fai83102000's Profile

作為香港其中一個最頂級的商場，裏面的店舖亦都是有返一定質素的，今次到了主打韓國經典菜式的SURASANG。九龍站一上去，就會見到，圓形的招牌份外給吸晴。裝修以深色為主調，配上柔和燈光，非常雅致和很有氣氛。餐廳預先準備了一碟醋漬前菜，用上大豆芽，菠菜，辣八爪魚，酸甜爽辣，非常開胃。牡丹蝦配海膽巨型的牡丹蝦配上甘香的海膽，入口溶化，雙重鮮味，齒頰留香。熟成泡菜布拉塔用上意大利嘅burrata 水牛芝士， 配合埋自家製嘅熟成泡菜， 香辣嘅韓式泡菜加豬肉快炒， 配上味道溫和的布拉塔芝士再加上紫蘇葉提味， 滲出陣陣清香， 口感層次豐富。韓國牛胸肉頂級韓牛加上皇帝菜，店員會喺客人面前烹調，韓牛油香氣四溢，再用牛胸肉滲出嘅油黎炒熟香菇、泡菜、韭菜等配菜。牛胸肉油花豐富，入口即溶，點上之前介紹嘅秘製麻油令牛胸肉味道更佳。最後店員還會用剩下的配料炒一個糙米飯，這個糙米飯吸收了這盤牛的所有精華，非常邪惡。辣八爪魚拌麵 韓式冷伴麵，爽彈的八爪魚份量十足，配上預先伴好的麵條，爽辣兼備。泡菜芝士炒年糕韓國經典國民小食，泡菜辣度剛好，加上邪惡的芝士，簡單得來非常美味！整晚店員服務有禮，人均消費六百多，這個價錢在頂級商場吃到非常高質的韓國菜，實在難得！…Read More

今日黎到銅鑼灣行個大運费 费諗住搵地方坐下chill 下。平時啲cafe 唔係末開就係爆棚，點知係時代廣場附近仲有間末變熱點既小店可以有位坐低食個 tea。室内環境很好，好似去咗意大利咁，好多位置都適合打卡。order 左2款 Burger 古代漢堡 Cauldron Burger麵包鬆軟，芝士上面綠色既香草醬好特別，能夠同牛肉相輔相成，仲有新鮮既蕃茄同生菜，牛肉亦保留咗唔少肉汁，牛味濃。煙肉芝士牛肉漢堡 Bacon Cheese Burger食肉獸至愛國灣煙肉，牛肉，芝士，蕃茄，生菜，經典組合，無得輸Iced Long Black啡味不算太濃，慢慢飲，Chil住坐一流Iced Latte奶奶既比例偏多，味道正常Iced Cappuccino同Latte一樣，奶偏多，喜歡奶味重既可以一試。…Read More

今日係元揾食，友人推介芝加哥串燒，一於入去試下！地方行大，但坐位闊落，有室內室外，啱晒鍾意呼吸嘅朋友！這裏以串燒為主，仲有幾十樣各式各樣的酒類飲品，啱晒鍾意飲酒傾偈嘅朋友！厚燒鰻魚，鰻魚外皮燒得很香脆，份量十足，魚肉亦很滑！原條燒茄子，基本上每枱都會點，蒜香味十足，不會過油，很有風味！用冰杯裝上的kirin 啤酒，係夏日炎炎真係透心涼！厚燒牛舌外皮燒得很香脆，入面亦很爽嫩！人均消費二百多元實在難得！店家座位不多，限聚令下繁忙時段要等位都係值得的！…Read More

元朗食泰菜嘅地方有好多，不過好似泰國咁寫意嘅户外地方就唔算好多，今次去咗尚泰太，係市中心又比到你置身於泰國感覺。有戶外戶內位置，門口啱晒放狗或呼吸嘅人。呢到主打泰北菜，款式算多，午餐下午茶亦非常抵食，幾十蚊有交易！豬雞串燒，沙嗲汁非常香濃，燒得焦香，仲有粒粒花生香！香葉肉碎煎蛋飯，必點泰菜，肉碎炒得乾身，辣得過癮。冬陰功湯粉，酸辣爽快，味道非常濃郁，幾十蚊就有交易，份量十足。泰國梳打，夠酸又夠甜，夏日炎炎簡直透心涼😋。餐廳環境闊落，日日都有特價菜色，真係非常抵食，難怪下午茶都幾乎全場爆滿！…Read More

老友生日，揀咗佢最愛嘅日本菜，今次想飲下酒，食下日本嘢，今次選擇了銅鑼灣的-鳥居。地點十分方便，係銅鑼灣澳門逸園中心17樓，坐地鐵坐巴士都一樣方便。呢度好多特色清酒，$600以上仲做緊買一送一，平均$300已可以一人一大支，自己出去買都唔止啦😂月之玉響蜜瓜香氣，味道清新帶辛口配搭，肉類、串燒最好不過！越鶴純米大吟釀 無過瀘原酒，入口甘香，米香味十足有酒飲梗係要有肉食啦。先來一份麻醬蟹肉菠菜，簡單得來卻10分開胃。有酒飲梗係要有肉食啦。呢度signature係燒牛舌，目測厚度過 1 cm，肉質煙韌有彈性、牛味濃郁又多汁。海膽伴冷稻庭烏冬來自加拿大嘅海膽入口即溶，加上幼滑煙韌的冷稻庭烏冬，簡單得來非常之鮮味，加埋鵪鶉蛋即磨芥辣甜豉油味道更佳！燒紐西蘭產蟶子 新鮮甜美大大隻，厚肉有咬口，伴以日本香蔥及牛油蒜頭香，齒頰留香。薩摩雞翼一夜干非常香口，已風乾一夜的雞皮燒起來很脆，雖然看似簡單，但係很考功夫。自家製免治雞肉棒 雞肉棒沾上蛋汁一齊食，雞串內有雞軟骨，有咬口又有好香雞味，佐酒一流。燒鵝肝，燒鵝肝真係好少食到，有焦香味道，入口溶化，極之美味！一人一支酒，人均消費都係幾百蚊，真係非常難得，服務員非常細心，主動斟酒，加茶亦非常快，很不錯了！…Read More

在K11見到一間極具人氣的chatterbox cafe,這裏主打新加坡菜，原來也是米芝蓮星級推介。鑊氣炒貴刁，貴刁加入甜醬油炒香，食落夠晒惹味👍🏻 用料高級豐富，入面有唔少大蝦、kings size帶子、魷魚、臘腸及白飯魚仔，極之豪華！豬肉沙嗲6串 $98 少許焦香，肉質爽口入味，配上香濃的沙嗲醬，加上爽口的翠玉瓜和洋蔥，惹味又不肥膩！文華海南雞飯
幾乎每枱都會點呢道菜。雞肉慢煮方式烹調，肉質嫩滑，雞皮爽薄，配上辣椒醬、薑蓉和特製黑醬油，更有風味。這裏的雞會去掉肥油，所以怕肥嘅朋友絕對啱食，油飯粒粒分明，非常香口，冬瓜雞湯清澈得來非常入味，整個飯都非常出色，不愧為米芝蓮推介！人均消費不到$200，就能吃到高級星馬菜式，地方舒服乾淨而且位於高級商場，實在值得翻桌！…Read More

香港食片皮鴨嘅地方有好多，但正宗[北京]派系既就應該冇乜幾間。今次到了古琴雅苑。喺尖沙咀太子集團中心，地鐵站行過去都係幾分鐘就到位置非常方便。這裏是師係承北京正宗[全聚德]這家百年老店！有多款二人，四人套餐選擇，各有特色。必點主菜。即烤片皮鴨。配料用上京蔥，哈密瓜，青瓜絲等等，再加上自家製烤鴨甜醬，砂糖，酸梅漿，黑醋等多款調味料。和在北京的吃到的一樣！烤鴨啖啖肉，鴨皮烤得非常香口，皮脆肉嫩，荷葉餅厚薄適中，用了蒸紙分隔，非常細心，令食既時候唔會黐住黐住！金腿濃湯津白香濃的奶油全被津白吸收，每一口都非常多汁入味，即使將菜吃完了，還會想把那奶油汁喝完。四喜烤麩是上海食店中的一道餐前冷盤小食,自已當去上海食店時都很喜歡點這小食,食材中有烤麩.毛豆.雲耳及冬菇,更會有冬筍，這冷盤十分適合夏天進食,喜歡素食的朋友不可錯過呀!人均消費不到$300，已經可以食到北京味道，實在難得！…Read More

慶祝周年紀念，選擇了太太最喜歡的日本鐵板燒，今次到了尖沙咀的三日月。套餐由五百多至一千多都有。先來前菜是黑醋海葡萄雜菜沙律，非常開胃！刺身三點盛，今次有赤身，油甘魚和赤蝦，非常厚切，口感和鮮味都極好！北海道厚岸蠔，肥大肉厚，海水味濃郁，加上少少酸汁，很易入口。三文魚子蒸蛋，非常幼滑，普通得來十分矜貴。巨型帆立貝，輕輕香煎保留了帆立貝的原有鮮味！鐵板銀鱈魚，煎得香口，鮮味無比，加埋特製奶油醬汁，又香又滑！和牛一點也不肥，肉味香濃，七成熟剛剛好！鐵板炒飯，炒得乾身，火候十足！最尾一個芝麻雪糕，非常完美！師傅會詳盡解釋來源和做法，十分專業！員工收碟加茶都非常快，服務周到，人均幾百元很不錯呢！…Read More

位於灣仔街市後面，裝修擺設日式簡約，一早book咗枱，可以坐上吧枱，能夠與師傅互動，看到食材的製作方法。點了$1500元的廚師發板，能夠吃到當季最新鮮的日本各地的即送食材，仲可以加$200配上精選清酒，非常抵飲！前菜北海道蕃茄，爽甜又juicy，沖繩水雲加蟹肉，酸甜開胃。水母頭刺身，非常爽口，松葉蟹高蟹肉豆腐，豆味十足。北海道粒貝，鮮味十足。燒平貝加七味粉，灸燒過的帆立貝，厚肉帶點焦香，配上紫菜一齊食，十分爽脆。新鮮銀魚仔，極度罕有，魚味濃郁。活赤貝，爽口無比。喜之次，炙燒過，魚味濃郁再帶一點魚油焦香味。琵琶蝦,肉質爽實，非常鮮味。新鮮湯業，非常香嘅豆未。白見貝，口感爽脆。牡丹蝦刺身加蝦膏，十分甘香。兵庫室津啱蠔，配酸汁，爽口重海水味, 非常creamy。賴尿蝦，原條蝦膏，非常罕有。活北記貝，師傅會將貝肉撻一下，令到極速擴張和收縮，爽口無比。獅魚腩，本身獨有的魚香味，肉質鮮嫩，令人回味。岩手縣新鮮海膽，加上特製鰹魚高湯啫喱三文魚子，三文魚子，粒粒飽滿,海膽入口即溶，配上三文魚子自身鹹味已經非常鮮味。吞拿魚醬油漬加黃馬糞，醃製過肉質會變得綿身 ，入口香嫩鮮香。南非包魚，配上特製的蟹膏麵豉醬，爽口彈牙，清爽！。燒拖羅，完全冇根，入口即溶，拖羅魚油味香濃。北海道毛蟹配海膽，時令嘅北海道毛蟹，肉質一絲絲，加上濃郁的海膽，口感天然甘香。北海道白海膽，海膽軟绵甘香，入口甘香，海膽味濃郁。最後再有自家製的雪糕，不會太甜，今晚畫上一個圓滿句號。整晚都是吃着最新鮮的時令海鮮，師傅亦會詳細介紹來源和食法，這個價錢絕對值得呢！…Read More

真係好耐無去日本，好掛住日本的美食，於是去了炎丸水產感受一下。店舖的裝修好有日本居酒屋風格，乾淨企理同埋坐得舒服，店員的服務好殷勤！蟹籽蟹肉薯仔沙律大量蟹籽鋪面，沙律菜冰涼爽脆，很開胃！左口魚刺身肉質爽口，鮮甜，絕對好食過自助餐食到的刺身！焱丸號壽司四款壽司份量驚人，海膽魚籽同魚肉都好新鮮！可以滿足食軍艦口福！蟹味噌甲羅燒必點！極度推介！大量蟹膏，加上蟹肉蟹籽鵪鶉蛋一齊燒，甘香無比！店員控制火喉啱啱好，抵讚！岩手縣生蠔生蠔非常巨大！蠔味濃郁！配上少量汁醬亦都好夾。鮑魚殼燒鮑魚非常新鮮現燒確保新鮮。店員非常熟練燒的時間，火喉掌握得好好，鮑魚爽口彈牙。好多其他食客都有叫，絶對要試！人均不到$600就可以品嚐到日本直送食材，都係值得既！…Read More

今日同朋友去再來一煲試下個魔鬼辣雞煲招牌辣雞煲 用半隻走地麻雞 我地再加左四隻鮮鮑魚雞煲好足料 配料有紫洋蔥、雲耳、蒜頭、姜、四季豆、豆卜、加埋檸檬葉 雞煲香味更突出墨西哥辣椒 辣得來勁香 好惹味 雞肉好入味 帶小小甜味😋鮮鮑魚新鮮彈牙牛拼盤一碟有齊：安格斯封門柳、牛脷、手切牛、牛臉頰肉、滑牛加蛋、牛胸爽、牛筋丸和牛小排、可以吃到不同部位👍🏻最讚係個牛筋丸 非常之好食 彈牙爆汁😋新鮮即炸響鈴 就咁食酥脆、放落雞煲吸哂精華😋我叫咗一杯凍檸茶 超級大柸 啱晒我哋幾個朋友每人一杯一路食一路傾偈😋…Read More

今天和家人想吃辣嘢，朋友推薦到雞地的麻辣DOI地方整潔企理，大部份都係卡位，坐得舒適。牛肉香鍋少辣剛好，因為會越食越辣，另外會配四款配菜，金菇、蓮藕片、牛柏葉、肥腸，成煲上炒埋一齊非常豐富，配菜紅椒花生辣椒同洋蔥炒得爽口入味，肥腸乾身，足夠三個人食。口水雞 必點招牌菜，雞肉嫩滑，配上麻辣口味和甜美菜脯，非常正！乾煸四季豆四季豆炸得非常乾身，再加上半肥瘦肉碎，送酒必點。人均消費百多元，能吃到有水準的川菜實在難得！…Read More

一直bookmark左呢間鐵板燒，今日終於有機會同朋友黎試~ 一出lift就見到日本熊本和牛指定店證書，更加覺得冇簡錯😊 食鐵板燒最享受就係可以睇住師傅即席準備食物，呢度既安排都好貼心，坐邊一張枱都係可以望到師傅整野食。一坐低，職員就好快幫我地準備左玫瑰花茶，個杯仲幾靚添，幾有心思❤️ 黎到點都要食和牛，所以我地決定要虎鐵套餐: 牛油果海蝦沙律– 牛油果熟度啱啱好，海蝦亦都新鮮，合格✅ 蟹肉海膽松露溏心蛋– 呢個組合超級creamy! 松露唔會搶左蟹肉同海膽既鮮味，反而令到佢地冇咁單調。仲有金箔片喺上面，成個賣相都好精緻 火焰北寄貝– 師傅會黎加酒點火，再加上柏葉既香氣，真係令人食指大動! 鮑魚配蟹肉海苔醬– 用既係南非孔雀鮑，有成隻手掌咁大，唔會韌之餘仲要好爽，同埋就算唔點醬食都唔會冇味，想濃味D就可以加埋醬。另外仲有煎香左既鮑魚肝，冇鵝肝咁濃味亦都好香口，之後可以食雞冠草清一清味蕾 龍蝦配海膽醬- 龍蝦質素亦都好好! 爽滑彈牙，同個海膽醬好match 日本熊本A5和牛– 今日既重頭戲! 有薄切同厚切兩款，厚切油脂甘香，完全符合期望🤤 薄切加埋蔥蒜一齊食，幾特別亦都可以試到和牛既另一種風味 帶子豆腐鯛魚湯– 連續食左幾樣濃味既野之後，飲返呢個清甜既湯就清爽哂~ 黑松露三文魚子海膽杯炒飯– 我地影完相之後職員好貼心咁提議幫我地上返隻碟度食會客易食D，抵讚! 呢個飯都幾驚喜，非常香口，真係會食唔停😆 鐵板梳芙厘雪糕- 梳芙厘係用鐵板整，幾特別，加上抹茶雪糕絕對係一個完美既句號! …Read More

坐得舒適嘅小炒王喺東涌想食大排檔，雖然選擇不多，但今次反而非常有驚喜！朋友帶我哋去咗大嶼山醫院隔離嘅大頭蝦，地方非常隱蔽，店內環境熱鬧，侍應服務亦很快，還會推介有乜好食。必點炭燒燒鵝燒鵝皮脆肉嫩，不會過肥，配上自家製酸梅醬，非常開胃蜜汁薯仔牛柳粒配料很多，炒得很有鑊氣，薯仔乾身，十分出色。蜜桃沙拉蝦球 蝦球入味，啖啖肉，西蘭花不會過火喉，份量適中。滷水拼盤豬肚爽口，雞腳鴨腎鴨腳滷得入味，值得一試！上湯浸莧菜，火候控制得剛剛好，翠綠爽口人均消費不到貳佰圓，食到水準鑊氣小炒實在難得！…Read More

可以8人食飯，緊係要去户外燒下野食、比小朋友玩下。唔想煩，又唔想去街市買野，就緊係去燒烤場啦！今次揀左鴻運燒烤煌，朋友之前都贊過，大人細路都好啱玩！大人入場費180，小童100,包一支水/一罐飲品，收費合理！個場好大，容納到過千人。小朋友專區，動靜佳宜，可以跳下彈床，籃球， 又有得彈琴， 有滑板車有單車，最重要係免費任玩！有個大空地，有公園比小朋友跑，玩，爬！至於食物方面，種類都有好多，雞亦都好大隻！咖喱魷魚好厚肉入味！罐裝飲品都係$10，抵飲！路口亦有啤酒賣！場好大， 小朋友多嘢玩， 食物味道亦不錯👍，會再黎。門口仲有大大個停車場，交通方便！…Read More