fionawong811's Profile

一直都好想去試下呢間餐廳，位於大角咀，其實好鬼近地鐵站，本來諗住快快脆落地面開google map搵，點知一落去就見到佢。我係生蠔刺身愛好者！而呢間嘅生蠔未至於話有好多好多款，今次去就係有三款，法國 🇫🇷 西班牙🇪🇸愛爾蘭🇮🇪 ，而當中愛爾蘭嗰款生蠔，我係一定會返去再食！首先size嚟講都幾好肉，入口海水味係夠嘅，但又唔會好似吞左啖海水咁喊，鮮味剛好到位，味道幾creamy 老闆叫我地食完其他兩個地區，最後食呢款，應該就係咁嘅原因，食完成個口都係生蠔嘅鮮甜味，講起都想返去啪多幾隻。另外間鋪仲有啲特色玩法，威士忌配生蠔，同埋bloody mary浸生蠔，唔係講笑，都幾夾。不過溫馨提醒，揸車或者酒量極差既，點威士忌配生蠔嗰時要注意返，真係有一shooter 嘅威士忌架～bloody mary入口時小小辣，但係無後勁嘅，過一下癮又唔會令你keep住辣，幾爽同埋個味幾特別，好食的：）除左生蠔其實餐牌上面都有唔少海鮮刺身，例如珍寶帶子，海膽等等，不過各位訂位前最好訂定，因為餐廳唔算太大，為左保持所有食材新鮮，應該唔會預太多食材，訂定最穩陣，我就食唔到個海膽啦有少少失望，下次會訂左再去，但珍寶帶子高質！絕對新鮮！最後講一講塊牛扒，28天熟成，味道中上，值回票價！同埋都幾大塊。。我同男朋友兩個人一齊食都夠飽，不過可能因為我地啪左好多生蠔，哈哈…Read More

唔記得影野飲，我叫咗青檸菠蘿冰，好醒胃但又唔酸，係清新嘅感覺，就算食辣野都解到渴🤓好少喺泰國菜鋪頭有牛排食， 瞬間覺得好特別🤘🏻車厘茄好開胃，牛小排無生熟程度揀，點少少汁食落仲juicy，醬汁有少少辣，但平時無食開辣嘅人都會接受到👍🏻 除咗牛排，仲叫咗唔同串燒，雞腎爽口，為咗令雞全翼神食得方便啲，會幫你斬開兩節，同埋燒得幾嫩滑😋不得不讚蒜蓉包，平時會配埋咖哩一齊食，但今次淨係單叫咗每人一塊，一上枱就聞到好香，食落外皮脆口，包軟綿綿，真係外脆內軟👏🏻👏🏻 就算無任何配搭都好好味，要encore最後仲叫咗馬拉盞通菜同燒原隻魷魚，通菜夠爽，用馬拉盞好容易重手就會煮到好咸，但呢到控制得好好，唔配飯食都無問題～一上台見到咁大隻魷魚，由心嘩咗出嚟，睇相都見到唔會燒到乾爭爭，咬落仲有少少汁，原配個醬汁好辣👀 最後用牛扒嗰個醬都OK 夾🤣甜品當然唔少得芒果糯米飯，芒果好甜配埋熱辣辣暖粒粒嘅糯米飯，一凍一熱真係好正🏔️…Read More

考慮咗好耐到底食2人餐定 $248 任食餐，最後大家都想食牛，就決定叫任食🐮🐷🍟白湯紅湯都係西餐常客，紫湯真係第一次飲🤣 都算有驚喜 飲得出好足紫薯味，有啲未溶曬，變咗紫薯蓉，口感level up👍🏻👍🏻 但略嫌只有紫色，加小小綠色點綴會更加吸引😛😝龍蝦配鵝肝多士係惟一無得任食，一人一份，不過我唔食鵝肝，所以都無咩所謂。龍蝦啲肉都爽口，唔錯牛扒第一次叫咗5成熟，但上枱比較似7成，同相象有偏差🤫 但第二次同職員溝通後，佢建議我地叫3成熟，上枱感覺好好多😬😬 小建議，大家想食5成可以叫3成熟😜 甜品以精美做賣點，一啖食落肚，食多都唔覺肥😎 以呢個傾位任食，其實都算抵🤩🤩…Read More

Chilli lime 淨係個Menu都有10幾頁，Drink menu 都超過30款，緊有一款啱你口味。 椰青配搭迷你紙傘有Fusion 嘅感覺，但重點唔係外型，係椰青夠清甜，飲落好舒服😌唔好以為個蟹肉炒飯分量好少，兩個人食都會覺得飽，因為廚師👨‍🍳係會壓實啲飯，務求令你飽肚同滿足，蕃茄仔酸酸地，食落仲野味😋泰式炒蜆啲蜆大大粒，配埋秘製醬汁，醒胃提神🤣🤣 就算唔食辣都味都可以接受，好味小食仲有叫埋燒魷魚🦑，個醬沖簡直畫龍點精👀 平時魷魚多數都係食個口感，但今次除咗口感好之後，個泰式辣醬辣到連魷魚都覺得入味，兩樣野配合得好好👍🏻芒果糯米飯係用咗幾款唔同糯米整成，有唔同口感🙂 芒果雪得冰涼，一凍一熱，正呀🥳…Read More

好耐無食上海老家喇，其實呢排我除咗返工都實際非常唔想外出，感覺除咗屋企同公司，每一個地方都好高危🥴🥴但我今晚實在唔想煮飯，唯有落街食個快飯，餐廳環境清潔，令我安心啲🙂🙂乾煸四季豆 $78 加咗少少辣椒🌶️，好惹味。炒四季豆火候啱啱好，唔會令到啲豆太腍，每條四季豆都充滿辣味，好爽口🤣🤣楊州炒飯一如既往有菜、蛋、叉燒同火腿粒，大大碟，兩個人食啱啱好。不過如果啲飯再少油啲，應該會仲健康🥰🥰難得外出食飯，可以叫多少少，留嚟聽日中午帶飯，減少外出機會🙃🙃…Read More

自己一個人住，煮個飯都好鬼麻煩，我有時懶得煮就會落街食，求其打發一下又一餐。個日我就行遠啲去睇下有咩好食，就見到呢間喜咖哩。呢間意外地好食，可以話係出乎我意料之外既好食，我ORDER左一份蕃茄湯雞翼螺絲粉，我好中意佢既雞翼，又香調味又教 得啱啱好，咬開入面仲好juicy，最重要既係熟既一啲都唔紅，我以前試過係某棧食過唔熟既雞翼，好死唔死個時仲係禽流感既時候，可以話係我一生既惡夢😷😷唔單止佢既雞翼，佢既螺絲粉同蕃茄湯都係超正，蕃茄湯茄味濃郁，好鮮酸酸甜甜好開胃，螺絲粉軟硬適中，真係唔錯食😋…Read More

我發現左一間車仔面既魷魚超級超級好食😎。呢間阿太車仔面既醬汁魷魚有D辣，佢攞D魷魚去炆，炆到入晒味，而個少少辣將個魷魚既味道再進一步昇華，就好似漏左一片既puzzle咁，個辣就將個洞補番上去，成件事就變我好完美，真係好鬼正🤤🤤。除左個完美魷魚之外，我order左米線生菜同豬頸肉，佢個豬頸肉又係好鬼好食，個調味調得好好，攞去襯個面咸度啱啱好，又唔會肥膩，又爽，可以話係好高質，而且面既份量都幾大份，可以話食到飽飽，$36食到咁飽就好抵食，我推薦呢間阿太車仔面比各位弟兄姐妹。…Read More

今日帶男朋友去食左朋友介紹既中式粉面既餐廳，order左一份咖哩鮮牛坑腩飯同一份軟滑牛筋河，夾埋只係$99！其實如果兩個人去食既話都幾抵食。我最鍾意食既就係咖哩牛腩，呢一間既牛腩可以入我食過既咖哩牛腩既頭三位。佢既咖哩好濃好醇好滑，十分容易入口，唔會得個辣字，可以食到其他香料既味道，感覺好好，呢個咖哩汁攞黎送飯真係一級棒。而我男朋友就order既個份牛筋河，真係同佢個名一樣，啲牛筋真係好較滑，而且仲炆得好入味，超級好食，真係估佢唔到。我會再同我男朋友黎食架!…Read More

之前有一日屋企得我一個人，其他人全部出晒去，我一個毒毒只好出去解決我既晚餐。反正得自己一個，就行遠少少去食下啲平時冇乜點食既野。係網上搵附近有啲咩食發現左呢間泰國餐廳，就打算試下。間舖既裝修唔錯，燈光又夠又坐得舒服，啲位唔逼比左我好大既好感。我就落單要左一碟黃咖喱椰汁雞($78)再加一份辣椒膏炒花甲($92)。我剩係可以講，好鬼好食!!!碟花甲炒得好香好可口，火候啱啱好得黎唔會老，而且吐沙吐我好乾淨，基本上冇食到一粒沙，好食到我停唔到口。而個咖哩雞更係絕品，香料足味道濃，啲雞又滑又嫩，攞黎送飯簡直係一流。除左雞之外仲有牛呀豬同雜菜比你揀，你想食咩口味都得。睇黎下次又得我一個人既時候去邊到食已經有答案啦，我要MARK抵佢既位置下次黎試下個咖哩牛。…Read More

第一日去新公司報到，放lunch唔知道食乜好，就近入左呢間試下。叫左份34蚊既烤雞扒蕃茄意大利飯另配一份38蚊既脆炸雞翼配雜果薯仔沙律。一個午餐就平平地100蚊有得找，作為午餐黎講算係有啲奢侈，不過其實淨係叫個飯就真係抵到爛。我最中意係個蕃茄意大利飯，蕃茄同飯果然係絕配，酸酸地勁開胃，仲有啲瓜係入面令到個飯有唔同既口感，件雞扒仲要幾Juicy。作為一個30幾蚊既Lunch黎講可以比90分。另一份炸雞翼調味岩岩好，唔會太咸同埋夠曬脆，而個沙律都好好食，奶味夠濃郁，作為飯後小菜可以話係一流。呢間既CP值好高，強推!…Read More

未夠7點已經滿場，好彩我地6點就到，唔係就要等位🤨🤨 睇餐牌有7款唔同牛嘅部位可以揀，職員會好主動介紹唔同部位嘅特點俾你聽，有啲油脂豐富啲，有啲就牛味重啲，任君選擇。 每塊扒都會放喺岩石上面，由廚師用封煎方法煎至一成熟，鎖住肉汁，生熟程度又食客自行決定😛😛我比較鍾意有啲油香嘅部位，所以我就食牛側腹扒 200g ($128) 加$30就有五選三套餐（飯🍚/薯條🍟/湯🥣/沙律🥗/飲品🥤 ）唔好睇少200g，食完相當飽🥰 牛側腹比起西冷冇咁爽，但油脂較為豐富🧐同行朋友就食西冷，同樣200g 但就$118，牛味比較濃，肉稍為實啲，經封煎方法鎖住肉汁，配埋廚神特製紅肉牛肉汁，好夾👍🏻👍🏻至於湯方面，有別於普通嘅麵豉湯，佢係加埋蜆肉落去煮，份外鮮甜🥣無講裝修，服務態度定食物質素都好值得回頭，唔怪得我食食下都聽到隔離枱話係第二、三次返嚟食🤣😍…Read More

有時夜晚想得食得簡單啲也想平平地，去吓附近既茶餐廳都係幾好嘅選擇😉呢間喺觀塘既雅苑小食一向都係我既平民飯堂，當想食啲家常菜就會嚟呢度打躉😃每個餸都係六七十蚊到，兩個人食兩碟餸都基本上已經好足夠☺菜遠炒牛肉（$68）一睇就知抵食，菜同肉比例接近一比一，菜又唔會炒到老哂又苦咁，牛肉雖然唔係咩勁野，但都嫩滑，調味都唔錯👍🏻👍🏻滑蛋炒蝦仁（$68）蛋係名乎其名咁滑，處於啱啱好狀態，真係唔簡單架😙😙蝦仁算大同好爽口，兩者都好夾吓，加埋啲葱一齊炒，夠哂香味🤤餐廳夠寬落，主要卡位為主，嚟呢度食個簡單晚餐都可能relax吓😌😌…Read More

喺門口見到menu嘅選擇都幾多下，基本的泰式菜式都有。決定試一試佢🤪🤪我地兩個人食唔到好多野，但小食拼盤是必點之選，因為可以試多幾款唔同嘅小食😗😗，炸物炸出嚟唔會太乾身，亦唔會太油，食多幾件都無問題。馬拉盞炒菜，平時食炒通菜就多，今次試下炒菜苗，原本以為菜苗炒完出嚟份量會好炒，但原來都幾大份，唔鐘意食太硬嘅就啱晒。食泰國菜必飲椰青，呢度嘅椰青size都大隻，飲落好清甜，好解渴。主食就叫左個菠蘿炒飯，菠蘿酸度好夠，撈埋啲飯食真係好正！份量都好足夠，兩個人食都夠晒飽！性價比嚟講都ok，下次可以食埋燒魷魚🦑…Read More

每一間餐廳都會有自己嘅招牌菜，原點嘅招牌甜品就係 — 水果心太軟😍😍 成個擺碟都睇得出廚師👨‍🍳嘅心思😉 心太軟一啲都唔陌生，但一直俾我嘅感覺係太甜🤐 流心朱古力往往會令人食完個甜品要狂飲水😖 但招牌不愧為招牌，一改我以往印象🤓 心太軟嘅外圍偏淡加埋流心朱古力🍫，成件事好match，再配埋凍冰冰嘅曲奇雪糕（可以揀唔同口味），🧊🔥交融，必食甜品我喺menu見唔到有士多啤梨千層蛋糕🍰呢個選擇，但喺門口未入去之前就俾櫥窗嘅佢吸引住🤣 就咁睇呢個蛋糕有20層，每一層個比例都好平均，所以食落一啲都唔會膩，cream好滑，pancake好軟，唔使一分鐘已經被我KO🙂 原本喺門口見到有8件，到我離開嗰陣得返四件😅 想食嘅要把握機會呀🤗🤗…Read More

天氣突然急降，大家出門要著多件衫保暖呀😘😘行街行到凍一凍，食返底即叫即整雞蛋仔保暖先😎 朱古力🍫雞蛋仔咬開真係有朱古力粒喺入面，比原味多咗一重口感，外脆內軟，煙煙韌韌買完見到推廣，又加單買多咗一底期間限定口味—紫薯蕃薯🍠😍 呢款比朱古力仲真材實料，啖啖都食到紫薯，又不乏蛋香，好夾食紫薯口味配埋紫薯牛乳特飲，簡直天衣無縫🤩 紫薯打成蓉又有少許紫薯粒，每飲一啖都好均勻飲到紫薯加牛乳，又唔會太甜，好好飲👍🏻港式小食真係點食都停唔到口，尤其啱曬呢種初冬天氣食🥰 暖入心…Read More