泰迷你廚房

同朋友第一次嚟食
穩陣啲叫好基本嘅香茅雞翼豬扒飯同埋海鮮炒金邊粉
加$2要埋杯凍檸茶同奶茶

首先嚟嘅係兩杯凍飲

凍檸茶

未試過飲一杯咁難飲嘅檸茶⋯⋯
佢得個色但完全冇味，唔知自己飲緊乜
就算我勁頸渴但係都飲唔落
朋友嘅凍奶茶都係一樣，不過佢直頭叫職員收咗佢轉罐裝汽水⋯

—————————

食物都係令人失望

香茅豬扒雞翼飯

豬扒薄到紙咁
又乾又硬
呢個價錢都唔期望質素有幾高
但都唔係差到咁嘅⋯
我寧願冇雞翼，都想要一塊厚啲又唔乾嘅豬扒
啲豬肉乾同雞翼又完全撈唔晒啲飯嚟食

—————————

職員又將朋友叫嘅海鮮金邊粉落錯做豬頸肉金邊粉
而味道就唔意外⋯⋯相都唔想影
—————————

總結
成餐最好味嘅，就係豬扒飯嘅現成酸汁
鍾意酸汁撈飯就唔好錯過