊乜就算我勁頸渴但係都飲唔落朋友嘅凍奶茶都係一樣，不過佢直頭叫職員收咗佢轉罐裝汽水⋯—————————食物都係令人失望豬扒薄到紙咁又乾又硬呢個價錢都唔期望質素有幾高但都唔係差到咁嘅⋯我寧願冇雞翼，都想要一塊厚啲又唔乾嘅豬扒啲豬肉乾同雞翼又完全撈唔晒啲飯嚟食—————————職員又將朋友叫嘅海鮮金邊粉落錯做豬頸肉金邊粉而味道就唔意外⋯⋯相都唔想影—————————總結成餐最好味嘅，就係豬扒飯嘅現成酸汁鍾意酸汁撈飯就唔好錯過…Read More

不久就會來吃燒肉。每次感覺都很不錯。過去的星期六再次光顧晚間放題。進店前每位客人都需要先量體溫；臨入座前更提醒客人有需要的話可使用店內提供的酒精搓手液，十分周到。週末客人較多，且面對著像「餓鬼」們的客人，店員仍能保持服務水準，有禮貌有耐性，非常值得加許！…Read More

19:15入座，19:30落單。4人點了炸雞、牛肉石頭鍋飯、三文魚丼、三色丼及雜錦魚生丼。第一二道熱食等了大概10-15分鐘就到。其餘就需要45分鐘⋯附近其他食客都等到鼓噪。如果只論價錢的話是很划算的。但店內2至3個店員服務質素都需要改善：眼見兩位店員在我用餐1小時15分鐘內，4次上錯食物給客人，一位聲也不出就直接拿著食物轉身離開、另一位就質疑客人說：「X號台喎？」很明白將貨就價的意思，但等候時間這麼長，又遇著不太禮貌的店員，實在難免感到不滿及失望。勸大家未感肚餓時就好入座以及慢慢享受…Read More

平時經過好多次，終於嚟試下。叫咗極上牛蓋飯同牛扒蓋飯。兩個蓋飯外表上都差不多，「極上」就多隻生蛋同類似沙津醬嘅汁。牛扒蓋飯啲牛扒上面全部都係飯素；飯上醬汁就好甜；啲飯係普通香米；牛扒就係⋯冇味嘅。因爲啲汁同飯素嘅關係，仲愈食愈鹹。至於極上牛蓋飯，基本上係冇分別，只係牛肉有味啲。日式料理唔係用珍珠米，有點奇怪。另外牛扒已經冇乜味，仲要加上偏多飯素同偏甜醬汁，令我唔知自己食緊啲乜。加少少飯素作裝飾係可以嘅，但加咁多飯素感覺係對自己嘅料理冇乜信心。以呢個質素，兩個蓋飯真心太貴。希望食店可作改進。…Read More